അലി ബിൻ അബീത്വാലിബ്
 |
വിക്കിപീഡിയയുടെ ഗുണനിലവാരത്തിലും, മാനദണ്ഡത്തിലും എത്തിച്ചേരാൻ ഈ ലേഖനം വൃത്തിയാക്കി എടുക്കേണ്ടതുണ്ട്. ഈ ലേഖനത്തെക്കുറിച്ച് കൂടുതൽ വിശദീകരണങ്ങൾ നൽകാനാഗ്രഹിക്കുന്നെങ്കിൽ ദയവായി സംവാദം താൾ കാണുക. |
| അലി ബിൻ അബീത്വാലിബ് | |
|---|---|
| ഖലീഫ (ദൈവത്തിന്റെ പ്രതിനിധി) | |
| ഭരണകാലം | 656 സി.ഇ. – 661 സി.ഇ. |
| പൂർണ്ണനാമം | അലി ബിൻ അബീത്വാലിബ് |
| പദവികൾ | അമീറുൽ മുഅ്മിനീൻ (വിശ്വസികളുടെ നേതാവ്) ദൈവത്തിന്റെ സിംഹം |
| ജനനം | 600 മാർച്ച് 17 |
| ജന്മസ്ഥലം | മക്ക |
| മരണം | 661 ജനുവരി 28 (പ്രായം 62) |
| മരണസ്ഥലം | കൂഫ |
| മുൻഗാമി | ഉഥ്മാനുബ്നു അഫ്ഫാൻ |
| പിൻഗാമി | മുആവിയ ഇബ്നു അബൂസുഫ്യാൻ |
| ജീവിതപങ്കാളികൾ | ഫാതിമ, ഉമ്മുൽ ബനീൻ |
| മക്കൾ | ഹസൻ ഹുസൈൻ സൈനബ് ബിൻത് അലി |
| മതവിശ്വാസം | ഇസ്ലാം |
ഇസ്ലാമിലെ നാലാമത്തെ ഖലീഫയാണ് അലി(അറബി= علی ).പ്രവാചകൻ മുഹമ്മദിന്റെ പിതൃവ്യനായ അബൂ ത്വാലിബിന്റെ പുത്രനും,പ്രവാചകന്റെ പ്രിയപുത്രി ഫാത്വിമയുടെ ഭർത്താവുമാണ് അദ്ദേഹം. ക്രിസ്തു വർഷം 600 ൽ മക്കയിൽ ജനിച്ചു.മാതാവ് ഫാതിമ ബിൻത് അസദ്.പിതാവാണ് ഉന്നതൻ എന്നർത്ഥമുള്ള അലി എന്ന പേര് അദ്ദേഹത്തിന് നൽകിയത്.പിതാവിന്റെ പേര് കൂടി ചേർത്ത് അലി ഇബ്നു അബീ ത്വാലിബ്(അബീ ത്വാലിബിന്റെ മകൻ അലി) എന്നാണ് മുഴുവൻ പേര്.[1]
ഉള്ളടക്കം |
[തിരുത്തുക] ബാല്യം
ഖുറൈഷി ഗോത്രത്തലവനും കഅബയുടെ പരിപാലകനുമായിരുന്നു അലിയുടെ പിതാവ്.അലി ചെറുപ്പമായിരിക്കുമ്പോൾ മക്കയിൽ കടുത്ത വരൾച്ചയും ക്ഷാമവുമുണ്ടായി.തന്മൂലം വലിയൊരു കുടുംബത്തിന്റെ നാഥനായ അബൂ ത്വാലിബിനുണ്ടായ സാമ്പത്തിക ഞെരുക്കം ലഘൂകരിക്കാൻ അദ്ദേഹത്തിന്റെ സഹോദരന്മാരായ ഹംസഃയും അബ്ബാസും അലിയുടെ സഹോദരന്മാരായ ത്വാലിബിന്റെയും, ജഅ്ഫറിന്റെയും സംരക്ഷണ ചുമതല ഏറ്റു.അലിയുടെ സംരക്ഷണം അന്ന് പ്രവാചകത്വം ലഭിച്ചിട്ടില്ലാത്ത മുഹമ്മദും ഏറ്റെടുത്തു.അങ്ങനെ മുഹമ്മദിന്റെ വീട്ടിൽ അദ്ദേഹത്തിന്റെ ശിക്ഷണത്തിൽ വളർന്നതിനാൽ അലിക്ക് ഉന്നത സ്വഭാവ ഗുണങ്ങൾ അഭ്യസിക്കാനായി.[2] പത്ത് വയസ്സ് പ്രായമായ സമയത്ത് ഇസ്ലാം മതം സ്വീകരിച്ചു,കുട്ടികളുടെ കൂട്ടത്തിൽ ആദ്യമായി ഇസ്ലാം സ്വീകരിച്ചത് അലിയാണ്.[3]
[തിരുത്തുക] യൗവ്വനം
പ്രവാചകൻ മുഹമ്മദിനെ വധിക്കാൻ ശത്രുക്കൾ വീട് വളഞ്ഞപ്പോൾ പ്രവാചകന്റെ വിരിപ്പിൽ പകരം കിടന്ന് മുഹമ്മദിന് മദീനയിലേക്ക് കുടിയേറാൻ സഹായിച്ചത് അലിയാണ്. പിന്നീട് മക്കക്കാർ മുഹമ്മദിന്റെ കൈവശം സൂക്ഷിക്കാൻ ഏല്പിച്ച മുതലുകൾ ഉടമകൾക്ക് കൈമാറിയ ശേഷമാണ് അലി മദീനയിലേക്ക് പോയത്. മദീനയിലെത്തിയശേഷം തന്റെ മകൾ ഫാത്വിമയെ മുഹമ്മദ് അലിക്ക് വിവഹം ചെയ്തു കൊടുത്തു. അന്ന് അലിക്ക് 24 വയസ്സും ഫാത്വിമക്ക് 19 വയസ്സുമായിരുന്നു പ്രായം[4]. തബൂക്ക് യുദ്ധം ഒഴികെ എല്ലാ യുദ്ധത്തിലും നബിയോടൊപ്പം പങ്കെടുത്തു.തബൂക്ക് യുദ്ധ വേളയിൽ മദീനയിൽ പ്രവാചകന്റെ പ്രതിനിധിയായി നിൽക്കാൻ പ്രവാചകൻ കൽപ്പിച്ചു.ധീര യോദ്ധാവ്,ഉന്നത പണ്ഡിതൻ,പ്രഗല്ഭ പ്രാസംഗികൻ,ഐഹീക വിരക്തൻ എന്നീ നിലകളിൽ പ്രശസ്തനായിരുന്നു.’ഇഹത്തിലും പരത്തിലും നീ എന്റെ സഹോദരൻ ‘ എന്ന് അലിയോട് പ്രവാചകൻ പറഞ്ഞിട്ടുണ്ട്.
[തിരുത്തുക] ഭരണം
നബിക്കു ശേഷം നേതൃത്വം നബിയുടെ കുടുംബമായ ബനൂ ഹാശിമിന് ലഭിക്കണമെന്ന് പിതൃവ്യൻ അബ്ബാസും മറ്റ് കുടുംബാംഗങ്ങളും ആഗ്രഹിച്ചിരുന്നു. സമൂഹ നേതൃത്വം തനിക്ക് ലഭിക്കുമെന്ന് അലിയും പ്രതീക്ഷിച്ചിരുന്നു. എന്നാൽ സിദീർഘമായ ആലോചനകൾക്കും സംവാദങ്ങൾക്കും ശേഷം അബൂബക്കറിനെയാണ് പ്രവാചക ശിഷ്യന്മാർ പ്രഥമ ഖലീഫയായി തെരെഞ്ഞെടുത്തത്.പിന്നീട് അബൂബക്കർ മരണപ്പെട്ടപ്പോഴും രണ്ടാം ഖലീഫഉമർ മരണപ്പെട്ടപ്പോഴും പ്രായം കുറവായിരുന്നതിനാലും അവസരം ഇനിയും ലഭിക്കും എന്നതിനാലും അദ്ദേഹം ഒഴിവാക്കപ്പെട്ടു[5]. പീന്നീട് മൂന്നാം ഖലീഫ ഉസ്മാൻ വധിക്കപ്പെട്ടപ്പോൾ മുസ്ലിംകളിൽ ഭൂരിഭാഗവും അലിയെ നേതാവായി തെരെഞ്ഞെടുത്തു. രാജ്യത്ത് നീതിയും സമാധാനവും സ്ഥാപിക്കുന്നതിന് അദ്ദേഹം കഠിനാധ്വാനം ചെയ്തു.[6]
[തിരുത്തുക] മരണം
പ്രഭാത നിസ്കാരത്തിന് പോകുന്ന വഴിക്ക് വെച്ച് ഖവാരിജുകളിൽ പെട്ട ഒരു വ്യക്തി അലിയ്യിന്റെ നെറ്റിതടത്തിൽ വെട്ടി,അതു കാരണം മൂന്ന് ദിവസത്തിനകം അദ്ദേഹം മരണപ്പെട്ടു.
[തിരുത്തുക] ഇതും കൂടി കാണുക
[തിരുത്തുക] അവലംബം
- ↑ http://www.islam4theworld.net/Sahabah/Ali%20ibn%20Abu%20Talib%20R.htm
- ↑ http://islampadasala.com/index.php?option=com_content&view=article&id=617&Itemid=1173
- ↑ http://www.onislam.net/english/reading-islam/my-journey-to-islam/historical-biographies/409295-first-muslim-child.html
- ↑ http://www.witness-pioneer.org/vil/Articles/companion/11_ali_bin_talib.htm
- ↑ ഇസ്ലാമിക വിജ്ഞാന കോശം ,വാള്യം 2 പേജ് 766-767.(മെയ് - 1997) പ്രസാ: ഐ.പി.എച്ച്. കോഴിക്കോട്.
- ↑ http://www.jewishvirtuallibrary.org/jsource/biography/talib.html
