സൂഫി
ഇസ്ലാം മതത്തിലെ യോഗാത്മക ആത്മീയധാരയാണ് സൂഫിമാർഗ്ഗം (സൂഫിസം). ഇത് അനുഷ്ഠിക്കുന്നവരെ സൂഫി എന്നുവിളിക്കുന്നു. അള്ളാഹുവിനെ പ്രാപിക്കുന്നതിന് നേരിട്ടുള്ള വ്യക്തിപരമായ അനുഷ്ഠാനങ്ങളിലൂടെയേ സാധിക്കൂ എന്നും, ആത്മനിയന്ത്രണത്തിനുള്ള കഠിനമായ ആചാരാനുഷ്ഠാനങ്ങളിലൂടെ അള്ളാഹുവിലേക്ക് കൂടുതൽ അടുക്കാം എന്നും സൂഫികൾ കരുതുന്നു. രാത്രിധ്യാത്തിന് ഇടക്കിടെ മുഹമ്മദ് നബി ഒരു ഗുഹയിലേക്ക് പോകുന്ന ഉദാഹരണമാണ് ഇക്കൂട്ടരുടെ പ്രേരകശക്തി. എന്നിരുന്നാലും മൗലിക ഇസ്ലാമികവാദികൾ സൂഫിമാർഗ്ഗത്തെ അംഗീകരിക്കുന്നില്ല.
കമ്പിളി എന്നർത്ഥമുള്ള സൂഫ് എന്ന പദത്തിൽ നിന്നാണ് സൂഫി എന്ന വാക്കുണ്ടായത്. ആത്മനിയന്ത്രണത്തിന്റെ ചിഹ്നം എന്ന രീതിയിൽ ആദ്യകാല സൂഫിവര്യന്മാർ ധരിച്ചിരുന്ന കമ്പിളി വസ്ത്രങ്ങളിൽ നിന്നാണ് ഈ പേരുവന്നത്.[1] ഔലിയ, വലി തുടങ്ങിയവ സൂഫികളെ കുറിക്കാനുപയോഗിക്കുന്ന ഇസ്ലാമിക പദങ്ങളാണ്. ദൈവത്തിന്റെ സഹൃത്ത് എന്നാണ് വിവക്ഷ.
ഇസ്ലാമിന്റെ മൗലിക ആചാരക്രമങ്ങളിൽ നിന്നും വ്യത്യസ്തമായി, സംഗീതവും നൃത്തവുമുൾപ്പടെയുള്ള കലകൾ ഉൾപ്പെടുത്തിക്കൊണ്ടുള്ള ആരാധനാരീതിയാണ് സൂഫികളുടേത്. തുർക്കിയിൽ ജീവിച്ചിരുന്ന പ്രശസ്തനായ സൂഫി, റൂമിയുടെ അനുയായികൾ ആചരിക്കുന്ന കറങ്ങിക്കൊണ്ടുള്ള നൃത്തം ശ്രദ്ധേയമാണ്.
ഉള്ളടക്കം |
ഭാരതീയരായ സൂഫികൾ [തിരുത്തുക]
സൂഫി മാർഗ്ഗം ഇന്ത്യയിൽ ഏറെ പ്രചരിച്ചത് മുഗൾ ഭരണകാലത്താണ്. ഹൈന്ദവ ചിന്തയും ഇസ്ലാമിക ആദ്ധ്യാത്മികതയും കൂടി ചേരുന്ന ഒരു സവിശേഷ ആത്മീയധാരയായിട്ട് ഭാരതീയ സൂഫി ചിന്ത വളർന്നു. ജന്മം കൊണ്ട് ഭാരതീയനല്ലെങ്കിലും ഇന്ത്യയെ കർമ്മഭൂമിയാക്കിയ മൊയ്നുദീൻ ചിഷ്ത്തി മുതൽ ബ്രിട്ടീഷ് ഭരണക്കാലത്തെ ഷാ വലിയുല്ലാഹ് ദഹലവി വരെ നീളുന്ന സൂഫി ചിന്ത ഇന്ത്യയുടെ സാഹിത്യ്, സംഗീത സാംസ്ക്കാരിക മേഖലകളിൽ ചെലുത്തിയിട്ടുള്ള സ്വാധീനം വലുതാണ്.
പ്രസിദ്ധരായ ചില ഭാരതീയ സൂഫികൾ [തിരുത്തുക]
- മൊഈനുദ്ദീൻ ചിശ്തി ( 1141-1230) അജ്മീറിലെ പ്രസിദ്ധ്മായ ദർഗ്ഗ ഇദ്ദേഹത്തിന്റേതാണ്.
- ഭക്തിയാർ കാക്കി (1173-1235)
- ഫരീദ് ഗഞ്ചശക്കർ (1173-1266)
- നിസ്സാമുദ്ദീൻ ഔലിയ (1238-1325)
- അഹമദ് സർഹിന്ദി (1564-1624)
ഇതും കാണുക [തിരുത്തുക]
അവലംബം [തിരുത്തുക]
- ↑ Dilip Hiro (2009). "Chapter 1 Turkey : From militant secularism to Grassroots of Isam". Inside Central Asia - A political history of Uzbekistan, Turkmenistan, Kazakhstan, Kyrgistan, Tajikistan, Turkey and Iran. New York: Overlook Duckworth. pp. 83. ISBN 978-1-59020-221-0. http://books.google.co.in/books?id=ZBfv-BSbwJcC&dq=Inside+Central+Asia&hl=en&ei=s90VTeuDG4OIrAfjh7TFCw&sa=X&oi=book_result&ct=result&resnum=1&ved=0CCsQ6AEwAA.
