അൽ-ഗസ്സാലി

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇസ്ലാമിക തത്വചിന്തകൻ
പേര്: അബൂ ഹാമിദ് മുഹമ്മദ് ഇബ്നു മുഹമ്മദ് അൽ ഗസ്സാലി
Title: Imam of the Abode of Emigration
ജനനം: {{{birth}}}
മരണം: {{{death}}}
Maddhab: Sunnah
Main interests: തത്വചിന്തസൂഫിസം
കൃതികൾ: Revival of Religious Sciences, The Incoherence of the Philosophers
സ്വാധീനിച്ചത്: Fakhruddin Razi, Maimonides[1] Thomas Aquinas, Raymund Martin, Nicholas of Autrecourt, Shah Waliullah[2] Abdul-Qader Bedil

ഇസ്ലാമിക മതപണ്ഡിതനും കർമ്മശാസ്ത്രജ്ഞനും ദാർശനികനും ജ്യോതിശാസ്ത്രജ്ഞനും മനഃശാസ്ത്രജ്ഞനുമായിരുന്നു അബൂഹാമിദ് മുഹമ്മദിബ്നുമുഹമ്മദ് അൽ ഗസ്സാലി (1058-ഡിസംബർ 19, 1111)[3][4]. (ഹിജ്റ വര്ഷം 450-505)സൂഫിയായിരുന്ന അദ്ദേഹം പേർഷ്യയിലെ ഖുറാസാൻ പ്രവിശ്യയിലെ ത്വൂസിലാണ്‌ ജനിച്ചതും മരണമടഞ്ഞതും. സുന്നി ഇസ്‌ലാമിലെ ഏറ്റവും പ്രശസ്തരായ പണ്ഡിതന്മാരിലൊരാളാണദ്ദേഹം. തത്വചിന്തകന്മാരുടെ അയുക്തികത എന്ന ഗ്രന്ഥത്തിലൂടെ ഗ്രീക്ക് സ്വാധീനമുണ്ടായിരുന്ന ഇസ്‌ലാമിക അതിഭൗതികതയിൽ നിന്ന് ഇസ്‌ലാമികതത്ത്വചിന്തയെ വേർതിരിക്കാൻ അദ്ദേഹത്തിനായി. സംശയത്തിന്റെയും അജ്ഞേയതയുടെയും രീതികളുടെ ആദ്യപ്രയോക്താവായി അദ്ദേഹത്തെ കരുതുന്നു.

വില്യം മോണ്ട്ഗോമറി വാട്ട് മുതലായ ചരിത്രകാരന്മാർ മുഹമ്മദിന്‌ ശേഷമുള്ള ഏറ്റവും മഹാനായ മുസ്ലിമായി അദ്ദേഹത്തെ വിശേഷിപ്പിക്കുന്നു[5]. നിയോപ്ലാറ്റോണിക് തത്ത്വചിന്തയുടെ ഖണ്ഡനത്തിലൂടെ അതിനെ ഇസ്‌ലാമികലോകത്തുനിന്ന് തുടച്ചുനീക്കുവാൻ ഗസ്സാലിക്ക് സാധിച്ചു. അക്കാലത്തെ യാഥാസ്ഥിതിക ഇസ്‌ലാമിനെ സൂഫി പാരമ്പര്യവുമായി അടുപ്പിക്കുവാനും അദ്ദേഹത്തിനായി. യാഥാസ്ഥിതികരും സൂഫികളും രണ്ടു വഴിയിൽ തന്നെ തുടർന്നുവെങ്കിലും ഒരു വിഭാഗം മറ്റൊന്നിന്റെ അനുഷ്ഠാനങ്ങളെ പൂർണ്ണമായി അപലപിക്കുന്ന രീതി അവസാനിച്ചു. ഗ്രീക്ക് തത്വശാസ്ത്രത്തിന്റെയും തർക്കശാസ്ത്രത്തിന്റെയും കടന്നുകയറ്റം മുലം ഇസ്ലാമിന്റെ അടിസ്ഥാന വിശ്വാസപ്രമാണങ്ങൾ ബൌദ്ധികതലത്തിൽ ചോദ്യം ചെയ്യപ്പെട്ടു. മതത്തിന്റെ സർഗാത്മക ഭാവമായ ഇജ്തിഹാദ് ക്രിയാരഹിതമായി. സമൂഹം ബുദ്ധിപരമായ മരവിപ്പിനടിപ്പെട്ടു. ജീവിതത്തിന്റെ സമസിത തലങ്ങളിലും ഭൌതികപ്രമത്തതയും ധർമഭ്രംശവും പടർന്നു പിടിച്ചു. പ്രസ്തുത പശ്ചാത്തലത്തിലാണ് ഇമാം ഗസ്സാലി തന്റെ നവോത്ഥാന സംരംഭങ്ങൾക്ക് നാന്ദികുറിക്കുന്നത്.

ജീവിത രേഖ[തിരുത്തുക]

  • 450/1058 ഇമാം ഗസ്സാലി തൂസിൽ ജനിച്ചു
  • പഠനാവശ്യാർഥം നിശാപൂരിലേക്ക് യാത്രപോയി
  • 478/1085 അൽ ജുവൈനി (Imam al-Haramyan) എന്ന ഗുരുനാഥന്റെ മരണം. നിസാമുൽ മുൽക്കിന്റെ കാമ്പിലേക്ക് മടങ്ങി.
  • 484/1091 ബാഗ്ദാദിലെ നിസാമിയ യൂണിവേഴ്സിറ്റിയിലെ അധ്യാപകനായി.
  • 485/1092 നിസാമുൽ മുൽക്ക് ഖുറാസാനിൽ വെച്ച് കൊല്ലപ്പെട്ടു.
  • 488/1095 ബാഗ്ദാദിലെ നിസാമിയ വിട്ടു ( Dhu’l - Qa’da 488/ November 1095 ൽ).
  • 498/1105 സ്വന്തം നാടായ തൂസിലേക്ക് മടങ്ങി
  • 499/1106 നിസാമിയയിൽ അധ്യാപകനായി തിരിച്ചെത്തി.
  • 505/1111 ഇമാം ഗസ്സാലി അന്തരിച്ചു[6]

പ്രധാന പ്രവർത്തനം[തിരുത്തുക]

  1. ഗ്രീക്ക് ചിന്താധാരകളെ അഗാതമായ പഠനവിശകലനങ്ങൾക്ക് വിധേയമാക്കി യുക്തിയുക്തം ഖണ്ഡിച്ചു. തദ്ഫലമായി ഗ്രീക്ക് തത്വശാസ്ത്രങ്ങളുടെ സ്വാധീനം മുസ്ലിം മനസ്സുകളിൽ ഗണ്യമായിക്കുറഞ്ഞു.
  2. ഇസ്ലാമിക വിശ്വാസപ്രമാണങ്ങൾക്ക് യുക്തിപരമായ വ്യാഖ്യാനങ്ങൾ നൽകി.
  3. തന്റെ കാലഘട്ടത്തിലെ മുസ്ലിം അവാന്തര വിഭാഗങ്ങളെ സസൂക്ഷമം വിലയിരുത്തി ഇസ്ലാമും ജാഹിലിയ്യത്തും വ്യവഛേദിച്ച് കാണിക്കുകയും വ്യാഖ്യാന സ്വാതന്ത്ര്യത്തിന്റെ അനുവദനീയ സീമകൾ എടുത്തുകാണിക്കുകയും ചെയ്തു. യഥാർഥ ഇസ്ലാമിക വിശ്വാസങ്ങളും മിഥ്യാവിശ്വാസങ്ങളും വേർതിരിച്ചു.
  4. ഖുർആനിലേക്കും സുന്നത്തിലേക്കും ശ്രദ്ധ തിരിച്ചുകൊണ്ട് ഇജ്തിഹാദിന്റെ ആത്മസത്തയെ പുനരുജ്ജീവിപ്പിച്ചു.
  5. ജീർണത ബാധിച്ച വിദ്യാഭ്യാസ സമ്പ്രദായത്തെ വിമർശനാത്മകമായി പരിശോധിച്ചുകൊണ്ട് കാലഘട്ടത്തിന്റെ ആത്മാവിനോടിണങ്ങിയ പുതിയൊരു വിദ്യാഭ്യാസ പദ്ധതി ആവിഷ്കരിച്ചു.
  6. ജനങ്ങളുടെ ജീവിതരീതിയെ ഗ്രസിച്ച ധർമച്യുതിക്ക് പരിഹാരം നിർദേശിച്ചു. ഗസ്സാലിയുടെ മാസ്റർ പീസായി അറിയപ്പെടുന്ന ഇഹ്യാ ഉലൂമുദ്ദീൻ എന്ന മഹദ്ഗ്രന്ഥം ഈ രംഗത്ത് അദ്ദേഹം നൽകിയ സംഭാവനകളിൽപ്പെടുന്നു.
  7. നിലവിലുള്ള ഭരണസമ്പ്രദായത്തെ ധൈര്യസമേതം തുറന്നു വിമർശിച്ചുകൊണ്ട് അവയുടെ ഇസ്ലാമികമായ പരിവർത്തനത്തിനുവേണ്ടി ആഹ്വാനം ചെയ്തു. രാജാക്കന്മാരുടെ മനുഷ്യാവകാശ ധ്വംസനപരമായ മർദ്ദകഭരണത്തെ നിർഭയമായി വിമർശിച്ചു. ലോകത്തിന്റെ ഏതെങ്കിലുമൊരുഭാഗത്ത് ഇസ്ലാമികമായ ഒരു ഭരണകൂടം സ്ഥാപിതമായിക്കാണാൻ ഇമാം അതിയായി ആഗ്രഹിച്ചിരുന്നതായി ഇബ്നുഖൽദൂൻ തന്റെ മുഖദ്ദിമയിൽ എഴുതിയിട്ടുണ്ട്. മൊറോക്കയിലെ മുവഹ്ഹിദ് ഭരണകൂടത്തിന്റെ സ്ഥാപകനായ ഇബ്നുതൂമർതിൽ ഗസ്സാലീ ചിന്തയുടെ സ്വാധീനം പ്രകടമായിരുന്നു.[7]

പ്രധാന കൃതികൾ[തിരുത്തുക]

പ്രബോധനം ഇമാം ഗസ്സാലി പതിപ്പ്

ഫിലോസഫി[തിരുത്തുക]

  • മഖാസിദുൽ ഫലാസിഫ(Aims of Philosophers)
  • തഹാഫതുൽ ഫലാസിഫ (The Incoherence of the Philosophers)
  • മിയാറുൽ ഇൽമ് ഫീ ഫന്നിൽ മൻതിഖ് (Criterion of Knowledge in the Art of Logic)
  • മിഹാഖുൽ നസർ ഫിൽ മൻതിഖ് (Touchstone of Reasoning in Logic)
  • അൽ ഖിസ്താസുൽ മുസ്തഖീം(The Correct Balance)

തിയോളജി[തിരുത്തുക]

  • അൽ മുൻകിദ് മിനൽ ദലാൽ (Rescuer from Error)
  • ഹുജ്ജത്തുൽ ഹഖ് (Proof of the Truth)
  • അൽ ഇഖ്തിസാദ് ഫിൽ ഇത്തിഖാദ് (Median in Belief)
  • അൽ മഖ്സദ് അൽ അസ്നാ ഫി ശറഹ് അസ്മാ അളളാഹുൽ ഹുസ്നാ(The best means in explaining Allah's Beautiful Names)
  • ജവാഹിറുൽ ഖുറാൻ വ ദുറാറുഹ് (Jewels of the Qur'an and its Pearls)
  • മിശ്കാത്തുൽ അൻവറ്] (The Niche of Lights)

സൂഫിസം[തിരുത്തുക]

'

  • മീസാനുൽ അമൽ (Criterion of Action)
  • ഇഹ്യാ ഉലൂമുദ്ദീൻ, "Revival of Religious Sciences", Ghazali's most important work
  • ബിദായത്തുൽ ഹിദായ (Beginning of Guidance)
  • കീമിയായി സാദാത്ത് (The Alchemy of Happiness) [a resumé of Ihya'ul ulum, in Persian)
  • നാസിഹുൽ മുൽക് (Counseling Kings) [in Persian]
  • അൽ മുൻഖിദ് മിന ദ്ദലൽ (Rescuer from Error)
  • മിൻഹാജുൽ ആബിദീൻ (Methodolgy for the Worshipers)

നീതിശാസ്ത്രം[തിരുത്തുക]

  • ഗസ്സാലിയുടെ ഫത് വകൾ (Verdicts of al-Ghazali)
  • അൽ വസീത് ഫിൽ മതാബ് (The medium [digest] in the Jurisprudential school)
  • കിതാബു തഹദീബ് (Prunning on Legal Theory)
  • അൽ മുസ്തഫ (The Clarified in Legal Theory)
  • അസാസുൽ ഖിയാസ് (Foundation of Analogical reasoning)

അവലംബം[തിരുത്തുക]

  1. The Influence of Islamic Thought on Maimonides Stanford Encyclopedia of Philosophy, June 30, 2005
  2. Muslim Philosophy, Islamic Contributions to Science & Math, netmuslims.com
  3. Ghazali, The Columbia Encyclopedia, Sixth Edition 2006
  4. [1] Böwering, Gerhard - ḠAZĀLĪ entry in Encyclopaedia Iranica
  5. The Faith and Practice of Al-Ghazali. William Montgomery Watt. Published in 1953 by George Allen and Unwin Ltd, London. Pg 14.
  6. http://plato.stanford.edu/entries/al-ghazali/

കൂടുതൽ വായനയ്ക്ക്[തിരുത്തുക]

  • Laoust, H: La politique de Gazali, Paris 1970
  • Campanini, M.: Al-Ghazzali, in S.H. Nasr and O. Leaman, History of Islamic Philosophy 1996
  • Watt, W. M.: Muslim Intellectual: A Study of al-Ghazali, Edinburgh 1963
  • Zwemer, S. M. A Moslem Seeker after God, New York 1920
  • Nakamura, K. Al-Ghazali, Encyclopedia of Philosophy
  • Dougan, A. The Glimpse, A study of the inner teaching of the Mishkat al-Alwar (The Niche for Lights) by Abdullah Dougan ISBN 0-9597566-6-3

പുറത്തേയ്ക്കുള്ള കണ്ണികൾ[തിരുത്തുക]

Wikisource
Wikisource has original works written by or about:
Commons:Category
വിക്കിമീഡിയ കോമൺസിലെ Al-Ghazali എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:


"http://ml.wikipedia.org/w/index.php?title=അൽ-ഗസ്സാലി&oldid=2035765" എന്ന താളിൽനിന്നു ശേഖരിച്ചത്