ജയൻ ചേർത്തല

ഇംഗ്ലീഷ് വിലാസം

https://ml.wikipedia.org/wiki/Jayan_Cherthala

ജയൻ ചേർത്തല
ജനനം	ജയൻ ചേർത്തല കേരളം, ഇന്ത്യ
ദേശീയത	ഇന്ത്യ
തൊഴിൽ	നടൻ, ചലച്ചിത്രനടൻ.
സജീവ കാലം	2000 മുതൽ
അറിയപ്പെടുന്നത്	സീരിയൽ നടൻ, ചലച്ചിത്രനടൻ, ഡബ്ബിംഗ് ആർട്ടിസ്റ്റ്

ടെലിവിഷൻ പരമ്പരകളിലൂടെ മലയാളചലച്ചിത്രവേദിയിലെത്തിയ ജയൻ ചേർത്തല, ആലപ്പുഴ ജില്ലയിലെ ചേർത്തല താലൂക്കിലെ തണ്ണീർമുക്കം എന്ന കായലോരഗ്രാമത്തിൽ കുന്നത്തുവീട്ടിൽ രവീന്ദ്രനാഥൻ നായരുടേയും സരളാ ഭായിയുടേയും മകനായി ജനിച്ചു.

ആദ്യം സൂര്യ ടി.വി.യിലും തുടർന്ന് ഏഷ്യാനെറ്റ് ചാനലിലുമായി സംപ്രേഷണംചെയ്ത 'എന്റെ മാനസപുത്രി' എന്ന പരമ്പരയിലെ 'തോബിയാസ്' എന്ന കഥാപാത്രം ടെലിവിഷൻ പ്രേക്ഷകരുടെയിടയിൽ മികച്ച അഭിപ്രായംനേടി. 2001ൽ പുറത്തിറങ്ങിയ കാക്കി നക്ഷത്രം ആണ് ആദ്യ ചലച്ചിത്രം. എന്നാൽ 2005ൽ പുറത്തിറങ്ങിയ ചന്ദ്രോത്സവം ആണ് ഒരു അഭിനേതാവെന്നനിലയിൽ ജയന് പ്രേക്ഷകശ്രദ്ധ നേടിക്കൊടുത്തത്.

കലാജീവിതം

ദൂരദർശനു വേണ്ടി ഉല്ലാസ് സുകുമാർ സംവിധാനം ചെയ്ത 'വലയത്തി'ലൂടെയാണ് സീരിയൽ രംഗത്തേക്കു ജയൻ ചുവടു വച്ചത്. തുടർന്ന് ഡിക്ടറ്റീവ് ആനന്ദ്, സ്വപ്നം, അമ്മ മനസ്സ്, മേഘം, ഓമനത്തിങ്കൾപക്ഷി തുടങ്ങി വിവിധ സീരിയലുകളിൽ തിരക്കായി. സതീഷ് ശങ്കർ സംവിധാനം ചെയ്ത 'എന്റെ മാനസപുത്രി'യിലെ തോബിയാസ് എന്ന വില്ലൻ കഥാപാത്രം ജയനിലെ അഭിനയശേഷി പുറത്തുകൊണ്ടുവന്നു. ആജാനുബാഹുവായ ജയന്റെ 'തോബിയാസ്' മലയാളികളുടെ സ്വീകരണമുറികളിൽ നിറഞ്ഞാടി.

നിരവധി മലയാളചിത്രങ്ങളിൽ വില്ലൻ കഥാപാത്രങ്ങളെ അവതരിപ്പിച്ച ജയൻ മാന്ത്രികൻ എന്ന ചിത്രത്തിലൂടെ ഹാസ്യ കഥാപാത്രമായും വെള്ളിത്തിരയിലെത്തി.അൻപതിലധികം ചിത്രങ്ങളിൽ അഭിനയിച്ചു കഴിഞ്ഞ ജയൻ നൂറിലധികം ചിത്രങ്ങളിൽ ഡബ്ബിംഗ് ആർട്ടിസ്റ്റ് ആയും പ്രവർത്തിച്ചിട്ടുണ്ട് .

അംഗീകാരങ്ങൾ

2008ൽ ദുബായിൽ ഏർപ്പെടുത്തിയ അമ്മ അവാർഡ്, അതേവർഷം തന്നെ ഏഷ്യാനെറ്റ് അവാർഡ്, 2009ലെ അടൂർഭാസി അവാർഡ്, ക്രിട്ടിക്സ് അവാർഡ്, മികച്ച സഹനടനുള്ള അവാർഡ് എന്നീ അംഗീകാരങ്ങളും ഈ നടന് ലഭിച്ചിട്ടുണ്ട്.

ജയൻ ചേർത്തല അഭിനയിച്ച മലയാളചലച്ചിത്രങ്ങൾ

നം.	ചലച്ചിത്രം	വർഷം	സംവിധാനം	പ്രധാന അഭിനേതാക്കൾ
1	കാക്കി നക്ഷത്രം	2001	വിജയ് പി. നായർ	നിഷാന്ത് സാഗർ, ചാർമ്മിള
2	ചന്ദ്രോത്സവം	2005	രഞ്ജിത്ത്	മോഹൻ ലാൽ, മീന
3	മയൂഖം	2005	ഹരിഹരൻ	സൈജു കുറുപ്പ്, മംമ്ത മോഹൻദാസ്
4	അണ്ണൻ തമ്പി	2006	അൻ‌വർ റഷീദ്	മമ്മൂട്ടി, സിദ്ധിക്ക്, ഗോപിക
5	പ്രജാപതി	2006	രഞ്ജിത്ത്	മമ്മൂട്ടി , അദിതി റാവു
6	പരുന്ത്	2008	എം പദ്മകുമാർ	മമ്മൂട്ടി, ലക്ഷ്മി റായ്
7	രൌദ്രം	2008	രെൺജി പണിക്കർ	മമ്മൂട്ടി, രാജൻ പി. ദേവ്, മഞ്ജു
8	ലക്കി ജോക്കേഴ്സ്	2011	സുനിൽ	അനൂപ് മേനോൻ , അജ്മൽ, മീനാക്ഷി
9	ബോംബെ മാർച്ച് 12	2011	ബാബു ജനാർദ്ദനൻ‍	മമ്മൂട്ടി, ലാൽ, റോമ,ഉണ്ണി മുകുന്ദൻ
10	കൊട്ടാരത്തിൽ കുട്ടിഭൂതം	2011	കുമാർ നന്ദ, ബഷീർ	മുകേഷ്, ഷീല, ഗിന്നസ് പക്രു,ജഗതി ശ്രീകുമാർ
11	ബ്യൂട്ടിഫുൾ	2011	വി. കെ. പ്രകാശ്	അനൂപ് മേനോൻ, ജയസൂര്യ, മേഘന രാജ്,തെസ്‌നിഖാൻ
12	ദ കിംഗ് ആൻഡ് ദ കമ്മീഷണർ	2012	ഷാജി കൈലാസ്	മമ്മൂട്ടി, സുരേഷ്‌ ഗോപി, സംവൃത സുനിൽ
13	സിംഹാസനം	2012	ഷാജി കൈലാസ്	പൃഥ്വിരാജ്, സായികുമാർ, വന്ദന
14	മല്ലൂസിംഗ്	2012	വൈശാഖ്	ഉണ്ണി മുകുന്ദൻ, കുഞ്ചാക്കോ ബോബൻ, സംവൃത സുനിൽ
15	മാന്ത്രികൻ	2012	അനിൽ	ജയറാം, പൂനം ബജ്‌വ
16	ഒരു യാത്രയിൽ	2012	മേജർ രവി, പ്രിയനന്ദനൻ, രാജേഷ് അമനകര, വിനോദ് വിജയൻ, മാത്യൂസ്	ജയൻ ചേർത്തല, സുരഭി, ലക്ഷ്മി ഗോപാലസ്വാമി
17	ഹൈഡ് ആന്റ് സീക്ക്	2012	അനിൽ	മുകേഷ്, നടാഷ,
18	കാശ്	2012	സുജിത് സജിത്	രാജീവ് പിള്ള, ഗീതാ വിജയൻ
19	നത്തോലി ഒരു ചെറിയ മീനല്ല	2013	വി കെ പ്രകാശ്	ഫഹദ് ഫാസിൽ, റിമ കല്ലിങ്കൽ, കമാലിനി മുഖർജീ
20	പോക്കറ്റ് ലവർ	2013	സാജു എഴുപുന്ന	വിഷ്ണു മോഹൻ, മാളവിക, ടിനു ടോം
21	സെല്ലുലോയ്ഡ്	2013	കമൽ	പൃഥ്വിരാജ്, മംമ്ത മോഹൻദാസ്
22	റോമൻസ്	2013	ബോബൻ സാമുവൽ	കുഞ്ചാക്കോ ബോബൻ, ബിജു മേനോൻ, നിവേദ തോമസ്
23	പ്രോപ്രൈറ്റേഴ്സ് കമ്മത്ത് & കമ്മത്ത് ‌	2013	തോംസൺ	മമ്മൂട്ടി, ദിലീപ്, റിമ കല്ലിങ്കൽ