നിഷാന്ത് സാഗർ

ഇംഗ്ലീഷ് വിലാസം

https://ml.wikipedia.org/wiki/Nishanth_Sagar

നിഷാന്ത് സാഗർ
ജനനം	നിഷാന്ത് ബാലകൃഷ്ണൻ 1980 (1980) (44 വയസ്സ്) കോഴിക്കോട്
ദേശീയത	ഇന്ത്യൻ
തൊഴിൽ	നടൻ
സജീവ കാലം	1986 – ഇതുവരെ
ജീവിതപങ്കാളി(കൾ)	വൃന്ദ
കുട്ടികൾ	2
മാതാപിതാക്ക(ൾ)	ബാലകൃഷ്ണൻ പി.കെ.പുഷ്പ

നിഷാന്ത് ബാലകൃഷ്ണൻ (ജനനം 8 ജൂൺ 1980), പ്രൊഫഷണലായി നിഷാന്ത് സാഗർ എന്ന പേരിൽ അറിയപ്പെടുന്നു. പ്രധാനമായും മലയാള ചലച്ചിത്ര മേഖലയിൽ പ്രവർത്തിക്കുന്ന ഒരു ഇന്ത്യൻ നടനാണ്. നായകനായും സ്വഭാവനടനായും പ്രതിനായകനായും 50-ലധികം സിനിമകളിൽ അദ്ദേഹം അഭിനയിച്ചിട്ടുണ്ട്.

അഭിനയജീവിതം

1997ൽ വിജയ് പി നായർ സംവിധാനം ചെയ്ത ഏഴുനിലപ്പന്തൽ എന്ന ചിത്രത്തിലൂടെ നിഷാന്ത് സാഗർ മലയാള സിനിമയിൽ അരങ്ങേറ്റം കുറിച്ചു. എങ്കിലും ശ്രദ്ധേയമായ വേഷം കിട്ടുന്നത് 1999ൽ ബിജു വർക്കി സംവിധാനം ചെയ്ത ദേവദാസി എന്ന ചിത്രത്തിലൂടെയാണ്. തുടർന്ന് അദ്ദേഹം ബിരുദ പഠനം നടത്തുകയായിരുന്നു. 2000-ൽ ലോഹിതദാസ് സംവിധാനം ചെയ്ത ജോക്കറിൽ ദിലീപിനൊപ്പം അഭിനയിച്ചതോടെയാണ് അദ്ദേഹത്തിന്റെ കരിയറിൽ ഒരു വഴിത്തിരിവ് ലഭിച്ചത്. 2008-ൽ, സണ്ണി ലിയോണിനൊപ്പം പൈറേറ്റ്സ് ബ്ലഡ് എന്ന ഒരു ഇൻഡോ-അമേരിക്കൻ സിനിമയിൽ അദ്ദേഹം അഭിനയിച്ചു, എന്നിരുന്നാലും വിതരണ പ്രശ്‌നങ്ങൾ കാരണം ചിത്രം ഇന്ത്യയിൽ റിലീസ് ചെയ്തില്ല. ജോക്കറിനെ കൂടാതെ, തിളക്കത്തിൽ ഗോപിയായും ഫാന്റമിൽ ജോസുകുട്ടിയായും അദ്ദേഹം ശ്രദ്ധിക്കപ്പെട്ടു.

അഭിനയിച്ച ചലച്ചിത്രങ്ങൾ

വർഷം	ചലച്ചിത്രം	കഥാപാത്രം	സംവിധാനം	അഭിനേതാക്കൾ
1997	ഏഴുനിലപ്പന്തൽ	-	വിജയ് പി നായർ	-
1999	ദേവദാസി	മഹി	ബിജു വർക്കി	നെടുമുടി വേണു, ഭരത് ഗോപി, വിന്ദുജ മേനോൻ
1999	ഋഷിവംശം	കൃഷ്ണൻ
2000	ജോക്കർ	സുധീർ മിശ്ര	ലോഹിതദാസ്‌	ദിലീപ്, മന്യ
2000	മനസ്സിൽ ഒരു മഞ്ഞുതുള്ളി	മനോജ്	-	കൃഷ്ണകുമാർ, പ്രവീണ, ജഗതി ശ്രീകുമാർ
2000	ഇന്ദ്രിയം	സണ്ണി	-	വിക്രം, വാണി വിശ്വനാഥ്, ലെന, ദേവൻ, ബോബൻ ആലുമ്മൂടൻ
2001	നളചരിതം നാലാം ദിവസം	നന്ദു		ബോബൻ ആലുമ്മൂടൻ, പ്രവീണ
2002	കാക്കിനക്ഷത്രം	എസ്.ഐ. അച്ച്യുതൻ കുട്ടി	വിജയ് പി നായർ
2002	ഫാന്റം	ജോസ്കുട്ടി	ബിജു വർക്കി	മമ്മൂട്ടി, മനോജ് കെ ജയൻ
2003	അന്യർ	-	ലെനിൻ രാജേന്ദ്രൻ	ബിജു മേനോൻ, ലാൽ, ജ്യോതിർമയി
2003	തിളക്കം	ഗോപിക്കുട്ടൻ	ജയരാജ്	ദിലീപ്, കാവ്യ മാധവൻ
2003	ശിങ്കാരി ബോലോന	ജയകൃഷ്ണൻ	സതീഷ് മണ്ണാർക്കാട്	ലാൽ, മന്യ, കലാഭവൻ മണി
2003	പുലിവാൽ കല്യാണം	രമേഷ് പ്രസാദ്	ഷാഫി	ജയസൂര്യ, കാവ്യ മാധവൻ
2004	ഫ്രീഡം	മജീദ്	-	ജിഷ്ണു, രേണുക മേനോൻ
2004	വാണ്ടഡ്	മണി	മുരളി നാഗവള്ളി	മധു വാര്യർ, അരവിന്ദ് ആകാശ്, സുജിത
2004	രസികൻ	അർജുൻ രാം	ലാൽ ജോസ്	ദിലീപ്, സംവൃത സുനിൽ
2005	ലോകനാഥൻ ഐ.എ.എസ്.	ഓട്ടോ ഡ്രൈവർ	അനിൽ	കലാഭവൻ മണി, സുജ കാർത്തിക
2005	ഇരുവട്ടം മണവാട്ടി	സുധീർ	സനൽ	കുഞ്ചാക്കോ ബോബൻ, കാവ്യ മാധവൻ,
2006	കിസാൻ	അമ്പാടി	സിബി മലയിൽ	കലാഭവൻ മണി, ബിജു മേനോൻ
2006	പതാക	മുരുകദാസ്	കെ. മധു	സുരേഷ് ഗോപി, മനോജ് കെ ജയൻ, അരുൺ, നവ്യ നായർ
2006	രാവണൻ	വിനൊദ് കുമാർ	-	-
2007	സൂര്യകിരീടം	ഗൗതം	-	ഇന്ദ്രജിത്ത്, രമ്യ നമ്പീശൻ, നിത്യ ദാസ്
2008	പകൽ നക്ഷത്രങ്ങൾ	തുഷാർ	രാജീവ് നാഥ്	മോഹൻലാൽ, സുരേഷ് ഗോപി,അനൂപ് മേനോൻ, ലക്ഷ്മി ഗോപാലസ്വാമി
2008	ചന്ദ്രനിലേക്കൊരു വഴി	ചന്ദ്രൻ	ബിജു വർക്കി	ജഗതി ശ്രീകുമാർ, നെടുമുടി വേണു
2008	തിരക്കഥ	കെവിൻ പോൾ	രഞ്ജിത്ത്	പൃഥ്വിരാജ്, പ്രിയാമണി, അനൂപ് മേനോൻ
2008	വൺവേ ടിക്കറ്റ്‌	ഭദ്രൻ	ബിപിൻ പ്രഭാകർ	പൃഥ്വിരാജ്, മമ്മൂട്ടി
2008	കോവളം	ക്രിസ്റ്റി	-	-
2008	ആയുധം	യൂനാസ് മുഹമ്മദ്	എം.എ. നിഷാദ്	സുരേഷ് ഗോപി, തിലകൻ
2008	മായക്കാഴ്ച	അരവിന്ദ വർമ്മ	-	-
2008	ഗുൽമോഹർ	കുര്യാക്കോസ്	ജയരാജ്	രഞ്ജിത്, സിദ്ദിഖ്
2008	പൈറേറ്റ്സ് ബ്ലഡ്	സാഗർ	-	സണ്ണി ലിയോൺ
2009	സ്വ ലേ	സന്ദീപ് ജഡേജ	പി. സുകുമാർ	ദിലീപ്, ഗോപിക
2010	9 കെ.കെ. റോഡ്	ഉണ്ണികൃഷ്ണൻ	സൈമൺ കുരുവിള	ബാബു ആന്റണി, വിജയരാഘവൻ
2010	കാര്യസ്ഥൻ	ആനന്ദ്	തോംസൺ കെ. തോമസ്	ദിലീപ്, അഖില ശശിധരൻ
2010	പുണ്യം അഹം	ജോർജൂകുട്ടി	രാജ് നായർ	പൃഥ്വിരാജ്, സംവൃത സുനിൽ, നെടുമുടി വേണു
2011	ദി മെട്രോ	ഫ്രെഡ്ഡി	ബിപിൻ പ്രഭാകർ	ശരത് കുമാർ, നിവിൻ പോളി, ഭാവന
2012	ഫെയ്സ് 2 ഫെയ്സ്	ജോർജ്‌ ജോസഫ്‌	വി.എം. വിനു	മമ്മൂട്ടി, സിദ്ദിഖ്
2012	മായാമോഹിനി	അതിഥിതാരം	ജോസ് തോമസ്	ദിലീപ്, ബിജു മേനോൻ
2012	ബാങ്കിംഗ് അവേഴ്സ് 10 ടു 4	കള്ളൻ	കെ.മധു	അനൂപ് മേനോൻ, മേഘന രാജ്, ജിഷ്ണു
2012	വീരപുത്രൻ	മുസ്ലിംലീഗ് നേതാവ്	പി.ടി. കുഞ്ഞുമുഹമ്മദ്	നരേൻ, റൈമ സെൻ
2012	മുല്ലശ്ശേരി മാധവൻകുട്ടി നേമം പി.ഒ.	വിശ്വൻ	കുമാർ നന്ദ	അനൂപ് മേനോൻ, സോനൽ ദേവരാജ്, സുരാജ് വെഞ്ഞാറമൂട്
2013	101 ചോദ്യങ്ങൾ	രാധാകൃഷ്ണൻ	സിദ്ധാർത്ഥ് ശിവ	ഇന്ദ്രജിത്ത്, ലെന, രചന നാരായണൻകുട്ടി
2013	പ്ലയേഴ്സ്	അലി	സനൽ	ജയസൂര്യ, കാവ്യ മാധവൻ, ജിഷ്നു
2014	മോസയിലെ കുതിരമീനുകൾ	ഹാഷിം	അജിത് പിള്ള	ആസിഫ് അലി, സണ്ണി വെയ്ൻ, നെടുമുടി വേണു
2014	ആംഗ്രി ബേബീസ് ഇൻ ലവ്	അന്വർ	സജി സുരേന്ദ്രൻ	അനൂപ് മേനോൻ, ഭാവന
2014	വില്ലാളിവീരൻ		സുധീഷ് ശങ്കർ	ദിലീപ്, നമിതപ്രമോദ്, മൈഥിലി
2014	ദി ഡോൾഫിൻസ്	ബിജു	ദീപൻ	സുരേഷ് ഗോപി, അനൂപ് മേനോൻ, കൽപ്പന, മേഘന രാജ്
2015	രുദ്രസിംഹാസനം	ഹരികൃഷ്ണൻ	-	-
2016	കോപ്പയിലെ കൊടുംകാറ്റ്	രാഹുൽ
2017	സഖാവ്	ടോണി	സിദ്ധാർത്ഥ് ശിവ	നിവിൻ പോളി, ഐശ്വര്യ രാജേഷ്
2018	ജോണി ജോണി യെസ് അപ്പ	പോലീസ് ഓഫീസർ സത്യൻ	ജി. മാർത്താണ്ടൻ	കുഞ്ചാക്കോ ബോബൻ, അനു സിത്താര
2018	ഉഴൈക്കും പിഴൈ			തമിഴ് ചലച്ചിത്രം
2019	അണ്ടർ വേൾഡ്	മണി	അരുൺ കുമാർ അരവിന്ദ്	ആസിഫ് അലി, ഫർഹാൻ ഫാസിൽ, മുകേഷ്, ജീൻ പോൾ ലാൽ
2019	വലിയ പെരുന്നാൾ	നൗഷാദ്	-	-
2021	വൺ	സി.ഐ. ഷൈൻ തോമസ്	സന്തോഷ് വിശ്വനാഥൻ	മമ്മൂട്ടി, നിമിഷ സജയൻ, മുരളി ഗോപി, ജോജു ജോർജ്, സിദ്ദിഖ്