ബിച്ചു തിരുമല
 | ഈ ലേഖനം അടുത്തിടെ മരണമടഞ്ഞ വ്യക്തിയെക്കുറിച്ചാണ്. മരണമടഞ്ഞ സാഹചര്യം, അനുബന്ധസംഭവങ്ങൾ തുടങ്ങിയവ, കൂടുതൽ വിവരങ്ങൾ കിട്ടുന്ന മുറക്ക് മാറിക്കൊണ്ടിരിക്കാം. ഇതിൽ പ്രതിപാദിക്കുന്ന വ്യക്തിയുടെ മരണശേഷം ഈ ലേഖനത്തിൽ നശീകരണപ്രവർത്തനങ്ങൾ നടക്കുന്നതായി ശ്രദ്ധയിൽപ്പെട്ടിട്ടുണ്ടെങ്കിൽ ദയവായി കാര്യനിർവാഹകരെ അറിയിക്കുക. |
ബിച്ചു തിരുമല | |
|---|---|
 ബിച്ചു തിരുമല, 2016-ലെ ചിത്രം | |
| ജനനം | ഫെബ്രുവരി 13, 1942 |
| മരണം | നവംബർ 26, 2021 |
| തൊഴിൽ | കവി, ഗാനരചയിതാവ് |
| ജീവിതപങ്കാളി(കൾ) | പ്രസന്ന |
| കുട്ടികൾ | സുമൻ |
| മാതാപിതാക്ക(ൾ) | സി.ജെ. ഭാസ്കരൻ നായർ, പാറുക്കുട്ടിയമ്മ |
ഒരു മലയാളചലച്ചിത്ര ഗാനരചയിതാവും കവിയുമായിരുന്നു ബിച്ചു തിരുമല എന്ന പേരിൽ പ്രസിദ്ധനായ ബി. ശിവശങ്കരൻ നായർ.[2]
ജീവിതരേഖ[തിരുത്തുക]
സി.ജെ. ഭാസ്കരൻ നായരുടെയും ശാസ്തമംഗലം പട്ടാണിക്കുന്ന് വീട്ടിൽ പാറുക്കുട്ടിയമ്മയുടെയും മൂത്ത മകനായി 1941 ഫെബ്രുവരി 13-നാണ് ബിച്ചു തിരുമല ജനിച്ചത്. പരേതനായ ബാലഗോപാലൻ (1946-ൽ രണ്ടാം വയസ്സിൽ അന്തരിച്ചു), പ്രശസ്ത ഗായികയായ സുശീലാ ദേവി, സംഗീതസംവിധായകൻ ദർശൻ രാമൻ എന്നിവരാണ് സഹോദരങ്ങൾ. 1972-ൽ പുറത്തിറങ്ങിയ ഭജ ഗോവിന്ദം എന്ന ചിത്രത്തിലൂടെയാണ് ബിച്ചു തിരുമല ചലച്ചിത്രഗാനരംഗത്തേക്ക് വരുന്നത്. പിന്നീട് നിരവധി ചിത്രങ്ങൾക്ക് അദ്ദേഹം ഗാനരചന നിർവ്വഹിച്ചു. ശ്യാം, എ.ടി. ഉമ്മർ, രവീന്ദ്രൻ, ജി. ദേവരാജൻ, ഇളയരാജ എന്നീ സംഗീതസംവിധായകരുമായി ചേർന്ന് എഴുപതുകളിലും എൺപതുകളിലുമായി വളരെയധികം ഹിറ്റ് ഗാനങ്ങൾ അദ്ദേഹം മലയാളികൾക്ക് സമ്മാനിച്ചു.[3] പ്രമുഖ സംഗീതസംവിധായകനായ എ.ആർ. റഹ്മാൻ മലയാളത്തിൽ ഈണം നൽകിയ ഏക ചിത്രമായ യോദ്ധയിലെ ഗാനങ്ങൾ എഴുതിയതും അദ്ദേഹമാണ്. പ്രസന്നയാണ് ഭാര്യ. മകൻ: സുമൻ.
2021 നവംബർ 26ന് ബിച്ചുതിരുമല അന്തരിച്ചു. ഹൃദയാഘാതത്തെ തുടർന്ന് ചികിത്സയിലായിരുന്ന ബിച്ചുതിരുമല തിരവനന്തപുരത്തെ ആശുപത്രിയിൽ വച്ചാണ് മരിച്ചത്.[4]
ശ്രദ്ധേയമായ ചലച്ചിത്രഗാനങ്ങൾ[തിരുത്തുക]
- രാകേന്ദുകിരണങ്ങൾ (അവളുടെ രാവുകൾ)
- വാകപ്പൂമരം ചൂടും (അനുഭവം)[5]
- നീയും നിന്റെ കിളിക്കൊഞ്ചലും (കടൽക്കാറ്റ്)
- ഒരു മയിൽപ്പീലിയായ് ഞാൻ ജനിച്ചുവെങ്കിൽ (അണിയാത്ത വളകൾ)
- വെള്ളിച്ചില്ലും വിതറി (ഇണ)
- മൈനാകം (തൃഷ്ണ)
- ശ്രുതിയിൽ നിന്നുയരും (തൃഷ്ണ)
- തേനും വയമ്പും (തേനും വയമ്പും)
- ആലിപ്പഴം (മൈ ഡിയർ കുട്ടിച്ചാത്തൻ)
- പൂങ്കാറ്റിനോടും (പൂമുഖപ്പടിയിൽ നിന്നെയും കാത്ത്)
- ഓലത്തുമ്പത്തിരുന്നൂയലാടും (പപ്പയുടെ സ്വന്തം അപ്പൂസ്)
- പാൽനിലാവിനും (കാബൂളിവാല)
പുരസ്കാരങ്ങൾ[തിരുത്തുക]
കേരളസംസ്ഥാന ചലച്ചിത്രപുരസ്കാരം
- 1981 - മികച്ച ഗാനരചയിതാവ് - തൃഷ്ണ, തേനും വയമ്പും
- 1991 - മികച്ച ഗാനരചയിതാവ് - കടിഞ്ഞൂൽ കല്യാണം
അവലംബം[തിരുത്തുക]
- ↑ "ഗാനരചയിതാവ് ബിച്ചു തിരുമല അന്തരിച്ചു | Bichu Thirumala | Lyricist Bichu Thirumala passed away" https://www.mathrubhumi.com/mobile/movies-music/specials/bichu-thirumala/lyricist-bichu-thirumala-passed-away-1.6214035
- ↑ "ബിച്ചു തിരുമല ഓർമയായി; ഈണമൂറും വരികളിൽ പാട്ടുനൂലിഴ കോർത്ത കവി" https://www.manoramaonline.com/news/latest-news/2021/11/26/lyricist-bichu-thirumala-passed-away.amp.html
- ↑ http://malayalasangeetham.info/Profiles/Lyricists/Bichu%20Thirumala.html
- ↑ "ഗാനരചയിതാവ് ബിച്ചു തിരുമല അന്തരിച്ചു" (ഭാഷ: ഇംഗ്ലീഷ്). ശേഖരിച്ചത് 2021-11-26.
- ↑ "പാട്ടോർമ്മ". മാധ്യമം ആഴ്ചപ്പതിപ്പ് ലക്കം 691. 2011 മെയ് 30. ശേഖരിച്ചത് 2013 മാർച്ച് 18. Check date values in:
|accessdate=and|date=(help)