അലി ബിൻ അബീത്വാലിബ്

ഇംഗ്ലീഷ് വിലാസം

https://ml.wikipedia.org/wiki/Ali

അലി (റ ) മനപ്പൂർവം ഒഴിവാക്കപ്പെട്ടു എന്നു പറഞ്ഞത്ശ രിയല്ല

അലി ബിൻ അബീത്വാലിബ്
ഖലീഫ
അലി എന്ന് അറബി ഭാഷയിലെ കാലിഗ്രാഫിക്ക് രീതിയിൽ എഴുതപ്പെട്ടത്
ഭരണകാലം	656 സി.ഇ. – 661 സി.ഇ.
പൂർണ്ണനാമം	അലി ബിൻ അബീത്വാലിബ്
പദവികൾ	അമീറുൽ മുഅ്മിനീൻ (വിശ്വസികളുടെ നേതാവ്) ദൈവത്തിന്റെ സിംഹം
ജനനം	(600-03-17)മാർച്ച് 17, 600
ജന്മസ്ഥലം	മക്ക
മരണം	ജനുവരി 28, 661(661-01-28) (പ്രായം 62)
മരണസ്ഥലം	കൂഫ
മുൻ‌ഗാമി	ഉഥ്മാനുബ്നു അഫ്ഫാൻ
പിൻ‌ഗാമി	മുആവിയ ഇബ്നു അബൂസുഫ്യാൻ
മക്കൾ	ഹസൻ ഹുസൈൻ സൈനബ് ബിൻത് അലി
മതവിശ്വാസം	ഇസ്‌ലാം

ഇസ്‌ലാമികചരിത്രത്തിലെ നാലാമത്തെ ഖലീഫയാണ് അലി ബിൻ അബീത്വാലിബ് എന്ന അലി (അറബി: علی‬). ഖലീഫ അലി എന്ന പേരിലും അറിയപ്പെടുന്നു. പ്രവാചകൻ മുഹമ്മദിന്റെ പിതൃസഹോദരനായ അബൂ ത്വാലിബിന്റെ പുത്രനും, മുഹമ്മദിന്റെ പുത്രിയായ ഫാത്വിമയുടെ ഭർത്താവുമാണ് അദ്ദേഹം.

ബാല്യം

ക്രിസ്തുവർഷം 600-ൽ മക്കയിലാണ് അലി ജനിച്ചത്. ഖുറൈഷി ഗോത്രത്തലവനും കഅബയുടെ പരിപാലകനുമായിരുന്നു അലിയുടെ പിതാവ്. മാതാവ് ഫാതിമ ബിൻത് അസദ്. പിതാവാണ് ഉന്നതൻ എന്നർത്ഥമുള്ള അലി എന്ന പേര് അദ്ദേഹത്തിന് നൽകിയത്.

അലി ചെറുപ്പമായിരിക്കുമ്പോൾ മക്കയിൽ കടുത്ത വരൾച്ചയും ക്ഷാമവുമുണ്ടായി. തന്മൂലം വലിയൊരു കുടുംബത്തിന്റെ നാഥനായ അബൂ ത്വാലിബിനുണ്ടായ സാമ്പത്തികഞെരുക്കം ലഘൂകരിക്കാൻ അദ്ദേഹത്തിന്റെ സഹോദരന്മാരായ ഹംസയും അബ്ബാസും അലിയുടെ സഹോദരന്മാരായ ത്വാലിബിന്റെയും, ജഅ്ഫറിന്റെയും സംരക്ഷണചുമതല ഏറ്റു. അലിയുടെ സംരക്ഷണം മുഹമ്മദും (അന്ന് പ്രവാചകനായി അറിയപ്പെട്ടിരുന്നില്ല) ഏറ്റെടുത്തു.അങ്ങനെ മുഹമ്മദിന്റെ വീട്ടിൽ അദ്ദേഹത്തിന്റെ ശിക്ഷണത്തിൽ വളർന്നു. പത്ത് വയസ്സ് പ്രായമായ സമയത്ത് അലി ഇസ്‌ലാം മതം സ്വീകരിച്ചു, കുട്ടികളുടെ കൂട്ടത്തിൽ ആദ്യമായി ഇസ്‌ലാം സ്വീകരിച്ച വ്യക്തി അലിയാണ്.

യൗവനം

മുഹമ്മദിനെ വധിക്കാൻ ശത്രുക്കൾ വീട് വളഞ്ഞപ്പോൾ അദ്ദേഹത്തിന്റെ വിരിപ്പിൽ പകരം കിടന്ന് മുഹമ്മദിന് മദീനയിലേക്ക് കുടിയേറാൻ സഹായിച്ചത് അലിയാണ്. പിന്നീട് മക്കക്കാർ മുഹമ്മദിന്റെ കൈവശം സൂക്ഷിക്കാൻ ഏല്പിച്ച മുതലുകൾ ഉടമകൾക്ക് കൈമാറിയ ശേഷമാണ് അലി മദീനയിലേക്ക് പോയത്. മദീനയിലെത്തിയശേഷം തന്റെ മകൾ ഫാത്വിമയെ മുഹമ്മദ്, അലിക്ക് വിവാഹം ചെയ്തു കൊടുത്തു. അന്ന് അലിക്ക് 24 വയസ്സും ഫാത്വിമക്ക് 19 വയസ്സുമായിരുന്നു പ്രായം. തബൂക്ക് യുദ്ധം ഒഴികെ എല്ലാ യുദ്ധങ്ങളിലും അലി, മുഹമ്മദിനൊപ്പം പങ്കെടുത്തു. തബൂക്ക് യുദ്ധവേളയിൽ മദീനയിൽ മുഹമ്മദിന്റെ പ്രതിനിധിയായി നിൽക്കുകയായിരുന്നു. ധീരയോദ്ധാവ്, ഉന്നതപണ്ഡിതൻ, പ്രഗൽഭപ്രസംഗകൻ, ഐഹികവിരക്തൻ എന്നീ നിലകളിൽ പ്രശസ്തനായിരുന്നു. ’ഇഹത്തിലും പരത്തിലും നീ എന്റെ സഹോദരൻ ‘ എന്ന് അലിയോട് മുഹമ്മദ് പറഞ്ഞിട്ടുള്ള വചനം പ്രശസ്തമാണ്.

ഭരണം

മുഹമ്മദിനു ശേഷം രാഷ്ട്രനേതൃത്വം നബിയുടെ കുടുംബമായ ബനൂ ഹാശിമിന് ലഭിക്കണമെന്ന് പിതൃവ്യൻ അബ്ബാസും മറ്റ് കുടുംബാംഗങ്ങളും ആഗ്രഹിച്ചിരുന്നു. അലിയും അങ്ങനെ പ്രതീക്ഷിച്ചിരുന്നു. എന്നാൽ സംവാദങ്ങൾക്കും ശേഷം അബൂബക്കറിനെയാണ് മുഹമ്മദിന്റെ ശിഷ്യന്മാർ പ്രഥമ ഖലീഫയായി തെരെഞ്ഞെടുത്തത്. മുഹമ്മത് മരണപ്പെട്ടപ്പോൾ മയ്യിത്ത് ജനാസ ചെയ്യുന്നതിൽ അലി മുഴികിയപ്പോൾ അപ്പുറത്ത് ഖലീഫയെ തെരഞ്ഞെടുക്കുന്ന തിരക്കിലായിരുന്നു ഒരുകൂട്ടർ.  അതിനുവേണ്ടി മയ്യിത്ത് ഖബറടക്കാൻ രണ്ട് ദിവസം വൈകിപ്പിക്കുകയും ചെയ്‌തു .പിന്നീട് അബൂബക്കർ മരണപ്പെട്ടപ്പോഴും രണ്ടാം ഖലീഫ ഉമർ മരണപ്പെട്ടപ്പോഴും അലിയെ മനഃപൂർവം ഒഴിവാക്കപ്പെട്ടു. അലി മാത്രമാണ് പിന്നീട് ജനകീയമായി തെരെഞ്ഞെടുക്കപ്പെട്ട ഏക ഖലീഫ. . പീന്നീട് മൂന്നാം ഖലീഫ ഉസ്മാൻ വധിക്കപ്പെട്ടപ്പോൾ മുസ്‌ലിംകളിൽ ഭൂരിഭാഗവും അലിയെ നേതാവായി തെരെഞ്ഞെടുത്തു.

മരണം

പ്രഭാത നമസ്കാരത്തിന് പോകുന്ന വഴിക്ക് വെച്ച് ഖവാരിജുക്കളിൽ പെട്ട ഒരു വ്യക്തി അലിയുടെ നെറ്റിയിൽ വെട്ടി, അതു കാരണം മൂന്ന് ദിവസത്തിനകം അദ്ദേഹം മരണമടഞ്ഞു. റമദാൻ 21 , വെള്ളിയാഴ്ച ആയിരുന്നു അലി മരണപ്പെട്ടത്.(661 ജനുവരി 24)

ഇതും കൂടി കാണുക

• ഷിയാ ഇസ്‌ലാം
• ഫാത്വിമാ ബിൻത് മുഹമ്മദ്
• ഹസൻ ഇബ്നു അലി
• ഹുസൈൻ ഇബ്നു അലി
• സൈനുൽ ആബിദീൻ