പുള്ളുവൻ കുടം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പുള്ളുവൻ കുടം

ഒരു കേരളീയ വാദ്യോപകരണമാൺ പുള്ളുവൻ കുടം. പുള്ളുവപ്പാന എന്നും പേരുണ്ട്. മണ്ണുകൊണ്ടാണ് ഈ വാദ്യം നിർമ്മിക്കുന്നത്. മണ്ണുകൊണ്ടുണ്ടാക്കിയ കുടത്തിന്റെ അടിഭാഗം തുരന്നെടുത്തുകളയും. അവിടെ കാളക്കിടാവിന്റെയോ ഉടുമ്പിന്റെയോ തുകൽ ഒട്ടിക്കും. കുടത്തിന്റെ പകുതിയോളം ഭാഗം മൂടത്തക്കവിധമാണ് തുകൽ ഒട്ടിക്കുന്നത്. ഈ തുകൽ കുടത്തിന്റെ വായ്ഭാഗത്തേക്ക് വലിച്ച് കെട്ടും. തുകൽ ഒട്ടിച്ച് ഭാഗത്ത് രണ്ട് ചെറുദ്വാരങ്ങളുണ്ടാക്കി അതിലൂടെ ചരട് കൊരുത്തു കെട്ടുന്നു. ഇതിൽ കൊട്ടിയാണ് പുള്ളുവക്കുടം വായിക്കുന്നത്.

ഐതിഹ്യം[തിരുത്തുക]

കാഞ്ഞങ്ങാട് പി. സ്മാരകത്തിൽ നടന്ന പുള്ളുവൻ പാട്ടിൽ പുള്ളുവൻ കുടം ഉപയോഗിക്കുന്നു.

പുള്ളുവക്കുടത്തിന്റെ ഉല്പത്തിയേക്കുറിച്ച് ഒരു ഐതിഹ്യമുണ്ട്.

അഗ്നിദേവൻ ദഹനക്കേട് മാറ്റുന്നതിനായി ഖാണ്ഡവവനം ദഹിപ്പിച്ചുകൊണ്ടിരിക്കുന്ന സമയം. പൊള്ളലേറ്റ ഒരു പാമ്പ് രക്ഷിക്കണമെന്നപേക്ഷിച്ചുകൊണ്ട് ഒരു പുള്ളുവത്തിയുടെ അടുത്തെത്തി. പുള്ളുവത്തി പാമ്പിനെ വേഗം ഒരു കുടത്തിൽ കയറ്റി. അങ്ങനെ പാമ്പ് തീയിൽ നിന്നു രക്ഷപ്പെടുകയും ചെയ്തു. ഇതുകണ്ട ബ്രഹ്മാവ് പുള്ളുവത്തിയെ അനുഗ്രഹിച്ചു. പുള്ളുവത്തിയുടെ കുടം കൊട്ടിയാൽ പാമ്പുകളെ പ്രീതിപ്പെടുത്താമെന്നായിരുന്നു അനുഗ്രഹം. ഇങ്ങനെയാണത്രെ പുള്ളുവക്കുടം എന്ന വാദ്യമുണ്ടായത്.

"https://ml.wikipedia.org/w/index.php?title=പുള്ളുവൻ_കുടം&oldid=2616425" എന്ന താളിൽനിന്ന് ശേഖരിച്ചത്