സലഫി
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
വിക്കിപീഡിയയുടെ ഗുണനിലവാരത്തിലും, മാനദണ്ഡത്തിലും എത്തിച്ചേരാന് ഈ ലേഖനം വൃത്തിയാക്കി എടുക്കേണ്ടതുണ്ട്. ഈ ലേഖനത്തെക്കുറിച്ച് കൂടുതല് വിശദീകരണങ്ങള് നല്കാനാഗ്രഹിക്കുന്നെങ്കില് ദയവായി സംവാദം താള് കാണുക. |
സലഫുസ്സ്വാലിഹുകളെന്ന് പറയുന്ന സജ്ജനങ്ങളായ ആദ്യകാല മുസ്ലിംകളുടെ മാതൃക പിന്പറ്റുന്നവരാണ് സലഫി .സലഫ് എന്നാല് മുന്ഗാമികള് എന്നാണ് അര്ഥം. ഖുര്ആനിനെയും സുന്നത്തിനെയും പ്രവാചകന്റെ അനുയായികളായ ആദ്യതലമുറക്കാര് മനസ്സിലാക്കിയതുപോലെ മനസ്സിലാക്കുകയും വ്യാഖ്യാനിക്കുകയും അതനുസരിച്ച് പ്രവര്ത്തിക്കുകയുമാണ് സലഫികള് ചെയ്യുന്നത്. സലഫുസ്സ്വാലിഹീന്(ഭക്തരായ പ്രപിതാമഹന്മാര്) എന്നപേരില് നിന്നാണ് സലഫികള് എന്ന പ്രയോഗം ഉണ്ടായിട്ടുള്ളത്. മദ്ഹബുകള്ക്കതീതമായി ഖുര്ആനും സുന്നത്തും നേരിട്ടവലംബമാക്കുന്നവരാണ് ഇവര്. ഇമാം അഹമദുബ്നു ഹന്പല്(റ)വിനെയാണ് ഇവര് തങ്ങളുടെ ആത്മീയാചാര്യനായി കരുതുന്നത്[1].
ഉള്ളടക്കം |
[തിരുത്തുക] ചരിത്രം
ഗ്രീക്ക് തത്വശാസ്ത്രങ്ങളും ഭാരതീയ ചിന്തകളും അറബിയിലേക്ക് വിവര്ത്തനം ചെയ്യപ്പെട്ടതോടെ വിശ്വാസ രംഗത്ത് പാളിച്ചകളുണ്ടായി. വലിയൊരു വിഭാഗം മുസ്ലിംകള് സ്വൂഫി ചിന്തയും ഇസ്ലാമികാശയങ്ങളും തമ്മില് കൂട്ടിക്കുഴച്ചു. അതിനെതിരെ സലഫികള് രംഗത്തിറങ്ങി. മദ്ധ്യനൂറ്റാണ്ടുകളില് ഇബ്നുതൈമിയ്യ, മുഹമ്മദുബ്നുഖയ്യിം തുടങ്ങിയവരും പില്ക്കാലത്ത് മുഹമ്മദുബ്നു അബ്ദുല് വഹാബും സലഫീ ആശയ പ്രചാരകരായി രംഗത്ത് വന്നവരാണ്. ശൈഖ് മുഹമ്മദ് ബ്ന് അബ്ദില് വഹാബിന്റെയും അമീര് മുഹമ്മദുബ്നു സഊദിന്റെയും കൂട്ടായ ശ്രമങ്ങള് കാരണം അറേബ്യന് രാജ്യങ്ങളില് സലഫീ ആശയങ്ങള് വീണ്ടും വേരൂന്നി. ഇന്നും സൗദി ആറേബ്യ പോലെയുള്ള രാജ്യങ്ങളില് വിശ്വാസപരമായ കാര്യങ്ങളില് സലഫീ സ്വാധീനമാണുള്ളത്. സൗദിയിലെ ഏറ്റവും ഉയര്ന്ന പണ്ഢിതനായരുന്ന ശൈഖ് ഇബ്നു ബാസും മറ്റും അംഗീകരിക്കപ്പെട്ട സലഫികളാണ്.
ഖത്വര്, സിറിയ, കുവൈത്ത്, യു.എ.ഇ., ഇറാഖ് തുടങ്ങിയ പ്രദേശങ്ങളിലേക്കും സലഫീ ആദര്ശം പ്രചരിച്ചത് ഹിജാസില് നിന്നാണ്. ഖത്വറിലെ ജഡ്ജി ശൈഖ് ഇബ്നുഹജര്, കൂവൈത്തിലെ ശൈഖ് അബ്ദുറഹിമാന് അബ്ദുല് ഖാലിഖ്, സിറിയയിലെ ശൈഖ് നാസ്വിറുദ്ദീന് അല്ബാനി തുടങ്ങിയവര് പ്രശസ്ത സലഫീ പണ്ഢിതന്മാരാണ്.
രണ്ടു നൂറ്റാണ്ട് മുന്പാരംഭിച്ച സനൂസി പ്രസ്ഥാനത്തിലൂടെയാണ് സലഫി പ്രര്ത്തനം ആഫ്രിക്കയില് ശക്തമായത്. അല്ജീറിയന് മുസ്ലിം ജംഇയ്യത്തുല് ഉലമ ശ്രദ്ധേയമായ ഒരു സലഫീ സംഘടനയാണ്. അന്സ്വാറു സുന്നത്തില്മുഹമ്മദിയ്യ എന്ന പേരില് ഈജിപ്തിലും സുഡാനി ലും പ്രവര്ത്തിക്കുന്നു. നൈജീരിയയില് ജമാഅത്ത് ഇഹ്യാഉസ്സുന്ന വല്ജമാഅത്തുല് ബി ദ്അ എന്ന പേരിലും പാക്കിസ്ഥാനിലും ഇന്ത്യയിലും ബംഗ്ലാദേശ്, സിലോണ്(ശ്രീലങ്ക) എന്നിവിടങ്ങളിലും അഹ്ലേഹദീസ് എന്ന പേരിലുമാണ് സലഫികള് പ്രവര്ത്തിക്കുന്നത്. കേരളത്തില് അഹ്ലേഹദീസിന്റെ കേരളഘടകമെന്ന നിലയില് കേരള നദ്വത്തുല് മുജാഹിദീന് എന്ന സലഫീ സംഘടന പ്രവര്ത്തിക്കുന്നു. ഇന്തോനേഷ്യയില് ജംഇയ്യത്തുല് മുഹമ്മദിയ്യ എന്ന പേരിലും സലഫികള്ക്ക് സംഘടനയുണ്ട്. ഫിജി ദ്വീപില് അഹ്ലെഹദീസ് എന്ന പേരിലാണ് പ്രവര്ത്തനം. ലണ്ടന് ആസ്ഥാനമാക്കി പ്രവര്ത്തിക്കു ന്ന ജംഇയ്യത്ത് അഹ്ലെ ഹദീസും അല്മുന്തദാ അല്ഇസ്ലാമിയും അമേരിക്കയിലെ മുസ്ലിം സൊസൈറ്റിയും സലഫീ സംഘടനകളാണ്.
ഈജിപ്തില് ജമാലുദ്ദീന് അഫ്ഗാനി, മുഹമ്മദ് അബ്ദു തുടങ്ങിയവരുടെ ചിന്തകള് സലഫീ പ്രസ്ഥാനത്തിന്റെ വളര്ച്ചയെ ഏറെ സഹായിച്ചിട്ടുണ്ട്. ഇസ്ലാമിനെ ആധുനിക പ്രവര്ത്തനങ്ങളുടെ അടിസ്ഥാനത്തില് വ്യാഖ്യാനിക്കാന് അവര് ശ്രമിച്ചു. ഈജിപ്തില് അല്മനാര് എന്ന പേരില് വര്ഷങ്ങളോളം പുറത്തിറങ്ങിയ പ്രസിദ്ധീകരണം സലഫി ചിന്തക്ക് ജനങ്ങളില് വേരോട്ടമുണ്ടാക്കി. [2]
[തിരുത്തുക] വിമര്ശനങ്ങള്
സലഫികള് യഥാര്ഥത്തില് പൂര്വ്വീകരെ പിന്പറ്റുന്നവരല്ലെന്നും, മറിച്ച് ഇസ്ലാമിന്റെ മൗലിക തത്വങ്ങളില് ഊന്നി നിന്നുകൊണ്ട് അതിനെ യുക്തിപൂര്വ്വം ആധുനിക കാലഘട്ടത്തിനനുസരിച്ച് വ്യാഖ്യാനിക്കുന്നവരാണെന്നുമാണ്[3].കേരള സുന്നികളുടെ വാദം. സലഫിസത്തെ ഇസ്ലാമിലെ നവീകരണ പ്രസ്ഥാനമായാണ് കേരള സുന്നികള് കണക്കാക്കുന്നത്.
[തിരുത്തുക] ഇതുകൂടി കാണുക
- മുജാഹിദ് പ്രസ്ഥാനം (കേരളം)
