ഇഡ്ഡലി
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
|
| ഇഡ്ഡലി | |
|---|---|
| Kannada: | ಇಡ್ಲಿ |
| ഇംഗ്ലീഷ്: | Idli |
| Tamil: | இட்லி |
| Telugu: | ఇడ్లీ |
ദക്ഷിണ ഭാരതത്തിലെ ഒരു ഭക്ഷണ വസ്തുവാണ് ഇഡ്ഡലി (ഇഡ്ലി, ഇഡ്ഡ്ലി). അരിയും ഉഴുന്നും കുതിര്ത്തരച്ച മാവ് പുളിപ്പിച്ചശേഷം ആവിയില് വേവിച്ചുണ്ടാക്കുന്ന വെളുത്ത നിറത്തിലുള്ള മൃദുവായ ഒരു പലഹാരമാണിത്. മലേഷ്യ, സിംഗപ്പൂര്, ശ്രീലങ്ക, ബര്മ്മ തുടങ്ങിയ രാജ്യങ്ങളിലും ഇത് വ്യാപകമായി ഭക്ഷിച്ചൂവരുന്നു. ഗാര്ഹികമായി മാത്രം ഉണ്ടാക്കാറുണ്ടായിരുന്ന് ഇഡലി ഇന്ന് വ്യാവസായികാടിസ്ഥാനത്തീലും നിര്മ്മിച്ചൂവരുന്നു. ഇഡലി മാവും വ്യാവസായികാടിസ്ഥാനത്തില് ലഭ്യമാണ്. പൊതുവേ പ്രാതലായാണ് ഇഡലി കഴിക്കാറുള്ളത്. ചട്നിയും സാമ്പാറുമാണ് ഇഡലിയോടൊപ്പം കഴിക്കുന്ന കറികള്. ചെറുതായി ഉതിര്ത്ത ഇഡലിയില് മുളകുപൊടി വിതറി കറിവേപ്പിലയും ചേര്ത്ത് ചൂടാക്കിയും കഴിക്കാറുണ്ട്.
ഉള്ളടക്കം |
[തിരുത്തുക] ചരിത്രം
ആധുനിക ഇഡലിയുടെ ഉത്ഭവകഥ എന്താണെന്ന് ആര്ക്കും അറിയില്ലെങ്കിലും, അതിപുരാതന കാലം മുതല്ക്കേ പ്രചാരത്തിലുണ്ടായിരുന്ന ഭക്ഷണമാണെന്ന് അറിയുന്നു[അവലംബം ചേര്ക്കേണ്ടതുണ്ട്]. ക്രി.വ. 920-ആം ആണ്ടില് ശിവകോടി ആചാര്യ കന്നഡത്തില് എഴുതിയ ഒരു കൃതിയില് സമാനമായ ഒരു ഭക്ഷ്യവസ്തുവിനെ പറ്റി പരാമര്ശിക്കുന്നു. അതില് ഉഴുന്ന് മാത്രമാണ് ഉപയോഗിച്ചിരുന്നത്. ക്രി.വ. 1025-ലെ ഒരു കൃതിയില് മോരിലിട്ട് കുതിര്ത്ത ഉഴുന്ന് അരച്ചതും, കുരുമുളക്, മല്ലി, പെരുങ്കായം എന്നിവ ചേര്ത്തതുമായ ഒരു തരം ഇഡലിയെ പറ്റി പറയുന്നു.
കന്നഡ ദേശ രാജാവായിരുന്ന സോമേശ്വര മൂന്നാമന്റെ കാലത്ത് സംസ്കൃതത്തില് തയ്യാറാക്കിയ മാനസോല്ലാസ എന്ന സര്വ്വവിജ്ഞാനകോശത്തില് ഇഡലി ഉള്പ്പെട്ടിട്ടുണ്ടായിരുന്നു. 17-ആം നൂറ്റാണ്ട് വരെ ഇഡലിയില് അരി ചേര്ത്തിരുന്നതിന് തെളിവുകള് ഒന്നും തന്നെ ഇല്ല. അരി, മാവ് പുളിക്കലിനെ ത്വരിതപ്പെടുത്തുന്നത് കൊണ്ടാവാം ചേര്ത്ത് തുടങ്ങിയത്.
[തിരുത്തുക] പാകം ചെയ്യുന്ന വിധം
പുഴുങ്ങലരിയും ഉഴുന്നും 4:1 എന്ന അനുപാതത്തില് (പച്ചരിയാണെങ്കില് 2:1 എന്ന അനുപാതത്തില്) പ്രത്യേകമായി 3-4 മണിക്കൂര് കുതിര്ക്കുക. അരകല്ല് ഉപയോഗിച്ച് ഇവയെ അരക്കുക. ഉപ്പ് ചേര്ത്ത് ഇളക്കുക. ഈ മാവ് പുളിക്കാനായി ഒരു രാത്രി സമയമെടുക്കും. പുളിച്ച് കഴിയുമ്പോള് ഏകദേശം ഇരട്ടിയോളം അളവുണ്ടാകും. ഇഡലി ഉണ്ടാക്കാനുപയോഗിക്കുന്ന തട്ടങ്ങളില് നെയ്യോ എണ്ണയോ പുരട്ടി അതിലേക്ക് മാവൊഴിച്ച്, ഇഡലിച്ചെമ്പില് വച്ച് വേവിച്ചെടുക്കുക. തേങ്ങാ ചട്നി, സാമ്പാര് അല്ലെങ്കില് മുളകുപൊടിയും എണ്ണയും ഇതിന് കൂട്ടാനായി ഉപയോഗിക്കാം.
[തിരുത്തുക] ഇതര രൂപങ്ങള്
ഇഡലി തന്നെ റവ ഇഡലി, സാമ്പാര് ഇഡലി(സാധാരണ ഇഡ്ഡലി സാമ്പാറില് മുങ്ങി കുളിച്ച്), രസ ഇഡലി, നെയ്യ് ഇഡ്ഡലി (ആഡ്രാ), ഉലുവ ചേര്ത്തുള്ള ഇഡ്ഡലി(ഒരു കാലത്ത് സിനിമാനടി കുശ്ബുവിന്റെ പേരില് അറിയപ്പെട്ടിന്നു [1]) എന്നിങ്ങനെ പല രൂപത്തിലും ലഭിക്കുന്നു. . ചെന്നൈയിലെ മുരുകന് ഇഡലി ഷോപ്പ്, ഇഡലി മാത്രം വില്ക്കുന്ന ഒരു കടയാണ്. അതില് നിന്നു തന്നെ ദക്ഷിണേന്ത്യന് ഭക്ഷണങ്ങളില് ഇഡലിയുടെ സ്ഥാനം ഊഹിക്കാവുന്നതാണ്.
[തിരുത്തുക] ചിത്രശാല
 ഭക്ഷണശാലയില് ഇഡ്ഡലി പാചകം ചെയ്യുന്നു |
 ദക്ഷിണേന്ത്യന് ശൈലിയില് സ്റ്റീല് തട്ടത്തില് ഇലയിട്ട്, ഇഡലിയും വടയും വിളമ്പിയത്. |
 തട്ട് ഇഡലി. ഒരു കര്ണാടക രീതി |
 സാമ്പാര് ഇഡലി: |
 ഭക്ഷണസജ്ജമായ ഇഡലി |
