പുട്ട്

ഇംഗ്ലീഷ് വിലാസം

http://ml.wikipedia.org/wiki/Puttu

പുട്ട്
പുട്ട്
ഉത്ഭവ വിവരണം
ഉത്ഭവ രാജ്യം:	ഇന്ത്യ
പ്രദേശം / സംസ്ഥാനം:	ദക്ഷിണേന്ത്യ
വിഭവത്തിന്റെ വിവരണം
വിളമ്പുന്ന തരം:	പലഹാരം
പ്രധാന ഘടകങ്ങൾ:	അരി, തേങ്ങ, വെള്ളം

കേരളീയരുടെ ഒരു പ്രധാ‍ന പ്രാതൽ വിഭവമാണ് പുട്ട്. ദക്ഷിണമലബാറിലും തൃശ്ശൂർ ജില്ലയിലെ തലപ്പിള്ളിയിലും‍ പിട്ട് എന്നും അറിയപ്പെടുന്നുണ്ട്. നനച്ച അരിപ്പൊടിയിൽ ആവി കടത്തിവിട്ടാണ് പുട്ടുണ്ടാക്കുന്നത്. അരിപ്പൊടി കൂടാതെ ഗോതമ്പ് പൊടിയും റവയും റാഗിയും (പഞ്ഞപ്പുൽ‌പ്പൊടി) മരച്ചീനിപ്പൊടിയും ഉപയോഗിയ്‌ക്കാറുണ്ട്‌. പുട്ടുകുറ്റിയിൽ ചെറുതായി വെള്ളം ചേർത്തു കുഴച്ച അരിപ്പൊടിയും ചിരകിയ തേങ്ങയും ഒന്നിടവിട്ട അടുക്കുകളായി നിറക്കുന്നു. ചിരകിയ തേങ്ങ നേരിയ അടുക്കായാണ്‌ നിറക്കുന്നത്. പുട്ടുകുറ്റിയിലെ വെള്ളം ആവിയായി ഈ അടുക്കുകളിലൂടെ പ്രവഹിക്കുകയും പുട്ടു വേവുകയും ചെയ്യുന്നു. പുട്ടുകുറ്റി നിലവിൽ വരും മുമ്പ് , ഗ്രാമപ്രദേശങ്ങളിൽ വലിയ കണ്ണൻ ചിരട്ട ഉപയോഗിച്ചിരുന്നു. ഇത്തരം പുട്ടിനെ 'ചിരട്ടപുട്ട്' എന്നു പറയുന്നു.

പേരിനു പിന്നിൽ

പാലി ഭാഷയിലെ പിട്‍ഠാ എന്ന പദത്തിൽ(അർത്ഥം ധാന്യപ്പൊടി) നിന്നാണ്‌ പിട്ട് രൂപം കൊണ്ടത്. പുട്ട് എന്നത് മറ്റൊരു രൂപാന്തരം. സംസ്കൃതത്തിലെ പിഷ്ഠാ എന്ന പദത്തിൽ നിന്നാവണം പാലിയിലെ പദം നിഷ്പന്നമായത് .

ഉപവിഭവങ്ങൾ

പുട്ടും കടലയും, പുട്ടും പയറും, പുട്ടും പപ്പടവും, പുട്ടും മീൻ‌കറിയും, പുട്ടും ഇറച്ചിക്കറിയും, പുട്ടും പനങ്കള്ളു വാറ്റിയുണ്ടാക്കുന്ന പാ‍നിയും, പുട്ടും പഴവും, പുട്ടും പഞ്ചസാരയും എന്നിവ മലയാളികൾക്കു പ്രിയങ്കരമായ ചേരുവകളാണ്.

ചിത്രശാല

• പുട്ട് ഉണ്ടാക്കുന്ന വിധം - ചിത്രങ്ങൾ
• 

  ചിരട്ടപ്പുട്ട്

• 

  പുട്ടുണ്ടാക്കാനുപയോഗിക്കുന്ന മുളംകുറ്റി

• 

  അരിപ്പൊടി, ഉപ്പും വെള്ളവും ചേർത്തു കുഴച്ചത്.

• 

  കുഴച്ച അരിപ്പൊടിയും ചിരകിയ തേങ്ങയും ഒന്നിടവിട്ട അടുക്കുകളായി നിറക്കുന്നു

• 

  പുട്ടുകുറ്റിയിലെ വെള്ളം ആവിയായി .....അടുക്കുകളിലൂടെ പ്രവഹിക്കുകയും പുട്ടു വേവുകയും ചെയ്യുന്നു

• 

  വെന്ത പുട്ടു പുറത്തേക്കെടുക്കുന്നു.

•