പൂയം (നക്ഷത്രം)
കർക്കടകം രാശിയിലെ ഗാമ (γ), ഡെൽറ്റ (δ), തീറ്റ (θ) എന്നീ നക്ഷത്രങ്ങളെയാണ് ജ്യോതിഷത്തിൽ പൂയം നക്ഷത്രമായി കണക്കാക്കുന്നത്. ജ്യോതിഷസംബന്ധമായ കാര്യങ്ങൾക്കായി പരിഗണിക്കപ്പെടുന്ന ഇരുപത്തിയേഴ് നക്ഷത്രങ്ങളിൽ എട്ടാമത്തേതാണിത്. സംസ്കൃതത്തിൽ പുഷ്യം എന്നും തമിഴിൽ പൂസം എന്നും അറിയപ്പെടുന്നു.
മൃഗം - ആ‍ട്
വൃക്ഷം - അരയാൽ
ഗണം - ദേവഗണം
യോനി - പുരുഷയോനി
പക്ഷി - ചകോരം
ഭൂതം - ജലം
ദേവത - ബൃഹസ്പതി
ദശാനാഥൻ - ശനി
പാപദോഷം ഉണ്ട്[അവലംബം ആവശ്യമാണ്]. ജ്യോതിഷ വിശ്വാ‍സപ്രകാരം, ഈ നക്ഷത്രത്തിൽ ജനിക്കുന്നവർ വിദ്വാന്മാരും പരോപകാരികളും സാത്വികരും ആയിരിക്കും. പൂയം നക്ഷത്രക്കാർ തെറ്റുചെയ്യുന്നവരുടെ മുഖം നോക്കാതെതന്നെ ശിക്ഷ നൽകുന്നവരാണ്. ഇവർ ഹനുമാൻ, ശനീശ്വരൻ, അയ്യപ്പൻ എന്നിവരെ ധ്യാനിക്കുന്നത് ഗുണകരമാണ്.
മകരമാസത്തിലെ പൂയം നക്ഷത്രദിവസം തൈപ്പൂയം എന്ന പേരിൽ ആചരിച്ചുവരുന്നു. ഈ ദിവസം കേരളത്തിലെയും തമിഴ്നാട്ടിലെയും സുബ്രഹ്മണ്യസ്വാമിക്ഷേത്രങ്ങളിൽ അതിവിശേഷമാണ്. സുബ്രഹ്മണ്യസ്വാമിയുടെ ജന്മദിനമാണെന്നും, അതല്ല വിവാഹദിനമാണെന്നും, അതുമല്ല പാർവ്വതീദേവി സുബ്രഹ്മണ്യസ്വാമിയ്ക്ക് വേൽ സമർപ്പിച്ച ദിവസമാണെന്നും വിശ്വാസം വരുന്ന ഈ ദിവസം ക്ഷേത്രങ്ങളിൽ കാവടിയാട്ടം നടത്തിവരുന്നു.
പൂയം നക്ഷത്രത്തിൽ ജനിച്ച പ്രശസ്തർ[തിരുത്തുക]
പുരാണം: ഭരതൻ
ആത്മീയത: ത്യാഗരാജ സ്വാമികൾ, ചിന്മയാനന്ദ സ്വാമികൾ
വിനോദമേഖല: ത്യാഗരാജ സ്വാമികൾ, ഗുരു ഗോപിനാഥ്, രാജ് കപൂർ, കിഷോർ കുമാർ, ക്ലിന്റ് ഈസ്റ്റ്വുഡ്, ടോം ഹാങ്ക്സ്, ടോം ക്രൂസ്, ആമിർ ഖാൻ, മാധുരി ദീക്ഷിത്, അജിത് കുമാർ, വിജയ്
വ്യവസായമേഖല: ജി.ഡി. ബിർള
സാമൂഹികമേഖല: വി.ടി. ഭട്ടതിരിപ്പാട്, ടി.കെ. മാധവൻ, വി.ആർ. കൃഷ്ണയ്യർ, ലീല ദാമോദരമേനോൻ
|
ജ്യോതിഷവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
| ജ്യോതിഷത്തിലെ നക്ഷത്രങ്ങൾ |
|---|
| അശ്വതി • ഭരണി • കാർത്തിക • രോഹിണി • മകയിരം • തിരുവാതിര • പുണർതം • പൂയം • ആയില്യം • മകം • പൂരം • ഉത്രം • അത്തം • ചിത്തിര • ചോതി • വിശാഖം • അനിഴം • തൃക്കേട്ട • മൂലം • പൂരാടം • ഉത്രാടം • തിരുവോണം • അവിട്ടം • ചതയം • പൂരൂരുട്ടാതി • ഉത്രട്ടാതി • രേവതി |