വിജയ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
വിജയ്
Vijay stylish.jpg
വിജയ്
ജനനം ജോസഫ് വിജയ് ചന്ദ്രശേഖർ
(1976-06-22) 22 ജൂൺ 1976 (വയസ്സ് 41)
ചെന്നൈ, തമിഴ്നാട്, ഇന്ത്യ
ഭവനം ചെന്നൈ, തമിഴ്നാട്, ഇന്ത്യ
പഠിച്ച സ്ഥാപനങ്ങൾ ലൊയോള കോളേജ്, ചെന്നൈ
തൊഴിൽ നടൻ, പിന്നണിഗായകൻ, മോഡൽ
സജീവം 1992–ഇന്നുവരെ
ജീവിത പങ്കാളി(കൾ)
  • Sangeeta
(1999-ഇന്നുവരെ)
കുട്ടി(കൾ) ജേസൺ സഞ്ജയ് (മകൻ)
ദിവ്യ സാഷ (മകൾ)[1][2]
മാതാപിതാക്കൾ
ബന്ധുക്കൾ വിക്രാന്ത് (കസിൻ)

തമിഴ് ചലച്ചിത്രരംഗത്തെ ഒരു പ്രമുഖ നടനും പിന്നണിഗായകനുമാണ് വിജയ് (തമിഴ്: விஜய்) എന്നറിയപ്പെടുന്ന ജോസഫ് വിജയ് ചന്ദ്രശേഖർ, (ജനനം: ജൂൺ 22, 1974).ആരാധകർ ഇദ്ദേഹത്തെ സ്നേഹപൂർവ്വം ഇളയദളപതി (അടുത്ത രജിനികാന്ത് )എന്ന് വിളിക്കാറുണ്ട് .തമിഴ് സിനിമ ചരിത്രത്തിൽ രജനികാന്ത് കഴിഞ്ഞാൽ ഏറ്റവും ജനപ്രീതി ഉള്ള നടനും ഏറ്റവും വലിയ വിജയചിത്രങ്ങളും ഈ നടന് അവകാശപ്പെടാവുന്നതാണ് .1997 ,2005 വർഷങ്ങളിൽ തമിഴ് നാട് സർക്കാരിന്റെ മികച്ച നടനുള്ള പുരസ്‌കാരം നേടി .പൂവേ ഉൻ കാക ,കാതലുക്ക് മര്യദ ,തുള്ളാത്ത മനവും തുള്ളും,ഷാഹ്‌ജഹാൻ ,തിരുമലൈ ,ഗില്ലി ,പോക്കിരി ,തുപ്പാക്കി ,കത്തി എന്നിവ ആണ് പ്രമുഖ ചിത്രങ്ങൾ .

ആദ്യ ജീവിതം[തിരുത്തുക]

തമിഴ് ചലച്ചിത്രനിർമ്മാതാ‍വായ എസ്.എ. ചന്ദ്രശേഖറിന്റേയും ശോഭ ചന്ദ്രശേഖറിന്റേയും മകനായിട്ടാണ് വിജയ് ജനിച്ചത്. വിദ്യാഭ്യാ‍സം പൂർത്തീകരിച്ചത് ചെന്നയിലെ ലൊയൊള കോളേജിൽ നിന്നാണ്. ഇവിടെ പിന്നീട്പ്രമുഖ നടന്മാരായി തീർന്ന സൂര്യ ശിവകുമാർ, യുവൻ ശങ്കർ രാജ എന്നിവർ ഒന്നിച്ച പഠിച്ചിരുന്നു. സംഗീതയെയാണ് 1999 ഓഗസ്റ്റ് 25 ന് വിജയ് വിവാഹം ചെയ്തു. വിജയിന്റെ ആരാധികയായിരുന്ന സംഗീത. ഇവർക്ക് ഇപ്പോൾ രണ്ട് മക്കളുണ്ട്.

പ്രത്യേകതകൾ[തിരുത്തുക]

2017ൽ പുറത്തിറങ്ങിയ ഭൈരവയിലെ തലക്കെട്ട് ഗാനം പിന്നീട് Hindi യിലേക്കും ഈണം ആക്കാൻ തീരുമാനം ഉണ്ടായി.

അഭിനയജീവിതം[തിരുത്തുക]

വിജയ് തന്റെ അഭിനയ ജീ‍വിതം തുടങ്ങിയത് ചെറിയ ബാലതാരത്തിന്റെ വേഷങ്ങൾ ചെയ്തിട്ടാണ്. തന്റെ പിതാവായ എസ്.എ. ചന്ദ്രശേഖർ നിർമ്മിച്ച നാളൈയ തീർപ്പു എന്ന ചിത്രത്തിലാണ് ആദ്യമായി അഭിനയിച്ചത്.പിന്നീട് വിജയകാന്തും ഒന്നിച്ചു സിന്ദൂരപാണ്ടി എന്ന ചിത്രത്തിൽ അഭിനയിച്ചു.പിന്നീട് ചില ലോബഡ്ജറ് പരാജയചിത്രങ്ങളിൽ അഭിനയിച്ചു .മറ്റൊരു പ്രമുഖ യുവതാരം അജിതതും ഒരുമിച്ചു 1994 രാജാവിന് പാർവ്വയിലെ എന്ന ചിത്രത്തിൽ അഭിനയിച്ചു.ഈ സിനിമയിൽ അജിത്തിന്റെ നഷ്ടപ്രണയത്തിനു പകരം വീട്ടുന്ന സുഹൃത്ത് ആയിട്ടാണ് വിജയ് അഭിനയിച്ചത് .1996 ൽ പുറത്തിറങ്ങിയ പൂവേ ഉനക്കാ എന്ന ചിത്രം ആണ് വിജയുടെ വഴിത്തിരിവ് ആയ ചിത്രം.പിന്നീട് വൺസ് മോർ ,നേര്ക്കു നേർ,കാതുല്ക്ക് മര്യദ ,തുള്ളാത്ത മണവും തുള്ളും തുടങ്ങിയ വിജയചിത്രങ്ങളും അഭിനയിച്ചു.കാതുല്ക്ക് മര്യദ എന്ന ചിത്രത്തിന് മികച്ച നടനുള്ള തമിഴ്നാട് സർക്കാരിന്റെ പുരസ്കാര വും തേടിയെത്തി.ഈ കാലത്തു അദ്ദേഹം ചെയ്ത അധികം സിനിമകളും കോമഡി പ്രണയ ചിത്രങ്ങൾ ആണ് .അദ്ദേഹത്തിന്റെ ശ്രദ്ധേയമായ ആക്ഷനും ഡാൻസ് രംഗങ്ങളും പിന്നീടാണ് തമിഴ് സിനിമയിൽ തരംഗമായത് .

2000 പതിറ്റാണ്ടിന്റെ ആദ്യ പകുതി പൂർണമായും വിജയുടേത് ആയിരുന്നു. 2000ൽ പുറത്തിറങ്ങിയ ഖുഷി ഉൾപ്പെടെ മൂന്ന് ചിത്രങ്ങളും വൻ വിജയങ്ങൾ ആയി.2001 ൽ മലയാളസംവിധായകൻ സിദ്ധിഖിന്റെ ഫ്രണ്ട്‌സ് തമിഴ് റീമേക്കിൽ സൂര്യക്കൊപ്പം അഭിനയിച്ചു .ആ വര്ഷം തന്നെ പിന്നീടിറങ്ങിയ ബദ്രി ,ഷാജഹാൻ ചിത്രങ്ങൾ വലിയ വിജയങ്ങൾ ആയിരുന്നു.ഷാജഹാൻ സിനിമയിലെ "സരക്ക് വെച്ചിരുക്കു "എന്ന ഗാനരംഗം തെന്നിന്ത്യ എമ്പാടും ചലനം സൃഷ്ടിച്ചു .ഈ സിനിമ കേരളത്തിലും വിജയിച്ചു.പിന്നീട് ഇറങ്ങിയ കുറച്ചു ചിത്രങ്ങൾ അത്ര ശ്രെദ്ധിക്കപ്പെട്ടില്ലങ്കിലും 2003 പുറത്തിങ്ങിയ തിരുമലൈ ആണ് വിജയ്ക് വഴിത്തിരിവ് ആയത് . ഇതിലൂടെ വിജയ് യുവനടന്മാർക് ഇടയില് ഏറ്റവും നല്ല ആക്ഷൻ മാസ്സ്‌ ഹീറോ ആണെന്ന് തെളിയിച്ചു .അടുത്ത വര്ഷം പുറത്തിറങ്ങിയ ഗില്ലി എന്ന ചിത്രം തമിഴ് സിനിമ ചരിത്രം തിരുത്തി എഴുതി.തമിഴിൽ 50 കോടി നേടിയ ആദ്യ ചിത്രമായിരുന്നു ഗില്ലി.രജിനിക് പോലും അന്യമായിരുന്ന വിജയത്തോടെ വിജയ് തന്നെ ഇളയദളപതി എന്നുറപ്പിച്ചു.

2014ൽ വിജയ് ജില്ല എന്ന സിനിമയിൽ മലയാള സൂപ്പർ താരം മോഹൻലാലിന്റെ കൂടെ തകർത്തഭിനയിച്ചു.

താരപദവി[തിരുത്തുക]

-->

പിന്നണിഗായകനായി[തിരുത്തുക]

തമിഴ് ചിത്രങ്ങളിൽ പിന്നണിഗായകനായും വിജയ് പ്രവർത്തിച്ചിട്ടുണ്ട്. സച്ചിൻ എന്ന ചിത്രത്തിൽ വിജയ് പാ‍ടിയ ഗാനങ്ങൾ വിജയമായിരുന്നു. പിന്നീട് പല സിനിമകളിലും അദ്ദേഹം പാടിയിട്ടുണ്ട്. 2012ൽ തുപ്പാക്കി എന്ന ചിത്രത്തിലും അദ്ദേഹം പാടി. 2013ൽ തലൈവ എന്ന ചിത്രത്തിലും പാടി. 2014ൽ ജില്ലയിലെ കണ്ടാങ്കി എന്നാരംഭിക്കുന്ന ഗാനം വിജയ് പാടി. 2014-ൽ പുറത്തിറങിയ കത്തിയിൽ selfie-എന്ന ഗാനത്തിലൂടെ വിജയ് ആരാധകരെ കയ്യിലെടുത്തു, ഇതോടെ വിജയ് പാടിയ പാട്ടുകളുടെ എണ്ണം 32 ആയി..

അവലംബം[തിരുത്തുക]

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=വിജയ്&oldid=2638038" എന്ന താളിൽനിന്നു ശേഖരിച്ചത്