ലിയോ (2023 ഇന്ത്യൻ സിനിമ)
| ലിയോ | |
|---|---|
| സംവിധാനം | ലോകേഷ് കനകരാജ്j |
| കഥ |
|
| അടിസ്ഥാനമാക്കിയത് | ഡേവിഡ് ക്രോണൻബർഗ് ൻറെ "എ ഹിസ്റ്ററി ഓഫ് വയലൻസ്"[1] |
| നിർമ്മാണം |
|
| അഭിനേതാക്കൾ | വിജയ് മാത്യു തോമസ് സഞ്ജയ് ദത്ത് അർജുൻ സർജ തൃഷ |
| ഛായാഗ്രഹണം | മനോജ് പരമഹംസ |
| ചിത്രസംയോജനം | ഫിലോമിൻ രാജ് |
| സംഗീതം | അനിരുദ്ധ് രവിചന്ദർ |
നിർമ്മാണ കമ്പനി | |
| വിതരണം | see below |
റിലീസ് തീയതി |
|
ദൈർഘ്യം | 164 മിനിട്ട്[2] |
| രാജ്യം | ഇന്ത്യ |
| ഭാഷ | തമിഴ് |
| ബജറ്റ് | est.₹250–350 crore[3][4] |
| ബോക്സ് ഓഫീസ് | est.₹620 crore[5] |
ലിയോ, (ലിയോ: ബ്ലഡി സ്വീറ്റ് എന്നും അറിയപ്പെടുന്നു), 2023 ഒക്ടോബറിൽ പുറത്തിറങ്ങിയ തമിഴ് ഭാഷയിലെ ഒരു ആക്ഷൻ ത്രില്ലർ ചിത്രമാണ്. സെവൻ സ്ക്രീൻ സ്റ്റുഡിയോയുടെ ബാനറിൽ എസ്. എസ്. ലളിത് കുമാറാണ് ചിത്രം നിർമ്മിച്ചത്. ജഗദീഷ് പളനിസാമി ചിത്രത്തിൻറെ സഹനിർമ്മാതാവായി പ്രവർത്തിച്ചു. രത്ന കുമാറും ദീരജ് വൈദിയും ചേർന്ന് രചന നടത്തിയ ഈ ചിത്രത്തിൻറെ സംവിധാനം നിർവ്വഹിച്ചത് ലോകേഷ് കനകരാജ് ആണ്. വിജയ്, തൃഷ എന്നിവർക്കൊപ്പം സഞ്ജയ് ദത്ത്, അർജുൻ സർജ, മാത്യു തോമസ്, ഗൗതം വാസുദേവ് മേനോൻ, മൻസൂർ അലി ഖാൻ, മിഷ്കിൻ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്. ലോകേഷ് സിനിമാറ്റിക് യൂണിവേഴ്സിൽ വരുന്ന മൂന്നാമത്തെ സിനിമയാണ് ലിയോ.ഡേവിഡ് ക്രോണൻബർഗ് സംവിധാനം ചെയ്ത് ജോഷി ഓൾ ൾസൺ എഴുതി 2005-ൽ പുറത്തിറങ്ങിയ ഒരു ഇംഗ്ലീഷ് ആക്ഷൻ ത്രില്ലർ ചിത്രമായിരുന്ന "എ ഹിസ്റ്ററി ഓഫ് വയലൻസ്" എന്ന ചിത്രത്തെ കഥയെ ആസ്പദമാക്കിയാണ് ഈ ചിത്രം നിർമ്മിക്കപ്പെട്ടത്.
നായകനായി അഭിനയിച്ച വിജയ്യുടെ 67-ാമത്തെ ചിത്രമായതിനാൽ 2023 ജനുവരിയിൽ ദളപതി 67 എന്ന താൽക്കാലിക തലക്കെട്ടോടെ ചിത്രം ഔദ്യോഗികമായി പ്രഖ്യാപിച്ചുവെങ്കിലും, കുറച്ച് ദിവസങ്ങൾക്ക് ശേഷം ചിത്രത്തിന്റെ യഥാർത്ഥ പേര് പ്രഖ്യാപിച്ചു. പ്രിൻസിപ്പൽ ഫോട്ടോഗ്രാഫി അതേ മാസം ചെന്നൈയിൽ തുടങ്ങുകയും കശ്മീരിലെ ഇടയ്ക്കിടെയുള്ള ഷെഡ്യൂളിനുശേഷം മുൻ ലൊക്കേഷനിലേയ്ക്ക് തിരിച്ചെത്തുകയും ജൂലൈ പകുതിയോടെ ചിത്രം പൂർത്തിയാക്കുകയും ചെയ്തു. ഈ ചിത്രത്തിൻറെ സംഗീതസംവിധാനം അനിരുദ്ധ് രവിചന്ദറും ഛായാഗ്രഹണം മനോജ് പരമഹംസയും എഡിറ്റിംഗ് ഫിലോമിൻ രാജും നിർവ്വഹിച്ചിരിക്കുന്നു.
സ്റ്റാൻഡേർഡ്, ഐമാക്സ്, മറ്റ് പ്രീമിയം ഫോർമാറ്റുകളിൽ 2023 ഒക്ടോബർ 19-ന് ലോകമെമ്പാടുമുള്ള തിയേറ്ററുകളിൽ ലിയോ റിലീസ് ചെയ്തിട്ടുണ്ട്.
അഭിനേതാക്കൾ
[തിരുത്തുക]- വിജയ് : ലിയോ ദാസ് / പാർത്ഥിപൻ "പാർത്ഥി"
- സഞ്ജയ് ദത്ത് : ആൻറണി ദാസ്
- അർജുൻ സർജ : ഹരോൾഡ് ദാസ്
- തൃഷ : സത്യ (ശബ്ദം ഡബ്ബ് ചെയ്തത് ചിന്മയി ശ്രീപാദ)
- ഗൗതം മേനോൻ : (ഫോറസ്റ്റ് റേഞ്ചർ), ജോഷി ആൻഡ്രൂസ്
- മഡോണ സെബാസ്റ്റ്യൻ : എലിസ ദാസ്
- പ്രിയ ആനന്ദ് : പ്രിയ ആൻഡ്രൂസ്
- ജോർജ്ജ് മരിയൻ : പോലീസ് ഓഫീസർ നെപ്പോളിയൻ
- മാത്യു തോമസ് : സിത്ഥാർത്ഥ് "സിദ്ദു"
- ഇയൽ : മതി "ചിന്തു"
- മൻസൂർ അലി ഖാൻ : ഹൃദയരാജ് ഡി'സൂസ
- ബാബു ആന്റണി : ആൻറണിയുടെ അനുചരൻ
- മിഷ്കിൻ : ഷൺമുഖം
- സാൻഡി മാസ്റ്റർ :ഷൺമുഖത്തിന്റെ സംഘത്തിലെ ഒരു കൊള്ളക്കാരൻ
- മധുസൂധൻ റാവു : ഷൺമുഖത്തിന്റെ അളിയൻ
- ജനനി കുനശീലൻ : ശ്രുതി
- ഡെൻസിൽ സ്മിത്ത് : ഒരു ന്യായാധിപൻ
- ശാന്തി മായാദേവി : പാർത്ഥിപന്റെ അഭിഭാഷകൻ
- ലീല സാംസൺ : പബ്ലിക് പ്രോസിക്യൂട്ടർ
- രാമകൃഷ്ണൻ : ഗാബ്ബി
- വൈയാപുരി : ജ്യോത്സ്യൻ
- ദിനേശ് മാസ്റ്റർ
- ശാന്തി മാസ്റ്റർ : ഷൺമുഖന്റെ ഭാര്യ
- സചിൻ മണി : ശ്രുതിയുടെ ഭർത്താവ്
- ജവഹർ : ഒരു വെറ്ററിനറി ഡോക്ടർ
- അനുരാഗ് കശ്യപ് : ഡാനിയൽ (ചെറു വേഷം)
- മായ എസ്.കൃഷ്ണൻ : ഏജൻറ് വിക്രം അംഗരക്ഷകൻ (ചെറുവേഷം)
- കമൽഹാസൻ : ഏജൻറ് വിക്രം (ശബ്ദം)
അവലംബം
[തിരുത്തുക]- ↑ ഉദ്ധരിച്ചതിൽ പിഴവ്: അസാധുവായ
<ref>ടാഗ്;AHOVഎന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ ഉദ്ധരിച്ചതിൽ പിഴവ്: അസാധുവായ
<ref>ടാഗ്;cutഎന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ ഉദ്ധരിച്ചതിൽ പിഴവ്: അസാധുവായ
<ref>ടാഗ്;salaryഎന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ ഉദ്ധരിച്ചതിൽ പിഴവ്: അസാധുവായ
<ref>ടാഗ്;budgetഎന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ "LEO Worldwide Opening Day Box Office Estimates: Vijay starrer destroys all records with Rs 140 crore start". PINKVILLA (in ഇംഗ്ലീഷ്). 19 ഒക്ടോബർ 2023. Archived from the original on 20 ഒക്ടോബർ 2023. Retrieved 20 ഒക്ടോബർ 2023.