ഉപയോക്താവിന്റെ സംവാദം:Sreeeraaj

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

നമസ്കാരം Sreeeraaj !,

മലയാളം വിക്കിപീഡിയയിലേക്ക്‌ സ്വാഗതം. താങ്കളുടെ അംഗത്വത്തിന് നന്ദി. താങ്കൾക്ക്‌ ഈ സ്ഥലം ഇഷ്ടമായെന്നും ഇവിടെ അൽപസമയം ചെലവഴിക്കുമെന്നും പ്രതീക്ഷിക്കുന്നു. താങ്കൾക്ക് ഉപയോഗപ്പെടാവുന്ന ചില താളുകൾ താഴെ കൊടുക്കുന്നു.

ലിപിമാറ്റ രീതിയിൽ മലയാളം ടൈപ്പ് ചെയ്യുവാൻ ഉപയോഗിക്കാവുന്ന മൊഴി സ്കീമിന്റെ ചിത്രം

താങ്കൾ പുതുമുഖങ്ങൾക്കായുള്ള താൾ പരിശോധിച്ചിട്ടില്ലെങ്കിൽ ദയവായി അപ്രകാരം ചെയ്യാൻ താത്പര്യപ്പെടുന്നു.

വിക്കിപീഡിയരിൽ ഒരാളായി ഇവിടെ തിരുത്തലുകൾ നടത്തുന്നത് താങ്കൾ ആസ്വദിക്കുമെന്ന് ഞാൻ കരുതുന്നു. താങ്കളെപ്പറ്റിയുള്ള വിവരങ്ങൾ‍ ഉപയോക്താവിനുള്ള താളിൽ നൽകാവുന്നതാണ്‌. സംവാദ താളുകളിൽ ഒപ്പ് വെക്കുവാനായി നാല് "ടിൽഡ" (~~~~) ഉപയോഗിക്കുകയോ, ടൂൾബാറിലെ Insert-signature.png ബട്ടൻ ഉപയോഗിക്കുകയോ ചെയ്യുക. സ്വന്തം പേരും തീയതിയും സമയവും താനേ വന്നുകൊള്ളും. എന്നാൽ ലേഖനങ്ങളിൽ അപ്രകാരം ഒപ്പുവെക്കാതിരിക്കാൻ ശ്രദ്ധിക്കുക. മറ്റ് ഉപയോക്താക്കളോട് സം‌വദിക്കാൻ അവരുടെ സം‌വാദത്താളിൽ താങ്കളുടെ സന്ദേശം എഴുതാവുന്നതാണ്. വിക്കിപീഡിയയിൽ എന്തെങ്കിലും സഹായം ആവശ്യമുണ്ടെങ്കിൽ എന്റെ സംവാദ താളിൽ ഒരു കുറിപ്പ് ഇടൂ, അല്ലെങ്കിൽ താങ്കളുടെ സംവാദ താളിൽ {{helpme}} എന്ന് ചേർക്കൂ, ആരെങ്കിലും ഉടനെ തന്നെ താങ്കളെ സഹായിക്കാൻ ശ്രമിക്കും. ഒരു നല്ല വിക്കിപീഡിയ അനുഭവം ആശംസിക്കുന്നു.

വിക്കിമീഡിയയുടെ മലയാളം പദ്ധതികൾക്കായി ഒരു മെയിലിങ് ലിസ്റ്റ് നിലവിലുണ്ട്. ആ ലിസ്റ്റിൽ അംഗത്വം എടുത്ത് താങ്കൾക്ക് വിക്കിപീഡിയയെക്കുറിച്ചുള്ള അഭിപ്രായങ്ങളും, സംശയങ്ങളും, വിക്കിപീഡിയ മെച്ചപ്പെടുത്താനുള്ള വഴികളും ഒക്കെ അവിടെ ഉന്നയിക്കാവുന്നതാണ്‌. മെയിലിങ്ങ് ലിസ്റ്റിൽ അംഗത്വമെടുക്കാൻ ഇവിടെ ഞെക്കുക https://lists.wikimedia.org/mailman/listinfo/wikiml-l. ലിസ്റ്റിൽ അംഗത്വമെടുത്തതിനു ശേഷം wikiml-l@lists.wikimedia.org എന്ന ഇമെയിൽ വിലാസത്തിലേക്കു ഇമെയിൽ അയച്ചാൽ മറ്റുള്ള വിക്കിപീഡിയർ നിങ്ങളെ സഹായിക്കും.

ഇനിയും ബുദ്ധിമുട്ട് തോന്നുന്നുവെങ്കിൽ വിക്കിപീഡിയരോട് നേരിട്ട് സംശയം ചോദിക്കാൻ ചാറ്റ് ചെയ്യാം. ഇതിനായി ഇവിടെ ഞെക്കുക. ആരെങ്കിലും ചാറ്റ്റൂമിലുണ്ടെങ്കിൽ അവർ തീർച്ചയായും താങ്കളെ സഹായിക്കുന്നതാണ്.

-- സ്വാഗതസംഘം (സംവാദം) 07:09, 22 മാർച്ച് 2017 (UTC)

വിക്കിപീഡിയ:ഏഷ്യൻ മാസം 2019[തിരുത്തുക]

പ്രിയ സുഹൃത്തേ,
ഏഷ്യൻ‍ വിക്കിസമൂഹങ്ങളുടെ പരസ്പര സഹകരണം വർദ്ധിപ്പിക്കാനായി 1 നവംബർ 2019 - 30 നവംബർ 2019 വരെ സംഘടിപ്പിക്കുന്ന ഏഷ്യൻ മാസം 2019 തിരുത്തൽ യജ്ഞത്തിൽ പങ്കെടുക്കാനായി താങ്കളെ ക്ഷണിക്കുന്നു.

ഏഷ്യൻരാജ്യങ്ങളുമായി ബന്ധപ്പെട്ട വിഷയങ്ങളിലെ ലേഖനങ്ങൾ എഴുതുവാനും വികസിപ്പിക്കുവാനും ഉദ്ദേശിച്ചുള്ള പദ്ധതിയാണിത്. ഓരോ വിക്കിപീഡിയയിലും ഏറ്റവും കൂടുതൽ ലേഖനങ്ങൾ ചേർക്കുന്ന വരെ വിക്കിപീഡിയ ഏഷ്യ അംബാസിഡർമാരായി ആദരിക്കുന്നതാണ്.

കൂടുതൽ വിവരങ്ങളും നിയമാവലിയും അറിയാനായി ഏഷ്യൻ മാസം 2019 താൾ സന്ദർശിക്കുക. ഈ പദ്ധതി വിജയകരമാക്കിതീർക്കാൻ താങ്കളുടെ സഹകരണം പ്രതീക്ഷിച്ചുകൊണ്ട്, സ്നേഹമോടെ--Meenakshi nandhini (സംവാദം) 09:57, 27 ഒക്ടോബർ 2019 (UTC)

കപ്പൽവിനിമയം (ട്രാൻസ്ഷിപ്പ്മെൻ്റ് - TRANSSHIPMENT) എന്ന ലേഖനം നീക്കം ചെയ്യാനുള്ള നാമനിർദ്ദേശം[തിരുത്തുക]

കപ്പൽവിനിമയം (ട്രാൻസ്ഷിപ്പ്മെൻ്റ് - TRANSSHIPMENT) എന്ന ലേഖനം വിക്കിപീഡിയയുടെ മാനദണ്ഡങ്ങൾക്കും നയരേഖകൾക്കും അനുസൃതമായി നിലനിർത്താവുന്നതാണോ അതോ നീക്കം ചെയ്യേണ്ടതാണോ എന്ന വിഷയത്തെക്കുറിച്ച് വിക്കിപീഡിയ:ഒഴിവാക്കാൻ സാദ്ധ്യതയുള്ള ലേഖനങ്ങൾ/കപ്പൽവിനിമയം (ട്രാൻസ്ഷിപ്പ്മെൻ്റ് - TRANSSHIPMENT) എന്ന താളിൽ ഒരു ചർച്ച ആരംഭിച്ചിരിക്കുന്നു. തൃപ്തികരമായ ഒരു സമവായത്തിലെത്തുന്നതുവരെ ഈ ചർച്ച തുടരുന്നതായിരിക്കും. ലേഖനം വിക്കിപീഡിയയിൽ ഉൾപ്പെടുത്താൻ തക്ക വിധത്തിലുള്ള ശ്രദ്ധേയത, നിഷ്പക്ഷത, സ്വീകാര്യത എന്നിവയെ ലക്ഷ്യമാക്കിയുള്ള ശക്തമായ അവലംബങ്ങളും വാദഗതികളുമാണു് ഈ ചർച്ചയിൽ പ്രതീക്ഷിക്കുന്നതു്.

ഈ ചർച്ച നടന്നുകൊണ്ടിരിക്കുമ്പോൾത്തന്നെ കൂടുതൽ വിവരങ്ങളും അവലംബങ്ങളും മറ്റും ചേർത്ത് പ്രസ്തുതലേഖനം പുഷ്ടിപ്പെടുത്താവുന്നതാണു്. എന്നാൽ, കാര്യനിർവ്വാഹകരുടെ നേതൃത്വത്തിൽ കൂട്ടായി ഒരു അന്തിമതീരുമാനം ഉണ്ടാവുന്നതുവരെ, ലേഖനത്തിന്റെ മുകളിൽ ചേർത്തിട്ടുള്ള, ലേഖനം മായ്ക്കാൻ നിർദ്ദേശിക്കപ്പെട്ട അറിയിപ്പ് നീക്കം ചെയ്തുകൂടാ.

 ലിജോ | ^ സംവാദം ^ 06:43, 22 നവംബർ 2019 (UTC)

മലയാള തലക്കെട്ടിനോടൊപ്പം ആംഗലേയ തലക്കെട്ട് ചേർക്കുന്നത്, ആംഗലേയ പദങ്ങൾ മലയാളീകരിക്കുന്നതിനെ കുറിച്ച്[തിരുത്തുക]

താങ്കളുടെ ലേഖനങ്ങൾ ഭൂരിഭാഗവും മലയാളീകരിക്കുവാൻ ശ്രമിക്കുന്നതായി കണ്ടു. നല്ലത്. പക്ഷെ മലയാള തലക്കെട്ടിനോട് ഒപ്പം ആംഗലേയ തലക്കെട്ടു കൊടുക്കുന്നത് അഭികാമ്യമല്ല. അതിനു പകരം ആംഗലേയ താൾ മലയാള താളിലോട്ടു ഒരു തിരിച്ചു വിടൽ ആയി നിർമ്മിച്ചാൽ മതിയാകും. ആയതിനാൽ താഴെ പറയുന്ന ലേഖനങ്ങൾ നീക്കം ചെയ്യാൻ നിർദ്ദേശിക്കുകയാണ്. ഇത് താങ്കൾ നിർമ്മിച്ചതിനാൽ മലയാള പദം മാത്രം വെച്ച് പുതിയ താൾ തുടങ്ങുവാനും ഇംഗ്ലീഷ് താൾ ഇതിലോട്ടു തിരിച്ചു വിടാനും നിർദേശിക്കുന്നു.

  1. വക്രം (Curve)
  2. കപ്പൽവിനിമയം (ട്രാൻസ്ഷിപ്പ്മെൻ്റ് - TRANSSHIPMENT)
  3. സംബോധന കേന്ദ്രം (കാൾ സെൻ്റ൪)
 താഴെ പറയുന്ന ഇംഗ്ലീഷ് പദങ്ങളുടെ മലയാള പദമായി കൊടുത്തിയരികുന്നത് ശെരിക്കും ഉള്ളത് തന്നെയാണോ?
  1. കമ്പ്യൂട്ട൪ സാംക്രമികാണു - കമ്പ്യൂട്ടർ വൈറസ് എന്നത് തന്നെയാണ് ഉത്തമം.
  2. സാംഖ്യക ഛായാഗ്രാഹി
  3. ജാലികാ ഛായാഗ്രാഹി
  4. നിവേശനഫലകം
  5. സാമൂഹ്യ ജാലിക
  6. സാ൪വ്വലോക ജാലി
  7. പര്യയനി
  8. ജാലിക
  9. ഫയൽ വിനിമയ നേ൪മുറകൾ - ഫയൽ ട്രാൻസ്‌ഫർ പ്രോട്ടോകോൾ!!

കമ്പ്യൂട്ടർ ശാസ്ത്രവുമായി ബന്ധപ്പെട്ട ലേഖനങ്ങളിൽ മുഴുവനായും മലയാള പദങ്ങൾ ഉപയോഗിക്കുന്നത് സാങ്കേതികമായി ബുദ്ധിമുട്ട് ഉണ്ടാകുന്നതാണ്. അതിനാൽ ഇങ്ങനത്തെ വാക്കുകൾ പ്രയോഗിക്കുമ്പോൾ ഒരു ചർച്ച കൊണ്ട് വരുന്നത് നല്ലത് എന്നാണ് എന്റെ അഭിപ്രായം. ലിജോ | ^ സംവാദം ^ 11:15, 26 നവംബർ 2019 (UTC)

:@Sreeeraaj:

ജാലീപ്രവേശികകൾ - ഇങ്ങനെ ഒരു വാക്ക് തിരഞ്ഞിട്ട് കിട്ടിയില്ല. വിവരസാങ്കേതിക വിദ്യയുമായി ബന്ധപ്പെട്ട ലേഖനങ്ങൾ എഴുതുമ്പോൾ മലയാളീകരിക്കുന്നതിനെ കുറിച്ച് താങ്കൾക്ക് ഒരു സന്ദേശം ഇട്ടിരുന്നു. മറുപടി ഒന്നും കിട്ടിയില്ല.

@Akhiljaxxn: - താങ്കളുടെ അഭിപ്രായം ആരായുന്നു.

@Ranjithsiji: - താങ്കളുടെ അഭിപ്രായം ആരായുന്നു. ലിജോ | ^ സംവാദം ^ 17:24, 21 ഡിസംബർ 2019 (UTC)

താങ്കളുടെ അഭിപ്രായങ്ങളെ മാനിക്കുന്നു. എനിക്ക് വിക്കിപീഡിയയിലെ സാങ്കേതികവശങ്ങൾ തഴക്കം വന്നിട്ടില്ല. ലേഖനങ്ങൾ എഴുതാനും മലയാളം ഇൻസ്കിപ്റ്റ് നിവേശനവും നന്നായി അറിയാം. താൾ തിരിച്ചുവിടുന്ന കാര്യം എനിക്ക് മനസിലായില്ല. ഞാൻ സഹായം താൾ വായിച്ച് നോക്കിയിട്ട് അത് ശരിയാക്കാം. പിന്നെ ലേഖനങ്ങളിൽ പരമാവധി മലയാളം തന്നെ ഉപയോഗിക്കുന്നത് തന്നെയല്ലേ നല്ലത്. web = ജാലി, Website = ജാലിക, internet = ജാലീശൃംഖല എന്നിങ്ങനെ ഉപയോഗിക്കാവുന്നതല്ലേ. നമ്മൾ ഉപയോഗിച്ചാൽ മാത്രമല്ലേ മലയാള വാക്കുകൾ പ്രചാരത്തിൽ വരികയുളളു Sreeeraaj (സംവാദം) 16:10, 28 ഡിസംബർ 2019 (UTC)

പുതുവർഷ ആശംസകൾ.

സുഹൃത്തേ, മേല്പറഞ്ഞതൊക്കെ താങ്കൾ കണ്ടു പിടിച്ച വാക്കാണ്. web = ജാലി, Website = ജാലിക, internet = ജാലീശൃംഖല വേറെ എവിടെ എങ്കിലും ആധികാരികമായി ഇങ്ങനെ ഉപയോഗിക്കുന്നുണ്ടോ? ഇല്ലെങ്കിൽ പിന്നെ എങ്ങനെ ഉപയോഗിക്കാൻ പറ്റും? ലിജോ | ^ സംവാദം ^ 15:15, 1 ജനുവരി 2020 (UTC)

ചില്ലക്ഷരം[തിരുത്തുക]

ലേഖലങ്ങളിൽ എന്നതിന് പകരം ഉപയോഗിക്കുന്നതായി കാണുന്നു. അതിവിശിഷ്ടവ്യക്തി എന്ന താളിൽ ഇത് ഞാൻ തിരുത്തിയിട്ടുണ്ട്. മുൻലേഖനങ്ങളിലും ഈ തെറ്റ് കാണുന്നു. ശ്രദ്ധിക്കുമല്ലോ?--------------- --Vijayan Rajapuram {വിജയൻ രാജപുരം} 05:46, 30 ഡിസംബർ 2019 (UTC)

നന്ദി ഇനിമുതല് അക്കാര്യം ശ്രദ്ധിക്കാം Sreeeraaj (സംവാദം) 07:26, 31 ഡിസംബർ 2019 (UTC)


ഞാൻ തിരുത്താം സർ Sreeeraaj (സംവാദം) 10:25, 1 ജനുവരി 2020 (UTC)

സാക്ഷാൽ സംഖ്യകൾ - എന്താണിത്?[തിരുത്തുക]

സാക്ഷാൽ സംഖ്യകൾ - എന്ന ലേഖനം കണ്ടു. താങ്കളുടെ മുൻപുള്ള ലേഖനങ്ങളിലെല്ലാം ഉള്ളൊരു പ്രശ്നമാണ് അനാവശ്യ മലയാളീകരണം. Real Numbers എന്നതിന് വാസ്തവികസംഖ്യ എന്ന പേരിൽ ഒരു ലേഖനം നിലവിൽ ഉണ്ട്. ഒരു ലേഖനം തുടങ്ങുന്നു എങ്കിൽ അത് വിക്കിയിൽ ഇല്ല എന്ന് ഉറപ്പു വരുത്തുക. പിന്നെ ദയവായി സ്വന്തം മലയാള പദം ചേർക്കാതിരിക്കാൻ പരമാവധി ശ്രദ്ധിക്കും എന്ന് വിചാരിക്കുന്നു. ലിജോ | ^ സംവാദം ^ 15:21, 1 ജനുവരി 2020 (UTC)

ലേഖനത്തിന്റെ ഉളളടക്കം മായ്ച്ചുകളഞ്ഞ ശേഷം വാസ്തവികസംഖ്യ എന്നതിലേയ്ക്ക തിരിച്ചുവിട്ടിട്ടുണ്ട്.Sreeeraaj (സംവാദം) 16:03, 1 ജനുവരി 2020 (UTC)

ആ തിരിച്ചുവിടലിന്റെ ആവശ്യം ഇല്ലായിരുന്നു. കാരണം സാക്ഷാൽ എന്ന പ്രയോഗം റിയൽ നമ്പേഴ്സിന് ഇല്ല. അപ്പോൾ പിന്നെ തിരിച്ചു വിടലിന്റെ അർത്ഥമെന്ത്? ലിജോ | ^ സംവാദം ^ 16:49, 1 ജനുവരി 2020 (UTC)

റിയൽ എന്നതിന് സാക്ഷാൽ എന്നും പ്രയോഗിക്കുന്നത് നല്ലതല്ലേ. Sreeeraaj (സംവാദം) 16:55, 1 ജനുവരി 2020 (UTC)

സാക്ഷാൽ സംഖ്യ - വാസ്തവിക സംഖ്യ

ഇതിലേതാണ് ഉചിതം? റിയൽ എന്നതിന് സാക്ഷാൽ എന്ന അർഥം ഉള്ളത് ശെരി തന്നെ. എന്നാൽ റിയൽ നമ്പേഴ്സിന് വാസ്തവിക സംഖ്യ എന്നത് തന്നെയാണ് ശെരിയയായ അർഥം. ദയവായി താങ്കൾ സ്വന്തമായി മലയാള പദം ഉണ്ടാകുന്നതിന് മുൻപ് ഒരു ചർച്ച തുടങ്ങി സമവായത്തിൽ എത്തുക. ഇത് പറ്റില്ല എങ്കിൽ ആധികാരികമായ ഉപയോഗം നൽകുക. താങ്കളോട് താഴെ പറയുന്ന ലേഖനങ്ങളിലെ മലയാള പദങ്ങളെ കുറിച്ച് ഞാൻ ഒരു സംവാദം ഇട്ടിരുന്നു.

  1. കമ്പ്യൂട്ട൪ സാംക്രമികാണു - കമ്പ്യൂട്ടർ വൈറസ് എന്നത് തന്നെയാണ് ഉത്തമം.
  2. സാംഖ്യക ഛായാഗ്രാഹി
  3. ജാലികാ ഛായാഗ്രാഹി
  4. നിവേശനഫലകം
  5. സാമൂഹ്യ ജാലിക
  6. സാ൪വ്വലോക ജാലി
  7. പര്യയനി
  8. ജാലിക
  9. ഫയൽ വിനിമയ നേ൪മുറകൾ - ഫയൽ ട്രാൻസ്‌ഫർ പ്രോട്ടോകോൾ!!

ഇങ്ങനെ വികലമായ പദങ്ങൾ ഉപയോഗിക്കുന്നതിന് ഞാൻ എതിരാണ്. ലിജോ | ^ സംവാദം ^ 17:08, 1 ജനുവരി 2020 (UTC)

വികലമായ പദങ്ങൾ ഞാൻ നീക്കം ചെയ്തേയ്ക്കാം. (ബ്രൗസ൪ എന്നതിന് പര്യയനി എന്ന് ഉപയോഗിക്കുന്നത് വികലമല്ലെന്ന് തോന്നുന്നു) Sreeeraaj (സംവാദം) 17:18, 1 ജനുവരി 2020 (UTC)

ബ്രൗസ൪ എന്നതിന് പര്യയനി എന്നത് ഉണ്ടോ എന്ന് എനിക്ക് അറിയില്ല. എന്നാൽ വെബ് ബ്രൌസർ എന്നത് വെബ് പര്യയനി ആക്കുന്നത് ഉചിതമല്ല. മാത്രവുമല്ല വിക്കിനിഘണ്ടുവിൽ താങ്കൾ നടത്തിയ ഈ തിരുത്തൽ പ്രകാരം എങ്ങനെ പര്യയനി എന്ന വാക്ക് കിട്ടി എന്നറിയുവാൻ ആഗ്രഹം ഉണ്ട്. ലിജോ | ^ സംവാദം ^ 17:42, 1 ജനുവരി 2020 (UTC)

വാക്കുകൾ ഞാൻ ഉണ്ടാക്കിയവയല്ല[തിരുത്തുക]

ഞാൻ ഉപയോഗിച്ചിരിക്കുന്ന എല്ലാ മലയാളവാക്കുകളും വികലമാണെന്ന് പറയുന്നതിനെ അംഗീകരിക്കാൻ കഴിയില്ല. World Wide Web എന്നതിന് നമ്മൾ മലയാളം മനപൂ൪വം ഉപയോഗിക്കുന്നില്ല എന്നതല്ലേ ശരി. Wold Wide എന്നതിന് സ൪വ്വ ലോക എന്ന് മലയാളത്തിൽ പറയാൻ പാടില്ലേ? പിന്നെ Web എന്നാൽ വല, പട൪ന്നു കിടക്കുന്നത് എന്നേ അ൪ത്ഥമുളളു. ജാലി എന്ന വാക്കും അതു തന്നെ. അതു കൊണ്ട് സ൪വ്വലോകജാലി എന്നവാക്കിൽ തെറ്റൊന്നുമില്ല. ബ്രൗസ് എന്നാൽ ചുറ്റി നടന്ന് കാണുക എന്നതല്ലേ ഉദ്ദേശിക്കുന്നത്. അതിന് മലയാളത്തിൽ പര്യയനം ചെയ്യുക എന്ന് പറയുന്നതിലും തെറ്റില്ല. ഈ വാക്കുകൾ ആരും ഉപയോഗിക്കാതിരിക്കുന്നത് എന്റെ കുറ്റമല്ലല്ലോ. ഞാൻ ഉണ്ടാക്കിയ വാക്കുകൾ അല്ല ഇവ. ഇവയെല്ലാം ഭാഷയിൽ ഉളള വാക്കുകൾ തന്നെയാണ്. ഞാൻ ഉപയോഗിച്ചു എന്നുമാത്രം. വികലമായ പ്രയോഗങ്ങൾ ഇനി ഉപയോഗിക്കില്ല എന്ന് ഉറപ്പു തരുന്നു. കീബോ൪ഡ്, പ്രോട്ടോകോൾ, വെബ്സൈററ് എന്നിവയ്ക്ക് ഉപയോഗിച്ചിരിക്കുന്ന മലയാളം വികലമല്ലെന്നാണ് എൻ്റെ ധാരണ. Sreeeraaj (സംവാദം) 02:18, 2 ജനുവരി 2020 (UTC)

ഫയൽ വിനിമയ നേ൪മുറകൾ എന്ന ലേഖനം നീക്കം ചെയ്യാനുള്ള നാമനിർദ്ദേശം[തിരുത്തുക]

ഫയൽ വിനിമയ നേ൪മുറകൾ എന്ന ലേഖനം വിക്കിപീഡിയയുടെ മാനദണ്ഡങ്ങൾക്കും നയരേഖകൾക്കും അനുസൃതമായി നിലനിർത്താവുന്നതാണോ അതോ നീക്കം ചെയ്യേണ്ടതാണോ എന്ന വിഷയത്തെക്കുറിച്ച് വിക്കിപീഡിയ:ഒഴിവാക്കാൻ സാദ്ധ്യതയുള്ള ലേഖനങ്ങൾ/ഫയൽ വിനിമയ നേ൪മുറകൾ എന്ന താളിൽ ഒരു ചർച്ച ആരംഭിച്ചിരിക്കുന്നു. തൃപ്തികരമായ ഒരു സമവായത്തിലെത്തുന്നതുവരെ ഈ ചർച്ച തുടരുന്നതായിരിക്കും. ലേഖനം വിക്കിപീഡിയയിൽ ഉൾപ്പെടുത്താൻ തക്ക വിധത്തിലുള്ള ശ്രദ്ധേയത, നിഷ്പക്ഷത, സ്വീകാര്യത എന്നിവയെ ലക്ഷ്യമാക്കിയുള്ള ശക്തമായ അവലംബങ്ങളും വാദഗതികളുമാണു് ഈ ചർച്ചയിൽ പ്രതീക്ഷിക്കുന്നതു്.

ഈ ചർച്ച നടന്നുകൊണ്ടിരിക്കുമ്പോൾത്തന്നെ കൂടുതൽ വിവരങ്ങളും അവലംബങ്ങളും മറ്റും ചേർത്ത് പ്രസ്തുതലേഖനം പുഷ്ടിപ്പെടുത്താവുന്നതാണു്. എന്നാൽ, കാര്യനിർവ്വാഹകരുടെ നേതൃത്വത്തിൽ കൂട്ടായി ഒരു അന്തിമതീരുമാനം ഉണ്ടാവുന്നതുവരെ, ലേഖനത്തിന്റെ മുകളിൽ ചേർത്തിട്ടുള്ള, ലേഖനം മായ്ക്കാൻ നിർദ്ദേശിക്കപ്പെട്ട അറിയിപ്പ് നീക്കം ചെയ്തുകൂടാ.

 ലിജോ | ^ സംവാദം ^ 16:56, 1 ജനുവരി 2020 (UTC)

വിക്കിപീഡിയയെ ഇനിയും മെച്ചപ്പെട്ടതാക്കാനുള്ള ഗവേഷണപരിപാടികളിലേക്ക് നിങ്ങളുടെ സഹായം അഭ്യർത്ഥിക്കുന്നു[തിരുത്തുക]

പ്രിയപ്പെട്ട @Sreeeraaj:

വിക്കിപീഡിയയിലേക്കുള്ള താങ്കളുടെ സംഭാവനകൾക്ക് വളരെ നന്ദി.

വിക്കിപീഡിയയെ ഇനിയും മെച്ചപ്പെട്ടതാക്കാനുള്ള ഗവേഷണപരിപാടികളിലേക്ക് നിങ്ങളുടെ സഹായം അഭ്യർത്ഥിക്കുന്നു. ഇതിൽ പങ്കെടുക്കാൻ, കുറച്ചു ചെറിയ ചോദ്യങ്ങൾക്ക് ഉത്തരം തന്നാൽ, ഞങ്ങൾ നിങ്ങളെ ബന്ധപ്പെടുകയും തുടർചർച്ചകൾക്കായി ഒരു സമയം തീരുമാനിക്കുകയും ചെയ്യാം.

നന്ദി. ശുഭദിനാശംസകൾ! BGerdemann (WMF) (സംവാദം) 23:14, 1 ജൂൺ 2020 (UTC)

ഈ സർവേ ഒരു തേഡ് പാർട്ടി വഴിയായിരിക്കും ചെയ്യുന്നത്. അത് ചില നിബന്ധനങ്ങൾക്ക് വിധേയമായിരിക്കാം. സ്വകാര്യതയെക്കുറിച്ചും വിവരക്കൈമാറ്റത്തെക്കുറിച്ചുമറിയാൻ സർവേ സ്വകാര്യതാ പ്രസ്താവന കാണുക.

അടിസ്ഥാനവിവരങ്ങളില്ലാത്ത ലേഖനങ്ങൾ[തിരുത്തുക]

@Sreeeraaj, സുഹൃത്തേ, ഇംഗ്ലീഷ് വിക്കിപീഡിയയിൽ, നല്ല അവലംബങ്ങളോടെ, ധാരാളം വിവരങ്ങളോടെയുള്ള ഒരു ലേഖനമാണ് Respiratory quotient. അതിനെ, മലയാളത്തിൽ (ശ്വസനഗുണാങ്കം) അവലംബമൊന്നും ചേർക്കാതെ, വെറും ഒറ്റ വരിയിലൊതുക്കുന്നത്, വിക്കിപീഡിയയോട് ചെയ്യുന്ന അനീതിയാണെന്ന് ഖേദത്തോടെ പറയുന്നു.

അവലംബം[തിരുത്തുക]

@Sreeeraaj, വിക്കിപീഡിയയിൽ താങ്കൾ ശാസ്ത്രലേഖനങ്ങൾ ചേർത്ത് അതിനെ പുഷ്ടിപ്പെടുത്താനുള്ള ശ്രമം അഭിനന്ദനാർഹമാണ്. പക്ഷേ, താങ്കൾ ചേർത്തിരിക്കുന്ന ലേഖനങ്ങളിലൊന്നും അവലംബങ്ങൾ നൽകിയിട്ടില്ല എന്നത് ഒരു പോരായ്മ തന്നെയാണ്. ഇംഗ്ലീഷ് വിക്കിപീഡിയയെ അധികരിച്ചാണ് താങ്കളുടെ ലേഖനങ്ങൾ എന്നു മനസ്സിലാക്കുന്നു. അവയിലെ അവലംബങ്ങളെല്ലാം ഒഴിവാക്കിയാണ് മലയാളത്തിലവ ചേർത്തിരിക്കുന്നത് എന്നകാര്യവും ശ്രദ്ധയിൽപ്പെടുത്തുന്നു. വിക്കിലേഖനങ്ങൾക്ക് അവലംബമേ വേണ്ടതില്ല എന്ന നയം സ്വീകരിച്ചതുപോലൊരു കാഴ്ചപ്പാടാണ് അനുഭവപ്പെടുന്നത്. ഒന്നോ രണ്ടോ ലേഖനങ്ങളിലായിരുന്നു ഈ പ്രശ്നമെങ്കിൽ ശരിയാക്കാൻ ശ്രമിച്ചേനെ. മുപ്പതിൽപ്പരം ലേഖനങ്ങളിൽ ഈ പ്രശ്നമുണ്ട്. ഇവയെല്ലാം മെച്ചപ്പെടുത്താൻ സമയം അനുവദിക്കുന്നില്ല എന്നതിനാൽ, നിലവിലെ, ഇത്തരം പ്രശ്നമുള്ള ലേഖനങ്ങളിൽ, പട്രോളിംഗിന്റെ ഭാഗമായി ആധികാരികത ടാഗ് ചെയ്യുന്നു. മെച്ചപ്പെടുത്തുന്ന മുറയ്ക്ക് ടാഗുകൾ നീക്കം ചെയ്യുന്നതാണെന്ന് അറിയിക്കുന്നു. കൂടാതെ, പലതും, അംഗവിഛേദം സംഭവിച്ച് ദുരവസ്ഥയിലാണ്. ഇതുകൂടി പരിഗണിക്കണം. ഇനിയും ധാരാളം ശാസ്ത്രലേഖനങ്ങൾ ചേർക്കാൻ സാധിക്കട്ടെയെന്ന് ആശംസിക്കുന്നു. --Vijayan Rajapuram {വിജയൻ രാജപുരം} 15:19, 8 ജൂലൈ 2020 (UTC)

ഇംഗ്ലീഷ് പതിപ്പിന്റെ മലയാളപരിഭാഷ മാത്രമാണ് എന്റെ ശാസ്ത്രലേഖനങ്ങൾ[തിരുത്തുക]

@Vijayanrajapuram, എന്റെ ലേഖനങ്ങൾക്ക് വേണ്ട നിർദ്ദേശങ്ങൾ നല്കിയതിന് നന്ദി. ലേഖനങ്ങൾ എല്ലാം ഇംഗ്ലീഷ് വിക്കിയെ അവലംബിച്ചുളളതായതിനാലാണ് അവലംബങ്ങൾ ചേർക്കുന്നതിൽ നിസംഗത തുടർന്നുവന്നത്. ലേഖനം വികസിപ്പിക്കുന്ന മുറയ്ക്ക് ഞാൻ അത് ചേർക്കാൻ പരമാവധി ശ്രമിക്കാം. ദയവായി ആധികാരികതാ ടാബ് മാറ്റണമെന്നഭ്യർത്ഥിക്കുന്നു. എന്റെ എല്ലാ ശാസ്ത്ര ലേഖനങ്ങളും അതാത് ഇംഗ്ലീഷ് താളിലേയ്ക്ക‌് ഞാൻ കണ്ണിചേർത്തിട്ടുളളത് താങ്കൾ ശ്രദ്ധിച്ചിരിക്കുമല്ലോ. ഇംഗ്ലീഷ് ലേഖനത്തിൽ പറയുന്ന കാര്യങ്ങൾ മാത്രമേ ഞാൻ മലയാളം ലേഖനത്തിലും പറയുന്നുളളു. അതു കൊണ്ടുതന്നെ ആധികാരികതയിൽ സംശയം വേണ്ട. ഹിന്ദിയിലും മറ്റുമുളള സമാന ലേഖനങ്ങളും ഇതുപോലെ തന്നെയാണല്ലോ കാണപ്പെടുന്നത്. --Sreeeraaj (സംവാദം) 14:29, 9 ജൂലൈ 2020 (UTC)

ആധികാരിതാടാബ് ചേർക്കേണ്ടെന്ന് അഭ്യർത്ഥിക്കുന്നു[തിരുത്തുക]

@Vijayanrajapuram, ഇംഗ്ലീഷ് ലേഖനത്തിൽ പറയുന്ന കാര്യങ്ങൾ മാത്രമേ ഞാൻ മലയാളം ലേഖനത്തിലും പറയുന്നുളളു. അതു കൊണ്ടുതന്നെ ആധികാരികതയിൽ സംശയം വേണ്ട. ദയവായി ആധികാരികതാ ടാബ് മാറ്റണമെന്നഭ്യർത്ഥിക്കുന്നു. --Sreeeraaj (സംവാദം) 14:37, 9 ജൂലൈ 2020 (UTC)

സുഹൃത്തേ,

  • //ലേഖനങ്ങൾ എല്ലാം ഇംഗ്ലീഷ് വിക്കിയെ അവലംബിച്ചുളളതായതിനാലാണ് അവലംബങ്ങൾ ചേർക്കുന്നതിൽ നിസംഗത തുടർന്നുവന്നത്// എന്ന വാദം നിരർത്ഥകമാണ്. ഇംഗ്ലീഷറിയാത്തവരും മലയാളം വിക്കിയിൽ വിവരം തിരഞ്ഞ് വരുന്നുണ്ട്. ആധികാരികത നോക്കാൻ അന്യഭാഷാ വിക്കിയിൽ പരിശോധിക്കാറില്ല.
  • ഇംഗ്ലീഷ് വിക്കിയിൽ അവലംബമുണ്ടെന്നുകരുതി മലയാളം ലേഖനത്തിന് അത് നൽകാതെ ആധികാരികത ലഭിക്കുമോ?
  • ലേഖനങ്ങൾ അതാത് ഇംഗ്ലീഷ് താളിലേയ്ക്ക‌് കണ്ണിചേർത്തിട്ടുളളത് കൊണ്ട് മാത്രം ആധികാരികമാകില്ല.
  • //ഹിന്ദിയിലും മറ്റുമുളള സമാന ലേഖനങ്ങളും ഇതുപോലെ തന്നെയാണല്ലോ കാണപ്പെടുന്നത്// എന്നൊക്കെയുള്ള ബാലിശമായ ചോദ്യങ്ങളിൽ നിന്നും വിട്ടുനിൽക്കുന്നതാണ് നല്ലതെന്നു കരുതുന്നു.
  • //ആധികാരികതാ ടാബ് മാറ്റണമെന്നഭ്യർത്ഥിക്കുന്നു// എന്നെഴുതുന്നതിനുമുൻപ്, ലേഖനമൊന്നു മെച്ചപ്പെടുത്താനെങ്കിലും ശ്രമിച്ചുകൂടേ? മെച്ചപ്പെടുമ്പോൾ, തീർച്ചയായും, ടാഗുകൾ മായ്ക്കപ്പെടും. മറ്റുള്ളവരുടെ സഹായവും ലഭിക്കും എന്നാണെന്റെ അനുഭവം. നിരവധി ലേഖനങ്ങൾ, കൈകാലുകൾ ഛേദിക്കപ്പെട്ട നിലയിൽ (ദുരവസ്ഥ എന്ന് എഴുതേണ്ടിവന്നത് അതിനാലാണ്) സൃഷ്ടിക്കപ്പെടുന്നതിനാലാണ് മറ്റുള്ളവർ വികസിപ്പിക്കാൻ ശ്രമിക്കാത്തത്. പുതിയതായൊരു ലേഖനമെഴുതുന്നതിനേക്കാൾ അദ്ധ്വാനമുണ്ടതിന്. ലേഖനങ്ങളുടെ എണ്ണം കൂട്ടുന്നതിനേക്കാൾ, കാമ്പുള്ള ലേഖനങ്ങളാണ് ആവശ്യമെന്നു കരുതുന്നു. നിലവിലെ ലേഖനങ്ങൾ മെച്ചപ്പെടുത്താൻ സാധിക്കട്ടെയെന്ന് ആശംസിക്കുന്നു.-Vijayan Rajapuram {വിജയൻ രാജപുരം} 16:43, 9 ജൂലൈ 2020 (UTC)

ലേഖനം മെച്ചപ്പെടുത്താൻ ശ്രമിക്കാം[തിരുത്തുക]

@Vijayanrajapuram തീർച്ചയായും ലേഖനം മെച്ചപ്പെടുത്താൻ ശ്രമിക്കാം. നിലവിലുളള ലേഖനങ്ങൾ കാലക്രമേണ മെച്ചപ്പെടുത്താൻ സമയം അനുവദിച്ചാലും. അവലംബങ്ങൾ നല്കേണ്ട രീതി പഠിച്ചു വരുന്നതേയുളളു.--Sreeeraaj (സംവാദം) 05:41, 10 ജൂലൈ 2020 (UTC)

  • @Sreeeraaj, സഹായം ആവശ്യമെങ്കിൽ ആവശ്യപ്പെടാം. vijayanrajapuram@gmail.com ലേക്ക് താങ്കളുടെ contact details അയക്കൂ. --Vijayan Rajapuram {വിജയൻ രാജപുരം} 09:16, 10 ജൂലൈ 2020 (UTC)vijayanrajapuram@gmail.com

താങ്കൾക്ക് ഒരു താരകം![തിരുത്തുക]

Writers Barnstar Hires.png ലേഖക താരകം
ചുരുങ്ങിയ കാലയളവിൽ നിരവധി ലേഖനങ്ങൾ വിക്കിക്ക് സമ്മനിച്ച താങ്കൾക്ക് എന്റെ വക ഒരു ചെറിയ ഉപഹാരം, ഇനിയും മികച്ച ലേഖനങ്ങൾ എഴുതാൻ ഇതൊരു പ്രചോദനമാകുമെന്ന് വിശ്വസിക്കുന്നു. --KG (കിരൺ) 05:26, 11 ജൂലൈ 2020 (UTC)

താരകം ലഭിച്ചതിൽ സന്തോഷം, നന്ദി അറിയിക്കുന്നു[തിരുത്തുക]

@Kiran Gopi|KG നന്ദി--Sreeeraaj (സംവാദം) 12:26, 11 ജൂലൈ 2020 (UTC)

അവലംബങ്ങൾ ഉൾപ്പെടുത്തി ലേഖനങ്ങൾ വികസിപ്പിക്കാം[തിരുത്തുക]

@Vijayanrajapuram ശാസ്ത്ര ലേഖനങ്ങൾ എല്ലാം പരസ്പരം ബന്ധപ്പെടുത്തി മാത്രമല്ലേ ഏഴുതാൻ കഴിയൂ. അതുകൊണ്ട് ഒരു പ്രധാന ലേഖനം എഴുതുമ്പോൾ അതൊടൊപ്പം എഴുതപ്പെടേണ്ട ലേഖനങ്ങൾ തുടങ്ങിവയ്ക്കുന്നതാണ് താങ്കൾ തെറ്റിദ്ധരിച്ചിരിക്കുന്നത്. ശാസ്ത്രപദങ്ങൾ മലയാളത്തിൽ ഉപയോഗിക്കുമ്പോൾ അവ എന്തിനെ സൂചിപ്പിക്കുന്നു എന്നത് മലയാളം വിക്കിയിൽ ഉണ്ടാകണ്ടേ? ഇല്ലെങ്കിൽ അവ സൃഷ്ടിക്കേണ്ട ഉത്തരവാദിത്തം എനിക്കു തന്നെയല്ലേ? അതു കൊണ്ടാണ് ഒരു ലേഖനത്തിനൊപ്പം സമാന്തരമായി മറ്റു ലേഖനങ്ങളും എഴുതിവരുന്നത്. അവയെല്ലാം പൂർത്തിയാക്കപ്പെടും--Sreeeraaj (സംവാദം) 17:09, 11 ജൂലൈ 2020 (UTC)

താങ്കൾക്ക് ഒരു താരകം![തിരുത്തുക]

Original Barnstar Hires.png യഥാർത്ഥ താരകം
വിക്കിപീഡിയയിലെ താങ്കളുടെ വിലയേറിയ സംഭാവനകൾക്ക് നന്ദി. Path slopu (സംവാദം) 10:48, 26 ജൂലൈ 2020 (UTC)

സ്വതേ റോന്തുചുറ്റൽ[തിരുത്തുക]

Wikipedia Autopatrolled.svg

നമസ്കാരം Sreeeraaj, താങ്കൾ മലയാളം വിക്കിപീഡിയയിലെ ഒരു വിശ്വസ്ത ഉപയോക്താവെന്നതു കൊണ്ടും ധാരാളം പുതിയ ലേഖനങ്ങൾ തുടങ്ങിയതുകൊണ്ടും താങ്കൾക്ക് മലയാളം വിക്കിപീഡിയയിൽ സ്വതേ റോന്തുചുറ്റുന്നതിനുള്ള അവകാശം നൽകിയിട്ടുണ്ട്. ഈ അവകാശം മൂലം താങ്കൾക്ക് വിക്കിപീഡിയയിൽ യാതൊരു മാറ്റവും അനുഭവപ്പെടില്ല. എന്നാൽ ഇതു മൂലം, പുതിയ ലേഖനങ്ങൾ റോന്തു ചുറ്റുന്നവരുടെ ജോലി എളുപ്പമാകുന്നു.

കൂടുതൽ വിവരങ്ങൾക്ക് സ്വതേ റോന്തുചുറ്റുന്നവർ എന്ന താൾ കാണുക. ഇതിൽ എന്തെങ്കിലും സംശയമുണ്ടെങ്കിൽ എന്നോട് ചോദിക്കാവുന്നതാണ്. നല്ല തിരുത്തലുകൾ ആശംസിക്കുന്നു! നന്ദി. --KG (കിരൺ) 16:55, 26 ജൂലൈ 2020 (UTC)

സന്തോഷം, ഹൃദയം നിറഞ്ഞ നന്ദി[തിരുത്തുക]

നന്ദി[തിരുത്തുക]

@Kiran Gopi|KG നന്ദി --Sreeeraaj (സംവാദം) 13:52, 27 ജൂലൈ 2020 (UTC)

മലയാളം അക്കം[തിരുത്തുക]

താങ്കൾ ചില ലേഖനങ്ങളിൽ ർ,ൻ അക്ഷരങ്ങൾക്കു പകരമായി മലയാളം അക്കം ൪, ൯ എന്നിവ ഉപയോഗിക്കുന്നതായി കാണുന്നു. അവ മാറ്റി ചേർക്കുവാൻ ശ്രദ്ധിക്കുക.--റോജി പാലാ (സംവാദം) 04:58, 1 ഓഗസ്റ്റ് 2020 (UTC)

താളുകളുടെ തലക്കെട്ട്[തിരുത്തുക]

താങ്കൾ സൃഷ്ടിച്ച ഒട്ടുമിക്ക ലേഖനങ്ങളിലും മലയാളത്തിൽ ഉപയോഗത്തിലുള്ളതല്ലാത്ത രീതിയിലുള്ള തലക്കെട്ടുകൾ സൃഷ്ടിക്കുന്നതായി കാണുന്നു. ദയവായി ആ പരിപാടി നിർത്തുക. സംശയം ഉണ്ടെങ്കിൽ ഇംഗ്ലീഷിൽ തന്നെ സൃഷ്ടിക്കുക. ശേഷം സംവാദ താളിൽ ചർച്ച ചെയ്യുക.--റോജി പാലാ (സംവാദം) 05:35, 1 ഓഗസ്റ്റ് 2020 (UTC)

താളുകളുടെ തലക്കെട്ടുകൾ[തിരുത്തുക]

സ്വന്തമായി ഉണ്ടാക്കിയ വാക്കുകൾ തലക്കെട്ടുകളായി ഉണ്ടാക്കി ലേഖനങ്ങൾ നിർമ്മിക്കുന്നതുശരിയായ മാതൃകയല്ല, അങ്ങനെമാറ്റിയതു വീണ്ടും പഴയതുപോലെയാക്കുകയും ചെയ്തിട്ടുണ്ട്. ഉദാഹരണം തുടർമാനം--Vinayaraj (സംവാദം) 10:11, 1 ഓഗസ്റ്റ് 2020 (UTC)

യൂസറോട് പലപ്രാവശ്യം ഇതേകാര്യം സൂചിപ്പിച്ചിട്ടുണ്ട് എന്നാണു കാണുന്നത്. അത്തരം വാക്കുകൾക്ക് മതിയായ അവലംബം പോലുമില്ലാതെ കൊടുക്കുന്നത് അല്പം സംശയത്തോടെ മാത്രമേ കാണാൻ കഴിയൗകയുള്ളൂ. യൂസർ ശ്രീരാജ് മേലിൽ ഇക്കാര്യം ശ്രദ്ധിക്കുന്നില്ല എങ്കിൽ മതിയായ കാര്യങ്ങൾ തുടന്നു ചെയ്യുന്നതാണു ഭംഗി. Rajesh Odayanchal - രാജേഷ്‌ ഒടയഞ്ചാൽ - (സംവാദം) 12:06, 1 ഓഗസ്റ്റ് 2020 (UTC)

സംശയം എന്ന വാക്ക് മനസിയായില്ല[തിരുത്തുക]

@Rajesh Odayanchal - രാജേഷ്‌ ഒടയഞ്ചാൽ - കഴിഞ്ഞ കുറച്ചു നാളായി എനിക്കു ലഭിച്ചുകൊണ്ടിരിക്കുന്ന ലോക്ക് ഡൗൺ ദിനങ്ങൾ വിക്കിപീഡിയയിൽ ചിലവഴിക്കുകയും ഇംഗ്ലീഷ് വിക്കിയിൽ നിന്നുളള ലേഖനങ്ങൾ അവലംബമാക്കി മലയാളത്തിൽ ലേഖനങ്ങൾ ഉണ്ടാക്കുകയും ചെയ്തു. ശാസ്ത്രലേഖനങ്ങളിലേയ്ക്ക് ആവശ്യമായ പദങ്ങൾ ഡിക്ഷ്നറികളിൽ നിന്നും SCERT പ്രസിദ്ധീകരിച്ച പദാവലികളിൽ നിന്നും കൂടാതെ മറ്റു ലേഖനങ്ങളിൽ നിന്നും മറ്റും സ്വീകരിച്ചവയാണ്. അവയിൽ കമ്പ്യൂട്ടർ സംബന്ധിച്ച ഏതാനും ചില ലേഖനങ്ങളിൽ ഉപയോഗിച്ച പദങ്ങൾ ഒഴികെ ബാക്കിയുളളവയിൽ എന്താണ് ഗുരുതരമായ തെറ്റ് എന്ന് എനിക്ക് മനസിലായിട്ടില്ല. ഉദാഹരണമായി, Continuum എന്നവാക്കിന് തുടർമാനം എന്ന് ഞാൻ ഉപയോഗിക്കുന്നതിനു മുന്നേ, Continuum Mechanics ന് അവിച്ഛിന്നബലതന്ത്രം എന്ന് മലയാളം വിക്കിയിൽ ഉപയോഗിച്ചിട്ടുണ്ട്. ആ തലക്കെട്ട് തിരുത്തിയ Vinayaraj എന്ന ഉപഭോക്താവ് ആ കാര്യം പോലും പരിഗണിക്കാതെ, യാതൊരു വിവേചനബുദ്ധിയും കാട്ടാതെ "കണ്ടിന്യൂവം" എന്നാക്കിയിരിക്കുന്നതു കണ്ടു. തുടർമാനം എന്ന വാക്ക് സ്വീകാര്യമായില്ലെങ്കിൽ തന്നെ "അവിച്ഛിന്നത" എന്ന വാക്ക് വിക്കിയിൽ തന്നെ നേരത്തെ ഉപയോഗിച്ചിട്ടുളളതിനാൽ ആ താൾ "അവിച്ഛിന്നത" എന്നല്ലേ തിരുത്തേണ്ടിയിരുന്നത്. എൻജിനീയറിംഗുമായി ബന്ധപ്പെട്ട മലയാളം ലേഖനങ്ങൾ വളരെ കുറവായതിനാലാണ് മറ്റു പുസ്തകങ്ങളിൽ മലയാളം വാക്ക് ഇല്ലാത്തത്. ഇത്തരം ലേഖനങ്ങളും പുസ്തകങ്ങളും മലയാളത്തിൽ വളരെ വിരളമായതിനാൽ ഒരു വിഷയത്തിലെ ലേഖനം പുതുതായി എഴുതുമ്പോൾ അതിലെ വാക്കുകൾക്ക് അവലംബിക്കാൻ ഡിക്ഷ്നറികൾ മാത്രമേ ഉണ്ടാകുകയുളളു. ഡിക്ഷ്ഷനറിയിൽ നിന്നും ലഭിക്കുന്ന വാക്കുകളിൽ നിന്നം ഉചിതമായത് വിവേചനപൂർവ്വം തെരഞ്ഞെടുക്കുകമാത്രമേയുളളു പോംവഴി. റോജി പാലാ എന്നയൂസർ പറയുന്നതാകട്ടെ, മലയാളത്തിൽ ഉപയോഗത്തിലില്ലാത്ത പദങ്ങൾ ഉപയോഗിച്ചു എന്നാണ്. ഞാൻ ഒന്നു ചോദിച്ചോട്ടെ, മലയാളത്തിൽ ഉപയോഗത്തിൽ വരാൻ അത്തരമൊരു ലേഖനം ആരെങ്കിലും മലയാളത്തിൽ പ്രസിദ്ധീകരിക്കുകയോ തയ്യാറാക്കുകയോ വേണ്ടേ? ആദ്യമായി തയ്യാറാക്കുന്നയാൾ അതിന് ഡിക്ഷ്നറികളിലോ മറ്റ് ലേഖനങ്ങളിലോ നോക്കി സമാന മലയാള പദം അവിടെ ചേർക്കുകയല്ലേ ചെയ്യാറുളളത്. അങ്ങനെയല്ലേ വാക്കുകൾ പ്രചാരത്തിൽ വരുന്നത്. ഞാൻ വാക്കുകളെല്ലാം മലയാളം നിഘണ്ടുക്കളിൽ നിന്നും മറ്റ് ലേഖനങ്ങളിൽ നിന്നും ലഭിച്ചവയാണ്.

" അല്പം സംശയത്തോടെ മാത്രമേ കാണാൻ കഴിയൗകയുള്ളൂ.  യൂസർ ശ്രീരാജ് മേലിൽ ഇക്കാര്യം ശ്രദ്ധിക്കുന്നില്ല എങ്കിൽ മതിയായ കാര്യങ്ങൾ തുടന്നു ചെയ്യുന്നതാണു ഭംഗി.  "  

-എന്ന Rajesh Odayanchal - രാജേഷ്‌ ഒടയഞ്ചാൽ - വാക്കുകൾ ആരോഗ്യകരമായ ഒരു സംവാദരീതിയ്ക്ക് യോജിച്ചതാണെന്ന് എനിക്കനുഭവപ്പെട്ടില്ല. ലേഖനത്തിലെ തെറ്റുകൾ ചൂണ്ടിക്കാണിക്കുകയോ ചർച്ചചെയ്യുകയോ ആണ‌് ഈ സംവാദം പേജിന്റെ ഉദ്ദേശ്യം എന്നാണ് എന്റെ ധാരണ. മേൽ വാചകത്തിൽ ടിയാൻ " സംശയത്തോെടെ കാണുന്നു " എന്നു പറഞ്ഞിട്ടുളളത് എന്താണെന്ന് എനിക്കു മനസിലായിട്ടില്ല. ഇതിൽ എന്താണാവോ സംശയത്തിന്റെ കാര്യം? മാത്രവുമല്ല "മതിയായ കാര്യങ്ങൾ തുടന്നു ചെയ്യുന്നതാണു ഭംഗി" എന്താണിത്? എന്റെ കാര്യങ്ങൾ ചെയ്യാൻ ഞാൻ പ്രാപ്തനാണ്. യൂസർ Rajesh Odayanchal - രാജേഷ്‌ ഒടയഞ്ചാൽ -, എന്താണ് താങ്കൾ സംശയിക്കുന്നു എന്നു പറഞ്ഞത് ദയവായി വ്യക്തമാക്കിയാലും. --Sreeeraaj (സംവാദം) 01:19, 2 ഓഗസ്റ്റ് 2020 (UTC)

ഇവിടെ അരോഗ്യകരമായ ഒരു ചർച്ചയും നടന്നിട്ടില്ല, അവരൊക്കെ വന്ന് അതാത് ലേഖനങ്ങളിൽ കുറിപ്പിടുകയും ഇവിടെ സംവാദം പേജിൽ വന്നക്കാര്യം സൂചിപ്പിക്കുകയും ചെയ്തിട്ടും നിങ്ങൾ ഇതേവരെ മറുപടിയൊന്നും പറഞ്ഞതായി കണ്ടില്ല. കൃത്യമായ മറുപടി കിട്ടുന്നില്ലെങ്കിൽ അതാരോഗ്യകരമാവില്ല. മതിയായ അവലംബത്തെ പറ്റി ഒരാൾ സംശയം പ്രകടിപ്പിച്ചാൽ അക്കാര്യം അതേ സ്ഥലത്തു പറയാൻ കഴിയണം. അങ്ങനെ അല്ലാതെയും കാലങ്ങളായി വിക്കിയിൽ പലപല എഡിറ്റുകൾ വന്നിട്ടുണ്ട്. പലപ്രാവശ്യം പറഞ്ഞിട്ടും കേൾക്കാതെ വരുമ്പോൾ അവരുടെ യൂസർ നെയിമും ഐപ്പിഅഡ്രസ്സ് തന്നെയും ബ്ലോക്ക് ചെയ്യാനും വിക്കിയിൽ കഴിയും... നിങ്ങൾ എഴുതിയ ലേഖനങ്ങളെ പറ്റി ആരും കുറ്റം പറഞ്ഞിട്ടില്ല; നാളേക്കും നമ്മുടെ തലമുറകൾക്കും ഏറെ പ്രയോചനകരം തന്നെയാവുമത്. മാത്രമല്ല കൂടുതൽ അറിവുള്ളവർ അത് വിപുലീകരിക്കുകയും ചെയ്യും. മറ്റൊരാൾക്ക് കണ്ടെത്താൻ പറ്റുന്ന മാധ്യമങ്ങളിൽ വന്ന സമാനമായ പേരുകൾ ലേഖനത്തിൽ തന്നെയോ സംവാദം പേജിലോ സൂചിപ്പിച്ചാൽ മതി. വിക്കിപീഡിയയിൽ മുമ്പേ ഉണ്ടെന്നു പറഞ്ഞ് വിക്കിയെ തന്നെ അവലംബമാക്കരുത്...Rajesh Odayanchal - രാജേഷ്‌ ഒടയഞ്ചാൽ - (സംവാദം) 01:34, 2 ഓഗസ്റ്റ് 2020 (UTC)

തലക്കെട്ടുകൾ മാറ്റുന്നതിന് മുൻപ് വിക്കിയിൽ ഉപയോഗിച്ചിട്ടുളള സമാന വാക്കുകൾ പരിശോധിക്കാമായിരുന്നു[തിരുത്തുക]

@Vinayaraj Continuum എന്നവാക്കിന് തുടർമാനം എന്ന് ഞാൻ ഉപയോഗിക്കുന്നതിനു മുന്നേ, Continuum Mechanics ന് അവിച്ഛിന്നബലതന്ത്രം എന്ന് മലയാളം വിക്കിയിൽ ഉപയോഗിച്ചിട്ടുണ്ട്. ആ തലക്കെട്ട് തിരുത്തിയ Vinayaraj എന്ന ഉപഭോക്താവ് ആ കാര്യം പോലും പരിഗണിക്കാതെ, "കണ്ടിന്യൂവം" എന്നാക്കിയിരിക്കുന്നതു കണ്ടു. തുടർമാനം എന്ന വാക്ക് സ്വീകാര്യമായില്ലെങ്കിൽ തന്നെ "അവിച്ഛിന്നത" എന്ന വാക്ക് വിക്കിയിൽ തന്നെ നേരത്തെ ഉപയോഗിച്ചിട്ടുളളതിനാൽ ആ താൾ "അവിച്ഛിന്നത" എന്നല്ലേ തിരുത്തേണ്ടിയിരുന്നത്. എൻജിനീയറിംഗുമായി ബന്ധപ്പെട്ട മലയാളം ലേഖനങ്ങൾ വളരെ കുറവായതിനാലാണ് മറ്റു പുസ്തകങ്ങളിൽ മലയാളം വാക്ക് ഇല്ലാത്തത്. ഇത്തരം ലേഖനങ്ങളും പുസ്തകങ്ങളും മലയാളത്തിൽ വളരെ വിരളമായതിനാൽ ഒരു വിഷയത്തിലെ ലേഖനം പുതുതായി എഴുതുമ്പോൾ അതിലെ വാക്കുകൾക്ക് അവലംബിക്കാൻ ഡിക്ഷ്നറികളോ സമാന ലേഖനങ്ങളോ മാത്രമേ ഉണ്ടാകുകയുളളു. ഡിക്ഷ്ഷനറിയിൽ നിന്നും ലഭിക്കുന്ന വാക്കുകളിൽ നിന്നം ഉചിതമായത് വിവേചനപൂർവ്വം തെരഞ്ഞെടുക്കുകമാത്രമേയുളളു പോംവഴി. എല്ലാത്തിനും ഇംഗ്ലീഷിനെ അതേപടി മലയാളത്തിലെഴുതിയാൽ പിന്നെ മലയാളത്തിൽ ലേഖനം എഴുതുവാനേ സാധിക്കുകയില്ല.--Sreeeraaj (സംവാദം) 01:19, 2 ഓഗസ്റ്റ് 2020 (UTC)

സമാനമായ വിഷയം കൈകാര്യം ചെയ്യുന്നവർക്ക് സുപരിചിതമായ പേരുകളാവാം ഇത്, അല്ലെങ്കിൽ അതാത് പുസ്തകങ്ങളിൽ പേരും കാണാം. എവിടെ ഉണ്ടെങ്കിലും മതിയായ റഫറൻസസ് കൊടുക്കാൻ ശ്രമിക്കണം. വായിക്കുന്നവർക്കും താങ്കളുടെയത്ര ശക്തമായ ബോധം ഉണ്ടാവണമെന്നില്ല. അപ്പോൾ കാര്യകാരണസഹിതം അവർക്ക് ബോധ്യമാവണമെങ്കിൽ റഫറൻസസ് തന്നെയാണു പ്രധാനം. വിക്കിപീഡിയയിൽ കാണുന്ന മുൻ ലേഖനങ്ങൾ, അല്ലെങ്കിൽ ഇംഗ്ലീഷ് വിക്കിയിൽ ഇതുണ്ടല്ലോ എന്നു പറയുന്നത്, ഒന്നും തന്നെ ഒരു റഫറൻസ് അല്ല, തെറ്റാണെങ്കിൽ അതും മാറ്റാൻ മാത്രമേ ഉപകരിക്കുകയുള്ളൂ, അങ്ങനെ മാറ്റുന്നതും വിക്കിക്ക് കൃത്യത വരുത്താൻ സഹായകരമാവും. മറ്റെവിടെയെങ്കിലും ഇതേ വാക്കു കൊടുത്തിട്ടുണ്ട് എന്നതു തന്നെയാണൂ പ്രധാനം. ഡിക്ഷ്ണറിയിൽ സേർച്ച് ചെയ്താണിവ നിങ്ങൾ കണ്ടെത്തുന്നതെങ്കിൽ വാക്കിന്റെ അർത്ഥവും പുസ്തകവും പേജ് നമ്പർ വരെയും കൊടുത്തു ശക്തിപ്പെടുത്താം, എങ്കിലും നമ്മുടെ കണ്ടെത്തലുകൾ അല്ല വിക്കിപീഡിയയിൽ വേണ്ടത് എന്നകാര്യവും അറിഞ്ഞിരിക്കുക. തേർഡ്പാർട്ടി റഫറൻസസ്സിനുതന്നെയാണു പ്രാമുഖ്യം. -Rajesh Odayanchal - രാജേഷ്‌ ഒടയഞ്ചാൽ - (സംവാദം) 01:47, 2 ഓഗസ്റ്റ് 2020 (UTC)

പരിപാടി ഒന്നുമില്ല. ലേഖനങ്ങൾ എഴുതി എന്നു മാത്രം[തിരുത്തുക]

@റോജി പാലാ എൻജിനീയറിംഗ് വിഷയത്തിലെ മലയാളത്തിൽ ആദ്യമായി എഴുതുന്ന ഒരു ലേഖനത്തിൽ എങ്ങനെയാണ് മുൻപ് ഉപയോഗിച്ച വാക്ക് ഉപയോഗിക്കാൻ കഴിയുക. മറ്റുലേഖനങ്ങൾ അവലംബിച്ചും ഡിക്ഷ്നറികളിൽനിന്നും ലഭിക്കുന്ന വാക്കുകളും ഉപയോഗിച്ചും മാത്രമല്ലേ പുതിയ ലേഖനം രചിക്കാൻ കഴിയൂ. ചോക്ക്, ബഞ്ച്, ഡസ്ക് പോലുളള വാക്കുകൾ മലയാളീകരിക്കാൻ ശ്രമിച്ചാൽ അതു തെറ്റുതന്നെ. പക്ഷേ മലയാളത്തിൽ ഇതുവരെ ഉപയോഗിച്ചിട്ടില്ലാത്ത വാക്കുകൾ, അവയ്ക്ക് ഡിക്ഷ്ണറിപ്രകാരം സമാന വാക്കുകൾ ഉണ്ടായിരിക്കേ, അവയെ അതേപടി മലയാളത്തിൽ എഴുതി വയ്ക്കുന്നതിൽ എന്തു കാര്യം. continuum എന്നവാക്കിന് മലയാളം ഉപയോഗിക്കാതിരുന്നാൽ അതേ Continuum എന്നു ചേർന്നു വരുന്ന മറ്റു ധാരാളം സംജ്ഞകൾ ഉണ്ടാകില്ലേ? അവയ്ക്കെല്ലാം എന്തുപയോഗിക്കും? മലയാളം ഉപയോഗിക്കേണ്ടിടത്ത് അത് ഉപയോഗിക്കാതെ മലയാളലേഖനമെഴുതാൻ എനിക്ക് എന്തായാലും സാധിക്കില്ല. താങ്കൾ പറഞ്ഞതു പോലെ എനിക്ക് പരിപാടി നിർത്തി വിടവാങ്ങുകയേ നിവൃത്തിയുളളു.--Sreeeraaj (സംവാദം) 01:58, 2 ഓഗസ്റ്റ് 2020 (UTC)

വിക്കിപീഡിയയിലെ ലേഖനങ്ങൾ നമ്മൾ രചിക്കുന്ന പുസ്തകങ്ങൾ അല്ലല്ലോ, നമ്മുടെ കണ്ടെത്തലുകൾ ഇവിടെ കാണിക്കുവാൻ കഴിയില്ല. അതു കഴിയണമെങ്കിൽ വിക്കിയിൽ അതിനായി ഒരു നയം/നിയമം ആവശ്യമാണ്. അതുണ്ടെങ്കിൽ മാത്രമേ കഴിയുകയുള്ളൂ. ഇല്ലെങ്കിൽ താങ്കൾ കാണിച്ചതും ചൂണ്ടിക്കാട്ടി നാളെ മറ്റു പലരും പലതും വിക്കിയിൽ ചേർക്കാനിടവരും.-Rajesh Odayanchal - രാജേഷ്‌ ഒടയഞ്ചാൽ - (സംവാദം) 02:08, 2 ഓഗസ്റ്റ് 2020 (UTC)

ഇല്ലാത്തവ ഒന്നും ചേർത്തിട്ടില്ല, ഇംഗ്ലീഷിന്റെ പരിഭാഷ മാത്രമാണ് ചെയ്തിരിക്കുന്നത്[തിരുത്തുക]

@Rajesh Odayanchal - രാജേഷ്‌ ഒടയഞ്ചാൽ - ഇല്ലാത്ത എന്ത് പുതുതായി രചിച്ചു എന്നാണ് പറയുന്നത്? ഇംഗ‌്ലീഷ് ലേഖനങ്ങൾ തർജ്ജമചെയ്യൽ മാത്രമാണ് ചെയ്തിരിക്കുന്നത്. അതുപോലും താങ്കൾ മനസിലാക്കാതെയാണ് പറയുന്നത്. ആദ്യമാദ്യം എഴുതിയ ലേഖനങ്ങളിൽ ചില തെറ്റായ മലയാള പദങ്ങൾ കടന്നു കൂടി എന്നത് ശരിയാണ്. എന്നാൽ ഇപ്പോൾ എഴുതുന്ന ലേഖനങ്ങൾ എല്ലാം കഴിവതും ശരിയായ മലയാള പദങ്ങൾ തന്നെയാണ് ചേർത്തിട്ടുളളത്. കണ്ടെത്തലുകളൊന്നും ഞാൻ ചെയ്തിട്ടില്ല. ലേഖനം എഴുതാൻ അത്യാവശ‌്യം അത്യന്താപേക്ഷിതമായ വാക്കുകൾ മാത്രമേ ഡിക്ഷ്ണറി നോക്കി തർജ്ജമചെയ്തിട്ടുളളു. എൻജിനീയറിംഗ് ലേഖനങ്ങളിൽ പരസ്പരം ബന്ധപ്പെട്ട വാക്കുകൾ ആണ് ഉണ്ടാകുക. അവ തോന്നിയപടി എഴുതിമുമ്പോട്ട് പോയാൽ തുടർന്നുളള ലേഖനങ്ങൾ ബുദ്ധിമുട്ടാകും. താങ്കൾ ദയവായി വിഷയം മനസിലാക്കിയ ശേഷം പ്രതികരിക്കണമെന്നഭ്യർത്ഥിക്കുന്നു. അവലംബമില്ലാത്ത വസ്തുതകൾ ഉൾ്പെടുത്തിയാൽ അത് വിക്കിയുടെ നയത്തിനെതിരാണ്. പക്ഷേ ശരിയായ തർജ്ജമ എങ‌്ങനെയാണ് നയത്തെ ബാധിക്കുക. അതാണ് പറഞ്ഞത് താങ്കൾ വസ്തുത മനസിലാക്കാതെയാണ് പ്രതികരിക്കുന്നത്. --Sreeeraaj (സംവാദം) 03:02, 2 ഓഗസ്റ്റ് 2020 (UTC)

ശ്രീരാജ്, ആരും താങ്കളുടെ ഉദ്ദേശശുദ്ധിയേ ചോദ്യം ചെയ്യുന്നില്ല, ഒരു പക്ഷെ താങ്കൾ പുതുതായി പദങ്ങൾ ഒന്നും തന്നെ സൃഷ്ഠിക്കുന്നുമില്ലായിരിക്കാം, മുകളിൽ സംവദിച്ച പലരും ആവശ്യപ്പെടുന്നത് പ്രസ്തുത തർജ്ജിമ മറ്റ് ഏതെങ്കിലും സ്ഥലത്ത് ഉപയോഗിച്ചിട്ടുണ്ടോ എന്നാണ്. ഉദാഹരണത്തിന് Circular motion എന്ന ഇംഗ്ലീഷ് പദത്തിന് തുല്യമായി പരക്കെ ഉപയോഗിക്കുന്ന വാക്കാണ് വർത്തുളചലനം, എന്നാൽ തർജ്ജിമ വച്ച് നമുക്ക് വേണമെങ്കിൽ അതിനെ വൃത്ത ചലനം എന്നൊ, വട്ട ചലനമെന്നൊ വിളിക്കാം പക്ഷെ ഞാൻ രണ്ടാമത് പറഞ്ഞ വാക്കുകൾ മറ്റൊരിടത്തും ഉപയോഗിക്കുന്നില്ല, നമ്മൾ നിഘണ്ടുവിൽ നോക്കിയാൽ അർത്ഥം ശരിയാണുതാനും. അതായത് നമ്മൾ പുതിയതായി ഒരു കണ്ടെത്തലുകളും നടത്തുന്നതിനെ വിക്കി പ്രോത്സാഹിപ്പിക്കുന്നില്ല, മുകളിൽ മറ്റു വിക്കിപീഡിയർ സംശയം ഉന്നയിച്ച വാക്കുകൾക്ക് താങ്കൾക്ക് മറ്റെവിടെനിന്നെങ്കിലും ഉദ്ധരിക്കാൻ സാധിച്ചാൽ തീരാവുന്നതേയുള്ളു ഈ സംവാദങ്ങൾ. ആശംസകളോടെ--KG (കിരൺ) 04:17, 2 ഓഗസ്റ്റ് 2020 (UTC)

പഠന ക്ലാസ്സ്[തിരുത്തുക]

പ്രിയ Sreeeraaj, കഴിഞ്ഞ ആറുമാസത്തിനിടയിൽ, എൺപതിൽപ്പരം ശാസ്ത്രലേഖനങ്ങൾ മലയാളം വിക്കിപീഡിയയ്ക്ക് സംഭാവനചെയ്ത താങ്കളുടെ സേവനങ്ങളെ വിലകുറച്ച് കാണാനാവില്ല. (മുൻപ് പലതവണ ചൂണ്ടിക്കാട്ടിയ) പിഴവുകൾ തിരുത്തി താങ്കൾ ലേഖനങ്ങൾ മെച്ചപ്പെടുത്തണമെന്ന ഉദ്ദേശ്യത്തോടെയാണ് സംവാദം താളിൽ പലരും അവ വീണ്ടുമെഴുതേണ്ടിവരുന്നത്. സ്വയംപഠനത്തിലൂടെയാണ് നാം വിക്കിയിൽ പയറ്റുന്നത് എന്നതിനാൽ, നമുക്കൊക്കെ പിഴവുകൾ സംഭവിക്കാറുണ്ട്. അവ സംവാദങ്ങളിൽ കാണുമ്പോൾ, സ്വയംതിരുത്തൽ നടത്തിത്തന്നെയാണ് മെച്ചപ്പെടുത്തുക. ആവശ്യപ്പെട്ടാൽ, സഹായം നൽകാൻ തയ്യാറുള്ള വലിയൊരു സംഘത്തിന്റെ ഭാഗമാണ് നാം ഓരോരുത്തരും. അതോടൊപ്പം പരസ്പരം പാലിക്കേണ്ടുന്ന നയങ്ങളുമുണ്ടല്ലോ? ഇവയൊക്കെ മനസ്സിലാക്കാൻ, ഒരു മാസത്തോളം നീണ്ടുനിൽക്കുന്ന ഒരു പഠനക്ലാസ്സ് ഇവിടെ :[[1]] നടക്കുന്നുണ്ട്. സാധിക്കുമെങ്കിൽ ഇതിൽ പങ്കെടുക്കണമെന്ന് അറിയിക്കുന്നു.--Vijayan Rajapuram {വിജയൻ രാജപുരം} 04:19, 2 ഓഗസ്റ്റ് 2020 (UTC)