പ്രണബ് മുഖർജി

ഇംഗ്ലീഷ് വിലാസം

http://ml.wikipedia.org/wiki/Pranab_Mukherjee

പ്രണബ് മുഖർജി
ഇന്ത്യൻ രാഷ്ട്രപതി
Taking office 25 ജൂലൈ2012
പ്രധാനമന്ത്രി	മൻമോഹൻ സിങ്ങ്
Succeeding	പ്രതിഭാ പാട്ടീൽ
ഇൻഡ്യയുടെ ധനകാര്യമന്ത്രി
പദവിയിൽ 24 ജനുവരി 2009 – 26 ജൂൺ 2012
പ്രധാനമന്ത്രി	മൻമോഹൻ സിങ്ങ്
മുൻ‌ഗാമി	മൻമോഹൻ സിങ്ങ്
പിൻ‌ഗാമി	മൻമോഹൻ സിങ്ങ്
പദവിയിൽ 15 ജനുവരി1982 – 31 ഡിസംബർ1984
പ്രധാനമന്ത്രി	ഇന്ദിരാ ഗാന്ധി രാജീവ് ഗാന്ധി
മുൻ‌ഗാമി	രാമസ്വാമി വെങ്കിടരാമൻ
പിൻ‌ഗാമി	വിശ്വനാഥ് പ്രതാപ് സിങ്ങ്
വിദേശകാര്യ മന്ത്രി
പദവിയിൽ 10 ഫെബ്രുവരി1995 – 16 മേയ്1996
പ്രധാനമന്ത്രി	പി.വി.നരസിംഹറാവു
മുൻ‌ഗാമി	ദിനേശ് സിങ്ങ്
പിൻ‌ഗാമി	അടൽ ബിഹാരി വാജ്പേയി
പ്രതിരോധമന്ത്രി
പദവിയിൽ 22 മേയ് 2004 – 26 ഒക്ടോബർ 2006
പ്രധാനമന്ത്രി	മൻമോഹൻ സിങ്ങ്
മുൻ‌ഗാമി	ജോർജ് ഫെർണാണ്ടസ്
പിൻ‌ഗാമി	എ.കെ. ആന്റണി
ആസൂത്രണക്കമ്മീഷൻ ഉപാദ്ധ്യക്ഷൻ
പദവിയിൽ 24 ജൂൺ 1991 – 15 മേയ് 1996
പ്രധാനമന്ത്രി	പി.വി. നരസിംഹറാവു
മുൻ‌ഗാമി	മോഹൻ ധാരിയ
പിൻ‌ഗാമി	മധു ദന്തവതേ
ജനനം	(1935-12-11) 11 ഡിസംബർ 1935 മിരാതി, പശ്ചിമ ബംഗാൾ, ഇൻഡ്യ
രാഷ്ടീയകക്ഷി	ഇൻഡ്യൻ നാഷനൽ കോൺഗ്രസ് (Before 1986; 1989–present) രാഷ്ട്രീയ സമാജവാദി കോൺഗ്രസ് (1986–1989)
Other political affiliations	യുണൈറ്റഡ് ഫ്രൻട് (1996–2004) യുണൈറ്റഡ് പ്രോഗ്രസീവ് അലിയൻസ് (2004–present)
ജീവിതപങ്കാളി(കൾ)	സുവ്രാ മുഖർജി
കുട്ടികൾ	ഷർമ്മിഷ്ട മുഖർജി(മകൾ) അഭിജിത് മുഖർജി (മകൻ) ഇന്ദ്രജിത് മുഖർജി (മകൻ)
ബിരുദം	കൽക്കത്ത സർവകലാശല
മതം	ഹിന്ദുമതം
വെബ്‌സൈറ്റ്	ഔദ്യോഗിക വെബ്സൈറ്റ്

ഇന്ത്യയുടെ പതിമൂന്നാമത് രാഷ്ട്രപതിയാണ് പ്രണബ് കുമാർ മുഖർജി (ബംഗാളി: প্রণব কুমার মুখোপাধ্যায় ജനനം ഡിസംബർ 11, 1935, പശ്ചിമബംഗാൾ, ഇന്ത്യ) .നേരത്തെ ധനകാര്യ വകുപ്പ് മന്ത്രിയായിരുന്നു പതിനാലാം ലോകസഭയിലെ വിദേശകാര്യ മന്ത്രിയായിരുന്നു. പതിനഞ്ചാം ലോകസഭയിലെ അംഗവുമാണ്‌. ഇന്ത്യൻ നാഷണൽ കോൺഗ്രസ് അംഗമായ ഇദ്ദേഹം പശ്ചിമബംഗാളിലെ ജാംഗിപ്പൂർ ലോകസഭാമണ്ഡലത്തിൽ നിന്നുമാണ്‌ ലോകസഭാംഗമായത്.

ജീവിതരേഖ

1935 ഡിസംബർ 11ന് ബംഗാളിലെ കിർണാഹർ ടൗണിനടുത്ത് മിറാത്തി ഗ്രാമത്തിലാണ് പ്രണബിന്റെ ജനനം. അച്ഛൻ സ്വാതന്ത്ര്യസമരസേനാനിയും എ.ഐ.സി.സി. അംഗവുമായിരുന്ന കമദ കിങ്കർ മുഖർജി. അമ്മ രാജലക്ഷ്മി. കൊൽക്കത്ത സർവകലാശാലയിൽനിന്ന് ചരിത്രം, രാഷ്ട്രമീമാംസ, നിയമം എന്നിവയിലെല്ലാം ബിരുദങ്ങൾ. പിന്നീട് അധ്യാപകനായും മാധ്യമപ്രവർത്തകനായും അഭിഭാഷകനായും വിവിധജോലികൾ നോക്കി.
ഭാര്യ: സുവ്‌ര മുഖർജി. മക്കൾ: അഭിജിത്, ഇന്ദ്രജിത്, ഷർമ്മിസ്ത. ബംഗാളിലെ കോൺഗ്രസ് എം.എൽ.എ.യാണ് അഭിജിത് മുഖർജി.

രാഷ്ട്രീയ ജീവിതം

ബംഗ്‌ളാ കോൺഗ്രസ്സിലൂടെയായിരുന്നു രാഷ്ട്രീയ പ്രവേശം. 1969-ലെ തെരഞ്ഞെടുപ്പിൽ പശ്ചിമ മിഡ്‌നാപുരിൽ വി.കെ. കൃഷ്ണമേനോന്റെ ഇലക്ഷൻ ഏജന്റായി പ്രവർത്തിച്ചു. ഒരു ലക്ഷത്തിലേറെ വോട്ടിന്റെ മിന്നുന്ന ഭൂരിപക്ഷത്തിൽ കൃഷ്ണമേനോൻ വിജയിച്ചു. ഇന്ദിരാഗാന്ധിയുടെ ശ്രദ്ധയിൽപ്പെടാനിടയായതോടെ അവർ പ്രണബിനെ കോൺഗ്രസ്സ് ക്യാമ്പിലെത്തിച്ചു. 1969-ൽ രാജ്യസഭാംഗമായാണ് പാർലമെൻററി രംഗത്തേക്കുള്ള പ്രവേശനം. 1973-ൽ കേന്ദ്ര വ്യവസായ സഹമന്ത്രിയായി. പിന്നീട് ഇന്ദിര മന്ത്രിസഭയിൽ ധനമന്ത്രിയായ അദ്ദേഹം കേന്ദ്രസർക്കാറിൽ മാത്രമല്ല, കോൺഗ്രസ്സിന്റെ രാഷ്ട്രീയനയരൂപവത്കരണത്തിന്റെയും മുഖ്യസൂത്രധാരനായി. ഇന്ദിരയുടെ മരണത്തിനുശേഷം കോൺഗ്രസ്സിൽ അധികാരവടംവലി രൂക്ഷമായപ്പോൾ പ്രണബ് പിന്തള്ളപ്പെട്ടു. ഇടയ്ക്കുവെച്ച് പാർട്ടിയോട് പിണങ്ങിനിന്ന പ്രണബിനെ പിന്നീട് നരസിംഹറാവു ആസൂത്രണക്കമ്മീഷൻ വൈസ്‌ചെയർമാനായി തിരിച്ചെത്തിച്ചു. ഐ.എം.എഫ്., ലോകബാങ്ക്, എ.ഡി.ബി. എന്നിവയുടെയെല്ലാം ഭരണനിർവഹണസമിതിയിൽ അംഗമായ പ്രണബ് നരസിംഹറാവു സർക്കാറിൽ ധനമന്ത്രിയുമായി. വിവിധ വിഷയങ്ങൾ കൈകാര്യം ചെയ്യാനുള്ള 33 മന്ത്രിതലസമിതികളെ നയിച്ചിട്ടുണ്ട്.

രാജ്യസഭാംഗമായി ഏറെക്കാലം തുടർന്ന പ്രണബ് 2004ൽ പശ്ചിമബംഗാളിലെ ജങ്കിർപ്പുർ മണ്ഡലത്തിൽനിന്ന് ലോക്‌സഭയിലെത്തി. 2009-ൽ വിജയം ആവർത്തിച്ചു. ഒന്നും രണ്ടും യു.പി.എ. സർക്കാറുകളിൽ നിർണായകസ്ഥാനം വഹിച്ചത് പ്രണബായിരുന്നു. അദ്ദേഹം ധനമന്ത്രിയായിരുന്നപ്പോൾ റിസർവ് ബാങ്ക് ഗവർണറായിരുന്നു മൻമോഹൻ സിങ്.
ചരിത്രത്തിലും പൊളിറ്റിക്കൽ സയൻസിലും മാസ്റ്റർ ബിരുദം നേടിയിട്ടുണ്ട്.മാത്രമല്ല കൽക്കട്ട യൂണിവേഴ്‌സിറ്റിയിൽ നിന്ന് നിയമത്തിൽ ബിരുദവും നേടിയിട്ടുണ്ട്. 1969 ൽ രാജ്യസഭാ മെമ്പറായാണ് അദ്ദേഹത്തിന്റെ രാഷ്ട്രീയ ജീവിതം ആരംഭിച്ചത് .1975, 1981, 1993 and 1999 എന്നീ വർഷങ്ങളിൽ വീണ്ടും തെരഞ്ഞെടുക്കപ്പെട്ടു . 1982 ലും 1984 ലും ധനകാര്യമന്ത്രിയായി. അദ്ദേഹം ധനകാര്യമന്ത്രിയായിരുന്നപ്പോഴാണ് മൻ‌മോഹൻസിംഗ് റിസർവ്വ് ബാങ്ക് ഗവർണ്ണറായി നിയമിതനായത് . ഇന്ദിരാഗാന്ധിയുടെ മരണശേഷം പ്രണബ് മുഖർജി പ്രധാനമന്ത്രി അയേക്കുമെന്ന് പരക്കെ സംസാരമുണ്ടായിരുന്നെങ്കിലും പിന്നീട് കണ്ട കാഴ്ച തീർത്തും വ്യത്യസ്തമായിരുന്നു. അദ്ദേഹം കോൺഗ്രസ്സിൽ നിന്ന് പുറത്തുപോകുന്ന അവസ്ഥയാണ് സംജാതമായത് . തുടർന്നു വന്ന രാജിവ് ഗാന്ധിയുടെ മന്ത്രിസഭയിൽ അദ്ദേഹത്തിന് മന്ത്രി പദവി കിട്ടിയില്ല. ഈ കാലഘട്ടത്തിൽ അദ്ദേഹം രാഷ്‌ടീയ സമാജ് വാദി കോൺഗ്രസ് രൂപീകരിച്ചൂ . പക്ഷെ , പിന്നീട് 1989 ൽ രാജീവ് ഗാന്ധിയുമായി സഖ്യത്തിലേർപ്പെട്ടു. 1985 മുതൽ പശ്ചിമ ബംഗാൾ സ്റ്റേറ്റ് കോൺഗ്രസ് പ്രസിഡന്റായിരുന്നു. ജോലി ഭാരം നിമിത്തം 2010 ൽ അദ്ദേഹം ഈ തസ്തിക രാജിവെച്ചു . അദ്ദേഹം ചൈനീസ് കമ്യൂണിസ്റ്റ് പാർട്ടി നേതാവായിരുന്ന ഡെങ് സിയോ പിങിന്റെ ആരാധകനായിരുന്നുവെന്ന് മാത്രമല്ല ; പല മൊഴികളും ഉദ്ധരിക്കുകയും ചെയ്തിരുന്നു

രാഷ്ട്രപതി തെരഞ്ഞെടുപ്പ് 2012

പ്രധാന ലേഖനം:2012-ലെ ഇന്ത്യൻ രാഷ്ട്രപതി തെരഞ്ഞെടുപ്പ്

യു.പി.എ.സ്ഥാനാർഥിയായി മത്സരിച്ച പ്രണബിന് ആകെയുള്ള 10,29,924 വോട്ടുകളിൽ 7,13,937 വോട്ട് ലഭിച്ചു. ആകെ വോട്ടിന്റെ 69.31 ശതമാനം വരുമിത്. അതേസമയം, സാങ്മയ്ക്ക് 3,15,987 വോട്ട് മാത്രമാണ് നേടാനായത്. വോട്ടെണ്ണൽ അവസാനിച്ചപ്പോൾ 527 എം.പി.മാരുടെ വോട്ട് പ്രണബിന് ലഭിച്ചു. എതിർസ്ഥാനാർഥി സാങ്മയ്ക്ക് 206 പേരുടെ വോട്ടേ ലഭിച്ചുള്ളൂ.

ബഹുമതികൾ, പുരസ്കാരങ്ങൾ

• പത്മവിഭൂഷൺ (2008)

പുറമെ നിന്നുള്ള കണ്ണികൾ

വിക്കിമീഡിയ കോമൺസിലെ Pranab Mukherjee എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:

• പ്രണബ് നടന്ന വഴികൾ - ടി.വി.ആർ. ഷേണായ്‌[1]
• പ്രഥമപൗരനാകാൻ 'പ്രണബ് ദാ' [2]
• Pranab Mukherjee – Official website
• Parliamentary profile at India.gov.in
• Pranab Mukherjee collected news and commentary at The Times of India
• Pranab denies UPA penalising non-Congress Governments

പദവികൾ
മുൻഗാമി R. Venkataraman	Finance Minister of India 1982–1985	പിൻഗാമി V.P. Singh
മുൻഗാമി Dinesh Singh	Minister for External Affairs of India 1995–1996	പിൻഗാമി Sikander Bakht
മുൻഗാമി Manmohan Singh	Minister for External Affairs of India 2006 - present	പിൻഗാമി Incumbent
മുൻഗാമി Manmohan Singh	Finance Minister of India Jan 2009 - present	പിൻഗാമി Incumbent