കാലാപാനി (ചലച്ചിത്രം)
| കാലാപാനി കാലാപാനി മലയാളം | |
|---|---|
 | |
| സംവിധാനം | പ്രിയദർശൻ |
| നിർമ്മാണം | മോഹൻലാൽ |
| രചന | ടി. ദാമോദരൻ, പ്രിയദർശൻ |
| അഭിനേതാക്കൾ | മോഹൻലാൽ, പ്രഭു, അം‌രീഷ് പുരി, തബ്ബു, നെടുമുടി വേണു, ശ്രീനിവാസൻ, അന്നു കപൂർ, വിനീത് |
| സംഗീതം | ഇളയരാജ |
| ഛായാഗ്രഹണം | സന്തോഷ് ശിവൻ |
| റിലീസിങ് തീയതി | 1996 |
| രാജ്യം |  ഇന്ത്യ |
| ഭാഷ | മലയാളം, തമിഴ്, ഹിന്ദി |
പ്രിയദർശന്റെ സംവിധാനത്തിൽ മോഹൻലാൽ നായകനായി 1996 - ൽ പുറത്തിറങ്ങിയ മലയാളചലച്ചിത്രമാണ് കാലാപാനി. പ്രഭു, അം‌രീഷ് പുരി, ശ്രീനിവാസൻ, തബ്ബു, നെടുമുടിവേണു എന്നിവർ മറ്റു പ്രധാന കഥാപാത്രങ്ങളെ അവതരിപ്പിച്ചു. ഇന്ത്യയിലെ ബ്രിട്ടീഷ് ഭരണകാലത്ത് ആൻഡമാൻ നിക്കോബാർ ദ്വീപുകളിലെ കാലാപാനി എന്ന സെല്ലുലാർ ജയിലിൽ നടക്കുന്ന കഥയാണ് ഈ ചലച്ചിത്രത്തിൽ ആവിഷ്കരിക്കുന്നത്. മോഹൻലാലിന്റെ തന്നെ നിർമ്മാണ കമ്പനിയായ പ്രണവ് ആർട്സാണ് ഈ ചിത്രം നിർമ്മിച്ചത്. 3 ദേശീയപുരസ്കാരങ്ങളും, 6 കേരളാ സംസ്ഥാന പുരസ്കാരങ്ങളും ഈ ചിത്രം സ്വന്തമാക്കി. മലയാളത്തിലെ ആദ്യ "ഡോൾബി സ്ടീരിയോ" ചിത്രമാണിത്.
ഗാനങ്ങൾ[തിരുത്തുക]
| നമ്പർ. | ഗാനം | ആലാപനം |
|---|---|---|
| 1 | "ആറ്റിറമ്പിലെ കൊമ്പിലെ" | എം.ജി. ശ്രീകുമാർ, കെ.എസ്. ചിത്ര |
| 2 | "ചെമ്പൂവേ പൂവേ" | എം.ജി. ശ്രീകുമാർ, കെ.എസ്. ചിത്ര |
| 3 | "കൊട്ടും കുഴൽ വിളി" | എം.ജി. ശ്രീകുമാർ, കെ.എസ്. ചിത്ര |
| 4 | "മാരിക്കൂടിനുള്ളിൽ" | കെ.എസ്. ചിത്ര, ഇളയരാജ |
| 5 | "വന്ദേമാതരം" | മനോ, കോറസ് |
പുരസ്കാരങ്ങൾ[തിരുത്തുക]
- മികച്ച കലാസംവിധാനം - സാബു സിറിൾ
- മികച്ച ഛായാഗ്രഹണം - സന്തോഷ് ശിവൻ
- സ്പെഷ്യൽ ഇഫക്ട്സ് - എസ്.ടി. വെങ്കി
- മികച്ച രണ്ടാമത് ചലച്ചിത്രം - മോഹൻലാൽ (നിർമ്മാണം), പ്രിയദർശൻ (സംവിധാനം)
- മികച്ച അഭിനേതാവ് - മോഹൻലാൽ
- മികച്ച കലാസംവിധാനം - സാബു സിറിൾ
- മികച്ച സംഗീതസംവിധായകൻ - ഇളയരാജ
- മികച്ച പ്രോസസിങ്ങ് ലാബ് - ജെമിനി കളർ ലാബ്
- മികച്ച വസ്ത്രാലങ്കാരം - സജിൻ രാഘവൻ
വിവാദങ്ങൾ[തിരുത്തുക]
ഈ സിനിമയിലെ ചില കാര്യങ്ങൾ ചരിത്ര വസ്തുതകളെ വളച്ചൊടിക്കുന്നു.[അവലംബം ആവശ്യമാണ്] ആൻഡമാൻ ജയിലിൽ നിന്ന് ബ്രിട്ടീഷ് സാമ്രാജ്യത്തിന്റെ സേവകനായികഴിഞ്ഞു കൊള്ളാം എന്ന് മാപ്പെഴുതിക്കൊടുത്ത് രക്ഷപ്പെട്ട സവർക്കരെ ഇതിൽ സ്വതന്ത്ര സമര നേതാവായാണ് ചിത്രീകരിക്കുന്നത്.[അവലംബം ആവശ്യമാണ്] ബലാൽസംഘ കേസിൽ ജയിലിൽ എത്തിയ മലപ്പുറം ഭാഷ സംസാരിക്കുന്ന മൂസ എന്ന ഒറ്റുകാരനായ കഥാപാത്രത്തെ പറ്റിയും വിവാദമുണ്ട്.[അവലംബം ആവശ്യമാണ്]. ആൻഡമാൻ ജയിലിൽ എത്തിയ മലബാർ മുസ്ലിംഗൾ എല്ലാം ബ്രിട്ടീഷ് പട്ടാളത്തോട് മലബാർ കലാപത്തിൽ ഏറ്റുമുട്ടിയവരാന്.[അവലംബം ആവശ്യമാണ്] അതിനാൽ മലബാറിലെ പോരാളികളെ കരുതിക്കൂട്ടി താമസ്ക്കരിക്കാനുള്ള ശ്രമമാണ് മൂസ എന്ന മലപ്പുറം ഭാഷ സംസാരിക്കുന്ന കഥാപാത്രത്തെ കാണിക്കുക വഴി ചെയ്തത് എന്നായിരുന്നു പ്രസ്തുത വിവാദം. എന്നാൽ തന്റെ യഥാർത്ഥ പേര് കണാരൻ എന്നാണെന്ന് മൂസ തുറന്നു പറയുന്നുമുണ്ട്.
