വൈക്കം
 |
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകളെ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
| വൈക്കം | |
|
|
|
| രാജ്യം |  ഇന്ത്യ |
| സംസ്ഥാനം | Kerala |
| ജില്ല(കൾ) | കോട്ടയം |
| ജനസംഖ്യ | 22 (2001) |
| സമയമേഖല | IST (UTC+5:30) |
അക്ഷാംശവും രേഖാംശവും: 9°44′58″N 76°23′32″E / 9.74944°N 76.39222°E കോട്ടയം ജില്ലയിലെ ഒരു പട്ടണമാണ് വൈക്കം. വൈക്കം പ്രസിദ്ധമായിരിക്കുന്നത് ഇവിടത്തെ പ്രധാന തീർത്ഥാടന കേന്ദ്രമായ 'ദക്ഷിണ കാശി' എന്നറിയപ്പെടുന്ന വൈക്കം മഹാദേവക്ഷേത്രത്തിന്റെ പേരിലാണ്. 1924-ൽ ഇവിടെ നടന്ന വൈക്കം സത്യാഗ്രഹവും ഏറെ പ്രസിദ്ധമാണ്.
[തിരുത്തുക] സ്ഥലപുരാണം
പണ്ട് ഈ പ്രദേശം നിബിഢവനമായിരുന്നു എന്ന് പറയപ്പെടുന്നു. കടുവ, കരടി, പുലി മുതലായ വന്യജീവികൾ സ്വൈരവിഹാരം ചെയ്തിരുന്ന കാനനപ്രദേശം ആയതിനാൽ ആകാം വൈയ്യാഘ്രപുരം എന്ന് അറിയാൻ ഇടയായത്. അതുപോലെ വൈക്കത്തപ്പന്റെ ഭക്താഗ്രേസരനായ വ്യാഘ്രപാദമഹർഷിയുടെ സ്മരണ എന്ന നിലയ്ക്കും ആകാം ഈ നാമകരണത്തിന്റെ പ്രസക്തി. വ്യാഘ്രശബ്ദത്തിന് ശ്രേഷ്ഠമായത് എന്നൊരു അർത്ഥം കൂടിയുണ്ട്.
[തിരുത്തുക] ചരിത്രം
- വൈക്കം ക്ഷേത്രത്തിന്റെ ഉല്പത്തിയെ സംബന്ധിച്ച ഒരു കഥ ഇതാണ്
മാല്യവാൻ എന്ന രാക്ഷസ തപസ്യയിൽ നിന്ന് ശൈവവിദ്യോപദേശം നേടിയ ഖരൻ എന്ന അസുരൻ ചിദംബരത്ത് പോയി നടരാജമൂർത്തിയെ ഭജിച്ച് സന്തോഷിപ്പിച്ചു. ഖരന്റെ തപസ്സിൽ പ്രീതനായ നടരാജമൂർത്തി കൊടുത്ത മൂന്ന് ശിവലിംഗങ്ങളും വഹിച്ചുകൊണ്ട് ഖരൻ ആകാശത്തിൽ യാത്ര ചെയ്തു. വൈക്കം പ്രദേശത്തിന്റെ മുകൾഭാഗത്ത് എത്തിയപ്പോൾ ഖരൻ പരിക്ഷീണനാകുകയും മൂന്ന് ശിവലിംഗങ്ങളും താഴെ ഭൂമിയിൽ വെക്കുകയും ചെയ്തു. വലത്തു കൈയ്യിലിരുന്നത് വൈക്കത്തും, കഴുത്തിൽ ഇടുക്കിപ്പിടിച്ചിരുന്നത് കടുത്തുരുത്തിയിലും ഇടത്തുകൈയ്യിലിരുന്നത് ഏറ്റുമാനൂരും ആണ് വച്ചത്. വിശ്രമത്തിനുശേഷം യാത്ര വീണ്ടും തുടരുന്നതിന് ശിവലിംഗം എടുക്കാൻ ശ്രമിച്ചപ്പോൾ അവ വച്ച സ്ഥാനത്ത് ഉറച്ചുപോയതായി കണ്ടു. ഉടൻ തന്നെ അന്തരീക്ഷത്തിൽ ഒരു അശരീരി മുഴങ്ങിക്കേട്ടു. "ഹേ ഖര! നിന്നിൽ ഞാൻ അതീവ സംപ്രീതനായിരിക്കുന്നു. ഈ സ്ഥലത്തുതന്നെ ലോകാനുഗ്രഹാർത്ഥം സ്ഥിതിചെയ്യുവാൻ ഞാൻ ആഗ്രഹിക്കുന്നു. അതിനുവേണ്ട വരങ്ങൾ ഞാൻ തരുന്നുണ്ട്" ഉടൻതന്നെ ശിവാജ്ഞാനുസരണം വ്യാഘ്രപാദമഹർഷിയെ കാണുകയും ഈ ശിവലിംഗത്തിനുവേണ്ട പൂജകൾ ചെയ്യണം എന്ന് അദ്ദേഹത്തോട് അഭ്യർഥിക്കുകയും ചെയ്തു. വ്യാഘ്രപാദൻ ജലമദ്ധ്യത്തിൽ വിളങ്ങിക്കൊണ്ടിരുന്ന ശിവലിംഗത്തെ വിധിയാംവണ്ണം പൂജിക്കുകയും തപസ്സ് അനുഷ്ഠിക്കുകയും ചെയ്തു. അതിൽ സംപ്രീതനായ ശ്രീപരമേശ്വരൻ പാർവ്വതീസമേതനായി വ്യാഘ്രപാദന് ദർശനം കൊടുക്കുകയും മേലിൽ ഈ പ്രദേശം വ്യാഘ്രപാദപുരം എന്ന് അറിയപ്പെടട്ടെ എന്ന് അനുഗ്രഹപൂർവ്വം അരുളി ചെയ്യുകയും ഉണ്ടായത്രെ. വൈക്കത്തഷ്ടമി എന്ന് പിൽക്കാലങ്ങളിൽ പ്രശസ്തി ആർജ്ജിച്ചു പുണ്യദിനമായ വൃശ്ചികമാസത്തിലെ കൃഷ്ണാഷ്ടമിദിനം ആണത്രെ വ്യാഘ്രപാദ മഹർഷിക്ക് ഈ മഹത്ദർശനം ലഭിച്ചത്.
- വൈക്കം എന്ന പേർ ഇങ്ങനെ വന്നത്
കൊല്ലവർഷം 537-ൽ ഉണ്ടായ ഉണ്ണുനീലിസന്ദേശത്തിന്റെ കർത്താവ് മേദിനിയിലെ സ്വർഗ്ഗഖണ്ഡം എന്നുവാഴ്ത്തിപ്പറഞ്ഞിട്ടുള്ളതും വെമ്പല നാട്ടുരാജാക്കന്മാർ ഭരിച്ചിരുന്നതുമായ സിന്ധു ദ്വീപ് (ഇന്നത്തെ കടുത്തുരുത്തി) ഉൾപ്പെടെയുള്ള പ്രദേശം വരെ ഒരു കാലത്ത് കടൽ ആയിരുന്നു. പിന്നീട് കടൽ വച്ചു പിന്മാറിയുണ്ടായതു കൊണ്ടാണ് ഈ പട്ടണത്തിന് വൈക്കം എന്ന പേർ ഉണ്ടായത് എന്ന് പറയപ്പെടുന്നു.
[തിരുത്തുക] പ്രധാനപ്പെട്ട സ്ഥലങ്ങൾ
|
||||||||||||||||||||
 |
കോട്ടയം ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
