കുവൈറ്റ്‌

ഇംഗ്ലീഷ് വിലാസം

http://ml.wikipedia.org/wiki/Kuwait

സ്റ്റേറ്റ് ഓഫ് കുവൈറ്റ് دولة الكويت Dawlat al-Kuwait
ദേശീയഗാനം: അൽ നഷീദ് അൽ വത്തനി.. National anthem of Kuwait
തലസ്ഥാനം (ഏറ്റവും വലിയ നഗരവും)		കുവൈറ്റ് സിറ്റി 29°22′N 47°58′E
ഔദ്യോഗികഭാഷകൾ		അറബിക്
Ethnic groups		33.9% Kuwaiti Arabs 45.9% Other Arabs 13.5% South/East Asian 1.9% Iranian 4.8% Europeans and Americans
ജനങ്ങളുടെ വിളിപ്പേര്		കുവൈറ്റി
സർക്കാർ		Unitary, hereditary and constitutional monarchy
-	Emir	സാബ അൽ-അഹമ്മദ് അൽ-ജാബർ അൽ സാബ
-	Prime Minister	Jaber Al-Mubarak Al-Hamad Al-Sabah
നിയമനിർമ്മാണസഭ		Majlis al-Umma
Establishment
-	First settlement	1703
-	Anglo-Ottoman Convention	1913
-	Independence from the United Kingdom	19 June 1961
വിസ്തീർണ്ണം
-	മൊത്തം	17 ച.കി.മീ. (157th) 6 ച.മൈൽ
-	വെള്ളം (%)	negligible
ജനസംഖ്യ
-	2010-ലെ കണക്ക്	3,566,437 (131st)
-	ജനസാന്ദ്രത	200.2/ച.കി.മീ. (61st) 518.4/ച. മൈൽ
ജി.ഡി.പി. (പി.പി.പി.)		2011-ലെ കണക്ക്
-	മൊത്തം	$153.501 billion
-	ആളോഹരി	$41,690
ജി.ഡി.പി. (നോമിനൽ)		2011-ലെ കണക്ക്
-	മൊത്തം	$176.667 billion (52nd)
-	ആളോഹരി	$47,982 (16th)
എച്ച്.ഡി.ഐ. (2011)		0.760 (high) (63rd)
നാണയം		കുവൈറ്റി ദിനാർ (KWD)
സമയമേഖല		AST / KSA (UTC+3)
-	Summer (DST)	not observed (UTC+3)
Date formats		dd/mm/yyyy (CE)
പാതകളിൽ വാഹനങ്ങളുടെ വശം		right
ഇന്റർനെറ്റ് ടി.എൽ.ഡി.		.kw
ടെലിഫോൺ കോഡ്		965

പേർഷ്യൻ ഉൾക്കടലിന്റെ തീരത്തുള്ള ഒരു ചെറിയ ജനാധിപത്യ രാജഭരണ രാജ്യമാണ് കുവൈറ്റ് (ഔദ്യോഗിക നാമം: സ്റ്റേറ്റ് ഓഫ് കുവൈറ്റ്, (അറബി: دولة الكويت Dawlat al-Kuwayt ). പെട്രോളിയം നിക്ഷേപത്താൽ സമ്പന്നമാണ്‌ ഈ രാജ്യം. വടക്ക് സൗദി അറേബ്യയും തെക്ക് ഇറാഖുമാണ് അയൽ‌രാജ്യങ്ങൾ.

പേരിനു പിന്നിൽ

കടൽ തീരത്തെ കോട്ട എന്നർഥം വരുന്ന അൽ കൂത്ത് എന്ന അറബി വാക്കിൽ നിന്നാണ് കുവൈറ്റ് എന്ന പേരു ലഭിച്ചത് ,

രാഷ്ട്രീയം

ജനാധിപത്യരീതിയിൽ തിരഞ്ഞെടുക്കപ്പെടുന്ന സർക്കാർ ഉള്ള ഒരു ഭരണഘടനാപരമായ രാജഭരണമാണ് കുവൈറ്റിലേത്. പേർഷ്യൻ ഗൾഫ് അറബ് രാജ്യങ്ങളിൽ ഏറ്റവും പഴക്കമുള്ള ജനാധിപത്യരാഷ്ട്രം കുവൈറ്റ് ആണെന്നു പറയാം. കുവൈറ്റ് രാജ്യത്തിന്റെ തലവൻ അമീർ‍ (എമിർ) ആണ്. പരമ്പരാഗതമായ സ്ഥാനപ്പേരാണ് എമിർ. ഷെയ്ഖ് എന്നും അറിയപ്പെടുന്ന എമിർ പ്രധാനമന്ത്രിയെ നിയമിക്കുന്നു. അടുത്തകാലം വരെ കിരീടാവകാശിയായ രാജകുമാരനായിരുന്നു പ്രധാനമന്ത്രി. സർക്കാർ നടത്തിപ്പിൽ മന്ത്രിമാരുടെ ഒരു സഭ പ്രധാനമന്ത്രിയെ സഹായിക്കുന്നു. നിയമസഭയിൽ ഒരു തിരഞ്ഞെടുക്കപ്പെട്ട അംഗം എങ്കിലും വേണം എന്ന് വ്യവസ്ഥയുണ്ട്. മന്ത്രിമാരുടെ എണ്ണം നിയമസഭയിലെ തിരഞ്ഞെടുക്കപ്പെട്ട അംഗങ്ങളുടെ എണ്ണത്തിന്റെ മൂന്നിലൊന്നിൽ കൂടുതലായിരിക്കരുത് എന്നും വ്യവസ്ഥ ഉണ്ട്.

ഭരണഘടനാപരമായി പ്രധാനമന്ത്രിയെയോ മന്ത്രിസഭയിലെ ഏതെങ്കിലും ഒരു അംഗത്തിനെയോ പുറത്താക്കാൻ നിയമസഭയ്ക്ക് അധികാരം ഉണ്ട്. ഭരണഘടന അനുസരിച്ച് രാജകുടുംബം ഒരു പുതിയ എമിറിനെയോ കിരീടാവകാശിയെയോ നിയമിക്കുന്നതിനു ദേശീയ അസംബ്ലിയുടെ അംഗീകാരം തേടണം. ദേശീയ അസംബ്ലിയിൽ ഈ നിയമനത്തിന് ഭൂരിപക്ഷം ലഭിക്കുന്നില്ലെങ്കിൽ എമിർ (അല്ലെങ്കിൽ രാജകുടുംബാംഗങ്ങൾ) മൂന്ന് സ്ഥാനാർത്ഥികളുടെ പേര് നിയമസഭയ്ക്ക് സമർപ്പിക്കണം. ഇതിൽ ഒരാളെ നിയമസഭ കിരീടാവകാശിയായി തിരഞ്ഞെടുക്കും. മജ്ലിസ് അൽ-ഉമ്മ എന്ന് അറിയപ്പെടുന്ന നിയമസഭയിൽ അൻപത് തിരഞ്ഞെടുക്കപ്പെട്ട അംഗങ്ങളാണ് ഉള്ളത്. നിയമസഭയിലേക്കുള്ള തിരഞ്ഞെടുപ്പ് നാലുവർഷത്തിൽ ഒരിക്കൽ നടക്കുന്നു. ഭരണഘടന അനുസരിച്ച് സർക്കാർ മന്ത്രിമാർക്ക് നിയമസഭയിൽ തനിയേ അംഗത്വം ലഭിക്കുന്നു. 15 മന്ത്രിമാർ വരെ മന്ത്രിസഭയിൽ ആവാം.

താമസാനുമതിയുമായി ബന്ധപ്പെട്ട പൊതു നിയമങ്ങൾ

ഇവിടെ ജോലി ചെയുന്ന എല്ലാ വിദേശികളും നിർബന്ടമായും മിനിസ്ട്രി ഓഫ് സോഷ്യൽ അഫൈർസ് & ലെബാറിൽ നിന്നും താമസനുമതി ഒരു നിശ്ചിത അവദി വെച്ച് പുതുകികൊണ്ടിരികണം. ഇവിടെ ഇഷ്യൂ ചെയുന്ന വിസ 4 തരത്തില ഉണ്ട്. ഒന്ന് - എമ്പ്ലോയ്മെന്റ് വിസ (Article No.18)Private Sector (ഷൂൺ വിസ എന്ന് അറിയപ്പെടുന്നു. സ്വകാര്യ മേഖലയിൽ വിദേശികൾക്ക് ജോലി ചെയ്യുന്നതിനു ഈ വിസയാണു അനുവദിക്കുന്നത് ) ; രണ്ട് - ഹൌസ് വിസ (ഖാദിം )(Article No. 20) ( ഖാദിം വിസ എന്ന് അറിയപ്പെടുന്നു. വീട്ടുജോലിക്കാർക്ക് ആണു ഈ വിസ അനുവദിക്കുന്നത്.); മൂന്ന് - ഫാമിലി വിസ (Article No.22) ( ഭർത്താവിന്റെ സ്പോൺസർ ഷിപ്പിൽ ഭാര്യക്കും മക്കൾക്കുമാണു ഈ വിസ അനുവദിക്കുന്നത്. മാതാപിതാക്കൾക്കും ഈ വിസ അനുവദിക്കുന്നു ) ; നാലു - ഗവണ്മെന്റ് സെക്ടറിൽ ജോലി ചെയുന്നവർ (Article No.17).

വിസ സ്റ്റാമ്പ്‌ ചെയ്യേണ്ട നടപടികൾ 60 ദിവസത്തിനുള്ളിൽ പൂർത്തി കരികേണ്ടാതാണ്. ഇവിടെ ജനിക്കുന്ന കുട്ടിയടെ പാസ്പോർട്ട്‌ വിസ നടപടി 60 ദിവസത്തിനുള്ളിൽ പുര്തികരികെണ്ടാതാണ്. കുവൈറ്റ്‌ ദിനാർ 250 ശമ്പളം ഉള്ളവര്ക്ക് ഫാമിലി വിസ ലഭികുനതാണ്. ഡ്രൈവിംഗ് ലൈസെൻസ് ലഭിക്കാൻ മിനിമം ശമ്പളം 4 0 0 ദിനാറും ജോലി പ്രൊഫഷണൽ ആയിരികുകയും വേണം . ഡ്രൈവിംഗ് ലൈസെൻസ് നിയമം ഇപ്പോൾ വളരെ കർശനം ആക്കിയിട്ടുണ്ട്. ഇന്ത്യയുടെ കുടിയേറ്റ നിയമവ്യവസ്ഥ പ്രകാരം ഇന്ത്യയിൽ നിന്നും ജോലിക്ക് വേണ്ടി നിയമിക്കുന്ന മാനവവിഭവശേഷി ഇന്ത്യൻ എംബസിയുടെ ഔദ്യോഗിക അനുമതി ഉണ്ടായിരികേണ്ടാതാണ്. എമ്പ്ലോയ്മെന്റ് വിസ ലഭിച്ചതിനുശേഷം കുവൈറ്റ്‌ ചേംബർ ഓഫ് കോമെര്സ് ,മിനിസ്ട്രി ഓഫ് ഫോരീഗ്ൻ അഫ്ഫെര്സ് ,ഇന്ത്യൻ എംബസി എന്നിവയുടെ ഔദ്യോഗിക അനുമതി സാക്ഷ്യപെടുതെണ്ടണ്ടാതാണ്.

കുവെത്ത് ടവറുകൾ

കുവൈറ്റ് നഗരത്തിലെ കോൺക്രീറ്റ് കൊണ്ട് നിർമ്മിച്ച മൂന്ന് ഗോപുരങ്ങളെയാണ് കുവെത്ത് ടവറുകൾ എന്ന് വിളിക്കുന്നത്. 187 മീറ്റർ ഉയരമുള്ള പ്രധാന ഗോപുരം ഒരു ഭക്ഷണശാലയും ജലസംഭരണിയുമായി ഉപയോഗപ്പെടുത്തുന്നു. സമുദ്രനിരപ്പിൽ നിന്നും 123 മീറ്റർ ഉയരത്തിലുള്ള നിരീക്ഷണത്തിനായി ഒരു തയ്യാറാക്കിയ ഗോളമണ്ഡലവും ഇതിനുണ്ട്. രണ്ടാമത്തെ ഗോപുരം 145.8 മീറ്റർ ഉയരമുള്ള ഒരു ജലസംഭരണിയാണ്. മൂന്നാമത്തെ ഗോപുരം, മറ്റ് രണ്ട് വലിയ ഗോപുരങ്ങൾകാവശ്യമായ വൈദ്യുത സംവിധാനങ്ങളുടെ സജ്ജീകരണങ്ങൾക്കുള്ള സ്ഥലമായി ഉപയോഗിക്കുന്നു.

കാലാവസ്ഥ

ചൂട് കാലത്ത് ഉയർന്ന താപനിലയും തണുപ്പ് കാലാത്ത് കൊടും തണുപ്പും അനുഭവപ്പെടുന്ന രാജ്യം ആണ് കുവൈറ്റ്‌ . 2011-ൽ ലോകത്തിലെ തന്നെ ഏറ്റവും കൂടിയ താപനിലകളിൽ ഒന്ന് ഇവിടെ രേഖപെടുത്തി 53.5 °C (128.3 °F).

Climate data for കുവൈറ്റ്‌
Month	Jan	Feb	Mar	Apr	May	Jun	Jul	Aug	Sep	Oct	Nov	Dec	Year
Average high °C (°F)	18 (64)	21 (70)	26 (79)	31 (88)	38 (100)	43 (109)	43 (109)	44.5 (112.1)	41 (106)	35 (95)	26 (79)	19 (66)	32.13 (89.76)
Average low °C (°F)	7 (45)	9 (48)	13 (55)	18 (64)	24 (75)	27 (81)	29 (84)	28 (82)	24 (75)	19 (66)	13 (55)	8 (46)	18.3 (64.7)
Precipitation mm (inches)	25.4 (1)	15.2 (0.598)	12.7 (0.5)	15.2 (0.598)	5.1 (0.201)	0.20 (0.0079)	0 (0)	0 (0)	0 (0)	2.5 (0.098)	12.7 (0.5)	17.8 (0.701)	106.8 (4.2039)
Source: weather.com

കുവൈത്തിലെ ഇന്ത്യൻ എംബസി

കുവൈറ്റിനു 1 9 6 1 ൽ സ്വാതന്ത്ര്യം കിട്ടിയതിനുശേഷം ഇന്ത്യ ഗവണ്മെന്റ് ഒരു പ്രതിനിധിയെ അയക്കുകയുണ്ടായി, അന്ന് അവർ അറിയപെട്ടിരുന്നത് ട്രേഡ് കമ്മിഷണർ കോൺസുലർ ജനറൽ എന്നോകെ ആയിരുന്നു.പിന്നിട്1962ൽ അതിനെ എംബസി യുടെ നിലവാരത്തിലേക് ഉയർത്തുകയും ചെയ്തു. ഇപ്പോൾ നിലവിൽ ഉള്ള എംബസ്സി കെട്ടിടം 1 9 7 4 ൽ ഇന്ത്യ ഗവണ്മെന്റ് സ്വന്തമായി സ്ഥലം ഏറ്റടുകുകയും 1 9 9 2 ൽ പ്രവര്ത്തനം ആരംഭികുകയും ചെയ്തു. ശ്രീ പി .ൽ. സിനായ് ആണ് ആദ്യത്തെ ട്രേഡ് കമ്മിഷണർ . ഇത് വരെ 15 അംബാസിടർമാർ ഇവിടെ സേവനം അനുഷ്ടിചിടുണ്ട്

കുവൈത്ത് സിറ്റിക്കടുത്ത് ഗൾഫ് സ്ട്രീറ്റിൽ ആണു ഇന്ത്യൻ എംബസി നില നിൽക്കുന്നത്. എംബസി ജോലി സമയം രാവിലെ 8.30 മുതൽ വൈകിട്ട് 5 മണി വരെയാണു. വിവിധ സേവനങ്ങളുടെ സമയം ടോക്കൺ ഇസ്സ്യു ടൈം - രാവിലെ 7.30മുതൽ 12 മണി വരെ, വൈകിട്ട് 2മണി മുതൽ 3.30വരെ. എംബസി അഡ്രസ്സ് താഴെ കൊടുക്കുന്നു. Diplomatic Enclave, Arabian Gulf Street P.O. Box 1450, Safat-13015, Kuwait Phone:22530600 , 22530612 - 14 Fax +965 2525811

പാസ്പോർട്ട് വിസ സർവീസ് സെന്റർ അഡ്രസ്സ് താഴെ കൊടുക്കുന്നു. ഇവ എംബസി നേരിട്ട് നിർവ്വഹിക്കുന്നതിനു പകരം സ്വകാര്യ സ്ഥാപനത്തെ ഏല്പിക്കുകയാണു ചെയ്തത്. Sharq Emad Commercial Center, Basement floor Ahmed Al Jaber Street, Sharq, Kuwait city Telephone: 22986607 - Telefax: 22470006

Fahaheel MujammaUnood, 4th floor, Office no. 25-26 Makka Street, Entrance 5, Fahaheel, Kuwait Telephone: 22986607 - Telefax: 22470006

കുവൈത്തിലെ പ്രവാസി മലയാളികൾ

കുവൈത്തിൽ അറുപതിലധികം വർഷം മുമ്പാണു മലയാളികൾ ചേക്കേറാൻ തുടങ്ങിയത്. മലയാളികളുടെ പ്രവാസി ആകാനുള്ള ത്വര തന്നെയാണു കുവൈത്തിലേക്കും മലയാളികളെ എത്തിച്ചത്. എന്നാൽ അതിനു മുമ്പ് തന്നെ മലയാളികളുമായി കുവൈത്തിനു വ്യാപാര ബന്ധമുണ്ടെന്ന് മനസ്സിലാക്കപ്പെടുന്നു. ഇന്ന് കുവൈത്തിലെ പ്രവാസി ഇന്ത്യക്കാരിൽ പകുതി പേരെങ്കിലും മലയാളികളാണു. വിവിധ സംഘടനകളിലൂടെ മലയാളികൾ തങ്ങളുടെ സാമൂഹികമായ ആവിഷ്കാരങ്ങളും നടത്തുന്നു. കുവൈത്തിലെ പ്രവാസി സംഘടനകൾ നിരവധിയാണു. വിവിധ മത രാഷ്ട്രീയ സംഘടനകൾക്ക് പുറമേ ജില്ലാ അസോസിയേഷനുകളും ഇതിൽ സജീവമാണു. കുവൈത്തിൽ ഒരു ജോലിക്കും മിനിമം വേതനം ഇല്ല . പ്രൈവറ്റ് സെക്ടറിൽ വർക്ക്‌ ചെയുന്ന ടോപ്‌ മേനജെര്സ് ശരാശരി ശമ്പള൦ 2 5 0 0 -3 5 0 0 ദിനാർ ആണ് . സെമി സ്കിൽഡ് വർക്ക്‌ ചെയുന്നവര്ക് ശരാശരി ശമ്പളം 3 0 0 -4 0 0 ദിനാർ ആണ് . ഖാദിം വിസയിൽ ജോലി ചെയുന്നവർക് ശരാശരി ശമ്പളം 40 ദിനാർ ആണ് . ഫാമിലി വിസയിൽ ഇവിടെ താമസിക്കാൻ മിനിമം ശമ്പളം 450 ദിനാർ ഉണ്ടായിരികണം . സിംഗിൾ ആയി ജീവികുന്നവര്ക് മിനിമം 1 2 0 ദിനാർ ചിലവ് മാസം ഉണ്ടായിരിക്കും .

ചിത്രശാല

• 

  കുവെത്ത് ടവറുകൾ

• 

  കുവെത്ത് നാഷനൽ അസംബ്ലി

• 

  കുവെത്ത് ലിബറേഷൻ ടവർ

• 

  കുവൈറ്റ് നാഷനൽ പെട്രോളിയം കമ്പനി കേന്ദ്രം

• 

  ജലസംഭരണികൾ

• 

  കുബ്ബുസ്(ഒരു ഭക്ഷണം)

• 

  കുവെത്തിലെ കടൽ പാലം‍

• 

  കുവെറ്റ് തീരം

• 

  സയന്റിഫിക് സെന്റർ അക്വരിയം കുവൈറ്റ്‌, കാള സ്രാവ്

• 

  കുവൈറ്റ് ചേംബർ ഓഫ് കൊമേഴ്സ്

• 

  കുവൈറ്റ് എയർവേസ് വിമാനം

• 

  കുവൈറ്റിലെ പഴക്കട

• 
• 

  വഫ്ര മാർക്കറ്റ്

• 

  ഗതാഗത അടയാളം

• 

  അധിനിവേശത്തിന്റെ അടയാളങ്ങൾ

• 
• 
• 

  ഫയിലക്കദ്വീപിലേക്ക് ആളുകളും വാഹനങ്ങളുമായെത്തുന്ന ജങ്കാർ

• 

  കുവൈറ്റിലെ ഒട്ടകം-ദേശീയമൃഗം

• 

  പ്രാവിൻകൂട്ടം

• 

  കൃഷിയിടം

• 

  കുവൈറ്റിലെ പരമ്പരാഗത അടുക്കള ഉപകരണങ്ങൾ

പുറത്തേക്കുള്ള കണ്ണികൾ

Kuwait പറ്റിയുള്ള കൂടുതൽ വിവരങ്ങൾക്ക്, ഇതര വിക്കിമീഡിയ സംരംഭങ്ങളിൽ തിരയുക-
	ഡിക്ഷണറി അർത്ഥങ്ങൾ വിക്കിനിഘണ്ടുവിൽനിന്ന്
	പാഠപുസ്തകങ്ങൾ പാഠശാലയിൽ നിന്ന്
	Quotations വിക്കി ചൊല്ലുകളിൽ നിന്ന്
	Source texts വിക്കിഗ്രന്ഥശാലയിൽ നിന്ന്
	ചിത്രങ്ങളും മീഡിയയും കോമൺസിൽ നിന്ന്
	വാർത്തകൾ വിക്കി വാർത്തകളിൽ നിന്ന്
	പഠന സാമഗ്രികൾ വിക്കിവേർസിറ്റി യിൽ നിന്ന്

• Official site of Kuwait
• BBC News Country Profile - Kuwait
• CIA World Factbook - Kuwait
• Kuwait Information Guide
• Kuwaiti-Slovak Archaeological Mission (KSAM)
• EQUATE PETROCHEMICAL COMPANY
• Al-Diwan Al-Amiri (H.H. The Amir's Office), State of Kuwait
• Kuwait Health - Promoting health reform

ഏഷ്യയിലെ രാജ്യങ്ങളും ഭരണപ്രദേശങ്ങളും

പരമാധികാര രാഷ്ട്രങ്ങളുടെ പട്ടിക: അഫ്ഗാനിസ്താൻ • അസർബെയ്ജാൻ¹ • അർമേനിയ • ഇന്തോനേഷ്യ² • ഇന്ത്യ • ഇറാഖ്‌ • ഇറാൻ • ഇസ്രയേൽ • ഈജിപ്റ്റ്‌³ • ഉത്തര കൊറിയ • ഉസ്ബെക്കിസ്ഥാൻ • ഒമാൻ • കംബോഡിയ • കിഴക്കൻ ടിമോർ² • കിർഗ്ഗിസ്ഥാൻ • കുവൈറ്റ്‌ • ഖത്തർ • ഖസാഖ്‌സ്ഥാൻ¹ • ചൈന • ജപ്പാൻ • ജോർജ്ജിയ¹ • ജോർദാൻ • താജിക്കിസ്ഥാൻ • തായ്‌ലാന്റ് • തുർക്കി¹ • തുർക്‌മെനിസ്ഥാൻ • ദക്ഷിണ കൊറിയ • നേപ്പാൾ • പാകിസ്താൻ • ഫിലിപ്പീൻസ് • ബംഗ്ലാദേശ് • ബഹ്റൈൻ • ബ്രൂണൈ • ഭൂട്ടാൻ • മംഗോളിയ • മലേഷ്യ • മാലിദ്വീപ് • മ്യാന്മാർ • യു.എ.ഇ • യെമൻ • റഷ്യ¹ • റിപ്പബ്ലിക്ക് ഓഫ് ചൈന (തായ്‌വാൻ)⁴ • ലാവോസ് • ലെബനാൻ • വിയറ്റ്നാം • സൈപ്രസ് • ശ്രീലങ്ക • സിംഗപ്പൂർ • സിറിയ • സൗദി അറേബ്യ മറ്റു ഭരണ പ്രദേശങ്ങൾ: ഹോങ്കോങ് • മക്കാഉ • നഗോർണ്ണോ-കരബാഖ് (അസർബെയ്ജാൻ) • പലസ്തീനിയൻ പ്രദേശങ്ങൾ (ഇസ്രയേൽ/പലസ്തീനിയൻ നാഷണൽ അതോറിറ്റി) • വടക്കൻ സൈപ്രസ് - ടർക്കിഷ് റിപ്പബ്ലിക്ക് (സൈപ്രസ്)

ഭൂമിശാസ്ത്ര കുറിപ്പുകൾ: (1) ഭാഗികമായി യൂറോപ്പിൽ; (2) ഭാഗികമായോ പൂർണമായോ ഓഷ്യാനിയയിൽ ഉണ്ടായിരുന്നു എന്ന് കരുതപ്പെടുന്നു; (3) മിക്കവാറും ഭാഗം ആഫ്രിക്കയിൽ; (4) തായ്‌വാന്റെ രാഷ്ട്രീയ സ്ഥിതി കാണുക.

‍‍