ഉള്ളടക്കത്തിലേക്ക് പോവുക

സാദരം (ചലച്ചിത്രം)

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Saadaram എന്ന താളിൽ നിന്നും തിരിച്ചുവിട്ടതു പ്രകാരം)
സാദരം
സംവിധാനംജോസ് തോമസ്
കഥലോഹിതദാസ്
തിരക്കഥ ലോഹിതദാസ്
നിർമ്മാണംഎൻ കൃഷ്ണകുമാർ (കിരീടം ഉണ്ണി)
അഭിനേതാക്കൾസുരേഷ് ഗോപി,
ലാലു അലക്സ്,
ഗീത,
ചിത്ര,
ശ്രീനാഥ്,
കവിയൂർ പൊന്നമ്മ,
സുകുമാരി
ഛായാഗ്രഹണംവേണുഗോപാൽ
ചിത്രസംയോജനംഎൽ. ഭൂമിനാഥൻ
സംഗീതംജോൺസൺ
നിർമ്മാണ
കമ്പനി
കൃപ ഫിലിംസ്
വിതരണംകിരീടം റിലീസ്
റിലീസ് തീയതി
  • 10 May 1985 (1985-05-10)
ദൈർഘ്യം
140 മിനിറ്റ്
രാജ്യംഭാരതം
ഭാഷമലയാളം

1995-ൽ ജോസ് തോമസ് സംവിധാനം ചെയ്ത മലയാള ചിത്രമാണ് സാദരം.[1] സുരേഷ് ഗോപി, ലാലു അലക്സ്, ഗീത, ചിത്ര, ശ്രീനാഥ്, കവിയൂർ പൊന്നമ്മ, സുകുമാരി എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.[2] തിരക്കഥ എഴുതിയത് എ.കെ. ലോഹിതദാസ് ആണ്.[3] ഈ ചിത്രം ബോക്സോഫീസിൽ ഒരു സൂപ്പർ ഹിറ്റായിരുന്നു.[4] കൈതപ്രം-ജോൺസൺ സംഘമാണ് ഗാനങ്ങളൊരുക്കിയത്.[5] ഈ ചിത്രം നിർമ്മിച്ചത് കിരീടം ഉണ്ണി ആണ്.[6]

ഇതിവൃത്തം

[തിരുത്തുക]

തൊഴിൽപരമായി അഭിഭാഷകനാണെങ്കിലും രഘുനന്ദൻ മേനോൻ (സുരേഷ് ഗോപി) കൃഷിയിലാണ് സന്തോഷം കണ്ടെത്തുന്നത്. അമ്മ (കവിയൂർ പൊന്നമ്മ), മൂത്ത സഹോദരൻ, അദ്ദേഹത്തിന്റെ കുടുംബം എന്നിവരോടൊപ്പം അദ്ദേഹം സന്തുഷ്ടമായ ജീവിതം നയിക്കുന്നു. രഘുനന്ദന്റെ പ്രതിശ്രുതവധു ലേഖ (സുവർണ്ണ മാത്യു) സാഹിത്യത്തിൽ ഗവേഷണം നടത്തുന്ന വിദ്യാർത്ഥിനിയാണ്. ഒരു രാത്രി പതിവുപോലെ തന്റെ കൃഷിയിടത്തിലൂടെ നടക്കുമ്പോൾ, ഗുരുതരമായി പരിക്കേറ്റ ഒരു പെൺകുട്ടിയെ (ഗീത) രഘു രക്ഷിക്കുന്നു. പിറ്റേന്ന് രാവിലെ, താൻ സീതാലക്ഷ്മിയാണെന്ന് അവൾ സ്വയം പരിചയപ്പെടുത്തുകയും ഒരു സംഘം പുരുഷന്മാർ തന്നെ ക്രൂരമായി ബലാത്സംഗം ചെയ്ത് പിന്നീട് വഴിയിൽ തള്ളിയതാണെന്ന് അറിയിക്കുകയും ചെയ്യുന്നു. അടുത്ത രണ്ട് ദിവസത്തേക്ക് രഘു തന്റെ ഫാം ഹൗസിൽ അവൾക്ക് അഭയം നൽകുന്നു. അപ്രതീക്ഷിതമായി സന്ദർശനത്തിനെത്തിയ ലേഖ ഫാം ഹൗസിൽ സീതയെ കാണുകയും അവൾക്ക് രഘുവുമായി ബന്ധമുണ്ടെന്ന് തെറ്റിദ്ധരിക്കുകയും ചെയ്യുന്നു. അയാളുടെ വിശദീകരണങ്ങൾ അവളെ ബോധ്യപ്പെടുത്തുന്നതിൽ പരാജയപ്പെടുന്നു. ഫാം ഹൗസിൽ ഒരു പെൺകുട്ടി താമസിക്കുന്നുണ്ടെന്ന് അറിഞ്ഞപ്പോൾ, മുതിർന്ന പോലീസ് ഉദ്യോഗസ്ഥൻ കൂടിയായ മൂത്ത സഹോദരൻ ഹരിനന്ദൻ മേനോൻ (ലാലു അലക്സ്) ഫാം ഹൗസിലെത്തുന്നു. സീതാലക്ഷ്മിയെ കണ്ട് ഞെട്ടിയ അയാൾ ഒന്നും പറയാതെ പെട്ടെന്ന് മടങ്ങുന്നു. തന്നെ ബലാത്സംഗം ചെയ്തവരിൽ ഒരാൾ ഹരിയാണെന്ന് സീത രഘുവിനോട് വിശദീകരിക്കുന്നു. സംഭവത്തെക്കുറിച്ച് കൂടുതലറിയാൻ വീട്ടിലെത്തുമ്പോൾ, ഹരി തന്റെ തെറ്റ് ഏറ്റുപറയുകയും താൻ മദ്യലഹരിയിലായിരുന്നു എന്നു പറഞ്ഞ് അതിനെ ന്യായീകരിക്കാൻ ശ്രമിക്കുകയും ചെയ്യുന്നു. എന്നാൽ സീതയ്ക്ക് നീതി നേടിക്കൊടുക്കുന്നതിൽ രഘു ഉറച്ചുനിൽക്കുന്നു. സീതയ്ക്ക് നീതി ലഭ്യമാക്കാനുള്ള ശ്രമത്തിൽ അമ്മ, പ്രതിശ്രുതവധു, ഏടത്തിയമ്മ എന്നിവരുൾപ്പെടെ സ്വന്തം വീട്ടിൽനിന്നുതന്നെ രഘുവിന് കടുത്ത എതിർപ്പ് നേരിടേണ്ടിവരുന്നു. സീത ബലാത്സംഗത്തിന് ഇരയായെന്ന് അറിഞ്ഞ അവളുടെ പ്രതിശ്രുതവരൻ മാധവൻ (രവി വല്ലത്തോൾ) അവളെ സ്വീകരിക്കാൻ തയ്യാറാകുന്നില്ല. അവൾക്ക് പുതിയൊരു ജീവിതം നൽകാനായി രഘു സീതയെ വിവാഹം കഴിച്ച് തന്റെ വീട്ടിലേക്ക് കൊണ്ടുവരുന്നു. എന്നാൽ സീതയെ വീടിനുള്ളിലേക്ക് കയറ്റരുതെന്ന് ഏടത്തിയമ്മ (ചിത്ര) ആവശ്യപ്പെടുന്നു. രഘു സീതയെയും കൂട്ടി അവിടെനിന്ന് പോകുന്നു.

താരനിര[7]

[തിരുത്തുക]
ക്ര.നം.താരംവേഷം
1സുരേഷ് ഗോപിരഘുനന്ദൻ മേനോൻ
2ഗീതസീതാലക്ഷ്മി
3ലാലു അലക്സ്ഡി വൈ എസ് പി ഹരിനന്ദൻ മേനോൻ
4കവിയൂർ പൊന്നമ്മഭാനുമതി അമ്മ - രഘുവിന്റെ അമ്മ
5സുവർണ്ണ മാത്യുലേഖ - രഘുവിന്റെ കാമുകി
6അമ്പിളി ദേവിആര്യ
7ചിത്രമാലതി ഹരിനന്ദൻ (ഏടത്തിയമ്മ)
8മാമുക്കോയവീരപ്പൻ കുഞ്ഞാലു
9അഗസ്റ്റിൻനെന്മാറ എസ്.ഐ.
10സാന്റോ കൃഷ്ണൻരാമൻ
11തിക്കുറിശ്ശി സുകുമാരൻ നായർകേശവപിള്ള - ലേഖയുടെ അപ്പൂപ്പൻ
12പ്രിയങ്ക നായർദാക്ഷായണി - വേലക്കാരി
13വിജയൻ പെരിങ്ങോട്രാവുണ്ണി നായർ
14സുകുമാരിപ്രൊഫ. വിശാലാക്ഷി - ലേഖയുടെ അമ്മ
15ബിന്ദു പണിക്കർരമ രവിനന്ദൻ (ഏടത്തിയമ്മ)
16ശ്രീനാഥ്ഡോ. രവിനന്ദൻ മേനോൻ
17രശ്മി സോമൻശ്രീക്കുട്ടി
18അബു സലിംതങ്കപ്പൻ
19ശിവജിഗംഗാധരൻ
20സ്ഫടികം ജോർജ്ജ്എസ് പി
21കോഴിക്കോട് നാരായണൻ നായർശങ്കര വാര്യർ
22രവി വള്ളത്തോൾമാധവവാരിയർ - സീതയുടെ മുറച്ചെറുക്കൻ
23മധുപാൽനാസർ
24ബൈജു കൊട്ടാരക്കര
25സോണിയജെസ്സി - ഗംഗാധരന്റെ വെപ്പാട്ടി
26എൻ കൃഷ്ണകുമാർസബ് ഇൻസ്പെക്ടർ
27അനില ശ്രീകുമാർകല്ലു - ആദിവാസി യുവതി
28ജോജൻ കാഞ്ഞാണി
29എൻ കൃഷ്ണകുമാർ
30ബേബി രശ്മിഷബ്നം

പാട്ടരങ്ങ്[8]

[തിരുത്തുക]
നമ്പർ.പാട്ട്പാട്ടുകാർരാഗം
1അമ്പലക്കൊമ്പന്റെഎം ജി ശ്രീകുമാർ,കോറസ്‌
2മധുചന്ദ്രികേ നീ (പെൺ ‍)സ്വർണ്ണലത
3മധുചന്ദ്രികേ നീകെ ജെ യേശുദാസ്
4ശരത്കാല സന്ധ്യേകെ ജെ യേശുദാസ്,സുജാത മോഹൻ

അവലംബം

[തിരുത്തുക]
  1. ↑ "1995 Cinema". kerala.gov.in. Archived from the original on 2015-02-01. Retrieved 3 August 2013.
  2. ↑ Bowker's Complete Video Directory, 1999: Entertainment, titles A-S. R. R. Bowker. 1999. p. 1221. ISBN 978-0-8352-4202-8.
  3. ↑ "Lohithadas Filmography". Malayala Manorama. Archived from the original on 2010-09-06. Retrieved 31 October 2011.
  4. ↑ "സാദരം (1995)". www.malayalachalachithram.com. Retrieved 2020-03-22.
  5. ↑ "സാദരം (1995)". malayalasangeetham.info. Archived from the original on 2020-03-24. Retrieved 2020-03-22.
  6. ↑ "സാദരം (1995)". spicyonion.com. Retrieved 2020-03-22.[പ്രവർത്തിക്കാത്ത കണ്ണി]
  7. ↑ "സാദരം (1995)". മലയാളം മൂവി&മ്യൂസിക് ഡാറ്റാബേസ്. Retrieved 2020-03-22. {{cite web}}: Cite has empty unknown parameter: |1= (help)
  8. ↑ "സാദരം (1995)". മലയാളസംഗീതം ഇൻഫൊ. Archived from the original on 2020-03-24. Retrieved 2020-03-22.

ഉറവിടങ്ങൾ

[തിരുത്തുക]

പുറംകണ്ണികൾ

[തിരുത്തുക]
"https://ml.wikipedia.org/w/index.php?title=സാദരം_(ചലച്ചിത്രം)&oldid=4670502" എന്ന താളിൽനിന്ന് ശേഖരിച്ചത്