മൗണ്ട് കാർമെൽ കോൺവെന്റ് ആംഗ്ലോ-ഇന്ത്യൻ ഗേൾസ് ഹൈ സ്കൂൾ
| മൗണ്ട് കാർമെൽ കോൺവെന്റ് ആംഗ്ലോ-ഇന്ത്യൻ ഗേൾസ് ഹൈ സ്കൂൾ | |
|---|---|
 സ്കൂളിന്റെ പ്രവേശനകവാടം | |
| വിലാസം | |
  മൗണ്ട് കാർമെൽ കോൺവെന്റ് ആംഗ്ലോ-ഇന്ത്യൻ ഗേൾസ് ഹൈ സ്കൂൾ | |
| നിർദ്ദേശാങ്കം | 8°53′02″N 76°33′54″E / 8.8839°N 76.5650°E |
| വിവരങ്ങൾ | |
| ആപ്‌തവാക്യം | Hold your light up high |
| ആരംഭം | 1885 |
| സ്കൂൾ ജില്ല | കൊല്ലം ജില്ല |
| Classes offered | LKG to Standard XII |
| ഗാനം | Flower of Carmel |
| Publication | Carmeline |
| Affiliation | CISCE |
കേരളത്തിൽ കൊല്ലം ജില്ലയിലെ തങ്കശ്ശേരിയിൽ സ്ഥിതിചെയ്യുന്ന ഒരു വിദ്യാലയമാണ് മൗണ്ട് കാർമെൽ കോൺവെന്റ് ആംഗ്ലോ-ഇന്ത്യൻ ഗേൾസ് ഹൈ സ്കൂൾ. തങ്കശ്ശേരിയിലെ ആംഗ്ലോ ഇന്ത്യൻ പെൺകുട്ടികൾക്ക് വിദ്യാഭ്യാസം നൽകുക എന്ന ലക്ഷ്യത്തോടെ 1885 ജൂലൈ 22-ന് മദർ വെറോണിക്ക സ്ഥാപിച്ചതാണ് ഈ വിദ്യാലയം.[1] 1889-ൽ മദ്രാസ് പ്രവിശ്യയിലെ ഭരണകൂടം ഇതിനെ ഒരു യൂറോപ്യൻ കോൺവെന്റ് സ്കൂളായി അംഗീകരിച്ചു.[1] ആദ്യകാലത്ത് 'ദ മൗണ്ട് കാർമെൽ യൂറോപ്യൻ സ്കൂൾ' എന്ന പേരിൽ അറിയപ്പെട്ടിരുന്ന ഈ വിദ്യാലയം സ്വാതന്ത്ര്യലബ്ധിക്കുശേഷം 'മൗണ്ട് കർമെൽ കോൺവെന്റ് ആംഗ്ലോ ഇന്ത്യൻ ഗേൾസ് ഹൈ സ്കൂൾ' എന്ന പേര് സ്വീകരിച്ചു.
പെൺകുട്ടികൾക്കു മാത്രമാണ് ഇവിടെ പ്രവേശനം അനുവദിച്ചിരിക്കുന്നത്. എൽ.കെ.ജി. മുതൽ 12-ആം ക്ലാസുവരെ ഏകദേശം 4000 വിദ്യാർത്ഥികൾ ഇവിടെ പഠിക്കുന്നുണ്ട്. കൗൺസിൽ ഫോർ ദി ഇന്ത്യൻ സ്കൂൾ സർട്ടിഫിക്കറ്റ് എക്സാമിനേഷൻസ്' (CISCE) പാഠ്യപദ്ധതി സ്വീകരിച്ചിട്ടുള്ള[2] ഈ വിദ്യാലയത്തിലെ പഠനമാധ്യമം ഇംഗ്ലീഷാണ്.
മൗണ്ട് കാർമെൽ സ്കൂളിന്റെ 125-ആം വാർഷികം 2010-ൽ ആഘോഷിച്ചിരുന്നു. എല്ലാവർഷവും ഇവിടെ നിന്ന് കാർമെലിൻ എന്ന പേരിൽ ഒരു പ്രസിദ്ധീകരണം പുറത്തിറക്കുന്നുണ്ട്.
അവലംബം[തിരുത്തുക]
- ↑ 1.0 1.1 "Mount Carmel Convent Anglo-Indian Girls High School". elisting.in. Retrieved 2017-12-23.
- ↑ "Mount Carmel Convent Anglo-Indian Girls High School". icbse.com. Retrieved 2017-12-23.
