ഉബുണ്ടു ഫോണ്ട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഉബുണ്ടു ഫോണ്ട് ഫാമിലി
Ubuntu.svg
വർഗ്ഗംസാൻസ്-സെരിഫ്
വർഗ്ഗീകരണംഹ്യുമാനിസ്റ്റ് സാൻസ്-സെരിഫ്
നിർമ്മാണശാലഡാൾട്ടൺ മാഗ്
അനുമതിഉബുണ്ടു ഫോണ്ട് അനുമതിപത്രം

ഒരു ഹ്യുമാനിസ്റ്റ് സ്റ്റൈൽ[1] ഓപ്പൺടൈപ്പ് ഫോണ്ടാണ് ഉബുണ്ടു ഫോണ്ട് ഫാമിലി. കാനോനിക്കൽ ലിമിറ്റഡിന്റെ സഹായത്തോടെ ലണ്ടനിലെ മുദ്രാക്ഷരനിർമ്മാണശാലയായ ഡാൾട്ടൺ മാഗാണ് ഈ ഫോണ്ട് നിർമ്മിച്ചിരിക്കുന്നത്. ഒമ്പത് മാസത്തോളം വികസിപ്പിച്ച ശേഷം ഉബുണ്ടു 10.10ലാണ് ഈ ഫോണ്ട് ഔദ്യോഗികമായി പുറത്തിറങ്ങിയത്.[2][3] ഉബുണ്ടു ഫോണ്ട് അനുമതിപത്രത്തിനു കീഴിലാണ് ഈ ഫോണ്ട് പുറത്തിറക്കിയിരിക്കുന്നത്.[4]

ചരിത്രം, സവിശേഷകതൾ[തിരുത്തുക]

2010ൽ ഉബുണ്ടു 10.10നോടൊപ്പമാണ് ആദ്യമായി ഉബുണ്ടു ഫോണ്ട് പ്രത്യക്ഷപ്പെടുന്നത്. ആ സമയത്ത് നാലു വകഭേദങ്ങളാണ് ഉബുണ്ടു ഫോണ്ടിനുണ്ടായിരുന്നത് - റെഗുലർ, ഇറ്റാലിക്, ബോൾഡ്, ബോൾഡ് ഇറ്റാലിക് എന്നിവ. ഇംഗ്ലിഷ് ആയിരുന്നു അടിസ്ഥാന ഭാഷ. പിന്നീട് 2011 ഏപ്രിലിൽ കൂടുതൽ രൂപങ്ങളും കൂടുതൽ ഭാഷകൾക്കുള്ള പിന്തുണയും ഉൾപ്പെടുത്തി. ഉബുണ്ടു 11.04നോടൊപ്പമായിരുന്നു ഈ മാറ്റങ്ങളുള്ള ഉബുണ്ടു ഫോണ്ട് പുറത്തിറങ്ങിയത്.[5][6] നിലവിൽ മൊത്തം 13 തരത്തിൽ ഉബുണ്ടു ഫോണ്ട് ലഭ്യമാണ്.

  • ഉബുണ്ടു - റെഗുലർ, ഇറ്റാലിക്, ബോൾഡ്, ബോൾഡ് ഇറ്റാലിക്.[5][6]
  • ഉബുണ്ടു മോണോസ്പേസ് - റെഗുലർ, ഇറ്റാലിക്, ബോൾഡ്, ബോൾഡ് ഇറ്റാലിക്.[5][6]
  • ഉബുണ്ടു ലൈറ്റ് - റെഗുലർ, ഇറ്റാലിക്.[5][6]
  • ഉബുണ്ടു മീഡിയം - റെഗുലർ, ഇറ്റാലിക്.[5][6]
  • ഉബുണ്ടു കണ്ടെൻസ്ഡ് - റെഗുലർ.[5][6]

ഉബുണ്ടു ഫോണ്ട് അനുമതിപത്രം[തിരുത്തുക]

ഉബുണ്ടു ഫോണ്ട് അനുമതിപത്രം
പ്രസാധകർകാനോനിക്കൽ ലി.
ഡിഎഫ്എസ്ജി അനുകൂലംഅല്ല [7]
ഓഎസ്ഐ അംഗീകൃതംഅല്ല

ഉബുണ്ടു ഫോണ്ട് ഫാമിലിക്കായി രൂപകൽപ്പന ചെയ്യപ്പെട്ട അനുമതിപത്രമാണ് ഉബുണ്ടു ഫോണ്ട് അനുമതിപത്രം. പതിപ്പ് 0.68 മുതലാണ് ഈ അനുമതിപത്രം ഉപയോഗിച്ച് തുടങ്ങിയത്.[4] എസ്ഐഎൽ ഓപൺ ഫോണ്ട് അനുമതിപത്രത്തിനെ അടിസ്ഥാനമാക്കിയാണ് ഉബുണ്ടു ഫോണ്ട് അനുമതിപത്രം രചിക്കപ്പെട്ടിട്ടുള്ളത്.[8]

ഉബുണ്ടു ഫോണ്ട് അനുമതിപത്രം ഉപയോക്താവിന് നിബന്ധനകളോടെ പഠിക്കാനും, ഉപയോഗിക്കാനും, മാറ്റം വരുത്താനും, വിതരണം ചെയ്യാനുമുള്ള സ്വാതന്ത്യങ്ങൾ നൽകുന്നു. ഇതൊരു പകർപ്പ് ഉപേക്ഷാ അനുമതിപത്രമാണ്. ആയതുകൊണ്ട് ഇതിന്റെ വ്യുൽപ്പന്നങ്ങളും പകർപ്പ് ഉപേക്ഷാ നിയമത്തിനു കീഴിലായിരിക്കണം എന്നു ഈ അനുമതിപത്രം അനുശാസിക്കുന്നു. എന്നാൽ അത് ഉബുണ്ടു ഫോണ്ട് അനുമതിപത്രത്തിന് കീഴിലായിരിക്കണം എന്നില്ല.[9]

അവലംബം[തിരുത്തുക]

  1. Light: the new look of Ubuntu
  2. New Ubuntu font lands in Maverick for all users
  3. The Ubuntu Font Family Is Now Available In Ubuntu 10.10 Maverick Meerkat (Officially)
  4. 4.0 4.1 ttf-ubuntu-font-family package in Ubuntu 10.10 "maverick" archives
  5. 5.0 5.1 5.2 5.3 5.4 5.5 Ubuntu Font Family
  6. 6.0 6.1 6.2 6.3 6.4 6.5 Sneddon, Joey (2011). "Condensed Variant of Ubuntu Font Debuts". OMG Ubuntu. ശേഖരിച്ചത് 20 August 2011. Unknown parameter |month= ignored (help)
  7. "Bug #769874 Naming restrictions in UFL considered non-free by Debian". bugs.launchpad.net. 2011-04-24. ശേഖരിച്ചത് 2012-03-12.
  8. Differences between OFL and Ubuntu Font Licence
  9. The Ubuntu Font Licence - Version 1.0

പുറംകണ്ണികൾ[തിരുത്തുക]

"https://ml.wikipedia.org/w/index.php?title=ഉബുണ്ടു_ഫോണ്ട്&oldid=1774744" എന്ന താളിൽനിന്ന് ശേഖരിച്ചത്