സീനത്ത് അമൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Zeenat Aman എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
സീനത്ത് അമൻ
Zeenat Aman at the Society Achievers Awards 2018 (cropped).jpg
സീനത്ത് അമൻ 2018 ൽ
ജനനം
സീനത്ത് ഖാൻ

(1951-11-19) 19 നവംബർ 1951  (68 വയസ്സ്)
ദേശീയതIndian
കലാലയംയൂണിവേഴ്സിറ്റി ഓഫ് സതേൺ കാലിഫോർണിയ
തൊഴിൽ
  • Actress
  • model
സജീവ കാലം1971–1989, 1999–present
സ്ഥാനപ്പേര്Femina Miss India Asia Pacific 1970
Miss Asia Pacific 1970
പങ്കാളി(കൾ)
സഞ്ജയ് ഖാൻ
(വി. 1978; annulled 1979)

മസാർ ഖാൻ
(വി. 1985; died 1998)
കുട്ടികൾ2
ബന്ധുക്കൾറാസാ മുറാദ് (കസിൻ)

ഹിന്ദി ചലച്ചിത്രരംഗത്തെ ഒരു മികച്ച അഭിനേത്രിയാണ് സീനത്ത് അമൻ (ഹിന്ദി: ज़ीनत अमन, ഉർദു: زینت امان) ജനനം: നവംബർ 19, 1951) 1970 ലെ മിസ്സ് ഇന്ത്യ റണ്ണർ അപ്പ് ആയിരുന്ന സീനത്ത് ആ വർഷത്തെ മിസ്സ് ഏഷ്യ പസിഫിക്ക് ആകുകയും ചയ്തു. ഹിന്ദി ചലച്ചിത്രരംഗത്തേക്ക് ഒരു ഹോളിവുഡ് താരത്തിന്റെ ഭംഗിയോടെ എത്തിയ സീനത്ത് തന്റെ സിനിമാ ജീവിതത്തിലുടനീളം ഗ്ലാമർ റോളുകളിലാണ് അഭിനയിച്ചത്.[1]

ആദ്യകാലജീവിതം[തിരുത്തുക]

1951 നവംബർ 19 ന് മുംബൈയിൽ സീനത്ത് ഖാൻ എന്ന പേരിൽ ജനിച്ചു.[2][3] മാതാവ് സിന്ധ വർധിനി കാർവാസ്റ്റെ മഹാരാഷ്ട്ര സ്വദേശിയായിരുന്നു. നടൻ റാസ മുറാദിന്റെ ബന്ധുവും നടൻ മുറാദിന്റെ ഭാഗിനേയിയുമാണ് അമാൻ. സീനത്ത് അമന്റെ പിതാവ് അമാനുള്ളാ ഖാൻ[4][5] ഭോപ്പാൽ സംസ്ഥാന ഭരണകുടുംബവുമായി ബന്ധമുള്ള വ്യക്തിയായിരുന്നു. മാതാവ് മഹാരാഷ്ട്രക്കാരിയായ ബ്രാഹ്മണ വനിതയും പിതാവ് അഫ്ഗാൻ വംശജനുമായിരുന്നു. സീനത്തിന്റെ പിതാവ് അമാനുള്ള മുഗൾ ഇ അസാം, പക്കീസാ എന്നീ പ്രമുഖ സിനിമകളുടെ രചയിതാവുമാണ്. പിതാവ് പലപ്പോഴും "അമാൻ" എന്ന തൂലികാനാമത്തിൽ എഴുതുകയും പിന്നീട് പിതാവിന്റെ ഈ തൂലികാനാമം അവർ സിനിമാലോകത്ത് തന്റെ പേരിനൊപ്പം ഉപയോഗിക്കുകയും ചെയ്തു. അവരുടെ ചെറുപ്പത്തിൽത്തന്നെ മാതാപിതാക്കൾ വിവാഹമോചനം നേടി.[6] സീനത്തിന് 13 വയസ്സുള്ളപ്പോൾ പിതാവ് അന്തരിച്ചു. പിന്നീട് മാതാവ് ഹെയ്ൻ‌സ് എന്ന ജർമ്മൻ പൌരനെ വിവാഹം കഴിക്കുകയും ജർമ്മൻ പൗരത്വം നേടുകയും ചെയ്തു.[7] പഞ്ച്ഗാനിയിൽ അവർ സ്കൂൾ വിദ്യാഭ്യാസം പൂർത്തിയാക്കി.

മുംബൈയിലെ സെൻറ്. സേവിയേഴ്സ് കോളേജിൽ നിന്നും ബിരുദം നേടിയ ശേഷം ഉന്നത വിദ്യഭ്യാസത്തിനു വേണ്ടി സ്കോളർഷിപ്പിൽ ലോസ് ഏഞ്ചത്സിലേക്ക് നീങ്ങി സതേൺ കാലിഫോർണിയ സർവകലാശാലയിൽ പഠനം നടത്തിയെങ്കിലും അവിടെനിന്ന് ബിരുദം പൂർത്തിയാക്കാൻ സാധിച്ചില്ല. ആദ്യം പത്രപ്രവർത്തനം തന്നെ ജോലിയായി തിരഞ്ഞെടുത്ത സീനത്ത് ഫെമിന മാഗസിനായി ഒരു പത്രപ്രവർത്തകയെന്ന നിലയിൽ പ്രവർത്തിക്കുകയും പിന്നീട് മോഡലിങ്ങിലേക്ക് തിരിയുകയും താജ്മഹൽ ടീ ഉൾപ്പെടെ പ്രധാനപ്പെട്ടതും അപ്രധാനവുമായ നിരവിധി ബ്രാൻഡുകൾക്ക് മോഡലായി പ്രവർത്തിക്കുകയും ചെയ്തു.[8] പിന്നീട് 1970 ൽ ഏഷ്യ പസിഫിക് ആയി തിരഞ്ഞേടുക്കപ്പെട്ടു.

അവലംബം[തിരുത്തുക]

  1. Gulzar; Nihalani, Govind; Chatterji, Saibal (2003). Encyclopaedia of Hindi Cinema. Popular Prakashan. pp. p 108. ISBN 81-7991-066-0.CS1 maint: multiple names: authors list (link) CS1 maint: extra text (link)
  2. "Birthday special: Zeenat Aman marriage controversy you did not know". Free Press Journal - Latest India News, Live Updates, Breaking news from Mumbai. ശേഖരിച്ചത് 29 November 2018.
  3. "Happy Birthday Zeenat Aman: Accidental actor who redefined Indian film heroine but was unlucky in love". Hindustan Times (ഭാഷ: ഇംഗ്ലീഷ്). 19 November 2019. ശേഖരിച്ചത് 16 December 2019.
  4. "Zeenat Aman seeks recognition as an actress". India Today. ശേഖരിച്ചത് 29 November 2018.
  5. "Birthday special: Zeenat Aman marriage controversy you did not know". Free Press Journal - Latest India News, Live Updates, Breaking news from Mumbai. ശേഖരിച്ചത് 29 November 2018.
  6. "Accidental Star who Redefined Indian Film Herione". The Hindustan Times. ശേഖരിച്ചത് 8 February 2020.
  7. "35 couple tie the knot at mass marriage ceremony in Mumbai". 12 May 2014. ശേഖരിച്ചത് 29 November 2018.
  8. "Wah Taj! Wah Zeenat!". 8ate.blogspot.com. ശേഖരിച്ചത് 2020-04-24.

പുറത്തേക്കുള്ള കണ്ണികൾ[തിരുത്തുക]


"https://ml.wikipedia.org/w/index.php?title=സീനത്ത്_അമൻ&oldid=3415461" എന്ന താളിൽനിന്ന് ശേഖരിച്ചത്