പദ്മിനി കോലാപുരി

വിക്കിപീഡിയ, ഒരു സ്വതന്ത്ര വിജ്ഞാനകോശം.
പദ്മിനി കോലാപുരി
ജനനംനവംബർ 1, 1965
ദേശീയതഇന്ത്യ ഇന്ത്യ
തൊഴിൽഅഭിനേത്രി

1980 കളിലെ ബോളിവുഡ് ചലച്ചിത്ര മേഖലയിലെ ഒരു നടിയാണ് പദ്മിനി കോലാപുരി (ജനനം: 1 നവംബർ 1965).

ആദ്യ ജീവിതം[തിരുത്തുക]

മഹാരാഷ്ട്രയിലെ ഒരു കൊങ്കണി കുടുംബത്തിലാണ് പദ്മിനി ജനിച്ചത് . പിതാവ് ഒരു ഗായകനായിരുന്നു. പിതാവിന്റെ ബന്ധുക്കളായിരുന്നു ലത മങ്കേഷ്കർ, ആശ ഭോസ്ലെ എന്നിവർ.

അഭിനയജീവിതം[തിരുത്തുക]

ചെറുപ്പ കാലത്തിൽ ഒരു ഗായികയായി ചില ഗാനങ്ങളിൽ പാടുകയും ചെയ്തിരുന്നു. പിന്നീട് തന്റെ തന്നെ ചില ചിത്രങ്ങളിൽ പദ്മിനി പാടുകയുണ്ടായി. ആശ ഭോസ്ലെ പറഞ്ഞതനുസരിച്ച് ദേവ് ആനന്ദ് ആണ് 1975-ൽ പദ്മിനിക്ക് ചലച്ചിത്രത്തിൽ അവസരം നൽകിയത്. പിന്നീട് പല നല്ല ചിത്രങ്ങളിലും അഭിനയിച്ചു. 1977-ലെ സത്യം ശിവം സുന്ദരം എന്ന ചിത്രത്തിലെ ബാല താരവേഷം ശ്രദ്ധയാകർഷിച്ചു. തന്റെ 15-ാം വയസ്സിൽ നായിക വേഷങ്ങളിൽ അഭിനയിച്ചു. പക്ഷേ, ശ്രദ്ധേയമായ ഒരു വേഷം നായികയായി ചെയ്തത് 1982-ലെ രാജ് കപൂർ നായകനായി അഭിനയിച്ച പ്രേം രോഗ് എന്ന ചിത്രമാണ്. പിന്നീട് 1980-കളിൽ ധാരാളം വിജയ ചിത്രങ്ങളിൽ അഭിനയിച്ചു.[1].

വിവാഹത്തിനു ശേഷം കുറച്ചു കാലം ചലച്ചിത്രത്തിൽ നിന്ന് വിട്ടു നിന്ന ശേഷം പദ്മിനി 2004ൽ വീണ്ടും ഒരു മറാ‍ത്തി ചിത്രത്തിൽ അഭിനയിച്ചു കൊണ്ട് അഭിനയ രംഗത്തേക്ക് തിരിച്ചു വന്നു.[2].

സ്വകാര്യ ജീവിതം[തിരുത്തുക]

തന്റെ 21 ആമത്തെ വയസ്സിൽ നിർമ്മാതാ‍വായ പ്രദീപ് ശർമ്മയുമായി പ്രണയത്തിലാവുകയും വിവാഹം ചെയ്യുകയും ചെയ്തു. ഇവർക്ക് ഒരു മകനുണ്ട്.[3]. വിവാഹം കഴിഞ്ഞ് പദ്മിനി മുംബൈയിലാണ് താമസം. പദ്മിനിയുടെ ഇളയ സഹോദരി തേജസ്വിനി കോലാപുരിയും ഒരു നടിയാണ്.[4] പദ്മിനിയുടെ മറ്റൊരു സഹോദരി ശിവാംഗി കപൂർ വിവാഹം ചെയ്തിരിക്കുന്നത് പ്രസിദ്ധ നടനായ ശക്തി കപൂറിനെയാണ്.[5]

പുറത്തേക്കുള്ള കണ്ണികൾ[തിരുത്തുക]

അവലംബം[തിരുത്തുക]

  1. "ആർക്കൈവ് പകർപ്പ്". Archived from the original on 2008-04-10. Retrieved 2009-02-07.
  2. http://in.news.yahoo.com/050330/57/2kgl8.html and http://in.news.yahoo.com/040525/149/2daiu.html
  3. Nostalgia
  4. "ആർക്കൈവ് പകർപ്പ്". Archived from the original on 2012-10-14. Retrieved 2009-02-07.
  5. http://en.wikipedia.org/wiki/Shakti_Kapoor


"https://ml.wikipedia.org/w/index.php?title=പദ്മിനി_കോലാപുരി&oldid=3798302" എന്ന താളിൽനിന്ന് ശേഖരിച്ചത്