ഷാനവാസ്

ഷാനവാസ്
ഷാനവാസ്
ജനനം	ജനുവരി 1, 1955; തിരുവനന്തപുരം
മരണം	4 ഓഗസ്റ്റ് 2025 (70 വയസ്സ്); തിരുവനന്തപുരം
തൊഴിൽ	ചലച്ചിത്ര നടൻ
സജീവ കാലം	1977–1925
ജീവിതപങ്കാളി	ആയിഷ
കുട്ടികൾ	ഷമീർ ഖാൻ, അജിത് ഖാൻ
Parents	പ്രേം നസീർ; ഹബീബ ബീവി;
ബന്ധുക്കൾ	പ്രേം നവാസ് (uncle)

ഷാനവാസ് മലയാള ചിത്രങ്ങളിലും തമിഴ് ചിത്രങ്ങളിലും സജീവമായിരുന്ന ഒരു ചലച്ചിത്ര നടനാണ്. സുപ്രസിദ്ധ ചലച്ചിത്ര താരമായിരുന്ന പ്രേംനസീറിന്റെ മകനാണ് അദ്ദേഹം. ബാലചന്ദ്രമേനോൻ സംവിധാനം ചെയ്ത ‘പ്രേമഗീതങ്ങൾ’എന്ന ചിത്രത്തിലൂടെ സിനിമയിൽ അരങ്ങേറ്റം നടത്തിയ അദ്ദേഹം ‘മണിത്താലി’, ‘ഗാനം’, ‘ഹിമം’ തുടങ്ങി 50 ലധികം മലയാള സിനിമകളിലം ഏതാനും തമിഴ് സിനിമകളിലും അഭിനയിച്ചിട്ടുണ്ട്. ‘ഇവൻ ഒരു സിംഹം’ എന്ന സിനിമയിൽ ആദ്യമായി പിതാവ് പ്രേം നസീറിനൊപ്പവും അഭിനയിച്ചു. 80കളിൽ സിനിമയിൽ നിറയെ അവസരം ലഭിച്ചുവെങ്കിലും പിന്നീട് അവസരങ്ങൾ കുറഞ്ഞു. ഐ.വി. ശശി സംവിധാനം ചെയ്ത നീലഗിരി എന്ന ചിത്രത്തിനു ശേഷം താൽക്കാലികമായി അഭിനയം ഉപേക്ഷിച്ച അദ്ദേഹം ഏറെക്കാലത്തിനുശേഷം നമ്മൾ തമ്മിൽ എന്ന ചിത്രത്തിലൂടെ തിരിച്ചെത്തി. നിരവധി ടെലിവിഷൻ പരമ്പരകളിലും വേഷമിട്ടു. ‘ജനഗണമന’യാണ് അദ്ദേഹം അഭിനയിച്ച് പൂർത്തിയാക്കിയ അവസാന ചിത്രം.

പശ്ചാത്തലം

1955 ജനുവരി 1 ന് പ്രേംനസീർ, ഹബീബ ബീവി ദമ്പതികളുടെ പുത്രനായി തിരുവനന്തപുരത്താണ് ഷാനവാസ് ജനിച്ചത്. അദ്ദേഹത്തിന് മൂന്നു സഹോദരിമാരാണുള്ളത്. ചിറയിൻകീഴ് ഇംഗ്ലീഷ് മീഡിയം സ്കൂൾ, മോണ്ട്ഫോർട്ട് സ്കൂൾ, യേർക്കാട് എന്നിവിടങ്ങളിൽനിന്ന് പ്രാഥമിക വിദ്യാഭ്യാസം നേടുകയും ചെന്നൈയിലെ ന്യൂ കോളേജിൽ നിന്നും ഇംഗ്ലീഷ് സാഹിത്യത്തിൽ ബിരുദാനന്തര ബിരുദം നേടുകയും ചെയ്തു.^[1] ഇവിടെ അവസാനവർഷ വിദ്യാർത്ഥിയായിരിക്കെയാണ് 1981ൽ അംബികയുടെ ജോഡിയായി ബാലചന്ദ്രമേനോൻ സംവിധാനം ചെയ്ത പ്രേമഗീതങ്ങൾ എന്ന ചിത്രത്തിലൂടെയാണ് അദ്ദേഹം സിനിമാരംഗത്തേയ്ക്ക് അരങ്ങേറ്റം കുറിച്ചത്. 2011-ൽ പുറത്തിറങ്ങിയ ചൈനാ ടൗൺ എന്ന മലയാളചലച്ചിത്രത്തിലൂടെ അദ്ദേഹം സിനിമാരംഗത്തേയ്ക്കു പുനഃപ്രവേശനം നടത്തിയിരുന്നു.

കുടുംബം

ഷാനവാസ് മലേഷ്യയിലാണ് സ്ഥിരതാമസമാക്കിയിരിക്കുന്നത്. പ്രേംനസീറിന്റ മൂത്ത സഹോദരിയായിരുന്ന സുലൈഖാ ബീവിയുടെ മകളാണ് ഷാനവാസിന്റെ പത്നിയായ ആയിഷ ബീവി. ദമ്പതിമാർക്ക് ഷമീർഖാൻ, അജിത് ഖാൻ എന്നിങ്ങനെ രണ്ടു പുത്രന്മാരാണുള്ളത്. ഉപ്പുകണ്ടം ബ്രദേഴ്സ് ബാക്ക് ഇൻ ആക്ഷൻ എന്ന മലയാള ചിത്രത്തിലൂടെ ഷമീർ തന്റെ ഭാഗ്യം പരീക്ഷിച്ചുവെങ്കിലും ചിത്രം പരാജയപ്പെടുകയും പിന്നീട് മലേഷ്യയിൽ വ്ലോഗ്ഗെർ‌ എന്ന കമ്പനിയിൽ ഒരു മാനേജരായി ജോലി നേടുകയും ചെയ്തു. രണ്ടാമത്തെ പുത്രനായ അജിത് ഖാൻ ഓസ്ട്രേലിയയിൽ ജോലി ചെയ്യുന്നു.^[2]

മരണം

വൃക്ക രോഗത്തെ തുടർന്ന് ചികിത്സയിലായിരുന്ന ഷാനവാസ് തന്റെ 71 ആമത്തെ വയസിൽ തിരുവനന്തപുരത്തെ സ്വകാര്യ ആശുപത്രിയിൽ ആഗസ്റ്റ് 4 ന് അർദ്ധ രാത്രിയിലാണ് അന്തരിച്ചത്.^[3] വഴുതക്കാട് ആകാശവാണിക്ക് സമീപമുള്ള ഫ്ലാറ്റിൽ താമസിച്ചിരുന്ന ഷാനവാസിനെ തിങ്കളാഴ്ച രാത്രി 7 മണിയോടെ തിരുവനന്തപുരത്തെ ആശുപത്രിയിൽ പ്രവേശിപ്പിച്ചെങ്കിലും 12 മണിയോടെ അന്തരിച്ചു. മരണസമയത്ത് കുടുംബാംഗങ്ങൾ ഒപ്പമുണ്ടായിരുന്നു.

തെരഞ്ഞെടുത്ത സിനിമകൾ

* ജന ഗണ മന (2022)

ടെലിവിഷൻ

ശംഖുപുഷ്പം (ഏഷ്യാനെറ്റ്)
കടമറ്റത്തു കത്തനാർ (ഏഷ്യാനെറ്റ്)
വെളുത്തകത്രീന (സൂര്യ TV)
സമ്മർ ഇൻ അമേരിക്ക (ഏഷ്യാനെറ്റ്)
അമ്മത്തൊട്ടിൽ (ഏഷ്യാനെറ്റ്)
സത്യമേവ ജയതേ (സൂര്യ TV)
മനസറിയാതെ (സൂര്യ TV)

അവലംബം

↑ "Varthaprabhatham". asianet news. Retrieved 6 March 2014.
↑ "ആർക്കൈവ് പകർപ്പ്". Archived from the original on 2018-08-22. Retrieved 2018-11-24.
↑ "Actor Shanawas, son of legendary Prem Nazir, dies at 71".

[1] "Varthaprabhatham". asianet news. Retrieved 6 March 2014.

[2] "ആർക്കൈവ് പകർപ്പ്". Archived from the original on 2018-08-22. Retrieved 2018-11-24.

[3] "Actor Shanawas, son of legendary Prem Nazir, dies at 71".

[1]

[2]

[3]