മൈസൂരു

വിക്കിപീഡിയ, ഒരു സ്വതന്ത്ര വിജ്ഞാനകോശം.
മൈസൂർ എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ മൈസൂർ (വിവക്ഷകൾ) എന്ന താൾ കാണുക. മൈസൂർ (വിവക്ഷകൾ)
Mysore
ಮೈಸೂರು
—  മെട്രോപോളിസ്  —
Mysuru
Clockwise from top: Mysore Palace, Shivanasamudra Falls, Infosys Building, Brindavan Gardens Musical Fountain, Chennakesava Temple, Lalitha Mahal, St. Philomena's Church and Chamundeshwari Temple.
മൈസൂരു is located in Karnataka
Mysore
Mysore
Location of Mysore in Karnataka
നിർദേശാങ്കം: 12°16′N 76°36′E / 12.26°N 76.6°E / 12.26; 76.6Coordinates: 12°16′N 76°36′E / 12.26°N 76.6°E / 12.26; 76.6
Country  India
State  Karnataka
Division മൈസൂരു
District Mysuru
സർക്കാർ
 • Type Mayor–Council
 • Mayor Lingappa R[1]
 • Deputy Mayor Mahadevamma
വിസ്തീർണ്ണം[2]:4
 • മെട്രോപോളിസ് 152 കി.മീ.2(60.12 ച മൈ)
സമുദ്രനിരപ്പിൽ നിന്നുള്ള ഉയരം 763 മീ(2,503 അടി)
ജനസംഖ്യ(2011)[3]
 • മെട്രോപോളിസ് 887
 • Rank 53
 • ജനസാന്ദ്രത 5/കി.മീ.2(15/ച മൈ)
 • Metro 887
 • Demonym
സമയ മേഖല IST (UTC+05:30)
Postal index number 570 0xx
വാഹനരജിസ്ട്രേഷൻ KA 09, KA 55
UN/LOCODE IN MYQ
Telephone 91-(0)821-XXX-XXXX
Official language Kannada
Spoken languages Kannada
വെബ്സൈറ്റ് www.mysorecity.gov.in

ഇന്ത്യൻ സംസ്ഥാനമായ കർണാടകത്തിലെ പ്രശസ്തമായ ഒരു പട്ടണമാണ്‌ മൈസൂർ. ഒരു പ്രമുഖ വിനോദസഞ്ചാരകേന്ദ്രം കൂടിയാണിവിടം.

പേരിനു പിന്നിൽ[തിരുത്തുക]

മൈസൂറിന്‌ ആദിയിൽ എരുമയൂറ് എന്നു പേരുണ്ടായിരുന്നു.[4] അതിന്റെ അധിപനെ എരുമയൂരൻ എന്നും വിളിച്ചിരുന്നു.[1] ഇതിന്റെ സംസ്കൃതരൂപമാണ്‌ മഹിഷപുരം. ഇത് ലോപിച്ചാണ്‌ മൈസൂർ ആയത്.

ചരിത്രം[തിരുത്തുക]

കർണാടകത്തിന്റെ പഴയ പേര്‌ മൈസൂർ എന്നായിരുന്നു.

മൈസൂർ കൊട്ടാരം[തിരുത്തുക]

മൈസൂർ‌പാലസ്
പ്രമാണം:മൈസൂർ കൊട്ടാരം ദസ്സറ കാലം.jpg
ദസ്സറ കാലത്തു ദീപപ്രഭയിൽ കുളിച്ചു നിൽക്കുന്ന മൈസൂർ കൊട്ടാരം
മൈസൂർ കൊട്ടാരത്തിനടുത്തുനിന്നെടുത്ത ഒരു ചിത്രം

ദക്ഷിണേന്ത്യയിലെ മൈസൂർ പട്ടണത്തിലാണ് മൈസൂർ കൊട്ടാരം സ്ഥിതി ചെയ്യുന്നത്. ഇത് പഴയകാല രാജാകുടുംബങ്ങളുടെ (വൊഡയാർ രാജവംശം) ഔദ്യോഗിക വസതിയായിരുന്നു. ഔദ്യോഗിക കാര്യാലയമായ ദർബാറും ഇതോടൊപ്പം പ്രവർത്തിച്ചിരുന്നു. കൊട്ടാരങ്ങളുടെ പട്ടണമായി അറിയപ്പെടുന്ന മൈസൂരിൽ ധാരാളം കൊട്ടാരങ്ങളുണ്ടെങ്കിലും “മൈസൂർ കൊട്ടാരം“ എന്ന് അറിയപ്പെടുന്നത് ഈ കൊട്ടാരങ്ങളിൽ ഒന്നിനെ മാത്രമാണ്. 1897-ൽ നിർമ്മാണ പ്രവർത്തങ്ങൾ ആരംഭിച്ച കൊട്ടാരത്തിന്റെ നിർമ്മാണം 1912 -ലാണ് പൂർത്തിയായത്. ഇപ്പോൾ മൈസൂരിലെ അറിയപ്പെടുന്ന വിനോദസഞ്ചാര കേന്ദ്രങ്ങളിൽ ഒന്നാണിത്. പ്രധാന ഉത്സവം മൈസൂർ ദസറ ആണ്.

വിനോദസഞ്ചാരകേന്ദ്രങ്ങൾ[തിരുത്തുക]

J.P.Nagar Library, Mysore

ദക്ഷിണേന്ത്യയിലെ പ്രശസ്തമായ വിനോദസഞ്ചാരകേന്ദ്രങ്ങളിലൊന്നാണ് മൈസൂർ. ചരിത്രപരവും കലാപരവും ഭൂമിശാസ്ത്രപരവുമായ ഒട്ടേറെ പ്രത്യേകതകളുള്ള ഒരു നഗരമാണിത്. മൈസൂരിലെ പ്രമുഖ വിനോദസഞ്ചാരകേന്ദ്രങ്ങൾ ചുവടെ ചേർത്തിരിക്കുന്നു:

ചാമുണ്ഡേശ്വരി ക്ഷേത്രം[തിരുത്തുക]

ചാമുണ്ഡിമല മൈസൂർ നഗരത്തിൽ നിന്നും ഏകദേശം എട്ട് കിലോമീറ്റർ ദൂരെ സ്ഥിതി ചെയ്യുന്നു. പ്രശസ്തമായ ചാമുണ്ഡേശ്വരി ക്ഷേത്രം ഈ മലയുടെ മുകളിലാണുള്ളത്. ക്ഷേത്രകവാടത്തിനടുത്ത് മഹിഷാസുരൻറെ ഒരു ഭീമാകാര പ്രതിമ സ്ഥാപിച്ചിരിക്കുന്നു.

മഹിഷാസുരന്റെ പ്രതിമ , മൈസൂർ
ശ്രീ ചാമുണ്ഡേശ്വരി ക്ഷേത്രം, മൈസൂർ
അമ്പലത്തിലെ രഥം
മൈസൂർ കൊട്ടാരം

മലയുടെ ചുവട്ടിൽ നിന്ന് ധാരാളം ആളുകൾ പടികൾ കയറി ക്ഷേത്രത്തിലെത്തുന്നു. സം‌രക്ഷിതമേഖല ആയതിനാൽ മറ്റു വഴികളിലൂടെയുള്ള മലകയറ്റം അനുവദനീയമല്ല.

മൈസൂർ കൊട്ടാരവും റേസ്കോഴ്സ് മൈതാനവുമുൾപ്പെടെ മൈസൂർ നഗരം പൂർണ്ണമായും ചാമുണ്ഡി മലനിരകളിൽ നിന്നാൽ കാണാം. ഈ മലയുടെ അടിവാരത്തിലാണ് മൈസൂർ രാജ്ഞിയുടെ പഴയ അന്ത:പുരമായ ലളിതമഹൽ കൊട്ടാരം സ്ഥിതി ചെയ്യുന്നത്. ലളിതമഹൽ കൊട്ടാരം ഇന്ന് സ്വദേശികളും വിദേശികളും ഒരുപോലെ സന്ദർശിക്കുന്ന ഒരു നക്ഷത്രഹോട്ടലാണ്.

രാത്രികളിൽ വൈദ്യുതിവിളക്കുകൾ തെളിഞ്ഞു കത്തുന്ന മൈസൂർ നഗരത്തിൻറെ ദൃശ്യം ചാമുണ്ഡി മലമുകളിൽ നിന്നുള്ള മനോഹരമായ കാഴ്ചയാണ്.

മൈസൂർ മൃഗശാല[തിരുത്തുക]

ദക്ഷിണേന്ത്യയിലെ വിശാലമായ മൃഗശാലകളിലൊന്നാണ് 1892 -ൽ സ്ഥാപിക്കപ്പെട്ട മൈസൂർ മൃഗശാല[5]. മൈസൂർ നഗരത്തിനകത്തു തന്നെ സ്ഥിതി ചെയ്യുന്ന ഈ മൃഗശാലയുടെ യഥാർത്ഥ പേര് ശ്രീ ചാമരാജേന്ദ്ര സൂവോളജിക്കൽ ഗാർഡൻസ് എന്നാണ്. ഏകദേശം 157 ഏക്കർ വിസ്തൃതിയിൽ പരന്നു കിടക്കുന്ന മൈസൂർ മൃഗശാല മൈസൂർ സന്ദർശിക്കുന്ന വിനോദസഞ്ചാരികൾക്ക് പ്രിയപ്പെട്ട ഇടമാണ്.

ലളിതമഹൽ കൊട്ടാരം[6][തിരുത്തുക]

ലളിതമഹൽ കൊട്ടാരം മൈസൂറിൽ നിന്നും 11 കി.മീ ദൂരത്തായി ചാമുണ്ഡിമലയുടെ താഴ്‌വാരത്താണ് സ്ഥിതി ചെയ്യുന്നത്. പൂന്തോട്ടങ്ങളുടെ നടുവിലായാണ് ഈ കൊട്ടാരം സ്ഥാപിച്ചിരിക്കുന്നത്. 1921 -ൽ മഹാരാജാവായ കൃഷ്ണരാജ വോഡയാർ നാലാമൻ‍ ആണ് ഈ രണ്ടുനിലയുള്ള കൊട്ടാരം ഉദ്ഘാടനം ചെയ്തത് . ഈ കൊട്ടാരം ഭാരതീയ ടൂറിസം ഡെവലപ്‌മെന്റ് കോർപ്പറേഷന്റെ കീഴിലുള്ള പഞ്ചനക്ഷത്ര ഹോട്ടൽ ഇനത്തിൽ ഉൾപ്പെടുത്തിയിരിക്കുന്നു.

ലളിതമഹൽ കൊട്ടാരം, മൈസൂർ

ബൃന്ദാവൻ ഗാർഡൻ[തിരുത്തുക]

നയന സുഖമേകുന്ന ഒരു പൂന്തോട്ടമാണ് ബൃന്ദാവൻ ഗാർഡൻ. മ്യൂസിക്കൽ ഫൊണ്ടനുകളും (സംഗീതത്തിനനുസരിച്ച് ന്യത്തം വയ്ക്കുന്ന ജലധാരകൾ) സായന്തനങ്ങളിൽ ഉണ്ടാവും.

താലൂക്കുകൾ[തിരുത്തുക]

മൈസുരു ജില്ലയിൽ ആകെ 7 താലൂക്കുകൾ ആണുള്ളത്:

കുറിപ്പുകൾ[തിരുത്തുക]

  • ^ മൈചൂർ പകുതികൾ അക്കാലത്തെ എരുമൈനാടെനവും, അതൻ തലൈവൻ എരുമൈയൂരൻ എനവും വഴങ്കിനതാക കാൺകിൻറോം" എന്ന് അകനാനൂറിന്റെ ഒരു വ്യാഖ്യാതാവ് പറയുന്നുണ്ട്.

അവലംബം[തിരുത്തുക]

  1. "Lingappa elected Mayor, Mahadevamma deputy". The Hindu. 10 October 2014. ശേഖരിച്ചത് 10 May 2015. 
  2. ഉദ്ധരിച്ചതിൽ പിഴവ്: അസാധുവായ <ref> ടാഗ്; swm എന്ന അവലംബങ്ങൾക്ക് ടെക്സ്റ്റ് ഒന്നും കൊടുത്തിട്ടില്ല.
  3. "Table 2: PR cities 1 lakh and above" (XLS). Provisional Population Totals, Census of India 2011. Registrar General and Census Commissioner of India. ശേഖരിച്ചത് 3 March 2012. 
  4. വാലത്ത്, വി.വി.കെ. (1991). കേരളത്തിലെ സ്ഥലനാമചരിത്രങ്ങൾ എറണാകുളം ജില്ല. തൃശ്ശൂർ: കേരള സാഹിത്യ അക്കാദമി. ഐ.എസ്.ബി.എൻ. 81-7690-105-9. 
  5. http://www.flonnet.com/fl2221/stories/20051021005211600.htm
  6. http://www.mysore.org.uk/royal-buildings/lalith-mahal-palace.html
"https://ml.wikipedia.org/w/index.php?title=മൈസൂരു&oldid=2384305" എന്ന താളിൽനിന്നു ശേഖരിച്ചത്