മൈസൂർ പാക്ക്
 | |
| Origin | |
|---|---|
| Place of origin | ഇന്ത്യ |
| Region or state | തെക്കേ ഇന്ത്യ |
| Details | |
| Course | ഭക്ഷണാവസാനം വിളമ്പുന്ന മധുരം |
| Main ingredient(s) | നെയ്, പഞ്ചസാര, കടലമാവ് |
ഒരു തെക്കേ ഇന്ത്യൻ മധുര പലഹാരമാണ് മൈസൂർ പാക്ക്. ദീപാവലി തുടങ്ങിയ വിശേ‍ഷാവസരങ്ങളിൽ വിളമ്പാറുള്ള ഈ വിഭവം ഏതാനും ദിവസങ്ങൾ കേടുകൂടാതിരിക്കും. മൈസൂരിലെ ഭക്ഷണ പ്രിയനായ നാട്ടുരാജാവ് രാജ കൃഷ്ണവാഡിയാർ നാലാമന്റെ കൊട്ടാരം കുക്ക് കാകാസുര മാടപ്പ ആണ് ഇത് ആവിഷ്കരിച്ചത്. രാജാവിന് പാക്ക് ഇഷ്ടമാവുകയും മൈസൂർ പാക്ക് എന്ന് പേരിടുകയും ചെയ്തു. മാടപ്പയുടെ മൂന്നാം തലമുറയിലെ കുമാർ ,ശിവാനന്ദ എന്നിവർ ദേവരാജ മാർക്കറ്റിൽ ഗുരു സ്വീറ്റ്സ് മാർട്ട്എന്ന കടയിലൂടെ ഇതിനെ പ്രശസ്തമാക്കി
.
ഉണ്ടാക്കാൻ ആവശ്യമായ വസ്തുക്കൾ[തിരുത്തുക]
- അരിച്ച കടലമാവ് - ഒരു കപ്പ്
- പഞ്ചസാര : ഒന്നേകാൽ കപ്പ്
- നെയ് : മൂന്നു കപ്പ്
- വെള്ളം : ഒന്നര കപ്പ്
തയാറാക്കേണ്ട വിധം[തിരുത്തുക]
പഞ്ചസാര ഒരു പാത്രത്തിൽ , തീയിൽ വച്ച് ചൂടാക്കി വെള്ളം ഒഴിച്ച് പാവാക്കുക. അതിലേയ്ക്ക് നെയ്യും കടലപ്പൊടിയും ചേർന്ന മിശ്രിതം പാകത്തിൽ ഒഴിക്കുക. പാത്രത്തിനടിയിൽ പറ്റിപ്പിടിക്കാതെയും , കരിഞ്ഞ് പോകാതെയും പ്രത്യേകം ശ്രദ്ധിക്കണം. നന്നായി ഇളക്കിയ ശേഷം ഒരു പരന്ന പാത്രത്തിൽ ഒഴിക്കുക. അധികം തണുക്കുന്നതിനു മുമ്പായി ആവശ്യം അനുസരിച്ച് ചെറിയ കഷണങ്ങളായി ഒരു കത്തികൊണ്ട് മുറിക്കുക. പത്ത് മിനിറ്റ് തണുക്കാൻ വച്ച് കഴിഞ്ഞ് മുറിച്ച് വിളമ്പാം.[1]
അവലംബം[തിരുത്തുക]
