ചാമുണ്ഡി
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
| Chamunda | |
|---|---|
 | |
| ദേവനാഗിരി | चामुण्डा |
ആദിപരാശക്തിയുടെ രൗദ്രഭാവം. ഭഗവതിയുടെ ഏഴു ഭാവങ്ങളായ സപ്തമാതാക്കളിൽ പ്രധാനിയാണ് ചാമുണ്ഡ. ദേവിഭാഗവതം, ദേവീമാഹാത്മ്യം എന്നീ ഗ്രന്ഥങ്ങൾ പ്രകാരം ചണ്ഡൻ, മുണ്ഡൻ എന്നീ അസുരൻമാരെ നിഗ്രഹിക്കാൻ ചണ്ഡികാപരമേശ്വരിയുടെ പുരികക്കൊടിയിൽ നിന്നും അവതരിച്ച കാളിയാണ് "ചാമുണ്ഡേശ്വരി അഥവാ ചാമുണ്ഡാദേവി. ചുരുക്കത്തിൽ ചാമുണ്ഡി". സുംഭനിസുംഭ യുദ്ധവേളയിൽ ചണ്ഡികാ പരമേശ്വരിക്ക് തുണയേകുവാനാണ് ഭദ്രകാളി ഇപ്രകാരം അവതരിച്ചതെന്ന് പറയുന്നു. ചണ്ഡികാദേവിയെ പിടിച്ചു കൊണ്ടു പോകുവാൻ സുംഭനിസുംഭൻമാർ ചണ്ടമുണ്ടന്മാരെ അയക്കുന്നു. ഇതുകണ്ട് കോപിഷ്ടയായ ചണ്ഡികയുടെ വില്ലുപോലെ വളഞ്ഞുയർന്ന പുരികക്കൊടിയിൽ നിന്നും ഭദ്രകാളി പ്രത്യക്ഷപ്പെടുന്നു. ആ കാളി ചണ്ടമുണ്ടന്മാരെ വധിച്ചതിനാൽ ചാമുണ്ഡേശ്വരി എന്നറിയപ്പെട്ടു. പിന്നീട് രക്തബീജനെ വധിക്കാൻ ദേവിയെ സഹായിക്കുകയും ചെയ്തു. അതിനാൽ രക്തചാമുണ്ഡി എന്നും അറിയപ്പെടുന്നു. കർണാടകയിൽ ആരാധിക്കപ്പെടുന്ന കാളി ചാമുണ്ഡേശ്വരിയാണ്. മറ്റൊരു സാഹചര്യത്തിലും കാളി ചാമുണ്ഡിയായി അവതരിച്ചിട്ടുണ്ട്. അത് രുരു എന്ന അസുരനെ നിഗ്രഹിക്കാൻ വേണ്ടി ആയിരുന്നു. ചർമ്മവും, മുണ്ഡവും(തല) ത്രിശൂലം കൊണ്ട് വേർപെടുത്തിയ ഭഗവതി രുരുവിനെ നിഗ്രഹിച്ചു. രുരുവിന്റെ ചർമ്മവും, മുണ്ഡവും എടുത്ത ഭദ്രകാളിയെ ചാമുണ്ഡി എന്നറിയപ്പെട്ടു. തിരുമന്ധാംകുന്നിലെയും കൊടുങ്ങല്ലൂരിലെയും ഭഗവതി പ്രതിഷ്ഠ "രുരുജിത്" വിധാനത്തിലുള്ളതാണ്. കൊടുങ്ങല്ലൂർ ക്ഷേത്രത്തിൽ സപ്തമാതാക്കളിൽ ചാമുണ്ഡ പ്രതിഷ്ഠ കാണാം. കൊടുങ്ങല്ലൂർ ക്ഷേത്രത്തിലെ തവിട്ടുമുത്തിയും ചാമുണ്ഡിയാണ്. ചാമുണ്ഡേശ്വരി എല്ലായിടത്തും നിറഞ്ഞു നിൽക്കുന്നവളാണെന്നും എല്ലാം അറിയുന്നവളാണെന്നും ദേവീഭാഗവതത്തിൽ കാണാം. ദേവീ മാഹാത്മ്യത്തിലും ചാമുണ്ഡാദേവിയുടെ ചരിതം വർണ്ണിച്ചിട്ടുണ്ട്[2].[3]
ശ്ലോകങ്ങൾ[തിരുത്തുക]
ദേവി മാഹാത്മ്യം പതിനൊന്നാം അദ്ധ്യായത്തിൽ ചാമുണ്ഡയെ സ്തുതിക്കുന്നത് കാണാം.
'
ദ്രംഷ്ട്രാകരാളവദനേ
ശിരോമാലാവിഭൂഷണേ
ചാമുണ്ഡേ മുണ്ഡമഥനേ
നാരായണി നമോസ്തുതേ'
ഓം ഐം ഹ്രീം ക്ലീം
ചാമുണ്ഡായൈ വിച്ചെ നമ:
ഇതാണ് ദേവിയുടെ നവാക്ഷരീ മന്ത്രം. ഇതിൽ ചാമുണ്ഡിയുടെ നാമം കാണാം.
പ്രധാന ക്ഷേത്രങ്ങൾ[തിരുത്തുക]
കർണാടകയിലെ മൈസൂർ ചാമുണ്ഡേശ്വരീ ക്ഷേത്രം ഭഗവതിയുടെ പേരിൽ അറിയപ്പെടുന്ന ഇന്ത്യയിലെ പ്രധാന ക്ഷേത്രമാണ്. മൈസൂർ ദസറയുമായി ബന്ധപെട്ടു ഈ ക്ഷേത്രം പ്രസിദ്ധമാണ്. കേരളത്തിലെ ആദ്യകാളി ക്ഷേത്രമായ കൊടുങ്ങല്ലൂർ ഭഗവതി ക്ഷേത്രത്തിൽ സപ്തമാതാക്കളുടെ ശ്രീകോവിലിൽ ചാമുണ്ഡദേവിക്ക് പ്രതിഷ്ഠ ഉണ്ട്. ഇവിടുത്തെ തവിടാട്ടുമുത്തി എന്നറിയപ്പെടുന്ന പ്രതിഷ്ഠ ചാമുണ്ഡിയാണ്. പ്രസിദ്ധമായ കൊല്ലൂർ മൂകാംബിക ക്ഷേത്രത്തിൽ ചാമുണ്ഡിക്ക് പ്രത്യേകം പ്രതിഷ്ഠ ഉണ്ട്. തിരുവനന്തപുരത്തെ കരിക്കകം ശ്രീ ചാമുണ്ഡി ക്ഷേത്രത്തിൽ രക്തചാമുണ്ഡി, ബാലചാമുണ്ഡി, ചാമുണ്ഡാദേവി എന്നീ മൂന്ന് ഭാവങ്ങളിൽ ഭഗവതി ആരാധിക്കപ്പെടുന്നു. തിരുവനന്തപുരം പേട്ട ആനയറ സ്ഥിതി ചെയ്യുന്ന വടവൂർ ദേവി ക്ഷേത്രം സത്യം ചൊല്ലിക്കൽ കർമ്മത്തിനും ദുരിത പരിഹാര കർമ്മത്തിനും ഇഷ്ട സന്താനസൗഭാഗ്യം ലഭിക്കുന്നതിനും പ്രസിദ്ധമാണ്. ഇവിടെ പൗർണമി ദിവസം മാത്രമേ നട തുറക്കാറുള്ളു. തിരുവനന്തപുരം തൊഴുവൻകോഡ് ചാമുണ്ഡി ക്ഷേത്രം ഏറെ പ്രശസ്തം ആണ്. തെക്കൻ കേരളത്തിൽ അനേകം ചാമുണ്ഡേശ്വരി തെക്കതുകൾ നില നിന്നിരുന്നു. കാലാന്തരത്തിൽ അവ ചാമുണ്ഡേശ്വരി ക്ഷേത്രങ്ങളായി പരിണമിച്ചു. ഊട്ടും പാട്ടും നടക്കുന്ന ക്ഷേത്രങ്ങൾ ഇന്നും ഉണ്ട്. കൂടാതെ ചാക്ക ശ്രീ ചാമുണ്ഡേശ്വരി ക്ഷേത്രത്തിലും മീന ഭരണി പാട്ട് ഉത്സവം നടന്നു വരുന്നു. കൊല്ലവർഷം 764ന് മുൻപ് പൂർണ്ണമായും ചിട്ടപ്പെടുത്തി എടുത്ത ചാമുണ്ഡിയമ്മ കഥ വിൽപ്പാട്ട് മലയാഴ്മ ഭാഷയിലാണ്.
ചാമുണ്ഡി തെയ്യം[തിരുത്തുക]
കണ്ണൂരിലെ "കൈതചാമുണ്ഡിതെയ്യം" ഭഗവതിക്ക് കെട്ടിയാടുന്നതാണ്. അസുരന്മാരെ കാളി നിഗ്രഹിക്കുന്നു എന്ന സങ്കൽപ്പത്തിലാണ് ക്ഷേത്രത്തിൽ നിന്നിറങ്ങിയ തെയ്യം കൈതക്കാടുകൾ വെട്ടിയെടുക്കുന്നത്. കൈതവെട്ടുന്നത് കൊണ്ടാണ് ഈ തെയ്യത്തെ കൈതച്ചാമുണ്ടിയെന്ന് വിളിക്കുന്നത്. [4] ഇരിട്ടി തില്ലങ്കേരി പാടിക്കച്ചാൽ ഈയങ്കോട് വയൽത്തിറ മഹോത്സവത്തിന് കൈതച്ചാമുണ്ടി തെയ്യം കെട്ടിയാടുന്നുണ്ട്. കാളിയുടെ പ്രതിപുരുഷനായ തെയ്യം ഉറഞ്ഞുതുള്ളിക്കൊണ്ട് കൈതവെട്ടാൻ പോകും. തുടർന്ന് പള്ളിവാളേന്തി ദുഷ്ടനിഗ്രഹത്തിന് ശേഷം കലിയടങ്ങാതെ ഗ്രാമത്തിലൂടെ ഓടും. ഇങ്ങനെ ഓടുന്ന തെയ്യത്തെ വിളക്കുവെച്ച് ഗ്രാമവാസികൾ വണങ്ങും. ഓട്ടം ചെന്നുനിൽക്കുന്നത് കാവിലാണ്. അവിടെവച്ച് പൂവൻകോഴിയെ മലർ കൂട്ടി കള്ളിന്റെ അകമ്പടിയോടെ സേവിക്കുന്നത്തോടെ തെയ്യം അബോധാവസ്ഥയിൽ മറിഞ്ഞ് വീഴും. കള്ളും മത്സ്യമാംസാദികളും കഴിക്കാതെ കെട്ടുന്ന തെയ്യവുമുണ്ട്. കൈതചാമുണ്ടി ശിവന്റെയും ശക്തിയുടെയും ചൈതന്യം കൂടി ചേർന്നതാണ്. അത് കൗള മാർഗ്ഗത്തിലെ പഞ്ചമകാരങ്ങളിൽ പെടുന്ന മദ്യമത്സ്യമാംസാദി ആസ്വദിക്കുന്ന ശാക്തേയ ഭഗവതിയാണ്. കോഴിക്കോട് ജില്ലയിലെ അത്തോളിയിൽ കുടക്കല്ല് എന്ന സ്ഥലത്ത് സ്ഥിതിചെയ്യുന്ന ശ്രീ രാമത്ത് രക്തചാമുണ്ഡേശ്വരി ക്ഷേത്രം സത്യം ചൊല്ലിക്കൽ കർമ്മത്തിനും ദുരിത പരിഹാര കർമ്മത്തിനും പ്രസിദ്ധമാണ്.
അവലംബങ്ങൾ[തിരുത്തുക]
- ↑ Nalin, David R. (2004-06-15). "The Cover Art of the 15 June 2004 Issue". Clinical Infectious Diseases.[പ്രവർത്തിക്കാത്ത കണ്ണി]
- ↑ "en.wikipedia.org".
- ↑ ["Sapta Matrika | 7 Matara - Seven Forms of Goddess Shakti". "Seven Forms of Goddess Shakti"].
{{cite web}}: Check|url=value (help) - ↑ http://www.mangalam.com/news/detail/212952-latest-news.html
- ↑ https://www.manoramanews.com/news/spotlight/2018/04/29/kaithachamundi-attacked-two-people-byju-s-version.html
2. http://www.janmabhumidaily.com/news45878 Archived 2016-08-27 at the Wayback Machine.