വിക്കിപീഡിയ, ഒരു സ്വതന്ത്ര വിജ്ഞാനകോശം.
ത്രിമാന ഗ്രാഫിക്സ് കൈകാര്യം ചെയ്യാൻ ഉപയോഗിക്കുന്ന ഒരു സോഫ്റ്റ്വെയർ ആണ് ബ്ലെൻഡർ(Blender). മോഡലിംഗ്, യു.വി മാപ്പിംഗ്, സിമുലേഷനുകൾ, റെൻഡറിംഗ്, എഡിറ്റിംഗ് തുടങ്ങിയ ആവശ്യങ്ങൾക്കായി ഈ സോഫ്റ്റ്വെയർ ഉപയോഗിക്കുന്നു. ജി.പി.എൽ അനുമതി പത്രത്തോടെ സ്വതന്ത്രസോഫ്റ്റ്വെയറായി പുറത്തിറങ്ങിയിരിക്കുന്ന ഇത് ഗ്നു/ലിനക്സ് , വിൻഡോസ്, മാക് ഒ.എസ് തുടങ്ങിയ ഓപ്പറേറ്റിംഗ് സിസ്റ്റമുകളിൽ പ്രവർത്തിക്കാൻ ശേഷിയുള്ളതാണ്.
ഡച്ച് ആനിമേഷൻ സ്റ്റൂഡിയോ ആയ നിയോജിയോ, നാൻ എന്നിവരുടെ ആവശ്യങ്ങൾക്കായാണ് ബ്ലെൻഡർ ആദ്യമായി നിർമ്മിച്ചത്(1989ൽ). യെല്ലോ പുറത്തിറക്കിയ ബേബി എന്ന ആൽബത്തിൽ നിന്നുമാണ് ബ്ലെൻഡർ എന്ന പേര് സ്വീകരിച്ചത് എന്നാണ് പറയപ്പെടുന്നത്.ആദ്യ കാലത്ത് ഷെയർവെയർ ആയി പുറത്തിറങ്ങിയിരുന്ന ഈ സോഫ്റ്റ് വെയർ 2002ൽ 100,670$ യു എസ് ഡോളറിന് റൂസെൻണ്ടാളിന്റെ (Roosendaal) നേതൃത്ത്വത്തിലുള്ള ബ്ലെൻഡർ ഫൗണ്ടേഷൻ വാങ്ങുകയായിരുന്നു.പിന്നീട് പൊതുജനങ്ങളിൽ നിന്ന് സംഭാവനകൾ സ്വീകരിച്ച് തുടങ്ങിയ സംരംഭം സെപ്റ്റബർ 7, 2002 ന് സോഴ്സ് കോഡ് പൊതുജനത്തിന് പ്രാപ്യമാകുന്ന രീതിയിൽ GPL ആയി പുറത്തിറക്കി. ഇന്ന് ബ്ലെൻഡർ ഫൌണ്ടേഷനാണ് ഇതിന്റെ വികസനം ചെയ്തുകൊണ്ടിരിക്കുന്നത്.
ബ്ലെൻഡർ ഉപയോഗിച്ച് നിർമ്മിച്ച ഒരു വീടിന്റെ ചിത്രം
[തിരുത്തുക] മാധ്യമരംഗത്തെ ഉപയോഗം
ബിഗ് ബക്ക് ബണ്ണി എന്ന ചിത്രത്തിലെ ഒരു രംഗം
എലിഫന്റ്സ് ഡ്രീം, ബിഗ് ബക്ക് ബണ്ണി, സിന്റൽ[3][4] എന്നീ സ്വതന്ത്രസിനിമകൾ ബ്ലെൻഡറിൽ നിർമ്മിച്ചതാണ്. യോ ഫ്രാങ്കി (Yo Frankie!) എന്ന പേരിൽ ഒരു ഗയിമും ബ്ലെൻഡറിന്റെ സഹായത്തോടെ നിർമ്മിക്കുന്നു. Plumíferos എന്ന പേരിൽ ഒരു കച്ചവട സിനിമ പൂർണ്ണമായും ബ്ലെൻഡർ ഉപയോഗിച്ച് നിർമ്മിക്കുന്നുണ്ട്.
[തിരുത്തുക] പുറത്തേക്കുള്ള കണ്ണികൾ
- ↑ "Blender 2.61". http://www.blender.org/development/release-logs/blender-261/, ശേഖരിച്ചത്: December 14, 2011.
- ↑ "Features". http://www.blender.org/features-gallery/features/, ശേഖരിച്ചത്: 2010-01-03.
- ↑ http://www.sintel.org/about/
- ↑ http://www.elephantsdream.org/
