ഗ്നു/ലിനക്സ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
വിക്കിപീഡിയയുടെ ഗുണനിലവാരത്തിലും, മാനദണ്ഡത്തിലും എത്തിച്ചേരാന് ഈ ലേഖനം വൃത്തിയാക്കി എടുക്കേണ്ടതുണ്ട്. ഈ ലേഖനത്തെക്കുറിച്ച് കൂടുതല് വിശദീകരണങ്ങള് നല്കാനാഗ്രഹിക്കുന്നെങ്കില് ദയവായി സംവാദം താള് കാണുക. |
| ഗ്നു/ലിനക്സ് | |
 ടക്സ് എന്ന പെന്ഗ്വിന്, ലിനക്സ് കെര്ണലിന്റെ ഭാഗ്യ ചിഹ്നം |
|
| ഒ.എസ്. കുടുംബം: | Unix-like |
| നൂതന പൂര്ണ്ണരൂപം: | പരിശോധികൂക / {{{latest_release_date}}} |
| സപ്പോര്ട്ട് പ്ലാറ്റ്ഫോം: | x86, MIPS, x86-64, SPARC, DEC Alpha, Itanium, PowerPC, ARM, m68k, PA-RISC, s390, SuperH, M32R and more |
| കേര്ണല് തരം: | Monolithic kernel |
| സോഫ്റ്റ്വെയര് അനുമതി പത്രിക: | Various including GNU General Public License, BSD License, Apache License and others [1] |
| നിജ സ്ഥിതി: | Current |
വളരെ പ്രശസ്തമായ ഒരു ഓപ്പറേറ്റിംഗ് സിസ്റ്റമാണ് ഗ്നു/ലിനക്സ് (ആംഗലേയം:GNU/Linux). 1983 ല് റിച്ചാര്ഡ് സ്റ്റാള്മാന് തുടക്കം കുറിച്ച ഗ്നു (ആംഗലേയം:GNU) പ്രൊജക്റ്റ് വികസിപ്പിച്ചെടുത്തതാണ് ഈ ഓപ്പറേറ്റിംഗ് സിസ്റ്റം. ലിനസ് ടോര്വാള്ഡ്സ് വികസിപ്പിച്ചെടുത്ത ലിനക്സ് എന്ന കേര്ണല് 1992ല് ഗ്നു ജിപിഎല് അനുമതിപത്രം സ്വീകരിച്ചതോടെയാണു് ഈ ഓപ്പറേറ്റിങ്ങ് സിസ്റ്റം ഉപയോഗയോഗ്യമായതു്. ഗ്നു പ്രൊജക്റ്റിന്റെ ഭാഗങ്ങളും ലിനക്സ് കേര്ണലും ചേര്ന്നാണു് ഇതുണ്ടായതെന്നതുകൊണ്ടു് ഇതിനെ ഗ്നു/ലിനക്സ് എന്നു വിളിക്കുന്നു. പലപ്പോഴും തെറ്റിദ്ധാരണമൂലമോ, പറയാനുള്ള എളുപ്പം മൂലമോ ഗ്നു എന്നത് ഒഴിവാക്കി ലിനക്സ് എന്ന് മാത്രം ഉപയോഗിക്കാറുണ്ട്. ലിനക്സ് കെര്ണലും, ഗ്നു പ്രൊജക്റ്റും, മറ്റു സോഫ്റ്റ്വെയര് ദാതാക്കള് എന്നിവരില് നിന്നുള്ള സോഫ്റ്റ്വെയറുകളും കൂടിച്ചേര്ന്ന സമ്പൂര്ണ്ണ ഓപ്പറേറ്റിംഗ് സിസ്റ്റമാണ് ഗ്നു/ലിനക്സ്. ഇത് ഒരു സ്വതന്ത്ര സോഫ്റ്റ്വെയറാണ്.
ഉള്ളടക്കം |
[തിരുത്തുക] ചരിത്രം
1983 ല് റിച്ചാര്ഡ് സ്റ്റാള്മാന് സ്ഥാപിച്ച ഗ്നു എന്ന സംഘടനയില് നിന്നും വളര്ന്നു വന്ന സോഫ്റ്റ്വെയറും ടൂളുകളുമാണ് ഇന്ന് ഗ്നൂ/ലിനക്സില് ലഭ്യമായിട്ടുള്ള സോഫ്റ്റ്വെയറില് സിംഹഭാഗവും. ഗ്നു സംഘത്തിന്റെ മുഖ്യലക്ഷ്യം സ്വതന്ത്ര സോഫ്റ്റ്വെയറുകള് മാത്രം ഉപയോഗിച്ചുകൊണ്ട് യുണിക്സ് പോലുള്ള ഒരു ഓപ്പറേറ്റിംഗ് സിസ്റ്റം നിര്മ്മിക്കുന്നതായിരുന്നു. തൊണ്ണൂറുകളുടെ ആദ്യം തന്നെ ഒരു ഓപ്പറേറ്റിങ് സിസ്റ്റത്തിനു് ആവശ്യമായ പ്രധാനപ്പെട്ട സോഫ്റ്റ്വെയറുകള് എല്ലാം തന്നെ ഗ്നു സംഘം സ്വന്തമായി തയ്യാറാക്കിയിരുന്നു. ഒന്നൊഴികെ; ഒരു ഓപ്പറേറ്റിങ് സിസ്റ്റം ഹാര്ഡ്വെയറുമായി സംവദിക്കുവാന് ഉപയോഗിക്കുന്ന കെര്ണല് എന്ന ഘടകം. ഗ്നു സ്വതന്ത്രമായി തന്നെ ഒരു കെര്ണല് നിര്മ്മിക്കുവാന് തുടങ്ങുകയും ചെയ്തു. ബെര്ക്കെലി യൂണിവേഴ്സിറ്റി നിര്മ്മിച്ചെടുത്ത യുണിക്സ് സമാന ഓപ്പറേറ്റിങ് സിസ്റ്റം ആയ ബി.എസ്.ഡിയുടെ കെര്ണല് ഉപയോഗിക്കുവാനായിരുന്നു ഗ്നു സംഘത്തിന്റെ ആദ്യ തീരുമാനം. ബെര്ക്കെലിയിലെ പ്രോഗ്രാമര്മാരുടെ നിസ്സഹരണം മൂലം ഈ പദ്ധതി അവര്ക്ക് ഉപേക്ഷിക്കേണ്ടി വന്നു. സ്വന്തമായി ഒരു കെര്ണല് നിര്മ്മിക്കുവാനുള്ള പ്രവര്ത്തനങ്ങള് ഇതോടെ മന്ദമാവുകയും ചെയ്തു. എകദേശം ഇതേ കാലയളവില്, കൃത്യമായി 1991 -ല് ലിനക്സ് എന്ന പേരില് മറ്റൊരു കെര്ണല്, ലിനസ് ട്രൊവാള്ഡ്സ് എന്ന ഫിന്ലാഡുകാരന് യൂണിവേഴ്സിറ്റി വിദ്യാര്ത്ഥി, ഹെല്സിങ്കി യൂണിവേഴ്സിറ്റിയിലെ പഠനവേളയില് പണിതീര്ത്തിരുന്നു. ഈ കേര്ണലും സ്വതന്ത്ര സോഫ്റ്റ്വെയര് ആയി ലഭ്യമായതോടെ ഒരു /ഓപ്പറേറ്റിംഗ് സിസ്റ്റത്തിനാവശ്യമായ എല്ലാ ഭാഗങ്ങളും സ്വതന്ത്ര സോഫ്റ്റ്വെയറായി ലഭ്യമാണ്. ഇങ്ങനെ ഗ്നു നിര്മ്മിച്ച ടൂളുകളും ലിനക്സ് എന്ന കേര്ണ്ണലും ചേര്ത്ത് ഗ്നു/ലിനക്സ് എന്ന പേരില് ഓപ്പറേറ്റിംഗ് സിസ്റ്റം പുറത്തിറക്കി. ഹേര്ഡ് എന്ന പേരില് ഒരു പുതിയ മൈക്രോ കേര്ണല് ഗ്നു സംഘം ഇപ്പൊഴും വികസിപ്പിച്ചുകൊണ്ടിരിക്കുന്നുണ്ടു്. ഗ്നു/ഹേര്ഡ് അഥവാ പൂര്ണ്ണ ഗ്നു സിസ്റ്റം എന്ന പുതിയ ഓപ്പറേറ്റിംഗ് സിസ്റ്റം പൂര്ണ്ണമായി ഉപയോഗ്യമായിട്ടില്ലെങ്കിലും ഇപ്പോള് ലഭ്യമാണു്.
പ്രാരംഭഘട്ടത്തില് ഗ്നു/ലിനക്സ് ഉപയോഗിച്ചിരുന്നതും മെച്ചപ്പെടുത്തിയിരുന്നതും ലോകത്തിന്റെ പലഭാഗത്തുനിന്നുമുള്ള സോഫ്റ്റ്വെയര് ഡെവലപ്പര്മാരായിരുന്നു. തുടര്ന്ന് പ്രധാന വിവരസാങ്കേതികദാതാക്കളായ ഐ.ബി.എം, സണ് മൈക്രൊസിസ്റ്റംസ്, ഹ്യൂലറ്റ് പക്കര്ഡ്, നോവെല് എന്നിവര് സെര്വറുകള്ക്കായി ഗ്നു/ലിനക്സിനെ തിരഞ്ഞെടുക്കുവാന് തുടങ്ങി.
[തിരുത്തുക] പ്രധാന ഘടകങ്ങള്
ഗ്നു/ലിനക്സ് ഓപ്പറേറ്റിംഗ് സിസ്റ്റത്തിലെ പ്രധാന ഘടകങ്ങള് താഴെക്കൊടുത്തിരിക്കുന്നു.
- കേര്ണല് : ലിനക്സ്
- കമ്പൈലര് : ജി.സി.സി. ജി.ഡി.ബി തുടങ്ങിയവ
- കമ്പ്യൂട്ടര് ഭാഷ: സി, സി++, പൈതണ്, പേള് തുടങ്ങി എല്ലാം.
- ഓഫീസ് സ്യൂട്ട് : ഓപ്പണ് ഓഫീസ്, കെ ഓഫീസ്, ഗ്നോം ഓഫീസ് തുടങ്ങിയവ
- ഡെസ്ക്ടോപ്പ് : ഗ്നോം, കെ.ഡി.ഇ., ഐസ് വിന്ഡോ മാനേജര് , എക്സ്.എഫ്.സി.ഇ. തുടങ്ങിയവ
- ബ്രൌസര്: ഫയര്ഫോക്സ്, എപ്പിഫാനി, കോണ്ക്വറര് തുടങ്ങിയവ
ഈ ലിസ്റ്റ് പൂര്ണ്ണമല്ല.
[തിരുത്തുക] ഗ്നു/ലിനക്സ് ദാതാക്കള് (ആംഗലേയം: Linux Distributions)
ഗ്നു/ലിനക്സ് ദാതാക്കള് (ആംഗലേയം: Linux Distributions) എന്നത് ഏതെങ്കിലും ഒരു പ്രത്യേക വിഭാഗം ഉപഭോക്താക്കള്ക്ക് ആവശ്യമുള്ള, സ്വതന്ത്ര സോഫ്റ്റ്വെയര് ഫൌണ്ടേഷന്റെയും മറ്റ് ദാതാക്കളുടെയും, സോഫ്റ്റ്വെയര് ഈ വിഭാഗക്കാരുടെ ആവശ്യങ്ങള് കണക്കിലെടുത്ത് മുന്വിധികളോടെ ക്രമീകരിച്ചും, ലഭ്യമല്ലാത്ത സോഫ്റ്റ്വെയര് എളുപ്പം ഉപയോഗത്തില് വരുത്തുവാനും, ഉള്ളവ അപ്രകാരം തന്നെ പുതുക്കുവാനും ആവശ്യമായ ടൂളുകളും, നെറ്റ്വര്ക്കും അടിസ്ഥാനഘടകമായ ലിനക്സ് കെര്ണലിനൊപ്പം ലഭ്യമാക്കുന്നവരുമാണ്.പ്രധാന ഗ്നു/ലിനക്സ് ദാതാക്കളുടെ പട്ടിക താഴെ കൊടുത്തിരിക്കുന്നു:
- റെഡ്ഹാറ്റ് എന്റര് പ്രൈസ് ലിനക്സ് (Redhat Enterprise linux): റെഡ് ഹാറ്റ് എന്ന കമ്പനി പുറത്തിറക്കുന്നു
- ഫെഡോറ (Fedora): റെഡ്ഹാറ്റ് കമ്പനിയുടെ നേതൃത്വത്തില് ഉള്ള ഒരു കമ്യൂണിറ്റി പുറത്തിറക്കുന്നത്
- ഡെബിയന് (Debian): ഒരു സാമൂഹ്യ ഉടമ്പടിയെ ആധാരമാക്കി ഡെബിയന് സമൂഹം പുറത്തിറക്കുന്നത്
- ഉബുണ്ടു (Ubuntu): കാനോനിക്കല് ലിമിറ്റഡ് എന്ന കമ്പനിയുടെ പിന്തുണയോടെ ഉബുണ്ടു സമൂഹം പുറത്തിറക്കുന്നത്. ഇത് ഡെബിയനെ അടിസ്ഥാനപ്പെടുത്തിയുള്ളതാണ്.
- സ്യുസെ (SUSE)
- സ്ലാക്ക് വെയര്
[തിരുത്തുക] ഉപയോഗിക്കപ്പെടുന്ന മേഖലകള്
[തിരുത്തുക] ഉപയോഗം കേരളത്തില്
ഐറ്റി അറ്റ് സ്കൂള് പ്രൊജക്ട് ഇപ്പോള് പൂര്ണ്ണമായും ഈ ഓപ്പറേറ്റിംഗ് സിസ്റ്റത്തിലാണ് പ്രവര്ത്തിക്കുന്നത്. നിരവധി ഇ ഗവേണന്സ് പ്രൊജക്ടുകള്ക്ക് ഇത് ഉപയോഗിക്കപ്പെടുന്നുണ്ട്. 2008 ല് ഐറ്റി അറ്റ് സ്കൂള് പ്രൊജക്ടിന് അവാര്ഡ് ലഭിച്ചു.
[തിരുത്തുക] അവലംബം
- ↑ Debian GNU/Linux Licenses - Ohloh. ohloh.net. ശേഖരിച്ചത് 2009-03-27.
 |
വിവരസാങ്കേതികവിദ്യയുമായി ബന്ധപ്പെട്ട ഈ ലേഖനം അപൂര്ണ്ണമാണ്. ഇതു പൂര്ത്തിയാക്കാന് സഹായിക്കുക.സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പ്. |
|
||||||||||||||||||||||||||||
|
|||||
