കൊടികുത്തിമല
മലപ്പുറം ജില്ലയിൽ പെരിന്തൽമണ്ണക്ക് അടുത്തുള്ള മലയാണ് കൊടികുത്തിമല. 1921ലെ മലബാർ സർ‌‌വേയിൽ ഇതൊരു പ്രധാന സിഗ്നൽ സ്ഥലം ആയിരുന്നു[അവലംബം ആവശ്യമാണ്]. പെരിന്തൽമണ്ണയിൽനിന്ന് 12 കിലോമീറ്റർ അകലെയുള്ള കൊടികുത്തിമല സ്ഥിതിചെയ്യുന്നത്. സമുദ്രനിരപ്പിൽ നിന്ന് 522 മീറ്റർ ഉയരമുണ്ട് ഈ മലയ്ക്ക്. മലപ്പുറം ജില്ലയിലെ ഊട്ടി[1] എന്നാണ് ഈ മല അറിയപ്പെടുന്നത്. ചുറ്റുമുള്ള പ്രദേശം കാണുന്നതിനായി ഇവിടെ മൂന്നുനിലയുള്ള ഒരു ഗോപുരവും(1998-ൽ നിർമ്മിതം) ഉണ്ട്.
പെരിന്തൽമണ്ണയിൽനിന്ന് 12 കിലോമീറ്റർ അകലെ താഴേക്കോട് പഞ്ചായത്തിലാണ്‌ കൊടികുത്തിമല സ്ഥിതിചെയ്യുന്നത്. വടക്ക് തെക്കൻമല, പടിഞ്ഞാറ് മണ്ണാർമല, കിഴക്ക് താഴ്‌വാരത്തിന്റെ താഴെ ജനവാസ കേന്ദ്രങ്ങൾ, തെക്ക് ഭാഗത്ത് കുന്തിപ്പുഴ. ഈ പ്രദേശങ്ങൾ മലമുകളിൽ നിന്ന് കാണാനാവും.
ഉയരത്തിലുള്ള പുൽമേടും, വേഗത്തിൽ മാറുന്ന അന്തരീക്ഷവും ആണ്‌ ഇവിടുത്തെ പ്രത്യേകത. മലമുകളിലെ 91 ഹെക്ടർ പുൽമേട് വനംവകുപ്പിൻേറതാണ്. ഈ പ്രദേശത്തെ 70 ഏക്കറോളം സ്ഥലം വിവിധ പദ്ധതികൾക്കായി ടൂറിസം വകുപ്പ് നീക്കിവച്ചിട്ടുണ്ട്. ടിക്കറ്റ് നിരക്ക് മുതിർന്നവർ ₹40 കുട്ടികൾ ₹20 ക്യാമറ ₹150 വിദേശികൾ ₹100
രാവിലെ 8 മുതൽ വൈകുന്നേരം 4 വരെയാണ് സന്ദർശന സമയം. തിങ്കൾ അവധി.
പ്ലാസ്റ്റിക് പൂർണമായും നിരോധിച്ചിരിക്കുന്നു
എത്തിച്ചേരാനുള്ള വഴി[തിരുത്തുക]
പെരിന്തൽമണ്ണയിൽനിന്ന് മേലാറ്റൂർ റോഡിൽ കാര്യാവട്ടത്തുനിന്ന് വെട്ടത്തൂർ റോഡ് വഴി ആറുകിലോമീറ്റർ യാത്ര ചെയ്താൽ തേലക്കാട്ടെത്തും. തേലക്കാട്ടുനിന്ന് പോബ്‌സൺ എസ്റ്റേറ്റിനുള്ളിലൂടെയാണ് മലയിലേക്കുള്ള റോഡ്. തേലക്കാട്ടുനിന്ന് ആറ് കിലോമീറ്റർ ദൂരമാണ് മലമുകളിലേക്ക്. കരിങ്കല്ലത്താണി റോഡിലെ മാട്ടറക്കലിൽനിന്ന് അഞ്ച് കിലോമീറ്റർ സഞ്ചരിച്ചാലും മലമുകളിലെത്താം. ഈ രണ്ട് വഴികൂടാതെ അമ്മിനിക്കാട്ടുനിന്ന് കൊടികുത്തി മലയിലേക്കെത്താം. ദേശീയ പാതയിൽ നിന്ന് വെറും 6 കിലോ മീറ്റർ ദൂരത്തിലുള്ള ഇവിടെയെത്താനുള്ള എളുപ്പമാർഗ്ഗവുമിതാണ്
അവലംബം[തിരുത്തുക]
- ↑ "മാതൃഭൂമി വാർത്ത". Archived from the original on 2012-02-22. Retrieved 2013-02-09.
പുറത്തേക്കുള്ള കണ്ണികൾ[തിരുത്തുക]
മാതൃഭൂമി ഫീച്ചർ കാഴ്ചക്കപ്പുറം Archived 2012-11-27 at the Wayback Machine.
|
കേരളത്തിന്റെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |