നെഫ്രോളജി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Nephrology എന്ന താളിൽ നിന്നും തിരിച്ചുവിട്ടതു പ്രകാരം)
നെഫ്രോളജി
വൃക്ക
Systemയൂറിനറി
Significant diseasesരക്താതിമർദ്ദം, കിഡ്നി ക്യാൻസർ
Significant testsകിഡ്നിനി ബയോപ്സി, യൂറിനാലിസിസ്
Specialistനെഫ്രോളജിസ്റ്റ്
നെഫ്രോളജിസ്റ്റ്
Occupation
Names
  • ഫിസിഷ്യൻ
Occupation type
സ്പെഷ്യാലിറ്റി
Activity sectors
മെഡിസിൻ
Description
Education required
Fields of
employment
ഹോസ്പിപിറ്റലുകൾ, ക്ലിനിക്കുകൾ

വൃക്കകളുടെ പ്രവർത്തനം വൃക്കരോഗങ്ങൾ എന്നിവയെക്കുറിച്ച് പഠിക്കുന്ന വൈദ്യശാസ്ത്ര ശാഖയാണ് നെഫ്രോളജി. വൃക്കകളുടെ ആരോഗ്യം, വൃക്കരോഗം എന്നിവ മുതൽ ഡയാലിസിസ്, വൃക്ക മാറ്റിവയ്ക്കൽ വരെയുള്ള ചികിത്സകൾ ഇതിൻ്റെ ഭാാഗമാണ്.

വൃക്കകളെ ബാധിക്കുന്ന സിസ്റ്റമിക് അവസ്ഥകളായ പ്രമേഹം, ഓട്ടോ ഇമ്യൂൺ രോഗങ്ങൾ എന്നിവയും, വൃക്കരോഗത്തിന്റെ ഫലമായി ഉണ്ടാകുന്ന സിസ്റ്റമിക് രോഗങ്ങളായ റീനൽ ഓസ്റ്റിയോഡിസ്ട്രോഫി, രക്താതിമർദ്ദം പോലെയുള്ളള അസുഖങ്ങളും നെഫ്രോളജിയുടെ ഭാഗമാണ്. നെഫ്രോളജിയിൽ അധിക പരിശീലനം നേടിയ ഡോക്ടർമാരെ നെഫ്രോളജിസ്റ്റ് എന്ന് വിളിക്കുന്നു.

പ്രൊഫ. ജീൻ ഹാംബർഗർ, 1953-ൽ നിർദ്ദേശിച്ച ഫ്രഞ്ച് വാക്ക് "néphrologie" പ്രകാരം 1960 ൽ "നെഫ്രോളജി" എന്ന പദം ആദ്യമായി ഉപയോഗിച്ചു. അതിനുമുമ്പ് ഈ സ്പെഷ്യാലിറ്റിയെ സാധാരണയായി "കിഡ്നി മെഡിസിൻ" എന്ന് ആയിരുന്നു വിളിച്ചിരുന്നത്. [1]

ഭാവി[തിരുത്തുക]

ഇലക്ട്രോലൈറ്റ് ഡിസ്റ്റർബൻസ്, രക്താതിമർദ്ദം എന്നിവ ഉൾപ്പെടെയുള്ള വൃക്ക രോഗങ്ങളുടെ രോഗനിർണയവും ചികിത്സയും ഡയാലിസിസ്, വൃക്ക മാറ്റിവെക്കൽ എന്നിവ പോലെയുള്ള ചികിൽസകളും നെഫ്രോളജിയുടെ ഭാഗമാണ്. [2] [3]

വൃക്കയെ ബാധിക്കുന്ന പല രോഗങ്ങളും വൃക്കയിൽ മാത്രം പരിമിതപ്പെടുത്താത്ത സിസ്റ്റമിക് വൈകല്യങ്ങളാണ്, അവയ്ക്ക് പ്രത്യേക ചികിത്സ ആവശ്യമായി വന്നേക്കാം. സിസ്റ്റമിക് വാസ്കുലൈറ്റൈഡുകൾ (ഉദാ ANCA വാസ്കുലൈറ്റിസ്), ഓട്ടോഇമ്മ്യൂൺ രോഗങ്ങൾ (ഉദാ. ല്യൂപ്പസ് ), പോളിസിസ്റ്റിക് കിഡ്നി ഡിസീസ് പോലുള്ള ജന്മനായുള്ള അല്ലെങ്കിൽ ജനിതക അവസ്ഥകൾ ഉദാഹരണങ്ങളാണ്.

ഗുരുതരമായ വൃക്കയുടെ പരുക്ക്, വിട്ടുമാറാത്ത വൃക്കരോഗം, ഹെമറ്റൂറിയ, പ്രോട്ടീനൂറിയ, വൃക്കയിലെ കല്ലുകൾ, രക്താതിമർദ്ദം, ആസിഡ് / ബേസ് അല്ലെങ്കിൽ ഇലക്ട്രോലൈറ്റുകളുടെ തകരാറുകൾ എന്നിങ്ങനെ വിവിധ കാരണങ്ങളാൽ യൂറിനാലിസിസ് നടത്തിയതിന് ശേഷം രോഗികളെ നെഫ്രോളജി സ്പെഷ്യലിസ്റ്റുകളിലേക്ക് റഫർ ചെയ്യുന്നു.

നെഫ്രോളജിസ്റ്റ്[തിരുത്തുക]

അധിക പരിശീലനം നേടി വൃക്കരോഗത്തിന്റെ പരിചരണത്തിലും ചികിത്സയിലും വിദഗ്ധനായ ഒരു ഫിസീഷ്യനാണ് നെഫ്രോളജിസ്റ്റ്. ഡയാലിസിസ്, വൃക്ക മാറ്റിവയ്ക്കൽ, ക്രോണിക് കിഡ്നി ഡിസീസ്, ക്യാൻസറുമായി ബന്ധപ്പെട്ട വൃക്കരോഗങ്ങൾ (ഓങ്കോനെഫ്രോളജി), പ്രൊസീജ്വറൽ നെഫ്രോളജി അല്ലെങ്കിൽ മറ്റ് നെഫ്രോളജി ഇതര മേഖലകളിൽ നെഫ്രോളജിസ്റ്റുകൾക്ക് സബ്-സ്പെഷ്യലൈസേഷൻ ചെയ്യാം.

പരിശീലനം[തിരുത്തുക]

ഇന്ത്യ[തിരുത്തുക]

ഇന്ത്യയിൽ ഒരു നെഫ്രോളജിസ്റ്റ് ആകാൻ ഒരാൾ എംബിബിഎസ് (5, 1/2 വർഷം) ബിരുദം പൂർത്തിയാക്കണം, തുടർന്ന് മെഡിസിൻ അല്ലെങ്കിൽ പീഡിയാട്രിക്സിൽ എംഡി / ഡിഎൻബി (3 വർഷം) , അതിന് ശേഷം നെഫ്രോളജി അല്ലെങ്കിൽ പീഡിയാട്രിക് നെഫ്രോളജിയിൽ ഡിഎം / ഡിഎൻബി (3 വർഷം) കോഴ്‌സ് പൂർത്തിയാക്കണം.

രോഗനിർണയം[തിരുത്തുക]

നെഫ്രോളജിയിലെ ഡയഗ്നോസ്റ്റിക് വർക്ക്അപ്പിന് രോഗ ചരിത്രവും ശാരീരിക പരിശോധനയും പ്രധാനമാണ്. രോഗ ചരിത്രത്തിൽ സാധാരണഗതിയിൽ ഇപ്പോഴത്തെ പ്രശ്നം, ഫാമിലി ഹിസ്റ്ററി, പൊതു മെഡിക്കൽ ചരിത്രം, ഭക്ഷണക്രമം, മരുന്നുകളുടെ ഉപയോഗം, തൊഴിൽ എന്നിവ ഉൾപ്പെടുന്നു. ശാരീരിക പരിശോധനയിൽ സാധാരണയായി വോളിയം നില, രക്തസമ്മർദ്ദം, ഹൃദയം, ശ്വാസകോശം, പെരിഫറൽ ധമനികൾ, സന്ധികൾ, അടിവയർ, പാർശ്വഭാഗങ്ങൾ എന്നിവയുടെ വിലയിരുത്തൽ ഉൾപ്പെടുന്നു . ഒരു ചുണങ്ങു പോലും പ്രസക്തമാകാം, പ്രത്യേകിച്ചും ഓട്ടോഇമ്മ്യൂൺ രോഗത്തിന്റെ സൂചകമായി.

മൂത്രത്തിന്റെ പരിശോധന ( യൂറിനാലിസിസ് ) വൃക്ക സംബന്ധമായ പ്രശ്നങ്ങൾ നേരിട്ട് വിലയിരുത്താൻ അനുവദിക്കുന്നു, ഇത് മൂത്രത്തിൽ രക്തം പ്രത്യക്ഷപ്പെടുന്നത് ( ഹെമറ്റൂറിയ ), മൂത്രത്തിലെ പ്രോട്ടീൻ ( പ്രോട്ടീനൂറിയ ), മൂത്രത്തിലെ പഴുപ്പ് കോശങ്ങൾ ( പ്യൂറിയ ) അല്ലെങ്കിൽ മൂത്രത്തിലെ കാൻസർ കോശങ്ങൾ എന്നിവയെക്കുറിച്ചുള്ള വിവരങ്ങൽ നൽകും. ദിവസേനയുള്ള പ്രോട്ടീൻ നഷ്ടം ( പ്രോട്ടീനൂറിയ കാണുക), മൂത്രത്തിന്റെ ഔട്ട്പുട്ട്, ക്രിയേറ്റിനിൻ ക്ലിയറൻസ് അല്ലെങ്കിൽ വൃക്കസംബന്ധമായ ട്യൂബുലുകളുടെ ഇലക്ട്രോലൈറ്റ് കൈകാര്യം ചെയ്യൽ എന്നിവ കണക്കാക്കാൻ 24 മണിക്കൂർ മൂത്രശേഖരണം ആവശ്യമാണ്. ഒരു ചെറിയ മൂത്ര സാമ്പിളിൽ നിന്ന് പ്രോട്ടീൻ നഷ്ടം കണക്കാക്കുന്നത് ഇപ്പോൾ സാധാരണമാണ്.

രക്തത്തിലെ ഹീമോഗ്ലോബിൻ, വൈറ്റ് കൌണ്ട്, പ്ലേറ്റ്‌ലെറ്റുകൾ, സോഡിയം, പൊട്ടാസ്യം, ക്ലോറൈഡ്, ബൈകാർബണേറ്റ്, യൂറിയ, ക്രിയേറ്റിനിൻ, ആൽബുമിൻ, കാൽസ്യം, മഗ്നീഷ്യം, ഫോസ്ഫേറ്റ്, ആൽക്കലൈൻ ഫോസ്ഫേറ്റസ്, പാരാതൈറോയ്ഡ് ഹോർമോൺ (പി‌ടി‌എച്ച്) എന്നിവയുടെ സാന്ദ്രത പരിശോധിക്കാൻ അടിസ്ഥാന രക്തപരിശോധന ഉപയോഗിക്കാം. ഇവയെല്ലാം വൃക്ക സംബന്ധമായ പ്രശ്നങ്ങളെക്കുറിച്ച് സൂചന നൽകും. വൃക്കയുടെ പ്രവർത്തനം കണക്കാക്കാൻ സെറം ക്രിയേറ്റിനിൻ സാന്ദ്രത ഏറ്റവും പ്രധാനപ്പെട്ട രക്തപരിശോധനയാണ്, ഇതിനെ ക്രിയേറ്റിനിൻ ക്ലിയറൻസ് അല്ലെങ്കിൽ എസ്റ്റിമേറ്റ്ഡ് ഗ്ലോമെറുലാർ ഫിൽട്ടറേഷൻ റേറ്റ് (ജിഎഫ്ആർ) എന്ന് വിളിക്കുന്നു.

ചികിത്സ[തിരുത്തുക]

മരുന്നുകൾ, ബ്ലഡ് പ്രൊഡക്റ്റ്സ്, ശസ്ത്രക്രിയാ ഇടപെടലുകൾ ( യൂറോളജി, വാസ്കുലർ അല്ലെങ്കിൽ സർജിക്കൽ നടപടിക്രമങ്ങൾ), റീനൽ റീപ്ലേസ്മെന്റ് തെറാപ്പി ( ഡയാലിസിസ് അല്ലെങ്കിൽ വൃക്ക മാറ്റിവയ്ക്കൽ ), പ്ലാസ്മ എക്സ്ചേഞ്ച് എന്നിവ നെഫ്രോളജിയിലെ ചികിത്സകളിൽ ഉൾപ്പെടാം. വൃക്ക പ്രശ്നങ്ങൾ ജീവിത നിലവാരത്തിലും ആയുർദൈർഘ്യത്തിലും കാര്യമായ സ്വാധീനം ചെലുത്തും, അതിനാൽ മനഃശാസ്ത്രപരമായ പിന്തുണ, ആരോഗ്യ വിദ്യാഭ്യാസം, നൂതന പരിചരണ ആസൂത്രണം എന്നിവ നെഫ്രോളജിയിൽ പ്രധാന പങ്ക് വഹിക്കുന്നു.

മിക്ക വൃക്കരോഗങ്ങളും വിട്ടുമാറാത്ത അവസ്ഥകളാണ്, അതിനാൽ ഒരു ദീർഘകാല ഫോളോഅപ്പ് ആവശ്യമാണ്.

ഓർഗനൈസേഷനുകൾ[തിരുത്തുക]

ലോകത്തിലെ ആദ്യത്തെ നെഫ്രോളജി സൊസൈറ്റി ഫ്രഞ്ച് 'സൊസൈറ്റി ഡി പാത്തോളജി റെനാലെ (Societe de Pathologie Renale)' ആയിരുന്നു. അതിന്റെ ആദ്യ പ്രസിഡന്റ് ജീൻ ഹാംബർഗറായിരുന്നു. സംഘടനയുടെ ആദ്യ കൂടിക്കാഴ്ച 1949 ഫെബ്രുവരിയിൽ പാരീസിലായിരുന്നു. പഴയ സൊസൈറ്റിയുടെ തുടർച്ചയായി 1959 ൽ ഹാംബർഗർ 'സൊസൈറ്റി ഡി നെഫ്രോളജി (Société de Néphrologie)' സ്ഥാപിച്ചു. നെഫ്രോളജിസ്റ്റുകളുടെ രണ്ടാമത്തെ സൊസൈറ്റി ആയ യുകെയുടെ റീനൽ അസോസിയേഷൻ 1950 ൽ സ്ഥാപിതമായി. അതിന്റെ ആദ്യ പ്രസിഡന്റ് ആർതർ ഉസ്മാൻ ആയിരുന്നു. 1950 മാർച്ച് 30 ന് ലണ്ടനിൽ വെച്ച് ആദ്യ മീറ്റിംഗ് നടന്നു. സൊസൈറ്റി ഡി നെഫ്രോളജിയ ഇറ്റാലിയാന 1957-ൽ സ്ഥാപിതമായി. നെഫ്രോളജിയ (അല്ലെങ്കിൽ നെഫ്രോളജി) എന്ന വാക്ക് പേരിൽ ഉൾപ്പെടുത്തിയ ആദ്യത്തെ ദേശീയ സംഘടനയാണ് ഇത്.

ഇന്റർനാഷണൽ സൊസൈറ്റി ഓഫ് നെഫ്രോളജി (ഐ‌എസ്‌എൻ) യുടെ 1-4 സെപ്റ്റംബർ 1960 തീയതിയിൽ എവിയാനിലും ജനീവയിലും വെച്ച് നടന്ന ആദ്യ ഇന്റർനാഷണൽ കോൺഗ്രസ് ഓഫ് നെഫ്രോളജി Premier Congrès International de Néphrologie യിൽ 'നെഫ്രോളജി' എന്ന പദം ആദ്യമായി പ്രത്യക്ഷപ്പെട്ടു. ഐ‌എസ്‌എന്റെ ആദ്യകാല ചരിത്രം 2005 ൽ റോബിൻ‌സണും റിച്ചെത്തും [1], പിന്നീടുള്ള ചരിത്രം 2011 ൽ ബാർ‌സൂം [2] എന്നിവർ വിവരിച്ചിട്ടുണ്ട്. വൃക്ക പരിചരണത്തിൽ ഏർപ്പെട്ടിരിക്കുന്ന ലോകമെമ്പാടുമുള്ള മെഡിക്കൽ പ്രൊഫഷണലുകളെ പ്രതിനിധീകരിക്കുന്ന ഏറ്റവും വലിയ ആഗോള സമൂഹമാണ് ഐ‌എസ്‌എൻ.

അവലംബം[തിരുത്തുക]

  1. Professor Priscilla Kincaid-Smith, nephrologist, Australian Academy of Science, Interview by Dr Max Blythe in 1998.
  2. "Nephrology Specialty Description". American Medical Association.
  3. "Nephrology". American College of Physicians.

പുറം കണ്ണികൾ[തിരുത്തുക]

"https://ml.wikipedia.org/w/index.php?title=നെഫ്രോളജി&oldid=3528344" എന്ന താളിൽനിന്ന് ശേഖരിച്ചത്