ഡെമോക്രാറ്റിക് റിപ്പബ്ലിക് ഓഫ് അഫ്ഗാനിസ്താൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Democratic Republic of Afghanistan എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ഡെമോക്രാറ്റിക് റിപ്പബ്ലിക് ഓഫ് അഫ്ഗാനിസ്താൻ
Flag of Afghanistan (1974–1978).svg
1978 - 1992 Flag of Afghanistan (1992–2001).svg
കൊടി ചിഹ്നം
കൊടി ചിഹ്നം
Location of അഫ്ഗാനിസ്താൻ
തലസ്ഥാനം കാബൂൾ
ഭാഷ പഷ്തു
മതം നിരീശ്വരമതം
ഭരണക്രമം സോഷ്യലിസ്റ്റ് റിപ്പബ്ലിക്,
ഏകകക്ഷി കമ്മ്യൂണിസ്റ്റ് ഭരണകൂടം
കാലഘട്ടം ശീതയുദ്ധം
 - സ്ഥാപിതം 1978 ഏപ്രിൽ 27
 - അന്ത്യം 1992 ഏപ്രിൽ 28
അഫ്ഗാനിസ്താന്റെ ചരിത്രം
അഫ്ഗാനിസ്താന്റെ കൊടി
ഇവയും കാണുക
ഏരിയാന · ഖുറാസാൻ
സമയരേഖ

1978 മുതൽ 1992 വരെ അഫ്ഗാനിസ്താനിൽ നിലവിലിരുന്ന കമ്മ്യൂണിസ്റ്റ് ഭരണകൂടമാണ് ഡെമോക്രാറ്റിക് റിപ്പബ്ലിക് ഓഫ് അഫ്ഗാനിസ്താൻ. അഫ്ഗാൻ കമ്മ്യൂണിസ്റ്റ് കക്ഷിയായിരുന്ന പി.ഡി.പി.എയുടെ നേതൃത്വത്തിൽ, സോർ വിപ്ലവത്തിലൂടെ രാജ്യത്തെ ആദ്യ പ്രസിഡണ്ടായിരുന്ന മുഹമ്മദ് ദാവൂദ് ഖാനെ അട്ടിമറിച്ചാണ് ഈ സർക്കാർ സ്ഥാപിക്കപ്പെട്ടത്. പി.ഡീ.പി.എയുടെ ആദ്യ ജനറൽ സെക്രട്ടറിയും കക്ഷിയിലെ തീവ്രവിഭാഗമായിരുന്ന ഖൽഖ് പക്ഷത്തിന്റെ നേതാവുമായ നൂർ മുഹമ്മദ് താരക്കിയായിരുന്നു ഡെമോക്രാറ്റിക് റിപ്പബ്ലിക് ഓഫ് അഫ്ഗാനിസ്താന്റെ ആദ്യത്തെ പ്രസിഡണ്ട്.

സോവിയറ്റ് യൂനിയന്റെ ശക്തമായ പിന്തുണയോടെ നിലനിന്ന ഈ സർക്കരിൽ, തുടക്കത്തിൽ ഖൽഖ് വിഭാഗത്തിനായിരുന്നു മേൽക്കൈയെങ്കിലും 1980-ലെ റഷ്യൻ സൈനികാധിനിവേശത്തെത്തുടർന്ന് ബാബ്രക് കാർമാലിന്റെ നേതൃത്വത്തിലുള്ള പി.ഡി.പി.എയിലെ പാർചം വിഭാഗക്കാർ ഭരണത്തിൽ മേൽക്കൈ നേടി. താരക്കിക്കും കാർമാലിനും പുറമേ, ഹഫീസുള്ള അമീൻ (ഖൽഖ് പക്ഷം), മുഹമ്മദ് നജീബുള്ള (പാർചം പക്ഷം) എന്നിവരായിരുന്നു ഈ ഭരണകൂടത്തിൽ പ്രസിഡണ്ടുമാരായിരുന്നത്.

ഡെമോക്രാറ്റിക് റിപബ്ലികിന്റെ ഭരണകാലം മുഴുവൻ, ഇസ്ലാമിക മുജാഹിദീൻ കക്ഷികളിൽ നിന്നുമുള്ള എതിർപ്പ് സർക്കാരിന് നേരിടേണ്ടി വന്നു. 1991-ൽ സോവിയറ്റ് റഷ്യയുടെ ശിഥിലീകരണത്തോടെ കമ്മ്യൂണിസ്റ്റ് സർക്കാരിന് പിടിച്ചുനിൽക്കാനാകാതെ വരുകയും 1992-ൽ ഇസ്ലാമികപ്രതിരോധകക്ഷികൾ കാബൂളിൽ അധികാരത്തിലെത്തുകയും ചെയ്തു.