ശീതയുദ്ധം
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല.· newspapers · books · scholar · JSTOR (2008 നവംബർ) |
1940കളുടെ മദ്ധ്യം മുതൽ 1990കളുടെ തുടക്കം വരെ അമേരിക്കൻ ഐക്യനാടുകൾക്കും സോവിയറ്റ് യൂണിയനും ഇടയ്ക്ക് നിലനിന്നിരുന്ന വിദ്വേഷവും സംഘർഷവും മാത്സര്യവും മൂലം ഉടലെടുത്ത യുദ്ധസമാനമായ അവസ്ഥയാണ് ശീതയുദ്ധം എന്നറിയപ്പെടുന്നത്. ഈ കാലഘട്ടത്തിൽ സൈനികസന്ധികൾ, കുപ്രചരണം, ചാരവൃത്തി, ആയുധകിടമത്സരം, വ്യവസായിക പുരോഗതി, ബഹിരാകാശപ്പന്തയം പോലുള്ള അത്യാധുനിക സാങ്കേതികവിദ്യാ വികസനമത്സരം എന്നിവ വഴി പരസ്പരമുള്ള ശത്രുത രണ്ടു വൻശക്തികളും പ്രകടമാക്കിപ്പോന്നിരുന്നു. ഇതിന്റെ ഭാഗമായി ഇരുകൂട്ടരും അണുവായുധങ്ങൾക്കും മറ്റ് ആയുധങ്ങൾക്കും പ്രോക്സി യുദ്ധങ്ങൾക്കുമൊക്കെയായി വൻതുകയും ചെലവാക്കിയിരുന്നു.
പേരിനു പിന്നിൽ
[തിരുത്തുക]രണ്ടാം ലോകമഹായുദ്ധത്തിനു ശേഷം, ജോർജ്ജ് ഓർവെൽ ട്രിബ്യൂൺ മാസികയിൽ 1945- ഒക്ടോബർ 19-ന് എഴുതിയ ആറ്റം ബോബും നിങ്ങളും എന്ന പ്രബന്ധത്തിലാണ് ശീതയുദ്ധം എന്ന പ്രയോഗം ആദ്യമായി ഉപയോഗിച്ചത്. [1] സോവിയറ്റ് യൂണിയനും പാശ്ചാത്യ ശക്തികൾക്കും ഇടയിൽ നിലനിന്നിരുന്ന സൈദ്ധാന്തികപോരാട്ടം എന്നാണ് ഓർവെൽ ഈ യുദ്ധസമാനമായ അവസ്ഥയെ വിശേഷിപ്പിച്ചത്.[2]
ദേശീയ പ്രതിരോധ വിദ്യാഭ്യാസ നിയമം (National Defense Education Act - NDEA)
[തിരുത്തുക]ശീതയുദ്ധവുമായി ബന്ധപ്പെട്ട് 1958-ൽ യു.എസ്. കോൺഗ്രസ് പാസാക്കിയ നിയമമാണ് ദേശീയ പ്രതിരോധ വിദ്യാഭ്യാസ നിയമം (National Defense Education Act - NDEA). 1957-ൽ സോവിയറ്റ് യൂണിയൻ സ്പുട്നിക് വിക്ഷേപിച്ചതിനെത്തുടർന്ന് യു.എസിലുണ്ടായ "സ്പുട്നിക് പ്രതിസന്ധി"(Sputnik Crisis)ക്ക് മറുപടിയായാണ് ഈ നിയമം കൊണ്ടുവന്നത്. ഈ നിയമത്തിൻ്റെ പ്രധാന ലക്ഷ്യങ്ങൾ: ദേശീയ സുരക്ഷ:യു.എസിൻ്റെ ദേശീയ സുരക്ഷയ്ക്ക് നിർണായകമായ മേഖലകളിൽ വിദ്യാഭ്യാസം മെച്ചപ്പെടുത്തുക. ശാസ്ത്ര-സാങ്കേതിക മികവ്:ശാസ്ത്രം, ഗണിതശാസ്ത്രം, എൻജിനീയറിങ്, ആധുനിക വിദേശ ഭാഷകൾ എന്നീ വിഷയങ്ങളിലെ വിദ്യാഭ്യാസം ശക്തിപ്പെടുത്തുന്നതിന് കേന്ദ്ര സഹായം നൽകുക. കോളേജ് വിദ്യാഭ്യാസം:യോഗ്യതയുള്ള വിദ്യാർത്ഥികൾക്ക് (പ്രത്യേകിച്ച് STEM വിഷയങ്ങളിലും വിദേശ ഭാഷകളിലും) കുറഞ്ഞ പലിശയിൽ ലോണുകൾ നൽകുന്നതിനുള്ള പദ്ധതികൾ സ്ഥാപിക്കുക. ഗവേഷണ പരിശീലനം:കൂടുതൽ ശാസ്ത്രജ്ഞരെയും സാങ്കേതിക വിദഗ്ധരെയും വളർത്തിയെടുക്കുന്നതിനായി ഗ്രാജ്വേറ്റ്ഫെലോഷിപ്പുകൾ നൽകുക. ശീതയുദ്ധ ബന്ധം(Cold War Connection): ശീതയുദ്ധത്തിൻ്റെ പശ്ചാത്തലത്തിൽ, സോവിയറ്റ് യൂണിയൻ ശാസ്ത്ര-സാങ്കേതിക രംഗത്ത് മുന്നിലാണെന്ന ധാരണ യു.എസിലുണ്ടായി. ഈ ഭയം മറികടക്കാനും ആഗോളതലത്തിൽ യു.എസിൻ്റെ സൈനിക-സാങ്കേതിക മേൽക്കോയ്മ ഉറപ്പിക്കാനും വേണ്ടിയാണ് വിദ്യാഭ്യാസ മേഖലയിൽ ഇത്രയും വലിയൊരു ഫെഡറൽ ഇടപെടൽ ആദ്യമായി നടത്തിയത്. ഈ നിയമത്തിലൂടെ, വിദ്യാഭ്യാസം ദേശീയ പ്രതിരോധത്തിൻ്റെ ഒരു സുപ്രധാന ഘടകമായി മാറി.
അവലംബം
[തിരുത്തുക]- ↑ Kort, Michael (2001). The Columbia Guide to the Cold War. Columbia University Press. p. 3.
- ↑ Geiger, Till (2004). Britain and the Economic Problem of the Cold War. Ashgate Publishing. p. 7.
|
ചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |