സന്തോഷ് യാദവ്
സന്തോഷ് യാദവ് | |
|---|---|
 പ്രശസ്ത പർവതാരോഹക ശ്രീമതി. സന്തോഷ് യാദവ് 2008 സെപ്റ്റംബർ 04 ന് ന്യൂഡൽഹിയിൽ പാർവ്വതാരോഹൻ കാ രോമഞ്ച്‌ എന്ന പുസ്തകം പ്രകാശനം ചെയ്‌യുന്നു | |
| ജനനം | സന്തോഷ് യാദവ് റെവാരി, ഹരിയാന |
| ദേശീയത | ഇന്ത്യൻ |
| തൊഴിൽ | പർവതാരോഹക,ഐ.ടി.ബി.പി. ഓഫീസർ |
| അറിയപ്പെടുന്നത് | എവറസ്റ്റ് രണ്ട് തവണ കീഴടക്കുന്ന ലോകത്തിലെ ആദ്യത്തെ വനിത |
ഒരു ഇന്ത്യൻ പർവതാരോഹകയാണ് സന്തോഷ് യാദവ്. 1992-93 വർഷങ്ങളിൽ 12 മാസങ്ങൾക്കുള്ളിലായി രണ്ട് തവണ എവറസ്റ്റ് കൊടുമുടി കീഴടക്കി. ഈ നേട്ടം കൈവരിക്കുന്ന ലോകത്തിലെ ആദ്യത്തെ വനിതയായി. കാങ്ഷങ് ഭാഗത്തു കൂടി എവറസ്റ്റ് കീഴടക്കിയ ആദ്യ വനിതയും ഇവർ തന്നെ.[1].
ഹരിയാനയിലെ റെവാരി ജില്ലയിലെ ജോനിയാവാസ് എന്ന ഗ്രാമത്തിൽ ജനിച്ചു. നന്നേ ചെറുപ്പത്തിൽ തന്നെ പർവതങ്ങളെ സ്നേഹിച്ച സന്തോഷ് മഞ്ഞുമൂടിയ മലനിരകളുടെ ചിത്രങ്ങൾ ഭാവനയിൽ കണ്ട് വരക്കുമായിരുന്നു. ജയ്പൂർ മഹാറാണി കോളേജിലെ വിദ്യാഭ്യാസത്തിനു ശേഷം [2] ഉത്തർകാശിയിലെ നെഹ്രു ഇൻസ്റ്റിറ്റ്യൂട്ട് ഓഫ് മൗണ്ടനീയറിങ്ങിൽ നിന്നും പർവതാരോഹണത്തിൽ പരിശീലനം നേടി. 1992-ലായിരുന്നു ആദ്യത്തെ എവറസ്റ്റ് ദൗത്യം. അന്ന് എവറസ്റ്റ് കീഴടക്കിയ ഏറ്റവും പ്രായം കുറഞ്ഞ വനിതയായി. ഒരു വർഷത്തിനുള്ളിൽ 1993 മേയ് 12-ന് ഇന്റോ-നേപ്പാൾ സഘത്തിന്റെ ഭാഗമായി വീണ്ടും എവറസ്റ്റിന്റെ നിറുകയിലെത്തി.
ഇപ്പോൾ ഇൻഡോ ടിബറ്റൻ ബോർഡർ പോലീസിൽ ഓഫീസറാണ്. 2000-ത്തിൽ ഭാരതസർക്കാർ പത്മശ്രീ ബഹുമതി നൽകി ആദരിച്ചു.
കൂടുതൽ കാണാൻ
[തിരുത്തുക]അവലംബം
[തിരുത്തുക]- ↑ "Santosh Yadav feels motivated to climb Everest again". News.webindia123.com. 2007-05-11. Retrieved 2010-06-20.
- ↑ "അഭിമുഖം - ഐദിവാ.കോം". Archived from the original on 2013-10-16. Retrieved 2013-03-26.
പുറത്തേക്കുള്ള കണ്ണികൾ
[തിരുത്തുക]
