മണ്ണാർക്കാട്
മണ്ണാർക്കാട്
Mannarghat | |
|---|---|
 | |
| വിളിപ്പേര്: പശ്ചിമഘട്ടത്തിലേക്കുള്ള കവാടം | |
  മണ്ണാർക്കാട് Location in Kerala, India  മണ്ണാർക്കാട് മണ്ണാർക്കാട് (India) | |
| Coordinates: 10°59′N 76°28′E / 10.98°N 76.47°E | |
| Country |  ഇന്ത്യ |
| State | Kerala |
| Region | South Malabar |
| District | പാലക്കാട് |
| സർക്കാർ | |
| • തരം | Municipal council |
| • ഭരണസമിതി | Mannarkkad municipality |
| • Municipal Chairperson | Sajna Teacher (IUML) |
| • Vice Chairperson | K. Balakarishanan (INC) |
| വിസ്തീർണ്ണം | |
• ആകെ | 33.01 ച.കി.മീ. (12.75 ച മൈ) |
| ഉയരം | 76 മീ (249 അടി) |
| ജനസംഖ്യ (2011)[1] | |
• ആകെ | 34,839 |
| • ജനസാന്ദ്രത | 1,100/ച.കി.മീ. (2,700/ച മൈ) |
| Demonym | Mannarkkadans |
| Languages | |
| • Official | Malayalam, English[2] |
| സമയമേഖല | UTC+5:30 (IST) |
| PIN | 678582 |
| Telephone code | + 91, STD (04924) |
| വാഹന രജിസ്ട്രേഷൻ | KL-50 |
| Parliament constituency | Palakkad |
| Assembly constituency | Mannarkkad |
| വെബ്സൈറ്റ് | mannarkkadmunicipality |
കേരളത്തിലെ പാലക്കാട് ജില്ലയിലെ ഒരു ചെറിയ പട്ടണമാണ് മണ്ണാർക്കാട്. സൈലന്റ് വാലി എന്ന അതിപുരാതനമായ പരിണാമ ചരിത്രവും ആവാസ വ്യവസ്ഥയുമുള്ള നിത്യഹരിത വനങ്ങൾ ഇവിടെ നിന്ന് 66 കിലോമീറ്റർ അകലെയാണ്. പാലക്കാട് ജില്ലാ ആസ്ഥാനത്തിൽ നിന്നും 38 കി.മീ. വടക്ക്-പടിഞ്ഞാറ് മാറിയാണ് ഇതിന്റെ സ്ഥാനം.
ചരിത്രം
[തിരുത്തുക]വള്ളുവനാട്ടിലെ ഒരു സ്വരൂപിയാണ് മണ്ണാറക്കാട്ടു നായർ. മണ്ണ് + അറ + കാട് എന്നതായിരിക്കാം ദീർഘോച്ചാരണത്തിൽ മണ്ണാറക്കാട് ആവുന്നത്. എന്റെ നായാട്ടുടയ അനന്തരവൻ കണ്ടു കാർയ്യം എന്നാണ് വള്ളുവക്കോനാതിരി മണ്ണാറക്കാട്ടു നായരെ സംബോധന ചെയ്തിരുന്നത്.[3] ടിപ്പു സുൽത്താന്റെ അധിനിവേശത്തിന്റെയും 1921-ലെ മാപ്പിള ലഹളയുടെയും ചരിത്രമുണ്ട് മണ്ണാർക്കാടിന്. മണ്ണാർക്കാടിന്റെ മുൻപത്തെ ഭരണാധികാരി/ദശവാഴി മണ്ണാർക്കാട് മൂപ്പിൽ നായർ വള്ളുവക്കോനാതിരിയുടെ സാമന്തനായിരുന്നു.
ജനങ്ങൾ
[തിരുത്തുക]300,000-ത്തോളം ജനങ്ങളാണ് മണ്ണാർക്കാട് താലൂക്കിൽ താമസിക്കുന്നത്. കൃഷിയാണ് പ്രധാന വരുമാന മാർഗ്ഗം. റബ്ബർ, തേങ്ങ, അടക്ക (പാക്ക്), നേന്ത്രപ്പഴം, കുരുമുളക്, ജാതിക്ക, നെല്ല് എന്നിവയാണ് പ്രധാന കാർഷിക വിളകൾ. അമിതമായ രാസവള ഉപയോഗം കാരണം മണ്ണാർക്കാട്ടിലെ ജൈവ വ്യവസ്ഥയ്ക്ക് കോട്ടം തട്ടിയിരുന്നു. എങ്കിലും ഒരു പതിറ്റാണ്ടായി ജനങ്ങൾ ഇതിനെതിരെ ബോധവാന്മാരായി ജൈവ വളങ്ങൾ ഉപയോഗിച്ചത് പല ഉരഗ വർഗ്ഗങ്ങളും പൂമ്പാറ്റകളും നദീജല മത്സ്യങ്ങളും മറ്റ് ജീവജാലങ്ങളും വംശനാശത്തിന്റെ വക്കിൽ നിന്ന് തിരിച്ചുവരാൻ കാരണമായി.
മണ്ണാർക്കാട്ടെ ജനസംഘ്യയുടെ 20%-25% ജനങ്ങൾ ആണ് കാർഷിക വരുമാനത്തിന്റെ 70%-80%-വും ഉല്പാദിപ്പിക്കുന്നത്. 10% ജനങ്ങൾ കച്ചവടത്തിൽ ഏർപ്പെട്ടിരിക്കുന്നു. 65% ജനങ്ങളും ദാരിദ്ര്യരേഖയ്ക്ക് അടുത്തു നിൽക്കുന്നു. മണ്ണാർക്കാട് താലൂക്കിൽ 25 വില്ലേജുകളുണ്ട്. ഇന്ത്യയിലെ ആദ്യത്തെ കമ്പ്യൂട്ടർവത്കൃത റവന്യു താലൂക്ക് ഓഫീസാണിത്.
മണ്ണാർക്കാട് തെക്കേ ഇന്ത്യയിൽ എമ്പാടും നിന്ന് കുടിയേറ്റക്കാരെ ആകർഷിച്ചിട്ടുണ്ട്. ഇവിടെ മലയാളത്തിനു പുറമേ ചുരുക്കം ചില ആളുകൾ തെലുങ്ക്, കന്നഡ, തുളു, തമിഴ് തുടങ്ങിയ ഭാഷകൾ സംസാരിക്കുന്നു. റബ്ബർ കൃഷിക്കായി തെക്കൻ കേരളത്തിൽ നിന്നും ഒരുപാടുപേർ മണ്ണാർക്കാട്ടേയ്ക്ക് കുടിയേറിയിട്ടുണ്ട്. വള്ളുവനാട്, ഏറനാട്, അട്ടപ്പാടി ,പാലക്കാടൻ സംസ്കാരങ്ങളുടെ ഭാഷാശൈലിയുടെ സംഗമം കാണാവുന്നതാണ്.
കുന്തിപ്പുഴ, നെല്ലിപ്പുഴ എന്നീ നദികൾക്ക് ഇടയ്ക്കു കിടക്കുന്ന മണ്ണാർക്കാട് താഴ്വര അതിന്റെ പ്രകൃതി സൗന്ദര്യത്തിന് പ്രശസ്തമാണ്. സൈലന്റ് വാലി നിത്യഹരിത വനങ്ങളും അട്ടപ്പാടി ഹൈറേഞ്ചും മണ്ണാർക്കാടിന്റെ പ്രകൃതിസൗന്ദര്യത്തിന് മാറ്റുകൂട്ടുന്നു. വിനോദസഞ്ചാരത്തിനായി മലകയറുന്ന സാഹസികർക്ക് മണ്ണാർക്കാട് ഒരു പ്രധാന താവളമാണ്. സൈലന്റ് വാലിയിലേക്ക് പോകുന്നതിന് മണ്ണാർക്കാട് ഒരു നല്ല തുടക്കം ആണ്.
ഇന്ത്യയിലെ പുരാതന ഗോത്രവ൪ഗ്ഗങ്ങളായ മുതുഗ൪, ഇരുളർ എന്നിവ൪ അട്ടപ്പാടിയിലെ കുന്നുകളിൽ വസിക്കുന്നു. പ്രശസ്ത മലയാള സാഹിത്യകാരൻ മലയാറ്റൂർ രാമകൃഷ്ണന്റെ ‘പൊന്നി’ എന്ന നോവൽ മണ്ണാർക്കാട്ടെ ആദിവാസികളെക്കുറിച്ചാണ്.
മണ്ണാർക്കാട്ടെ ഏറ്റവും പ്രധാന ഉത്സവമാണ് മണ്ണാർക്കാട് പൂരം. എല്ലാ വർഷവും കുംഭമാസത്തിൽ ഉദയർകുന്നു ഭഗവതി ക്ഷേത്രത്തിലാണ് ഇത് ആഘോഷിക്കുന്നത്. ആഘോഷങ്ങളിൽ അട്ടപ്പാടിയിലെ ആദിവാസികളും പങ്കുചേരും.
മണ്ണാർക്കാട് നിന്നും ഒരു കിലോമീറ്റർ അകലെയാണ് നൊട്ടമല. അതിമനോഹരമായ കാഴ്ച ആരുടെയും മനം മയക്കും. നെല്ലിപ്പുഴ ജംക്ഷനിൽ നിന്നും അട്ടപ്പാടി റോഡ് പുറപ്പെടുന്നു. കോടതി പടി, ശിവൻകുന്ന് ആശുപത്രി പടി എന്നിവ നഗരകേന്ദ്രങ്ങളാണ്. MES ആണ് പ്രധാന കോളേജ് .
സമീപ പ്രദേശങ്ങൾ
[തിരുത്തുക]- കാഞ്ഞിരപ്പുഴ ഡാം - 15 കി.മീ.
- സൈലന്റ് വാലി നാഷണൽ പാർക്ക് - 43 കി.മീ.
- മലമ്പുഴ ഡാം - 40 കി.മീ.
- ടിപ്പു സുൽത്താൻ കോട്ട, പാലക്കാട് - 43 കി.മീ.
- മീൻ വല്ല൦ വെള്ളച്ചാട്ടം - 15 കി.മീ.
- പാത്രക്കടവ് - 10 കി.മീ.
- ശിരുവാണി ഡാം - 25 കി.മീ.
- അട്ടപ്പാടി - 24 കി.മീ.
പാലക്കാട് ജില്ലയിലെ മറ്റു താലൂക്കുകൾ
[തിരുത്തുക]അവലംബം
[തിരുത്തുക]- ↑ "Kerala (India): Districts, Cities and Towns - Population Statistics, Charts and Map".
- ↑ "The Kerala Official Language (Legislation) Act, 1969" (PDF). Archived from the original on 11 September 2014.
- ↑ എസ് രാജേന്ദു (2012). വള്ളുവനാട് ചരിത്രം പ്രാചീന കാലം മുതൽ എ. ഡി. 1792 വരെ. പെരിന്തൽമണ്ണ.
{{cite book}}: CS1 maint: location missing publisher (link)
പുറത്തേക്കുള്ള കണ്ണികൾ
[തിരുത്തുക] |
പാലക്കാട് ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
