അട്ടപ്പാടി

ഇംഗ്ലീഷ് വിലാസം

https://ml.wikipedia.org/wiki/Attappadi

അട്ടപ്പാടി
താലൂക്ക്
അട്ടപ്പാടി സംരക്ഷിത വഩമേഖല
Coordinates: 11°5′0″N 76°35′0″E
Country	ഇന്ത്യ
State	കേരളം
District	പാലക്കാട്
വിസ്തീർണ്ണം
• ആകെ	734.62 ച.കി.മീ. (283.64 ച മൈ)
ജനസംഖ്യ
• ആകെ	64,318
• ജനസാന്ദ്രത	88/ച.കി.മീ. (230/ച മൈ)
Languages
• Official	മലയാളം, ഇംഗ്ലീഷ്
സമയമേഖല	UTC+5:30 (IST)
വാഹന രജിസ്ട്രേഷൻ	KL-50
സമീപ നഗരം	കോയമ്പത്തൂർ (47 കി.മീ), പാലക്കാട് (75 കി.മീ)
വെബ്സൈറ്റ്	www.attappadi.com

Mukkali Junction, the entrance to the Silent Valley National Park

പ്രമാണം:Malleswaran.jpg

A view of the Malleswaran peak

The ticket office of Silent Valley National Park

കേരളത്തിൽ സഹ്യപർവതത്തിനരികത്തുള്ള ഒരു മലയോര താലൂക്കാണ് അട്ടപ്പാടി. പാലക്കാട് ജില്ലയിലാണ് അട്ടപ്പാടി എന്നറിയപ്പെടുന്ന പ്രദേശം സ്ഥിതിചെയ്യുന്നത്. അട്ടപ്പാടി താലൂക്ക് ആസ്ഥാനം അഗളിയിലാണ് സ്ഥിതി ചെയ്യുന്നത്. പാലക്കാട് ജില്ലാ ആസ്ഥാനത്ത് നിന്നും 75 കിലോമീറ്റർ വടക്ക് മാറിയാണ് അട്ടപ്പാടി താലൂക്കിൻ്റെ സ്ഥാഩം. തമിഴ്നാട്ടിലെ പ്രമുഖ നഗരമായ കോയമ്പത്തൂർ ഇവിടെ നിന്നും 47 കിലോമീറ്റർ മാത്രം അകലെയാണ്. അട്ടപ്പാടി താലൂക്കിൽ അഗളി, ഷോളയൂർ, പുതൂർ എന്നീ ഗ്രാമപ്പഞ്ചായത്തുകൾ (പാലക്കയം ഒഴികെ) ചേർത്ത് പൊതുവെ അറിയപ്പെടുന്ന പേരാണ് അട്ടപ്പാടി. അട്ടപ്പാടി ബ്ലോക്ക് പഞ്ചായത്തിൽ പാലക്കയം എന്ന പ്രദേശവും പെടുന്നുണ്ടെങ്കിലും ആ പ്രദേശം അട്ടപ്പാടി എന്നറിയപ്പെടുന്നില്ല. വളരെ പ്രസിദ്ധമായ സൈലൻറ് വാലി നാഷണൽ പാർക്ക് (നിശ്ശബ്ദതയുടെ താഴ് വര)സ്ഥിതി ചെയ്യുന്ന പ്രദേശമാണിത്. അട്ടപ്പാടിയിൽ ഉത്ഭവിച്ച് കിഴക്കോട്ട് ഒഴുകുന്ന ഭവാനിപ്പുഴയും പ്രസിദ്ധമാണ്. തമിഴ്നാട്ടിലെ ഏറ്റവും വലിയ രണ്ടാമത്തെ നദിയാണ് ഭവാനിപ്പുഴ.

അട്ടപ്പാടിയിലെ മുക്കാലി ജംഗ്ഷൻ

ഭാരതപ്പുഴയുടെ പ്രധാനപോഷകനദികളുടെ ഉത്ഭവസ്ഥാനം അട്ടപ്പാടി പ്രദേശമാണ്. നെല്ലിപ്പുഴ, കുന്തിപ്പുഴ എന്നിവയാണ് അവയിൽ പ്രധാനം. നിറയെ മുടിപ്പിൻ വളവുകളോടു കൂടിയ അട്ടപ്പാടി ചുരം റോഡ്, താഴ്വര എന്നിവ നയനാനന്ദം തരുന്നവയാണ്.

അട്ടപ്പാടിയിലേയ്ക്കുള്ള ചുരം റോഡ് മഞ്ഞുമൂടിയ നിലയിൽ

മണ്ണാർക്കാട് പട്ടണമാണ് അട്ടപ്പാടിയ്ക്ക് ഏറ്റവും അടുത്തുകിടക്കുന്ന പട്ടണം എങ്കിലും, അട്ടപ്പാടി നിവാസികൾക്ക് കോയമ്പത്തൂർ സമീപത്ത് തന്നെയാണുള്ളത്. മണ്ണാർക്കാട് നിന്നും പാലക്കാട് വഴിയല്ലാതെ കോയമ്പത്തൂർ പോകുവാനുള്ള ഒരു മാർഗ്ഗം കൂടിയാണിത്. മണ്ണാർക്കാട് പട്ടണത്തിൽ നിന്നും ഏതാണ്ട് 7 കി.മീ. പിന്നിട്ടു കഴിഞ്ഞാൽ അട്ടപ്പാടി ആരംഭിക്കുകയായി. ആനമൂളി എന്ന സ്ഥലമാണ് അട്ടപ്പാടിയുടെ തുടക്കം.

അട്ടപ്പാടിയിലെ ആദിവാസിമേഖലയിൽ കുന്നിൻമുകളിൽമാത്രം കണ്ടുവരുന്ന ഒരിനം ആടുകളാണ് അട്ടപ്പാടി ബ്ലാക്ക് ആട്. ഈ ആടുകൾക്ക് കറുത്ത നിറവും ചെമ്പൻ കണ്ണുകളും നീണ്ട കാലുകളുമാണ്. രോഗപ്രതിരോധശേഷി കൂടിയ ഈ ആടുകൾ ഇപ്പോൾ വംശനാശം നേരിട്ടുകൊണ്ടിരിക്കുകയാണ്.ആട്ടപാടിയിൽ കണ്ടുവരുന്ന ചില വന്യ മൃഗങളും പക്ഷികളും ആണ് കാട്ടുപന്നി,കേഴ മാൻ,കോഴി വേഴാംബൽ,കൂര മാൻ കൂടെ പച്ചിലപാറൻ എന്നുപറയുന്ന റാകൊഫൊറസ് മലബറികസ് തവള

ജനവിഭാഗം

അട്ടപ്പാടിയിലെ ജനതയുടെ ഭൂരിപക്ഷവും ഇപ്പോൾ കുടിയേറ്റ കർഷകരാണ്. ഉൾപ്രദേശങ്ങളും, വനാന്തർ ഭാഗങ്ങളും, സർക്കാർ-സർക്കാരിതര കോളനികളിലും മാത്രമായി ഇപ്പോൾ ആദിവാസികൾ കുറഞ്ഞിരിക്കുന്നു. തമിഴ്‌നാട്ടിൽ നിന്നു കുടിയേറിപ്പാർത്ത ഒരു ചെറിയ വിഭാഗം ജനങ്ങളും അട്ടപ്പാടിയിലുണ്ട്. പ്രധാനവരുമാനമാർഗ്ഗം കൃഷി തന്നെയാണ്. റബ്ബർ, കമുക്, വാഴ, കുരുമുളക്, കാപ്പി, തേയില, തുവര, കപ്പ, തുടങ്ങി എല്ലാവിധ കൃഷികളും ഇവിടെ ചെയ്തുവരുന്നു.

പ്രധാനപ്പെട്ട സ്ഥലങ്ങൾ

ആനമൂളി, മുക്കാലി, സൈലൻറ് വാലി, ചിണ്ടക്കി, കക്കുപ്പടി, കൽക്കണ്ടി, കള്ളമല, ജെല്ലിപ്പാറ, ഒമ്മല, മുണ്ടൻപാറ, സീങ്കര, പക്കുളം,താവളം, കൂക്കംപാളയം, കോട്ടത്തറ, ഗൂളിക്കടവ്, അഗളി, പാലൂർ, പുതൂർ, ആനക്കട്ടി (സംസ്ഥാന അതിർത്തി), ഷോളയൂർ, ചാവടിയൂർ, മുള്ളി, ചിറ്റൂർ, കുറവൻപാടി, തുടങ്ങിയവയാണ് പ്രധാനപ്പെട്ട സ്ഥലങ്ങൾ. ആദിവാസികളുടെ ആവാസകേന്ദ്രങ്ങൾ ഉള്ള ഉൾപ്രദേശങ്ങൾ വേറേയും ഉണ്ട്.

ഉത്സവങ്ങൾ

മല്ലീശ്വരൻ മുടി

ആദിവാസികൾ ഫെബ്രുവരി/മാർച്ച് കാലത്ത് ശിവരാത്രി മഹോത്സവം മല്ലീശ്വരക്ഷേത്രത്തിൽ കൊണ്ടാടുന്നു. ആദിവാസി ഗോത്രപൂജാരിമാർ മല്ലീശ്വരൻ മലയിൽ അന്നു രാത്രി വിളക്കുതെളിക്കുകയും, പൂജകൾ നടത്തുകയും ചെയ്യുന്നു.

എത്തിച്ചേരാനുള്ള വഴി

• പാലക്കാട് ജില്ലാ ആസ്ഥാനത്ത് നിന്നും ഏകദേശം 75 കിലോമീറ്റർ അകലെയാണ് അട്ടപ്പാടി താലൂക്ക് ആസ്ഥാനമായ അഗളി സ്ഥിതി ചെയ്യുന്നത്.
• അടുത്തുള്ള പട്ടണം മണ്ണാർക്കാട് - 38 കിലോമീറ്റർ അകലെ (അഗളിയിൽ നിന്നും)
• അടുത്തുള്ള വിമാനത്താവളം - കോയമ്പത്തൂർ (55 കി.മീ)
• അടുത്തുള്ള റെയിൽവേ സ്റ്റേഷൻ - കോയമ്പത്തൂർ (47 കി.മീ), പാലക്കാട് (70 കി.മീ)
• മണ്ണാർക്കാടുനിന്നും അതിർത്തി പ്രദേശമായ ആനക്കട്ടിയിലേക്ക് ധാരാളം ബസ്സുകളുണ്ട്. ആനക്കട്ടി എന്ന പ്രദേശം ഒരു ഭാഗം തമിഴ്നാടിനോട് ചേർന്നതും ഒരു ഭാഗം കേരളത്തിലുമായാണ് സ്ഥിതി ചെയ്യുന്നത്.
• മണ്ണാ‍ർക്കാടും അഗളിയിലും താമസ സൗകര്യം ലഭ്യമാണ്.

പട്ടിണിമരണങ്ങൾ

. 2012-2013 കാലയളവിലെ ഒരു കൊല്ലത്തിനിടയിൽ അട്ടപ്പാടിയിൽ 36 നവജാതശിശുക്കൾ മരിച്ചു.അട്ടപ്പാടിയിൽ പട്ടിണിമരണങ്ങൾ ഇപ്പോൾ ഇല്ല