ഡഗ്ലസ് ഏംഗൽബർട്ട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഡോ. ഡഗ്ലസ് സി. ഏംഗൽബർട്ട്
ജനനം (1925-01-30) ജനുവരി 30, 1925 (വയസ്സ് 91)
പോർട്ട്ലന്ഡ്, ഒറിഗൺ‍
മരണം 2 Jully 2013
മേഖലകൾ ഉപജ്ഞാതാവ്
സ്ഥാപനങ്ങൾ ബൂട്ട്സ്ട്രാപ് ഇൻസ്റ്റിറ്റ്യൂട്ട്
അറിയപ്പെടുന്നത് കമ്പ്യൂട്ടർ മൗസ്, ഹൈപ്പർടെക്സ്റ്റ്
പ്രധാന പുരസ്കാരങ്ങൾ നാഷണൽ മെഡൽ ഓഫ് ടെക്നോളജി, ലെമെൽസൺ-എം.ഐ.റ്റി. പ്രൈസ്, ടൂറിങ് അവാർഡ്, ലവ്‌ലേസ് മെഡൽ, നോർബർട്ട് വീനർ അവാർഡ് ഫോർ സോഷ്യൽ ആൻഡ് പ്രൊഫഷണൽ റെസ്പോൺസിബിലിറ്റി

ഇന്നത്തെ കമ്പ്യൂട്ടറുകളിലെ പ്രധാനപ്പെട്ട ഒരു ഇൻപുട്ട് ഡിവൈസ് ആയ മൗസ് കണ്ടുപിടിച്ച വ്യക്തിയാണ് ഡഗ്ലസ് ഏംഗൽബർട്ട് (Douglas Engelbart) (30 ജനുവരി 1925 – 02 ജൂലൈ 2013).[1]

ജീവിതരേഖ[തിരുത്തുക]

ഒറിഗോൺ സർവ്വകലാശാലയിൽ ഇലക്ട്രിക്കൽ എഞ്ചിനീയറിങ് പഠനത്തിനായി ചേർന്ന ഏംഗൽബർട്ടിനു പഠനം മുഴുമിപ്പിയ്ക്കാൻ ആയില്ല. രണ്ടാം ലോകയുദ്ധത്തിൽ പങ്കെടുക്കുന്നതിനു നാവിക സേനയിൽ ചേർന്നതിനെത്തുടർന്നാണിത്. തുടർന്ന് സൈന്യത്തിനു വേണ്ടി ഫിലിപ്പൈൻസിൽരണ്ടു വർഷം റഡാർ ടെക്നീഷ്യനായി പ്രവർത്തിയ്ക്കുകയാണുണ്ടായത്. കാലിഫോർണിയ സർവ്വകലാശാലയിൽ നിന്നു 1955 ൽ ഡോക്ടറേറ്റ് നേടിയ ഏംഗൽബർട്ട് അവിടെത്തന്നെ അദ്ധ്യാപകനായി ചേർന്നു. സ്റ്റാൻഫോർഡ് റിസർച്ച് ഇൻസ്റ്റിറ്റ്യൂട്ടിൽ ചേക്കേറിയ അദ്ദേഹം കമ്പ്യൂട്ടറുകളുമായി ബന്ധപ്പെട്ട് ഉപകരണങ്ങൾ വികസിപ്പിയ്ക്കുന്നതിലും, ഉപകരണങ്ങളുടെ വലിപ്പം കുറയ്ക്കുന്നതും സംബന്ധിച്ച ഗവേഷണങ്ങളിൽ പിന്നീട് മുഴുകി. രണ്ടു വർഷത്തിനിടെ ഒരു ഡസനിലധികം പേറ്റന്റുകൾ അദ്ദേഹം കരസ്ഥമാക്കുകയും ചെയ്തു. 1964 ൽ ആണ് മൗസിന്റെ ഒരു മാതൃക ഏംഗൽബർട്ട് സൃഷ്ടിച്ചെടുത്തത്. കമ്പ്യൂട്ടറുകളുടെ ഉപയോഗം എളുപ്പമാകുവാൻ മൗസ് വളരേയേറെ സഹായകമായി. ഷെയേർഡ് സ്ക്രീൻ ടെലികോൺഫറൻസിംഗ്, മൾട്ടിപ്പിൾ വിൻഡോസ്, കോണ്ടെസ്റ്റ് സെൻസിറ്റീവ് ഹെൽ‌പ്പ് എന്നിവയുടെ കണ്ടുപിടുത്തങ്ങൾ മറ്റു പ്രധാന സംഭാവനകളാണ്.[2] ഇദ്ദേഹം നടത്തിയ കണ്ടുപിടുത്തങ്ങൾ സമന്വയിപ്പിച്ചാണ് ആൾട്ടയർ എന്ന ആദ്യത്തെ പേഴ്സണൽ കമ്പ്യൂട്ടറിന്‌‍ രൂപം നൽകിയത്.‍[3]ഒരു കൈകൊണ്ട് പ്രവർത്തിപ്പിക്കാവുന്ന കോർഡൽ കീ ബോർഡ് രൂപകല്പന ചെയ്തതും ഏംഗൽബർട്ട് ആണ്.

ഇതും കാണുക[തിരുത്തുക]

അവലംബം[തിരുത്തുക]

  1. BBC News Online: The Man behind the Mouse
  2. http://www.sri.com/engelbart-event.html
  3. http://www.thocp.net/biographies/engelbart_douglas.html
"https://ml.wikipedia.org/w/index.php?title=ഡഗ്ലസ്_ഏംഗൽബർട്ട്&oldid=2354455" എന്ന താളിൽനിന്നു ശേഖരിച്ചത്