അഹമദ് യാസീൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
അഹമദ് യാസീൻ
2004 ന്റെ ആദ്യപാദത്തിൽ അഹമദ് യാസീൻ പലസ്തീനിലെ ഗാസയിൽ
ജനനംജൂൺ 28, 1937
മരണംമാർച്ച് 22, 2004(2004-03-22) (പ്രായം 66)

പലസ്തീൻ സംഘടനയായ ഹമാസിന്റെ സ്ഥാപക നേതാവും വിപ്ലവകാരിയായ പണ്ഡിതനുമായിരുന്നു ശൈഖ് അഹമദ് ഇസ്മയിൽ ഹസ്സൻ യാസീൻ (ജനനം:1937 ജൂൺ 28, മരണം:22 മാർച്ച് 2004). [1](അറബിക്: الشيخ أحمد إسماعيل حسن ياسين) അഹമദ് യാസീൻ എന്ന് വ്യാപകമായി അറിയപ്പെടുന്നു. ഇസ്ലാമിക പലസ്തീൻ അർദ്ധസൈനിക സംഘടനയും രാഷ്ട്രീയ പാർട്ടിയുമായ ഹമാസിന്റെ സ്ഥാപകനായിരുന്നു അദ്ദേഹം. [2][3][4][5][6]ആതുരശുശ്രൂഷാലയങ്ങൾ,വിദ്യാഭ്യാസ സ്ഥാപനങ്ങൾ,വായനശാലകൾ , മറ്റു സേവന പ്രവർത്തനങ്ങൾ എന്നിവയിലൂടെ പലസ്തീനിയൻ സമൂഹത്തിൽ ഇടം നേടിയ സംഘടനയാണ് ഹമാസ്. സംഘടനയുടെ ആത്മീയ നേതാവായി യാസിൻ പ്രവർത്തിച്ചു.

1937ജൂൺ 28ൻ ഇന്നത്തെ ഇസ്രയേൽ അധിനിവേശ പലസ്തീൻ നഗരമായ അശ്കലോണിലെ അൽജുറ ഗ്രാമത്തിലാണ് അഹ്മദ് ഇസ്മാഈൽ ഹസ്സൻ യാസീന്റെ ജനനം. 1952-ൽ യാസ്സീന്ന് 15 വയസ്സുള്ളപ്പോൾ കളിക്കൂട്ടുകാരനുമായുളള മൽപിടുത്തത്തിൽ യാസീന്റെ കഴുത്തിനു സാരമായി പരിക്കേറ്റു. ആ അപകടത്തെ തുടർന്ന് തലക്ക് കീഴെ ചലനമറ്റ ശരീരവുമായി ജീവിച്ച ശൈഖ് യാസീൻ വീൽചെയറിലായിരുന്നു മരണം വരെ. 2004 മാർച്ച് മാസത്തിലെ ഒരു പ്രഭാത നമസ്കാരം കഴിഞ്ഞ് വീൽചെയറിൽ മടങ്ങുന്ന ശൈഖ് അഹമദ് യാസീനെ മിസൈൽ ആക്രമണത്തിൽ ഇസ്രയേൽ സേന കൊലപ്പെടുത്തുകയായിരുന്നു.[7] ഈ ആക്രമണത്തിൽ ശൈഖ് യാസീന്റെ രണ്ട് അംഗരക്ഷകരും കൂടെയുണ്ടായിരുന്ന ഒമ്പത് ആളുകളും മരണപ്പെട്ടു. ശൈഖ് യാസീന്റെ കൊലപാതകം ഇസ്രേയേലിനെതിരെ കടുത്ത വിമർശനങ്ങൾ വിളിച്ചു വരുത്തി. സമധാന ശ്രമങ്ങളെ ഇത് പ്രതികൂലമായി ബാധിക്കാൻ കാരണമാകുമെന്ന് നിരീക്ഷകർ വിലയിരുത്തുകയുണ്ടായി. ശൈഖ് യാസീന്റെ മരണാനന്തര സംസകരണ ചടങ്ങിൽ 2 ലക്ഷത്തോളം പലസ്തീനികൾ പങ്കുകൊണ്ടു.[8]

അവലംബം[തിരുത്തുക]

  1. "Sheikh Ahmad Yassin". Jewish Virtual Library. 2004. Retrieved 6 April 2008. Ahmed Yassin's Palestinian passport listed his date of birth as 1 January 1929, but Palestinian sources listed his birth year as 1937 (other Western media reported it as 1938).
  2. Uschan, Michael V. (January 2006). Suicide Bombings in Israel and ... ISBN 978-0-8368-6561-5. Retrieved 11 June 2010.
  3. Charny, Israel W. (2007). Fighting suicide bombing: a ... ISBN 978-0-275-99336-8. Retrieved 11 June 2010.
  4. Berko, Anat (2007). The path to paradise: the inner ... ISBN 978-0-275-99446-4. Retrieved 11 June 2010.
  5. Costigan, Sean S.; Gold, David (26 April 2007). Terrornomics. ISBN 978-0-7546-4995-3. Retrieved 11 June 2010.
  6. Brookes, Peter (March 2007). A Devil's Triangle: Terrorism ... ISBN 978-0-7425-4953-1. Retrieved 11 June 2010.
  7. "The life and death of Shaikh Yasin". Al Jazeera. 27 March 2004. Archived from the original on 16 August 2007. Retrieved 7 August 2007.
  8. Prusher, Ilene R. Killing of Yassin a Turning Point. The Christian Science Monitor. 23 March 2004.


"https://ml.wikipedia.org/w/index.php?title=അഹമദ്_യാസീൻ&oldid=3501233" എന്ന താളിൽനിന്ന് ശേഖരിച്ചത്