വൈറസ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
||
|---|---|---|
 |
||
| വൈറസ് വര്ഗ്ഗീകരണം | ||
|
||
|
|
||
|
I: dsDNA viruses |
ഒരു ജീവകോശത്തിനുള്ളിലല്ലാതെ വളരാനോ പ്രത്യുത്പാദനം നടത്താനോ കഴിവില്ലാത്ത ജീവകണങ്ങളാണ് വൈറസുകള്. ആംഗലേയ ഭാഷയില് ഇത് Virus എന്നെഴുതുന്നു. ലത്തീനില് വിഷം എന്നാണ് ഈ പദത്തിനര്ഥം. സാധാരണ സൂക്ഷ്മദര്ശിനികളില് കൂടി ഇവയെ കാണാന് സാധ്യമല്ല. അറിയപ്പെടുന്ന ആദ്യത്തെ വൈറസ് 1899-ല് ബെയ്ജെറിങ്ക് (Martinus Beijerinck) കണ്ടെത്തിയ പുകയില മൊസെയ്ക്ക് വൈറസ് (Tobacco Mosaic Virus) ആണ്. ഇന്ന് 5000-ല് പരം വൈറസുകളെ കണ്ടെത്തിയിട്ടുണ്ട്. വൈറസുകളെ കുറിച്ച് പഠിക്കുന്ന ശാസ്ത്ര ശാഖയാണ് വൈറോളജി (virology).
രണ്ടോ മൂന്നോ ഭാഗങ്ങള് കൂടിച്ചേര്ന്നതാണ് വൈറസിന്റെ ശരീരം; ജനിതക വിവരങ്ങള് വഹിക്കുന്ന നീണ്ട തന്മാത്രകളായ ഡിഎന്എ (DNA), ആര്എന്എ (RNA) എന്നിവയിലൊന്നില് നിര്മ്മിതമായ ജീനുകള് എല്ലാ വൈറസുകളിലും കാണപ്പെടുന്നു; ആതിഥേയ കോശങ്ങള്ക്ക് വെളിയിലായിരിക്കുമ്പോള് ചില വൈറസുകളില് ഇതിന് കൊഴുപ്പ് കൊണ്ടുള്ള ഒരു ആവരണമുണ്ടായിരിക്കും. ഹെലിക്കല് മുതല് സങ്കീര്ണ്ണമുള്ളതുമായ വ്യത്യസ്തങ്ങളായ ആകൃതികളാണ് വൈറസുകള്ക്കുള്ളത്. ബാക്ടീരിയയുടെ നൂറിലൊന്ന് മാത്രം വലിപ്പമുള്ളവയാണ് ഇവ. വൈറസുകളുടെ ഉല്ഭവത്തെപ്പറ്റി ഇന്നു ഒരു വ്യക്തമായ ധാരണയില്ല: ചിലത് കോശങ്ങള്ക്കിടല് സഞ്ചരിക്കാന് സാധ്യമായ ഡിഎന്എ യുടെ പ്ലാസ്മിഡ് ഖണ്ഡങ്ങളില് നിന്ന് രൂപം കൊള്ളുന്നവയോ ബാക്ടീരിയകളില് നിന്ന് ഉല്ഭവിക്കുകയോ ചെയ്യുന്നു എന്ന് അനുമാനിക്കുന്നു.
വൈറസ് വിവിധങ്ങളായ രൂപങ്ങളില് പടരുന്നു; വ്യത്യസ്ത തരം വഴികളാണ് ഒരോ തരം വൈറസുകളും ഉപയോഗിക്കുന്നത്. ഉദാഹരണത്തിന് സസ്യങ്ങളിലെ നിരൂറ്റികുടിക്കുന്ന ഷഡ്പദങ്ങള് വഴി സസ്യങ്ങളിലെ വൈറസ് പടരുന്നു. ജന്തുക്കളില് രക്തക്കുടിക്കുന്ന ജീവികള് വഴിയും വൈറസ് പടരുന്നു. ഇത്തരം രോഗം വഹിക്കുന്ന ജീവികളെ വെക്ടറുകള് (vectors) എന്നാണ് വിളിക്കുന്നത്. ഫ്ലൂവിന് കാരണമാകുന്ന ഇന്ഫ്ലുവെന്സ വൈറസുകള് പരക്കുന്നത് തുമ്മല് ചീറ്റല് തുടങ്ങിയവയിലൂടെയും, നോറോവൈറസ്കള് ഉമിനീര്, കൈകള്, ഭക്ഷണം, വെള്ളം തുടങ്ങിയവയിലൂടെയും, റോട്ടാവൈറസുകള് കുട്ടികളുടെ പരസ്പര സംമ്പര്ക്കത്തിലൂടെയും, എച്ച്.ഐ.വി ലൈംഗീകബന്ധത്തിലൂടെയും പടരുന്നു.
എല്ലാ വൈറസുകളും രോഗത്തിന് കാരണകാരികളാറില്ല, ഒരുപാട് വൈറസുകള് അവ ബാധിച്ച ജീവിക്ക് ഹാനികരമാകാതെ തന്നെ പെരുകാറുമുണ്ട്. എച്ച്.ഐ.വി യെ പോലെയുള്ള ചില വൈറസ് ബാധ ജീവിതകാലം മുഴുവനോ അല്ലെങ്കില് വളരെ നീണ്ടകാലമോ നിലനില്ക്കുന്നവയാണ്, ആതിഥേയ ശരീരത്തിന്റെ പ്രതിരോധ സംവിധാനത്തെ മറികടന്ന് ഇവ പെരുകുകയും ചെയ്യും. ഇങ്ങനെയാണെങ്കിലും ജന്തുക്കളിലുണ്ടാകുന്ന വൈറസ് ബാധയ്ക്കെതിരെ ശരീരം ഉടനടി പ്രതിരോധിക്കാറുണ്ട്, ഇതുവഴി പൂര്ണ്ണമായും വൈറസിനെ നശിപ്പിച്ചെന്നും വരാം. വാക്സ്നിനുകള് നല്കിയും ഇങ്ങനെയുള്ള ശരീരത്തിന്റെ പ്രതിരോധത്തെ ഉണര്ത്തുവാന് കഴിയും, ഇത് ജീവിതകാലം മുഴുവന് ആ വൈറസ് ബാധക്കെതിരെയുള്ള ശരീരത്തിന്റെ പ്രതിരോധശേഷിക്കു കാരണമാകുന്നു. ബാക്ടിരിയയെ പോലുള്ള സൂക്ഷ്മജീവികള്ക്കും വൈറസ് ബാധക്കെതിരെയുള്ള പ്രതിരോധ സംവിധാനമുണ്ട്. ആന്റിബയോട്ടിക്കുകള് സാധാരണയായി വൈറസുകള്ക്കെതിരെ ഫലം കാണിക്കാറില്ല, പക്ഷെ ജീവിതകാലം മുഴുവനും നിലനില്ക്കുന്ന ബാധക്കെതിരെയുള്ള ഔഷധങ്ങള് വികസിപ്പിച്ചെടുക്കുവാന് കഴിഞ്ഞിട്ടുണ്ട്.
[തിരുത്തുക] ചരിത്രം
സൂക്ഷ്മ-ജൈവശാസ്ത്രഞ്ജനായ ചാള്സ് ചേമ്പര്ലാന്ഡ് 1884 ല് ഒരു ഫില്ട്ടര് കണ്ടുപിടിക്കുകയുണ്ടായി(അത് ഇന്ന് ചേമ്പര്ലാന്ഡ് അഥവാ ചേമ്പര്ലാന്ഡ്-പാസ്റ്റര് ഫില്ട്ടര് എന്നറിയപ്പെടുന്നു), ബാക്ടീരിയയേക്കാള് ചെറിയ സ്സുഷിരങ്ങളോട് കൂടിയതായിരുന്നു ഇത്, അതിനാല് ബാക്ടീരയയടങ്ങിയ ലായനി ഇതില് കൂടി കടത്തിവിട്ട് ലായനിയില് നിന്ന് ബാക്ടീരിയയെ പൂര്ണ്ണമായും ഒഴിവാക്കാന് ഇതിലൂടെ അദ്ദേഹത്തിന് കഴിഞ്ഞു. ഇപ്പോള് തിരിച്ചറിഞ്ഞ ടൊബാക്കൊ മൊസൈക് വൈറസുമായി 1892 ല് റഷ്യന് ജൈവശാസ്ത്രഞ്ജനായ ദിമിത്രി ഇവാനൊവ്സ്കി ഈ ഫില്ട്ടര് ഉപയോഗിച്ച് പരീക്ഷണത്തിലേര്പ്പെടുകയും, രോഗബാധയേറ്റ പുകയിലയുടെ സത്തിനെ ഇതിലൂടെ കടത്തിവിട്ടതിന് ശേഷവും ബാധ നിലനില്ക്കുന്നതായി അദ്ദേഹം മനസ്സിലാക്കുകയും ചെയ്തു. ബാക്ടീരിയയില് നിന്നുള്ള വിഷമായിരിക്കണം ഇതിന് കാരണം എന്നാണ് അന്നദ്ദേഹം സമര്ത്ഥിച്ചത്, പക്ഷെ അതിനെ വിശദീകരിക്കാന് അദ്ദേഹത്തിനായില്ല. ഫില്ട്ടറിലൂടെ കടന്ന് പോകുന്ന ഒരു പോഷണ മാധ്യമത്തിന് രോഗബാധ നിലനിര്ത്തുവാനുള്ള കഴിവുണ്ട് എന്നായിരുന്നു അന്നത്തെ രോഗങ്ങളുടെ രോഗാണു സിദ്ധാന്തം (germ theory of disease) അനുസരിച്ചുള്ള അനുമാനം. 1899 ല് ഇതേ പരീക്ഷണം ഡച്ച് സൂക്ഷമ-ജൈവശാസ്ത്രഞ്ജനായ മാര്ട്ടിനസ് ബീജറിക്ക് ആവര്ത്തിക്കുകയും അദ്ദേഹം ഇത് രോഗബാധയ്ക്ക് കാരണമാകുന്ന മറ്റൊരു രൂപമാണ് എന്ന നിഗമനത്തിലെത്തിച്ചേരുകയും ചെയ്തു. കോശവിഭജനം വഴി അത് സ്വയം പെരുകുന്നതായി നിരീക്ഷണത്തിലൂടെ അദ്ദേഹത്തിന് മനസ്സിലാക്കാന് സാധിച്ചെങ്കിലും അതിന്റെ ഘടന മനസ്സിലാക്കാന് കഴിഞ്ഞിരുന്നില്ല. അതിനെ അദ്ദേഹം കൊണ്ടാജിയം വൈവം ഫ്ലൂഡിയം (ലയിക്കാന് കഴിവുള്ള രോഗാണു) എന്ന് വിളിക്കുകയും പിന്നീട് വൈറസ് എന്ന പദം ഉപയോഗിക്കുകയും ചെയ്തു. ബീജറിക്ക് വൈറസിന് ദ്രാവക രൂപമാണ് എന്നായിരുന്നു കരുതിയിരുന്നത്, പിന്നീട് വെന്ഡെല് സ്റ്റാന്ലിയാണ് ഇത് വ്യക്തമായ ആകൃതിയുള്ളതാണ് എന്ന് തിരിച്ചറിഞ്ഞത്. അതേ വര്ഷം (1899) ഫ്രീഡ്രിച്ച് ലിയോഫ്ലെറും ഫ്രോഷും കാലിന്റെയും വായയുടേയും രോഗബാധയെ (അഫ്തോവൈറസ്, aphthovirus) സമാന ഫില്ട്ടറിലൂടെ കടത്തിവിടുകയും ഉയര്ന്ന സാന്ദ്രതയില് ബാധ നിലനിക്കുന്നതായി കണ്ടെത്തുകയും ചെയ്തു; അത്വഴി അതിന് പെരുകുവാനുള്ള കഴിവുണ്ടെന്ന് മനസ്സിലാകുകയും ചെയ്തു.
ഇരുപതാം നൂറ്റാണ്ടിന്റെ തുടക്കത്തില് ഇംഗ്ലീഷ് ബാക്ടീരിയൊലോജിസ്റ്റായ ഫ്രെഡെറിക്ക് വോര്ട്ട് (Frederick Twort) ബാക്ടീരിയകളെ വൈറസ് ബാധിക്കുമെന്ന് കണ്ടെത്തുകയുണ്ടായി, ഇങ്ങനെയുള്ളവയെ ബാക്ടീരിയീഫെയ്ജസ് എന്നാണ് വിളിക്കുന്നത്. അത്പോലെ അഗറില് വളരുന്ന ബാക്ടീരിയകളോടൊപ്പം വൈറസിനെ ചേര്ത്താല് ബാക്ടീരിയകള് നശിപ്പിക്കപ്പെടുന്ന മേഖലകള് ഉണ്ടാകുന്നു എന്ന് ഫ്രഞ്ച്-കനേഡിയന് സൂക്ഷ്മ-ജൈവശാസ്ത്രഞ്ജനായ ഫെലിക്സ് ഡി'ഹെരെല്ലെ വിവരിക്കുകയുണ്ടായി. അദ്ദേഹം വൈറസുകളുടെ സാന്ദ്രമായ ലായനി സൂക്ഷ്മമായി വേര്തിരിച്ചെടുത്തു, ഇതില് മുഴുവന് ബക്ടീരിയകളും നശിപ്പിക്കപ്പെടാതെ അവ നശിപ്പിക്കപ്പെട്ട ആവര്ത്തിച്ചുള്ള ഭാഗങ്ങളാണുള്ളതെന്നും തെളിയുകയുണ്ടായി. സാന്ദ്രതാ ഘടകങ്ങളുടെയും ഇത്തരം മേഖലകളുടെ എണ്ണത്തിന്റെയും ഗുണനഫലം അവയിലടങ്ങിയിരിക്കുന്ന വൈറസുകളുടെ എണ്ണം മനസ്സിലാക്കാന് അദ്ദേഹത്തിനെ സഹായിച്ചു.
[തിരുത്തുക] വൈറസുകളുടെ പട്ടിക
പ്രധാനപെട്ട ഏതാനും വൈറസുകളുടെ പേരുകളാണ് ചുവടെ ചേര്ത്തിരിക്കുന്നത്. ഇംഗ്ലീഷ് വിക്കിയിലുള്ള സമ്പൂര്ണ പട്ടികയ്ക്ക് ഇവിടെ അമര്ത്തുക.
- അഡിനോ വൈറസ് ( Adeno Virus)
- എയിഡ്സ് വൈറസ് (AIDS Virus)
- ആല്ഫാ വൈറസ് (Alphavirus)
- ആര്ബോ വൈറസ് (Arbovirus)
- അറീനാ വൈറസ് (Arenavirus)
- ബര്ക്കിറ്റ്'സ് ലിംഫോമ വൈറസ്
- ചിക്കന് പോക്സ് വൈറസ് (Chickenpox virus))
- ചിക്കുന് ഗുനിയ വൈറസ്(Chikungunya Virus)
- കോമണ് കോള്ഡ് വൈറസ് (Common cold Virus)
- കോക്സ്സാക്കി വൈറസ് (Coxsackie virus)
- ഡെങ്കി വൈറസ് (Dengue Virus)
- എബോളാ വൈറസ്
- എന്റെറോ വൈറസ്
- എപ്സ്റ്റീന്- ബാര് വൈറസ് (Epstein-Barr virus)
- ഹെപ്പറ്റൈറ്റിസ് - എ വൈറസ്
- ഹെപ്പറ്റൈറ്റിസ് - ബി വൈറസ്
- ഹെപ്പറ്റൈറ്റിസ് - സി വൈറസ്
- ഹെപ്പറ്റൈറ്റിസ് - ഡി (ഡെല്റ്റ) വൈറസ്
- ഹെപ്പറ്റൈറ്റിസ് - ഇ വൈറസ്
- ഹെപ്പറ്റൈറ്റിസ് - എഫ് വൈറസ്
- ഹെപ്പറ്റൈറ്റിസ് - ജി വൈറസ്
- ഹെര്പ്പിസ് സിമ്പ്ലെക്സ് വൈറസ്
- ഹെര്പ്പിസ് സോസ്റ്റര് വൈറസ്
- ഹ്യൂമന് പാപ്പിലോമ വൈറസ്
- ഇന്ഫ്ലുവെന്സ- എ വൈറസ്
- ഇന്ഫ്ലുവെന്സ- ബി വൈറസ്
- ജാപ്പനീസ് എന്സെഫലൈറ്റിസ് വൈറസ്
- പാപ്പോവ വൈറസ്
- പാരാഇന്ഫ്ലുവെന്സ വൈറസ്
- പാര്വോ വൈറസ്
- പൈകോര്ണാ വൈറസ്
- പോളിയോ വൈറസ്
- റാബീസ് വൈറസ്
- റിയോവൈറസ്
- റിട്രോ വൈറസ്
- റാബ്ഡോ വൈറസ്
- റൈനോ വൈറസ്
- റോട്ടാ വൈറസ്
- റുബെല്ല വൈറസ്
- സാര്സ് വൈറസ്
- സ്മോള് പോക്സ് (വസൂരി) വൈറസ്
- പുകയില മൊസൈക് വൈറസ്
- വേരിസെല്ല സോസ്റ്റര് വൈറസ്
- വെസ്റ്റ് നൈല് വൈറസ്
- യെല്ലോ ഫീവര് വൈറസ്
[തിരുത്തുക] പദത്തിന്റെ മറ്റ് അര്ത്ഥങ്ങള്
- കമ്പ്യൂട്ടര് വൈറസ് - ഉപദ്രവകാരിയായ ഒരു തരം കമ്പ്യൂട്ടര് പ്രോഗ്രാം.
- മൊബൈല് വൈറസ് - ഉപദ്രവകാരിയായ ഒരു തരം സെല് ഫോണ് പ്രോഗ്രാം
 |
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
