ലയേഴ്സ് ഡൈസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Liar's Dice (film) എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ലയേഴ്സ് ഡൈസ്
ചലച്ചിത്രത്തിന്റെ ഔദ്യോഗിക പോസ്റ്റർ
സംവിധാനംഗീതു മോഹൻദാസ്
നിർമ്മാണംഅലൻ മക്അലക്സ്
അജയ് റായ്
രചനഗീതു മോഹൻദാസ്
അഭിനേതാക്കൾഗീതാഞ്ജലി ഥാപ്പ
നവാസുദ്ദീൻ സിദ്ദിഖി
മന്യ ഗുപ്ത
വിക്രം ഭഗ്ര
മുരാരി കുമാർ
സംഗീതംജോൺ ബോസ്റ്റേഴ്സ്
ഛായാഗ്രഹണംരാജീവ് രവി
ചിത്രസംയോജനംബി. അജിത്കുമാർ
സ്റ്റുഡിയോജാർ പിക്ചേഴ്സ്
റിലീസിങ് തീയതി
രാജ്യംഇന്ത്യ
ഭാഷഹിന്ദി
സമയദൈർഘ്യം104 മിനിറ്റുകൾ

2013 - ൽ ഗീതു മോഹൻദാസ് സംവിധാനം ചെയ്ത് ഹിന്ദി ഭാഷയിൽ പുറത്തിറങ്ങിയ യാത്ര പ്രമേയമായി വരുന്ന (റോഡ് മൂവീ വിഭാഗം) ഒരു ചലച്ചിത്രമാണ് ലയേഴ്സ് ഡൈസ്. ഗീതാഞ്ജലി ഥാപ്പ, നവാസുദ്ദീൻ സിദ്ദിഖി എന്നിവരാണ് ഈ ചലച്ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിച്ചിരിക്കുന്നത്. ഒറ്റപ്പെട്ട ഗ്രാമത്തിൽ നിന്ന് മധ്യവയസ്കയായ ഒരു അമ്മ, തന്റെ ഭർത്താവിന്റെ അന്വേഷിച്ച് യാത്ര ചെയ്യുന്നത് അവർ കാണാതാവുകയും ചെയ്യുന്നതാണ് ഈ ചലച്ചിത്രത്തിന്റെ പ്രമേയം. മനുഷ്യരുടെ നഗരങ്ങളിലേക്കുള്ള കുടിയേറ്റത്തിന്റെ ഫലങ്ങളെക്കുറിച്ചും കുടിയേറിപ്പാർക്കുന്ന തൊഴിലാളികളുടെ ചൂഷണത്തെക്കുറിച്ചും ഈ ചലച്ചിത്രം ചർച്ച ചെയ്യുന്നു.

ഗീതു മോഹൻദാസ് സംവിധാനം ചെയ്ത ആദ്യത്തെ ഫീച്ചർ ചലച്ചിത്രമാണ് ലയേഴ്സ് ഡൈസ്. ഇതിനുമുൻപ് 2008 - ൽ കേൾക്കുന്നുണ്ടോ എന്ന പേരിൽ ഗീതു മോഹൻദാസ് സംവിധാനം ചെയ്ത ഹ്രസ്വചിത്രത്തിന് വളരെ വലിയ തോതിൽ അനുകൂല പ്രതികരണങ്ങൾ ലഭിച്ചിരുന്നു. 2013 - ലെ മുംബൈ ചലച്ചിത്രോത്സവത്തിലാണ് ലയേഴ്സ് ഡൈസ് ആദ്യമായി പ്രദർശിപ്പിച്ചത്. ഇന്ത്യൻ ചലച്ചിത്രങ്ങളുടെ മത്സരവിഭാഗത്തിലായിരുന്നു അന്ന് ഈ ചലച്ചിത്രം പ്രദർശിപ്പിച്ചത്. 2014 ജനുവരിയിൽ സൺഡൻസ് ചലച്ചിത്രോത്സവത്തിലും റോട്ടർഡാം അന്താരാഷ്ട്ര ചലച്ചിത്രോത്സവത്തിലും ലയേഴ്സ് ഡൈസ് പ്രദർശിപ്പിക്കപ്പെട്ടിരുന്നു. സോഫിയ അന്താരാഷ്ട്ര ചലച്ചിത്രോത്സവത്തിൽ പ്രത്യേക ജൂറി പുരസ്കാരവും ചിത്രത്തിന് ലഭിച്ചു.

ഇന്ത്യയുടെ 61 - മത് ദേശീയ ചലച്ചിത്ര പുരസ്കാര വേളയിൽ ലയേഴ്സ് ഡൈസിലെ അഭിനയത്തിന് ഗീതാഞ്ജലി ഥാപ്പയ്ക്ക് മികച്ച നടിയ്ക്കുള്ള ദേശീയ പുരസ്കാരവും രാജീവ് രവിയ്ക്ക് മികച്ച ഛായാഗ്രാഹകനുള്ള ദേശീയ പുരസ്കാരവും ലഭിക്കുകയുണ്ടായി. 87 - മത് അക്കാദമി പുരസ്കാരത്തിന് ലയേഴ്സ് ഡൈസ് ഇന്ത്യയിൽ നിന്ന് ഔദ്യോഗികമായി ശുപാർശ ചെയ്യപ്പെട്ടെങ്കിൽ അന്തിമ പട്ടികയിൽ ഇടം നേടിയില്ല.

അഭിനയിച്ചവർ[തിരുത്തുക]

പുരസ്കാരങ്ങൾ[തിരുത്തുക]

  • 61-ാമത് ദേശീയ ചലച്ചത്ര പുരസ്കാരം
    • മികച്ച നടിയ്ക്കുള്ള ദേശീയ ചലച്ചിത്ര പുരസ്കാരം - ഗീതാഞ്ജലി ഥാപ്പ
    • മികച്ച ഛായാഗ്രാഹകനുള്ള ദേശീയ ചലച്ചിത്ര പുരസ്കാരം - രാജീവ് രവി
  • സോഫിയ അന്താരാഷ്ട്ര ചലച്ചിത്രോത്സവം, 2014
    • പ്രത്യേക ജൂറി പുരസ്കാരം
  • NYIFF 2014
    • മികച്ച നടി - ഗീതാഞ്ജലി ഥാപ്പ
    • അന്താരാഷ്ട്ര മത്സര വിഭാഗത്തിൽ മികച്ച ചിത്രം
  • പെസാരോ അന്താരാഷ്ട്ര ചലച്ചിത്രോത്സവം, 2014
    • മികച്ച ചിത്രം
  • ഗ്രനാഡ സൈൻസ് ഡെൽസർ ചലച്ചിത്രോത്സവം
    • ബ്രോൺസ് അൽഹംബ്ര പുരസ്കാരം

അവലംബം[തിരുത്തുക]

പുറം കണ്ണികൾ[തിരുത്തുക]

"https://ml.wikipedia.org/w/index.php?title=ലയേഴ്സ്_ഡൈസ്&oldid=3210405" എന്ന താളിൽനിന്ന് ശേഖരിച്ചത്