സെന്റ് തോമസ് സീറോ മലബാർ കത്തോലിക്കാ പള്ളി, മലയാറ്റൂർ

ഇംഗ്ലീഷ് വിലാസം

https://ml.wikipedia.org/wiki/Malayattoor_Church

വി. തോമാശ്ലീഹാ തീർത്ഥാടനപള്ളി
മലയാറ്റൂർ വി. തോമാശ്ലീഹാ സീറോ-മലബാർ തീർത്ഥാടനപള്ളി
വി. തോമാശ്ലീഹാ തീർത്ഥാടനപള്ളി മലയാറ്റൂർ സീറോ-മലബാർ കത്തോലിക്കാ പള്ളിയുടെ സ്ഥാനം കേരളത്തിൽ
10.216°N 76.509°E / 10.216; 76.509
സ്ഥാനം	Ernakulam, Kerala
രാജ്യം	India
ക്രിസ്തുമത വിഭാഗം	Syro-Malabar Catholic
വെബ്സൈറ്റ്	www.malayattooronline.com

ദേവാലയത്തിന്റെ ഉൾഭാഗം

ക്രിസ്തുവിന്റെ ശിഷ്യനായ തോമാശ്ലീഹായുടെ നാമധേയത്തിൽ മലയാറ്റൂർ മലയിൽ സ്ഥാപിക്കപ്പെട്ടിട്ടുള്ള നസ്രാണി ദേവാലയമാണ് വി. തോമാശ്ലീഹാ തീർത്ഥാടനപള്ളി. കൊച്ചിയിൽ നിന്ന് 47കി.മീ. അകലെയുള്ള ഈ സീറോ മലബാർ കത്തോലിക്കാ ദേവാലയം സമുദ്രനിരപ്പിൽ നിന്ന് 1269 അടി ഉയരത്തിലാണ് സ്ഥിതി ചെയ്യുന്നത്. ഓരോ വർഷവും മലയാറ്റൂർ പെരുന്നാളിന് ആയിരക്കണക്കിനു തീർത്ഥാടകർ എത്തിച്ചേരുന്നു. മലകയറ്റമാണ് തീർത്ഥാടനത്തിലെ പ്രധാനഘടകം. അന്താരാഷ്ട്ര തീർത്ഥാടനകേന്ദ്രമായി കത്തോലിക്കാസഭ ഇതിനെ പ്രഖ്യാപിച്ചിട്ടുണ്ട്.

ചരിത്രം

ക്രൈസ്തവ സഭാ ചരിത്രത്തിൽ വളരെയധികം പ്രധാന്യമുള്ള ദേവാലയമാണ് മലയാറ്റൂർ പള്ളി. AD 52ൽ ഭാരതത്തിലെത്തിയ തോമാശ്ലീഹ മലയാറ്റൂർ മലയിൽ വരികയും ദിവസങ്ങളോളം പ്രാർത്ഥനയിൽ മുഴുകിയിരിക്കുകയും ചെയ്തു എന്നു വിശ്വസിക്കപ്പെടുന്നു. മലയാറ്റൂർ മലയിൽ ഇന്നുള്ളതിൽ വച്ച് ഏറ്റവും കൂടുതൽ പഴക്കം ഉള്ള ചാപ്പൽ ഏകദേശം 500 വർഷം പഴക്കമുള്ളതാണ്.

മലയാറ്റൂർ പഴയപള്ളി

ആന കുത്തിയ പള്ളി എന്നറിയപ്പെടുന്ന മലയാറ്റൂർ പഴയപള്ളി AD 1595ൽ സ്ഥാപിക്കപ്പെട്ടതാണ്. 1968 വരെ മലയാറ്റൂർ മല നിബിഡ വനമായിരുന്നു. അന്ന് ആനകൾ കുത്തി ഈ പള്ളിയുടെ പിൻഭാഗത്ത് സാരമായ നാശ നഷ്ടങ്ങൾ വരുത്തിയിരുന്നു. പിന്നീട് കേടുപാടുകൾ നീക്കിയെങ്കിലും ആനകൾ കുത്തിയ ഭാഗം ഇന്നും അതുപോലെ സൂക്ഷിച്ചിട്ടുണ്ട്.

പുതിയ പള്ളി

പഴയ പള്ളിയോടു ചേർന്നായാണ് പുതിയ പള്ളി നിർമ്മിച്ചിരിക്കുന്നത്. ഈ പള്ളിയിലാണ് ആരാധനകൾ നടക്കുന്നത്. പഴയപള്ളി ആനകുത്തിയ പള്ളി എന്നപേരിൽ സംരക്ഷിച്ചിരിക്കുന്നു.

പൊൻ കുരിശ്

അതീവ ദുഃഖിതനായി ദിവസങ്ങളോളം പ്രാർത്ഥനയിൽ മുഴുകിയിരുന്ന തോമാശ്ലീഹ പാറയിൽ തൊട്ടപ്പോൾ പൊൻ കുരിശ് ഉയർന്നു വന്നുവെന്നാണ് ഐതിഹ്യം. ഇപ്പോൾ സ്ഥാപിച്ചിട്ടുള്ള വലിയ പൊൻ കുരിശ് ഇതിന്റെ പ്രതീകമായാണ് നിലകൊള്ളുന്നത്.

മലയാറ്റൂർ പെരുനാൾ

കന്നി തുലാം സന്ധിയ്ക്ക് ശേഷം (മാർച്ച് 21) വരുന്ന ശുക്ലപക്ഷത്തിലെ രണ്ടാം ശനിയാഴ്ചയാണ്  മലയാറ്റൂർ പെരുനാൾ . അതുകൊണ്ട് തന്നെ ഉത്സവം സാധാരണയായി ഏപ്രിൽ മാസത്തിലോ അല്ലെങ്കിൽ മാർച്ച് അവസാനവാരമോ ആണ് വരാറുള്ളത്. തുടർന്നുള്ള ഞായറാഴ്ചയാണ് ഒക്ടേവ് (എട്ടാം പെരുനാൾ) ആഘോഷിക്കുന്നത്.

ചിത്രശാല

• 
  പെരിയാറിലേക്കൂള്ള കവാടം
• 
  പൊൻ കുരിശ്
• 
  ST. Thomas Church, Kurishumudi
• 
  മലയാറ്റൂർ പള്ളി
• 
  പുതിയ പള്ളിയും പഴയ പള്ളിയും
• 
  മലകയറുകയും ഇറങ്ങുകയും ചെയ്യുന്ന തീർത്ഥാടകർ
• 
  കുരിശുമുടി
• 
  കല്ലേൽ പള്ളി
• 
  കല്ലേൽ പള്ളി
• 
  മണപ്പാട്ടുചിറ
• 
• 
  ചിറ മറ്റൊരു ദൃശ്യം
• 

പുറത്തേക്കുള്ള കണ്ണികൾ

• Thomas The Apastole
• malayattoorkurisumudy.in Archived 2011-07-21 at the Wayback Machine

അവലംബം

• കേരളടൂറിസം.org Archived 2010-08-22 at the Wayback Machine