റാണി പത്മിനി (നടി)
റാണി പത്മിനി | |
|---|---|
| മരണം | 15 ഒക്ടോബർ 1986 |
| മരണ കാരണം | Homicide |
| തൊഴിൽ | Actress |
| സജീവ കാലം | 1981–1986 |
| Parent(s) | Chaudri Indirakumari |
1980 കളിൽ മലയാള, തമിഴ്, കന്നഡ, തെലുങ്ക് ചിത്രങ്ങളിലെ പ്രമുഖ അഭിനേത്രിയായിരുന്നു റാണി പത്മിനി'. അഭിനയ പ്രാധാന്യമുള്ള വേഷങ്ങളിലും ഗ്ലാമറസ് വേഷങ്ങളിലും ഒരേപോലെ അവർ ശ്രദ്ധനേടി. ജോൺപോളിന്റെ തിരക്കഥയിൽ എ. രഘുനാഥ് നിർമ്മിച്ചു മോഹൻ സംവിധാനം ചെയ്ത കഥയറിയാതെ'യാണ് റാണി പത്മിനിയുടെ ആദ്യ ചലച്ചിത്രം. 1981 മാർച്ച് 12-നു ചിത്രം റിലീസായി. സോമൻ, സുകുമാരൻ, ശ്രീവിദ്യ എന്നിവരോടൊപ്പം തുല്യ പ്രാധാന്യമുള്ള ഒരു കഥാപാത്രത്തെയായിരുന്നു ചിത്രത്തിൽ അവർ അവതരിപ്പിച്ചത്.[1] തുടർന്ന് തേനും വയമ്പും, തുഷാരം, സംഘർഷം, താറാവ്, പറങ്കിമല എന്നിങ്ങനെ അതേവർഷം പുറത്തിറങ്ങിയ ശ്രദ്ധേയത നേടിയ പല ചലച്ചിത്രങ്ങളിലും അവർ അഭിനയിച്ചു. അഗസ്റ്റിൻ പ്രകാശ് സംവിധാനം ചെയ്ത് 1982-ൽ പുറത്തിറങ്ങിയ 'ആശ' എന്ന ചിത്രത്തിലും എ. ഷെറീഫ് സംവിധാനം ചെയ്ത് 1983-ൽ പുറത്തിറങ്ങിയ 'നസീമ' എന്ന ചിത്രത്തിലും ടൈറ്റിൽ കഥാപാത്രങ്ങളെ അവതരിപ്പിച്ചത് റാണി പത്മിനിയാണ്. ഇവ കൂടാതെ അനുരാഗക്കോടതി, ആക്രോശം, വിധിച്ചതും കൊതിച്ചതും, ഇനിയങ്കിലും, ലൂർദ്ദ് മാതാവ്, അതിരാത്രം, കടമറ്റത്തച്ചൻ, കൃഷ്ണാ ഗുരുവായൂരപ്പാ, അക്കരെ, ഇടനിലങ്ങൾ, ജീവൻറെ ജീവൻ തുടങ്ങി അൻപതോളം മലയാള ചലച്ചിത്രങ്ങളിൽ അഭിനയിച്ചു.[2]
സ്വകാര്യ ജീവിതം
[തിരുത്തുക]മദ്രാസിലെ അണ്ണ നഗറിൽ ചൗദ്രിയുടേയും ഇന്ദിരകുമാരിയുടേയും മകളായി ജനിച്ചു. മാതാപിതാക്കൾക്ക് അവൾ ഏകമകളായിരുന്നു.[3] അവൾക്ക് ഒരു സഹോദരനും സഹോദരിയും ഉണ്ട് എന്നും കാണുന്നു.[4]
മരണം
[തിരുത്തുക]ചെന്നൈയിലെ അണ്ണാനഗറിൽ സ്വന്തമായി വാങ്ങിയ ആറ് മുറികളുള്ള ഒരു ആഡംബര ബംഗ്ലാവിലാണ് അമ്മയോടൊപ്പം താമസിച്ചിരുന്നത്.നടി ഒരു പത്രത്തിൽ പാചകക്കാരനെയും, വാച്ച്മാനെയും, ഡ്രൈവറെയും തേടി പരസ്യം നൽകിയിരുന്നു.
1986 ഒക്ടോബർ 19 ന് ഉച്ചകഴിഞ്ഞ്, അണ്ണാനഗർ വെസ്റ്റിലെ 18-ാം മെയിൻ റോഡിലുള്ള ഒരു ബംഗ്ലാവിൽ, 22 വയസ്സുള്ള ദക്ഷിണേന്ത്യൻ നടി റാണി പത്മിനിയെയും 46 വയസ്സുള്ള അമ്മ ഇന്ദിരാ കുമാരിയെയും (Indira Kumari) കൊല്ലപ്പെട്ട നിലയിൽ കണ്ടെത്തി. ഇരുനില വീടിന്റെ കിടപ്പുമുറിയോട് ചേർന്നുള്ള കുളിമുറിയിലാണ് അഴുകിയ മൃതദേഹങ്ങൾ കണ്ടെത്തിയത്. ഉച്ചകഴിഞ്ഞ് 3.30 ഓടെ ഒരു റിയൽ എസ്റ്റേറ്റ് ഏജന്റും സുഹൃത്തും മുൻവാതിൽ അകത്ത് നിന്ന് പൂട്ടിയിരിക്കുന്നതായി കണ്ടെത്തിയതോടെ, കാർ ഷെഡിന് സമീപം ചെന്ന് പിൻവാതിൽ തുറന്ന് അടുക്കളയിലൂടെ വീട്ടിലേക്ക് കയറിയപ്പോഴാണ് കൊലപാതകം പുറത്തറിഞ്ഞത്. കൊള്ളയടിക്കപ്പെട്ട കിടപ്പുമുറിയും മറ്റും കണ്ട് അവർ തിരുമംഗലം പോലീസ് സ്റ്റേഷനിൽ വിവരം അറിയിച്ചു. ഒരു പോലീസ് സംഘം സ്ഥലത്തെത്തി മൃതദേഹങ്ങൾ പരിശോധിച്ചു.
അന്വേഷണത്തിൽ കണ്ടെത്തിയ വിവരങ്ങൾ പ്രകാരം ഷൂട്ടിംഗ് കഴിഞ്ഞ് വീട്ടിലേക്ക് മടങ്ങുമ്പോൾ, ഡ്രൈവർ എന്തോ കാരണത്താൽ അവരുടെ കവിളിൽ അടിച്ചു. നടി ഉടൻ തന്നെ അയാളെ അവിടെനിന്ന് പുറത്താക്കി. പ്രതികാരദാഹിയായ ഡ്രൈവർ, നടിയുടെ വീട് കൊള്ളയടിക്കാൻ പാചകക്കാരനും വാച്ച്മാനുമായി ഒരു പദ്ധതി തയ്യാറാക്കിയതായി പറയപ്പെടുന്നു. 1986 ഒക്ടോബർ 15 ന്[5] രാവിലെ റാണി പത്മിനിയുടെ ഡ്രൈവർ ജെബരാജ്, കാവൽക്കാരൻ ലക്ഷ്മി നരസിംഹൻ എന്ന കുട്ടി, പാചകക്കാരൻ ഗണേശൻ എന്നിവർ ചേർന്ന് അമ്മ ഇന്ദിരകുമാരിയെ കത്തികൊണ്ട് ആക്രമിച്ച് കൊലപ്പെടുത്തി. അമ്മയുടെ നിലവിളി കേട്ട റാണി പത്മിനി അന്വേഷണത്തിന് വന്നെങ്കിലും പുരുഷന്മാർ അവരെ കീഴടക്കുകയും അവരുടെ നെഞ്ചിൽ 17 തവണ കുത്തി കൊലപ്പെടുത്തി. മൂന്നുപേരെയും അറസ്റ്റ് ചെയ്ത് ജീവപര്യന്തം തടവിന് ശിക്ഷിച്ചു. റാണി പത്മിനിയുടെ കൊലപാതകം തമിഴ്നാട്ടിലും കേരളത്തിലും കോളിളക്കം സൃഷ്ടിച്ചിരുന്നു. റാണി പത്മിനിയുമായി അടുത്ത ബന്ധം പുലർത്തിയിരുന്ന ഒരു ഉന്നത വ്യക്തിയെ സംരക്ഷിക്കാനാണ് മൂന്ന് പേരെ അറസ്റ്റ് ചെയ്തതെന്നാണ് ആരോപണം.[6]
ഫിലിമോഗ്രാഫി
[തിരുത്തുക]തമിഴ്
[തിരുത്തുക]- പട്ടം പടവി (1981)
- ക്രോദം (1982)
- കടുവുള്ളുകു കാരുധാം (1982)
- കനവുഗൽ കർപനഗൽ (1982)
- പക്കാട്ടു വീട്ടു റോജ (1982)
- വില്ലിയനൂർ മാത്ത (1983)
- നിരപരാധി (1984)
മലയാളം
[തിരുത്തുക]- ഭീകരൻ (1988).... Suma
- വമ്പൻVamban (1987)
- കരിനാഗം (1986)
- അന്നൊരു രാവിൽ (1986)
- ഇടനിലങ്ങൾ (1985)..... Subhadra
- ഉയർത്തെഴുന്നേൽപ്പ് (1985)
- അക്കച്ചീടെ കുഞ്ഞുവാവ (1985)
- അക്കരെ (Soorya Rekha) (1984) .... Valsala
- ഇതാ ഇന്നുമുതൽ (1984) .... Nimmy
- കിളിക്കൊഞ്ചൽ (1984)
- കൃഷ്ണ ഗുരുവായുരപ്പാ (1984)...Sharada
- നിഷേധി (1984) .... Ajitha
- കടമറ്റത്തച്ഛൻ (1984 film) (1984) .... Bivathu
- അമ്മേ നാരായണാ (1984) .... Naanikutty (Yakshi)
- മനസ്സേ നിനക്കു മംഗളം (1984) .... Geetha
- അതിരാത്രം (1984) .... Naseema
- ഈ യുഗം (1983).... Madhavi
- ഈറ്റപ്പുലി (1983) .... Hema
- നസീമ (Thamburu) (1983) .... Naseema
- ഇനിയെങ്കിലും (1983).... Rekha
- ബന്ധം (1983) .... Sharmila
- കുയിലിനെത്തേടി (1983) .... Chithra Thampatti
- ഹിമവാഹിനി (1983) ... Sainaba
- നിഴൽ മൂടിയ നിറങ്ങൾ (1983) .... Leela
- ഭീമൻ (1982)
- ശരം (1982) .... Anitha
- വിധിച്ചതും കൊതിച്ചതും (Kasthoori) (1982) .... Usha
- അനുരാഗക്കോടതി (1982) .... Mini
- അക്രോശം (1982) .... Rekha
- ആ ദിവസം (1982)
- മരുപ്പച്ച (1982).... Rani
- Aasha(1982) .... Neena Cheriyan
- കഥയറിയാതെ(1981) .... Usha
- Parankimala (1981)
- തുഷാരം (1981) .... Shobha
- താറാവ് (1981) .... Kaarthu
- തേനും വയമ്പും (1981) .... Aasha
- സംഘർഷം (1981) .... Lekha
കന്നഡ
[തിരുത്തുക]- അനുരക്തെ (1980)
പരാമർശങ്ങൾ
[തിരുത്തുക]- ↑ m3db കഥയറിയാതെ
- ↑ m3db റാണി പത്മിനിഅഭിനയിച്ച ചിത്രങ്ങൾ
- ↑ https://www.mangalam.com/news/detail/343727-mangalam-special-death-aniversari-rani-padmini.html
- ↑ https://nettv4u.com/celebrity/hindi/movie-actress/rani-padmini
- ↑ "Rani Padmini murder case: High court orders release of life convict".
- ↑ "State Of Tamil Nadu vs Kutty @ Lakshmi Narasimhan on 10 August, 2001". Malayalam Movie Database. Retrieved 11 March 2011.
ബാഹ്യ ലിങ്കുകൾ
[തിരുത്തുക]- ഇന്റർനെറ്റ് മൂവി ഡാറ്റാബേസിൽ നിന്ന് റാണി പത്മിനി
- എം.എസ്.ഐയിൽ റാണി പത്മിനി Archived 2019-11-16 at the Wayback Machine