പടിഞ്ഞാറൻ പാകിസ്താനിലെ ബലൂചിസ്ഥാനിലെബ്രഹൂയികൾ അഥവാ ബ്രോഹികൾ സംസാരിക്കുന്ന ഒരു ഭാഷയാണ്ബ്രഹൂയി(Brahui, ഉർദു: بروہی) അഥവാ ബ്രാവി Bravi ഉർദു:براوِ ). ഇത് ഒരു ദ്രാവിഡ ഭാഷയാണു്. ദ്രാവിഡഭാഷാകുടുംബത്തിൽ ഇന്ത്യയ്ക്ക് പുറത്ത് സംസാരിക്കപ്പെടുന്ന ഏക ഭാഷയും ഇതാണു്‌. കൂടുതലായും മുസ്ലീമുകൾ സംസാരിക്കുന്ന ഭാഷയാണിത്. ഇറാനിയൻ ഭാഷകൾ, പശ്തോ, സിന്ധി, ബലൂചി എന്നീ ഭാഷകളുടെ സ്വാധീനം ഈ ഭാഷയ്ക്കുണ്ട്[1]. പുരാതനകാലത്ത് ദ്രാവിഡന്മാർ ഉത്തരേന്ത്യയിലാണ് വസിച്ചിരുന്നതെന്നതിനും സിന്ധൂ നദീതട സംസ്കാരം ഒരു ദ്രാവിഡ സംസ്കാരമായിരുന്നു എന്നതിനും തെളിവായി ചരിത്രകാരന്മാർ ഈ ഭാഷയെയാണ് ചൂണ്ടിക്കാട്ടുന്നത്.
