കേരളത്തിലെ വെള്ളപ്പൊക്കം (2019)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
2019-ൽ കേരളത്തിലുണ്ടായ പ്രളയം
IN-KL.svg
തിയതിഓഗസ്റ്റ് 2019 (2019-08) – present
സ്ഥലംകേരളം, ഇന്ത്യ
കാരണംന്യൂനമർദ്ദം
അതിവൃഷ്ടി
ഉരുൾപൊട്ടൽ
മരണങ്ങൾAt least 43 dead [1]
Property damageTo be estimated
വെബ്സൈറ്റ്www.keralarescue.in
അങ്കമാലിയിൽ വെള്ളം കയറി മുങ്ങിയ ഒരു റോഡ്

2019 ഓഗസ്റ്റ് മാസം തെക്കുപടിഞ്ഞാറൻ കാലവർഷക്കാലത്ത് ഉയർന്ന അളവിൽ മഴ പെയ്തതിന്റെ ഫലമായാണ് 2019-ലെ കേരള വെള്ളപ്പൊക്ക ദുരന്തം സംഭവിച്ചത്. [2]അതിശക്തമായ മഴയെത്തുടർന്ന് കേരളത്തിലെ മിക്ക ജില്ലകളിലും വെള്ളപ്പൊക്കവും മലയോര മേഖലകളിൽ ഉരുൾപൊട്ടലുമുണ്ടായി. നൂറുകണക്കിന് ആളുകളെ സുരക്ഷിത സ്ഥലങ്ങളിലേക്കും ദുരിതാശ്വാസ ക്യാമ്പുകളിലേക്കും മാറ്റി. [1][3]അണക്കെട്ടുകളിലെ ജലനിരപ്പ് ക്രമാതീതമായി ഉയർന്നതോടെ അവയുടെ ഷട്ടറുകൾ തുറന്നുവിട്ടത് വെള്ളപ്പൊക്കത്തിന്റെ ആഘാതം വർദ്ധിപ്പിച്ചു. 2018 ജൂലൈ-ഓഗസ്റ്റ് മാസങ്ങളിൽ തെക്കുപടിഞ്ഞാറൻ കാലവർഷകാലത്ത് ഉയർന്ന അളവിൽ മഴ പെയ്തതിന്റെ ഫലമായായി വൻനാശനഷ്ടമുണ്ടാക്കിയിരുന്നു., അതിൽ 450 ൽ അധികം ആളുകൾ മരിക്കുകയും ചെയ്തിരുന്നു.[4][5]

കാരണങ്ങൾ[തിരുത്തുക]

നദികളിലെയും മറ്റ് ജലാശയങ്ങളിലെയും ജലനിരപ്പ് ഉയരുന്നതിനൊപ്പം തുടർച്ചയായ മഴയും കേരളത്തിന്റെ പല ഭാഗങ്ങളിലും വെള്ളപ്പൊക്കത്തിന് കാരണമായി.[6][7]

ആഘാതം[തിരുത്തുക]

2019 ഓഗസ്റ്റ് 8 ലെ കണക്കനുസരിച്ച് കേരളത്തിലെ അഞ്ച് ജില്ലകളിലുണ്ടായ വെള്ളപ്പൊക്കത്തിൽ 22 പേർ മരിച്ചു. കേരളത്തിന്റെ വിവിധ ഭാഗങ്ങളിൽ ഉണ്ടായ വെള്ളപ്പൊക്കത്തിൽ 22165 ലധികം പേരെ നേരിട്ട് ബാധിച്ചു. 1326 ദുരിതാശ്വാസ ക്യാമ്പുകളിലേക്ക് 2.51 ലക്ഷം ആളുകളെ മാറ്റി.[1] 2019 ഓഗസ്റ്റ് 9 ന് 09:00 (IST) വരെ പ്രളയബാധിത കൊച്ചി അന്താരാഷ്ട്ര വിമാനത്താവളത്തിന്റെ പ്രവർത്തനം എയർപോർട്ട് അധികൃതർ നിർത്തിവച്ചു.[1]2019 ഓഗസ്റ്റ് 10 ലെ കണക്കുപ്രകാരം 47 പേർ വെള്ളപ്പൊക്കത്തിൽ മരിച്ചു. രണ്ട് ദിവസത്തിനിടെ 80 പ്രദേശങ്ങളിൽ മണ്ണിടിച്ചിലുണ്ടായതായി പ്രധാനമന്ത്രി പറയുകയുണ്ടായി. അവരുടെ കീഴിൽ മണ്ണിനടിയിൽപ്പെട്ട നിരവധി പേരെ രക്ഷപ്പെടുത്തിയിരുന്നു. ദുരന്തത്തിൽ രക്ഷാപ്രവർത്തനങ്ങൾ ഇടപെടുന്നതിനാൽ ഇത് ഇപ്പോഴും ഒരു നിർണായക സാഹചര്യമാണ്. വയനാട്, മലപ്പുറം, കോഴിക്കോട്, കണ്ണൂർ, പാലക്കാട്, തൃശ്ശൂർ, എറണാകുളം ജില്ലകളാണ് പ്രളയക്കെടുതി സാരമായി ബാധിച്ച ജില്ലകൾ. 2019 ഓഗസ്റ്റ് 12 ലെ കണക്കനുസരിച്ച് കേരള സംസ്ഥാനത്തൊട്ടാകെയുള്ള വെള്ളപ്പൊക്കത്തിൽ 91 പേർ മരിച്ചിരുന്നു. 2019 ഓഗസ്റ്റ് 19ലെ കണക്കനുസരിച്ച് കേരള സംസ്ഥാനത്ത് വെള്ളപ്പൊക്കം മൂലം 121 പേർ മരിച്ചു.[8]ഓഗസ്റ്റ് 8 നും 19 നും ഇടയിൽ 1,789 വീടുകൾ പൂർണമായും തകർന്നതായും ഭാഗികമായി തകർന്ന വീടുകളുടെ എണ്ണം 14,542 ആണെന്നും കേരള സ്റ്റേറ്റ് ഡിസാസ്റ്റർ മാനേജ്മെന്റിന്റെ കണക്കുകൾ വ്യക്തമാക്കുന്നു.[9]

അവലോകനം[തിരുത്തുക]

കാലവർഷക്കെടുതിയിൽ സംസ്ഥാനത്ത് ചെറുതും വലുതുമായ 65 ഉരുൾപൊട്ടലുകൾ ആണുണ്ടായത്. കേരള ദുരന്തനിവാരണ അതോറിറ്റിയുടെ പ്രാഥമിക വിവരശേഖരമുപയോഗിച്ച് കേരള സ്റ്റേറ്റ് റിമോട്ട് സെൻസിങ് ആൻഡ് എൻവയൺമെന്റ് സെന്റർ (കെഎസ്ആർഇസി) തയ്യാറാക്കിയ ഭൂപടമാണ് ദുരന്തത്തിന്റെ ഭീകരത വ്യക്തമാക്കുന്നത്. ആദ്യ കണക്കെടുപ്പനുസരിച്ച് ഏറ്റവുമധികം ഉരുൾപൊട്ടലുകളുണ്ടായത് (18 എണ്ണം) പാലക്കാട് ജില്ലയിലാണ്. രണ്ടാമത് (11 എണ്ണം) മലപ്പുറമാണ്.[10]

  • മലപ്പുറം - 11
  • പാലക്കാട് - 18
  • കോഴിക്കോട് - 8
  • കണ്ണൂർ - 6
  • തൃശ്ശൂർ - 2
  • ഇടുക്കി - 6
  • വയനാട് - 10
  • എറണാകുളം - 2
  • കോട്ടയം - 2

രക്ഷാപ്രവർത്തനം[തിരുത്തുക]

കേരള സംസ്ഥാന ദുരന്ത നിവാരണ അതോറിറ്റി, കേരള പോലീസ്, ഇന്ത്യൻ വ്യോമസേന, സിവിലിയന്മാർ, സന്നദ്ധപ്രവർത്തകർ, തീരദേശ കേരളത്തിൽ നിന്നുള്ള മത്സ്യത്തൊഴിലാളികൾ എന്നിവർ പ്രളയബാധിത പ്രദേശങ്ങളിലെ രക്ഷാപ്രവർത്തനങ്ങളിൽ സജീവമായി പങ്കെടുക്കുന്നു.[11]എന്നിരുന്നാലും, കനത്ത മഴയും മണ്ണിടിച്ചിലുമുള്ള പ്രതികൂല കാലാവസ്ഥ വയനാട്, കോഴിക്കോട്, മലപ്പുറം ജില്ലകളിലെ മലയോര മേഖലകളിലെ രക്ഷാപ്രവർത്തനത്തെ തടസ്സപ്പെടുത്തുന്നു.[11]ദുരിതാശ്വാസ പ്രവർത്തനങ്ങളിൽ പങ്കെടുക്കാൻ കരസേന, നേവി, വ്യോമസേന, തീരസംരക്ഷണ സേന എന്നിവയുടെ 173 ടീമുകൾക്ക് പുറമേ 83 ദേശീയ ദുരന്ത പ്രതികരണ സേന (എൻ‌ഡി‌ആർ‌എഫ്) ടീമുകളെ കൂടി വിന്യസിച്ചു.[12]

പുത്തുമലയിൽ ഉരുൾപൊട്ടലുണ്ടായ സ്ഥലത്തു രാഹുൽ ഗാന്ധി സന്ദർശനം നടത്തുകയും ദുരന്തബാധിതർ താമസിക്കുന്ന മേപ്പാടിയിലെ ക്യാംപ് സന്ദർശിക്കുകയും ചെയ്തിരുന്നു.[13]

ദുരിതാശ്വാസവും ധനസഹായവും[തിരുത്തുക]

Landslip location in Kavalappara where 37 people feared died and 22 people are missing

പേമാരി ബാധിച്ച എല്ലാ കുടുംബങ്ങൾക്കും 10,000 രൂപ വീതം അടിയന്തര ധനസഹായം ഏർപ്പെടുത്തി. വീടുകൾ പൂർണമായും തകർന്നതോ വാസയോഗ്യമല്ലാത്തതോ ആയവർക്ക് 4 ലക്ഷം രൂപയും വീടുകൾ നഷ്ടപ്പെട്ടവർക്ക് 10 ലക്ഷം രൂപയും നൽകുമെന്ന് മുഖ്യമന്ത്രിയുടെ മന്ത്രിസഭാ യോഗം അറിയിച്ചു.[1]

ഇവകൂടി കാണുക[തിരുത്തുക]

അവലംബങ്ങൾ[തിരുത്തുക]

  1. 1.0 1.1 1.2 1.3 "Kerala rains live updates: Cochin International Airport suspends operations till 9 a.m." The Hindu. 2019-08-08. ശേഖരിച്ചത് 2018-08-08.
  2. "Kerala flood: Heavy rains, landslides wreak havoc in state; red alert issued in 4 districts". Business Today. 2019-08-08. ശേഖരിച്ചത് 2018-08-08.
  3. "Kerala sees heavy rains: many areas flooded, hundreds shifted to relief camps". The News Minute. 2019-08-08. ശേഖരിച്ചത് 2018-08-08.
  4. "Selected Abstracts from the 3rd National Conference of the Society of Fetal Medicine, 1–3 August, 2014, Kochi, Kerala (India)". Journal of Fetal Medicine. 1 (4): 159–173. 2014-12. doi:10.1007/s40556-015-0033-3. ISSN 2348-1153. Check date values in: |date= (help)
  5. "Death toll soars in India monsoon floods". BBC News (ഭാഷ: ഇംഗ്ലീഷ്). 2018-08-16. ശേഖരിച്ചത് 2018-08-17.
  6. "Kerala floods: incessant rain floods Nilambur region". The Hindu. 2019-08-08. ശേഖരിച്ചത് 2018-08-08.
  7. "Kerala floods: water levels likely to rise at Periyar, Muvattupuzha rivers". The Hindu. 2019-08-08. ശേഖരിച്ചത് 2018-08-08.
  8. DelhiAugust 19, India Today Web Desk New; August 19, 2019UPDATED:; Ist, 2019 13:15. "Death toll in flood-hit Kerala rises to 121, 40 injured". India Today (ഭാഷ: ഇംഗ്ലീഷ്). ശേഖരിച്ചത് 2019-08-22.
  9. "Kerala Floods 2019: 121 dead, 1,789 Houses Collapsed". NewsClick (ഭാഷ: ഇംഗ്ലീഷ്). 2019-08-20. ശേഖരിച്ചത് 2019-08-21.
  10. "ഇൗ കാലവർഷം സംസ്ഥാനത്ത് 65 ഉരുൾപൊട്ടൽ; കൂടുതൽ പാലക്കാട്ട്". ManoramaOnline. ശേഖരിച്ചത് 2019-08-18.
  11. 11.0 11.1 "Kerala rains live updates: death toll touches 22, CM says arrangements in place to tackle any emergency".
  12. "83 NDRF teams dispatched for flood relief, rescue in four states, says MHA".
  13. https://www.manoramaonline.com/news/latest-news/2019/08/13/kerala-rain-havoc-august-13-live-update.html. Missing or empty |title= (help)