ഒളിമ്പിക് ദേശീയോദ്യാനം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Olympic National Park
Ruby Beach, low tide (7747054478).jpg
Map showing the location of Olympic National Park
Map showing the location of Olympic National Park
Location of Olympic National Park
സ്ഥാനം ജെഫേർസ്സൺ, ക്ലാലം, മേസൺ, ഗ്രേയ്സ് ഹാർബർ കൗണ്ടികൾ, വാഷിങ്ടൺ, യു.എസ്
സമീപ നഗരം പോർട് ഏഞ്ചൽസ്
വിസ്തീർണ്ണം 922,650 ഏക്കർ (373,380 ഹെ)[1]
സ്ഥാപിതം June 29, 1938
സന്ദർശകർ 2,966,502 (in 2011)[2]
ഭരണസമിതി നാഷണൽ പാർക് സെർവീസ്
തരം: പാരിസ്ഥിതികം
മാനദണ്ഡം: vii, ix
നാമനിർദ്ദേശം: 1981 (5th session)
നിർദ്ദേശം. 151
State Party:  അമേരിക്കൻ ഐക്യനാടുകൾ
Region: Europe and North America

യുഎസ്എ യിലെ ഒളിമ്പിക് ഉപദ്വീപ് പ്രദേശത്ത് വാഷിംഗ്ടൺ സംസ്ഥാനത്തിൽ സ്ഥിതിചെയ്യുന്ന ഒരു ദേശീയോദ്യാനമാണ് ഒളിമ്പിൿ (ഇംഗ്ലീഷിൽ: Olympic National Park). 1909ൽ അമെരിക്കൻ പ്രസിഡന്റായിരുന്ന തിയോഡാർ റൂസ്വെൽറ്റിന്റെ കാലത്താണ് ഒളിമ്പിക് പർവ്വതത്തിന് ദേശീയ സ്മാരക പട്ടികയിൽ ഉൾപ്പെടുത്തിയത്. 1938 ജൂൺ 29ന് പ്രസിഡന്റ് ഫ്രാങ്ക്ലിൻ.ഡി.റൂസ്വെൽറ്റ് ഒളിമ്പികിനെ ദേശീയോദ്യാനമായി പ്രഖ്യാപിച്ചു. 1976-ൽ ഈ വനമേഖലയ്ക്ക് അന്താരാഷ്ട്ര ജൈവ മണ്ഡലം എന്ന പദവിയും കരസ്ഥമായി. പിന്നീട് 1988-ൽ യുനെസ്കോയുടെ ലോകപൈതൃക പദവിയും ലഭിച്ചു.

ഒളിമ്പിക് ദേശീയോദ്യാനത്തിലെ ഭൂപ്രകൃതിയെ പ്രധാനമായും നാലായി തിരിക്കാം:

  1. പസഫിൿ തീരപ്രദേശം
  2. ആൽപൈൻ പ്രദേശം(alpine areas)
  3. മിതോഷ്ണമേഖലാ മഴക്കാടുകൾ(temperate rainforest)
  4. കിഴക്കൻ വനപ്രദേശങ്ങൾ

വനത്തോട് നിരച്ചേർന്ന് നിൽക്കുന്ന മണൽ പരപ്പാർന്ന കടൽത്തീരവും ചേരുന്ന ഭൂപ്രകൃതി ഇവുടത്തെ ഒരു പ്രത്യേകതയാണ്. ഹോഹ്, ക്വിലീറ്റ് എന്നീ നദികൾ ഈ ദേശീയോദ്യാനത്തിലൂടെ ഒഴുകി അഴിമുഖത്ത് പതിക്കുന്നു. ഇവിടത്തെ കടൽതീരത്തിന് 97 കിലോമീറ്ററോളം നീളമുണ്ട്, പക്ഷെ വീതി താരതമ്യേന കുറവാണ്.

ഒളിമ്പസ് പർവ്വതം

ഒളിമ്പിൿ നാഷണൽ പാർക്കിന്റെ പരിധിക്കുള്ളിൽ സ്ഥിതിചെയ്യുന്ന ഒരു പർവ്വതനിരയാണ് ഒളിമ്പിൿ പർവ്വതനിര. ദേശീയോദ്യാനത്തിന് ഈ പേര് ലഭിച്ചതും ഒളിമ്പിൿ പർവ്വതത്തിൽനിന്നാണ്. വളരെ വലിപ്പമുള്ളതും പുരാതനവുമായ ഹിമാനികൾ നിറഞ്ഞ സാനുക്കളാണ് ഒളിമ്പിക്കിലേത്. ഈ മലനിരകളിലെ ഏറ്റവും ഉയരം കൂടിയ കൊടുമുടിയാണ് ഒളിമ്പസ് കൊടുമുടി(Mount Olympus). ഇതിന് 7,965 അടി(2,428 മീറ്റർ) ഉയരമുണ്ട്. ഹോഹ് ഹിമാനിയാണ് ഈ പർവ്വതത്തിലെ ഒരു പ്രത്യേകത. ഈ മഞ്ഞുപാളിക്ക് ഏകദേശം 5 കിലോമീറ്ററോളം നീളമുണ്ട്! ഹോഹ് നദിയുടെ പ്രഭവസ്ഥാനവും ഈ ഹിമാനിയാണ്.

ദേശീയോദ്യാനത്തിന്റെ പടിഞ്ഞാറുഭാഗത്ത് മിതോഷ്ണ മഴക്കാടുകളാണ്. ഹോഹ് മഴക്കാടുകളും ക്വിനോൾട്(Quinault Rain Forest) മഴക്കടുകളും ഇതില്പ്പെടുന്നു. പ്രതിവർഷം ശരാശരി 150 ഇഞ്ച് (380 cm) മഴ ഇവിടെ ലഭിക്കുന്നു. വടക്ക്പടിഞ്ഞാറൻ പസഫിൿ മേഖലയിലുള്ള ഈ മഴക്കറ്റുകളിൽ മറ്റുള്ളവയെ അപേക്ഷിച്ച് വളരെയധികം സ്തൂപാഗ്ര മരങ്ങൾ(coniferous trees) കണ്ടുവരുന്നു ദേശീയോദ്യാനത്തിന്റെ കിഴക്കൻ പ്രദേശത്തുള്ള താഴ്വരകളിലും വനങ്ങൾ ഉണ്ട്. എന്നാലിവ മറ്റുള്ളവയെ അപേക്ഷിച്ച് വരണ്ട പ്രദേശമാണ്. ദേശീയോദ്യാനത്തിന്റെ വടക്കു കിഴക്കൻ പ്രദേശം ഒരു മഴനിഴൽ പ്രദേശമാണ്.

അസാമാന്യമായ സസ്യ-ജന്തുക്കളും ഇവിടെ കണ്ട് വരുന്നു. ദേശീയോദ്യാനത്തിന്റെ പസഫിൿ സമുദ്രാതിർത്തിയിൽ തിമിംഗിലങ്ങൾ, ഡോൾഫിനുകൾ, കടൽ സിംഹങ്ങൾ, സീ ഓട്ടർ തുടങ്ങിയ ജീവികളെ കാണാം. വിവിധ വർണ്ണത്തിലും ആകൃതിയിലുമുള്ള അകശേരുകികളായ നിരവധി ചെറുജീവികളേയും ഇവിടെ കാണപ്പെടുന്നു. കാലലോച്ച്(Kalaloch Beach), റൂബി തുടങ്ങിയ കടൽത്തീരങ്ങൾ ഈ ദേശീയോദ്യാനത്തിലെ പ്രധാന ആകർണങ്ങളാണ്.

ചിത്രശാല[തിരുത്തുക]


Panoramic view of the Olympic National Park as seen from the Hurricane Ridge visitor center
ഒളിമ്പിക് നാഷണൽ പാർക്കിലെ ഹറിക്കേൻ റിഡ്ജിൽനിന്നുള്ള ഒരു വിശാല ദൃശ്യം.

അവലംബം[തിരുത്തുക]

  1. "Listing of acreage as of December 31, 2011". Land Resource Division, National Park Service. ശേഖരിച്ചത് 2012-03-07. 
  2. "Five Year Annual Recreation Visits Report". Public Use Statistic Office, National Park Service. ശേഖരിച്ചത് 2012-03-07. 

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=ഒളിമ്പിക്_ദേശീയോദ്യാനം&oldid=2552555" എന്ന താളിൽനിന്നു ശേഖരിച്ചത്