അയാളും ഞാനും തമ്മിൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
അയാളും ഞാനും തമ്മിൽ

പോസ്റ്റർ
സംവിധാനം ലാൽ ജോസ്
നിർമ്മാണം പ്രേം പ്രകാശ്
രചന ബോബി-സഞ്ജയ്
അഭിനേതാക്കൾ
സംഗീതം ഔസേപ്പച്ചൻ
ഗാനരചന ശരത് വയലാർ
ഛായാഗ്രഹണം ജോമോൻ ടി. ജോൺ
ചിത്രസംയോജനം രഞ്ജൻ എബ്രഹാം
സ്റ്റുഡിയോ പ്രകാശ് മൂവി ടോൺ
വിതരണം സെഞ്ച്വറി ഫിലിംസ്
റിലീസിങ് തീയതി 2012 ഒക്ടോബർ 19[1]
രാജ്യം ഇന്ത്യ
ഭാഷ മലയാളം

ലാൽ ജോസ് സംവിധാനം ചെയ്ത് പൃഥ്വിരാജ് നായകനായി 2012 ഒക്ടോബർ 19-നു് പുറത്തിറങ്ങിയ മലയാളചലച്ചിത്രമാണ് അയാളും ഞാനും തമ്മിൽ. ബോബി-സഞ്ജയ് ചിത്രത്തിന്റെ തിരക്കഥ രചിച്ചിരിക്കുന്നു. പ്രകാശ് മൂവി ടോണിന്റെ ബാനറിൽ പ്രേം പ്രകാശാണ് ചിത്രം നിർമ്മിക്കുന്നത്. വയലാർ ശരത്ചന്ദ്രവർമ്മ രചിച്ച ഗാനങ്ങൾക്ക് ഔസേപ്പച്ചൻ സംഗീതം നൽകിയിരിക്കുന്നു. ലാൽ ജോസും ഔസേപ്പച്ചനും ഇതാദ്യമായണ് സിനിമയിൽ ഒരുമിച്ച് പ്രവർത്തിക്കുന്നത്.[1] നരേൻ, പ്രതാപ് പോത്തൻ, കലാഭവൻ മണി, റിമ കല്ലിങ്കൽ, സംവൃത സുനിൽ, രമ്യ നമ്പീശൻ എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.

ചിത്രത്തിന്റെ സംവിധാനത്തിന് ലാൽജോസിന് 2012-ലെ മികച്ച സംവിധായകനുള്ള പുരസ്കാരം ലഭിച്ചു[2].

അഭിനേതാക്കൾ[തിരുത്തുക]

നിർമ്മാണം[തിരുത്തുക]

പ്രകാശ് മൂവീ ടോണിന്റെ ബാനറിൽ പ്രേം പ്രകാശ് നിർമ്മിച്ച ഈ ചിത്രം വിതരണം ചെയ്തത് സെഞ്ച്വറി ഫിലിംസ് ആണ്. വസ്ത്രാലങ്കാരം സമീറ സനീഷും കലാസംവിധാനം ഗോകുൽ ദാസും നിർവ്വഹിച്ചിരിക്കുന്നു. രഘുറാം വർമ്മയാണ് ഈ ചിത്രത്തിന്റെ അസ്സോസ്സിയേറ്റ് ഡയറക്ടർ.[3]

ചിത്രീകരണം[തിരുത്തുക]

ജോമോൻ ടി. ജോൺ ആണ് ഈ ചിത്രത്തിന്റെ ഛായാഗ്രാഹകൻ. 2012 ജൂലൈ 11-ന് ഷൊർണൂരിൽ വച്ചാണ് ചിത്രീകരണം തുടങ്ങിയത്.[4] ഓഗസ്റ്റ് 3-ന് മൂന്നാറിൽ പുനരാരംഭിച്ച ഈ ചിത്രത്തിന്റെ ചിത്രീകരണം, കൊച്ചി, തിരുവല്ല, കോട്ടയം, തൃശ്ശൂർ എന്നിവിടങ്ങളിലായി പൂർത്തിയാക്കി.

സംഗീതം[തിരുത്തുക]

ഗാനരചന നിർവ്വഹിച്ചിരിക്കുന്നത് വയലാർ ശരത്ചന്ദ്രവർമ്മ, സംഗീതസംവിധാനം നിർവ്വഹിച്ചിരിക്കുന്നത് ഔസേപ്പച്ചൻ

ഗാനങ്ങൾ
# ഗാനം ഗായകർ ദൈർഘ്യം
1. "അഴലിന്റെ ആഴങ്ങളിൽ"   നിഖിൽ മാത്യു 5:39
2. "ജനുവരിയിൽ"   വിജയ് യേശുദാസ്, ഫ്രാങ്കോ, സിസിലി 4:54
3. "തുള്ളിമഞ്ഞിനുള്ളിൽ"   ഗായത്രി അശോകൻ 5:00
4. "തുള്ളിമഞ്ഞിനുള്ളിൽ"   നജിം അർഷാദ് 4:55
5. "അഴലിന്റെ ആഴങ്ങളിൽ"   അഭിരാമി അജയ് 5:38
6. "തുള്ളിമഞ്ഞിനുള്ളിൽ (കരോക്കെ)"   ഇൻസ്ട്രമെന്റൽ 5:00
7. "ജനുവരിയിൽ (കരോക്കെ)"   ഇൻസ്ട്രമെന്റൽ 4:54
8. "അഴലിന്റെ ആഴങ്ങളിൽ (കരോക്കെ)"   ഇൻസ്ട്രമെന്റൽ 5:39
ആകെ ദൈർഘ്യം:
39:34

അവലംബം[തിരുത്തുക]

പുറത്തേക്കുള്ള കണ്ണികൾ[തിരുത്തുക]

"http://ml.wikipedia.org/w/index.php?title=അയാളും_ഞാനും_തമ്മിൽ&oldid=1798168" എന്ന താളിൽനിന്നു ശേഖരിച്ചത്