ഔസേപ്പച്ചൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഔസേപ്പച്ചൻ
ജനനനാമം മേച്ചേരി ലൂയിസ് ഔസേപ്പച്ചൻ
സ്വദേശം ഒല്ലൂർ, തൃശൂർ
തൊഴിലുകൾ ചലച്ചിത്ര സംഗീതസം‌വിധായകൻ
ഉപകരണം വയലിൻ
സജീവമായ കാലയളവ് 1985 -

മലയാള സിനിമയിലെ പ്രമുഖനായ സംഗീതസം‌വിധായകനാണ് ഔസേപ്പച്ചൻ‍. നിരവധി മലയാള ചലച്ചിത്രങ്ങൾക്ക് സംഗീതം പകർന്ന അദ്ദേഹത്തിന് മികച്ച സംഗീതസംവിധായകനുള്ള ദേശീയ സംസ്ഥാന പുരസ്കാരവും ലഭിച്ചിട്ടുണ്ട്.

ജീവിതരേഖ[തിരുത്തുക]

മേച്ചേരി ലൂയിസിന്റെയും മാത്തിരിയുടെയും മകനായി 1953 സെപ്റ്റംബർ 13-ന് തൃശൂർ ജില്ലയിലെ ഒല്ലൂരിലാണ് ഔസേപ്പച്ചൻ ജനിച്ചത്.[1] ചെറുപ്പം മുതൽ തന്നെ സംഗീതത്തോടു കമ്പം ഉണ്ടായിരുന്നു. ഒല്ലൂർ ഗവൺമെന്റ് ഹൈസ്കൂളിൽ നിന്ന് സ്കൂൾ വിദ്യാഭ്യാസവും തൃശൂർ സെന്റ് തോമസ് കോളേജിൽ നിന്ന് ബി.കോം. ബിരുദവിദ്യാഭ്യാസവും പൂർത്തിയാക്കി. പിന്നീട് തൃശൂരിലെ അന്നത്തെ പ്രമുഖ സംഗീതകൂട്ടായ്മയായിരുന്ന വോയ്സ് ഓഫ് തൃശൂരിന്റെ വാദ്യവൃന്ദത്തിൽ അദ്ദേഹം വയലിനിസ്റ്റായി പ്രവർത്തിച്ചു. ഒരു വയലിനിസ്റ്റായി പേരെടുത്ത ശേഷം അദ്ദേഹം മദ്രാസിലേക്ക് വണ്ടി കയറി. ഈണം എന്ന ചിത്രത്തിന് പശ്ചാത്തല സംഗീതം ഒരുക്കിയതായിരുന്നു ചലച്ചിത്രരംഗത്തെ ആദ്യ ചുവടു വെയ്പ്. ഭരതൻ നിർമ്മിച്ച് സംവിധാനം ചെയ്ത ആരവം എന്ന ചിത്രത്തിൽ ഒരു വയലിനിസ്റ്റിന്റെ റോൾ അദ്ദേഹം കൈകാര്യം ചെയ്തിട്ടുണ്ട്. പിന്നീട് 1985-ൽ ഭരതന്റെ തന്നെ കാതോട് കാതോരം എന്ന ചിത്രത്തിലൂടെ സ്വതന്ത്ര സംഗീതസം‌വിധായകനായി. ചിത്രത്തിൽ നായകനായി അഭിനയിച്ച മമ്മൂട്ടി ഒരു വയലിനിസ്റ്റിന്റെ വേഷമായിരുന്നു ചെയ്തത്.[1]

ഉണ്ണികളേ ഒരു കഥ പറയാം എന്ന ചിത്രത്തിന് 1987-ലെ മികച്ച സംഗീത സം‌വിധായകനുള്ള കേരള സംസ്ഥാന ചലചിത്ര പുരസ്കാരവും അദ്ദേഹത്തിന് ലഭിച്ചു. 2007-ലെ ഏറ്റവും മികച്ച സംഗീത സംവിധായകനുള്ള ദേശീയ പുരസ്കാരവും നേടി. ശ്യാമപ്രസാദ് സം‌വിധാനം ചെയ്ത "ഒരേ കടൽ" എന്ന ചിത്രത്തിലെ ഈണത്തിനാണ്‌ ഈ പുരസ്കാരം.[2]

ഒരു ഹിന്ദി ചിത്രമടക്കം നൂറിൽപ്പരം ചിത്രങ്ങളിലെ ഗാനങ്ങൾക്ക് ഈണം പകർന്ന അദ്ദേഹം "ഐഡിയ സ്റ്റാർ സിംഗർ 2008" എന്ന ടെലിവിഷൻ പരിപാടിയുടെ വിധികർത്താക്കളിൽ ഒരാളുമായിരുന്നു. 2011-ൽ പുറത്തിറങ്ങിയ ഡാം 999 എന്ന ഇംഗ്ലീഷ് ചിത്രത്തിന് വേണ്ടി അദ്ദേഹം ഈണം പകർന്ന മൂന്ന് ഗാനങ്ങൾ മികച്ച ഗാനത്തിനുള്ള ഓസ്കാർ പുരസ്കാരത്തിന് പരിഗണിക്കപ്പെട്ടിരുന്നു.[3]

സ്വകാര്യ ജീവിതം[തിരുത്തുക]

ഭാര്യ: മറിയം. മക്കൾ: കിരൺ, അരുൺ. പിന്നണി ഗായകനായ ഫ്രാങ്കോ സഹോദരീപുത്രനാണ്.

പുരസ്കാരങ്ങൾ[തിരുത്തുക]

ദേശീയ ചലച്ചിത്ര പുരസ്കാരം[തിരുത്തുക]

കേരള സംസ്ഥാന ചലച്ചിത്ര പുരസ്കാരം[തിരുത്തുക]

സംഗീതം പകർന്ന ചലച്ചിത്രങ്ങൾ[തിരുത്തുക]

മലയാളചലച്ചിത്രങ്ങൾ[തിരുത്തുക]

നമ്പർ വർഷം ചിത്രം ഗാനരചന
1 1985 കാതോടു കാതോരം ഒ.എൻ.വി. കുറുപ്പ്
2 1986 വീണ്ടും ഷിബു ചക്രവർത്തി
3 1986 ചിലമ്പ്‌ ഭരതൻ
4 1986 പ്രണാമം ഭരതൻ
5 1987 പൊന്ന് പി. ഭാസ്ക്കരൻ
6 1987 ജനുവരി ഒരു ഓർമ്മ ഷിബു ചക്രവർത്തി
7 1987 കഥയ്ക്കു പിന്നിൽ ഒ.എൻ.വി. കുറുപ്പ്
8 1987 ഉണ്ണികളേ ഒരു കഥ പറയാം ബിച്ചു തിരുമല
9 1988 വിചാരണ എസ്. രമേശൻ നായർ
10 1988 ദിനരാത്രങ്ങൾ ഷിബു ചക്രവർത്തി
11 1988 വിറ്റ്നസ് ബിച്ചു തിരുമല
12 1988 മുകുന്ദേട്ടാ സുമിത്ര വിളിക്കുന്നു ഷിബു ചക്രവർത്തി
13 1988 ഓർക്കാപ്പുറത്തു പരമ്പരാഗതം
14 1988 കാക്കോത്തിക്കാവിലെ അപ്പൂപ്പൻ താടികൾ ബിച്ചു തിരുമല
15 1988 ഒരു മുത്തശ്ശിക്കഥ ഷിബു ചക്രവർത്തി
16 1988 മൃത്യുഞ്ജയം പൂവച്ചൽ ഖാദർ
17 1989 മഹായാനം ശ്രീകുമാരൻ തമ്പി
18 1989 വർണ്ണം കെ. ജയകുമാർ
19 1989 ഭദ്രച്ചിറ്റ ഒ.എൻ.വി. കുറുപ്പ്
20 1989 ഒരു സായാഹ്നത്തിന്റെ സ്വപ്നം ഒ.എൻ.വി. കുറുപ്പ്
21 1989 [[വന്ദനം]] ഷിബു ചക്രവർത്തി
22 1990 തൂവൽസ്പർശം കൈതപ്രം ദാമോദരൻ നമ്പൂതിരി
23 1990 അക്കരെ അക്കരെ അക്കരെ ശ്രീകുമാരൻ തമ്പി
24 1990 സ്മൃതികൾ കൈതപ്രം ദാമോദരൻ നമ്പൂതിരി
25 1990 നമ്പർ 20 മദ്രാസ്‌ മെയിൽ ഷിബു ചക്രവർത്തി
26 1990 പുറപ്പാട്‌ ഒ.എൻ.വി. കുറുപ്പ്
27 1991 മൂക്കില്ലാ രാജ്യത്ത്‌ പൂവച്ചൽ ഖാദർ, കൈതപ്രം ദാമോദരൻ നമ്പൂതിരി, കൂത്താട്ടുകുളം ശശി
28 1991 ഉള്ളടക്കം കൈതപ്രം ദാമോദരൻ നമ്പൂതിരി
29 1991 ആവണിക്കുന്നിലെ കിന്നരിപ്പൂക്കൾ ഒ.എൻ.വി. കുറുപ്പ്
30 1991 പൂക്കാലം വരവായ്‌ ബിച്ചു തിരുമല
31 1992 ആയുഷ്ക്കാലം കൈതപ്രം ദാമോദരൻ നമ്പൂതിരി
32 1993 വരം ഗിരീഷ് പുത്തഞ്ചേരി
33 1993 ആചാര്യൻ ബിച്ചു തിരുമല
34 1993 ആകാശദൂത്‌ ഒ.എൻ.വി. കുറുപ്പ്
35 1993 ഭൂമിഗീതം ഒ.എൻ.വി. കുറുപ്പ്
36 1993 വൈഷ്ണവർ പി. കെ. ഗോപി
37 1993 ഹംസങ്ങൾ ഷിബു ചക്രവർത്തി
38 1994 ഗമനം ബിച്ചു തിരുമല
39 1994 ഞാൻ കോടീശ്വരൻ ഗിരീഷ് പുത്തഞ്ചേരി
40 1994 നന്ദിനി ഓപ്പോൾ ഒ.എൻ.വി. കുറുപ്പ്
41 1995 അറേബ്യ ഗിരീഷ് പുത്തഞ്ചേരി
42 1995 സർഗ്ഗവസന്തം കൈതപ്രം ദാമോദരൻ നമ്പൂതിരി
43 1995 അന്ന ഷിബു ചക്രവർത്തി
44 1996 ആകാശത്തേക്കൊരു കിളിവാതിൽ ഗിരീഷ് പുത്തഞ്ചേരി
45 1996 ദില്ലിവാലാ രാജകുമാരൻ എസ്. രമേശൻ നായർ
46 1996 മദാമ്മ എസ്. രമേശൻ നായർ
47 1997 ലേലം ഗിരീഷ് പുത്തഞ്ചേരി
48 1997 അനിയത്തിപ്രാവ് എസ്. രമേശൻ നായർ
49 1997 സുവർണ്ണ സിംഹാസനം കൈതപ്രം ദാമോദരൻ നമ്പൂതിരി
50 1998 മീനത്തിൽ താലികെട്ടു് ഗിരീഷ് പുത്തഞ്ചേരി
51 1998 ഹരികൃഷ്ണൻസ്‌ കൈതപ്രം ദാമോദരൻ നമ്പൂതിരി
52 1998 സുന്ദരകില്ലാഡി ബിച്ചു തിരുമല
53 1998 സൂര്യപുത്രൻ എസ്. രമേശൻ നായർ
54 1999 ജനനി കാവാലം നാരായണ പണിക്കർ, ജോൺ പനിക്കൽ
55 1999 മേഘം ഗിരീഷ് പുത്തഞ്ചേരി
56 1999 ഒളിമ്പിയൻ അന്തോണി ആദം ഗിരീഷ് പുത്തഞ്ചേരി
57 1999 ചന്ദ മാമ കൈതപ്രം ദാമോദരൻ നമ്പൂതിരി
58 1999 ഞങ്ങൾ സന്തുഷ്ടരാണു് എസ്. രമേശൻ നായർ
59 1999 വാഴുന്നോർ ഗിരീഷ് പുത്തഞ്ചേരി
60 2000 ലൈഫ്‌ ഇസ്‌ ബ്യുട്ടിഫുൾ കൈതപ്രം ദാമോദരൻ നമ്പൂതിരി
61 2000 ഡാർലിംഗ്‌ ഡാർലിംഗ്‌ എസ്. രമേശൻ നായർ
62 2001 ഈ പറക്കും തളിക ഗിരീഷ് പുത്തഞ്ചേരി
63 2001 സ്വർണ്ണ ചിറകുമായ്‌ ഗിരീഷ് പുത്തഞ്ചേരി
64 2002 കൈയ്യെത്തും ദൂരത്ത്‌ എസ്. രമേശൻ നായർ
65 2002 കഥ ഗിരീഷ് പുത്തഞ്ചേരി
66 2003 വരും വരുന്നു വന്നു യൂസഫലി കേച്ചേരി
67 2003 സ്വപ്നം കൊണ്ടു തുലാഭാരം ഗിരീഷ് പുത്തഞ്ചേരി, എസ്. രമേശൻ നായർ
68 2003 മുല്ലവള്ളിയും തേന്മാവും ഗിരീഷ് പുത്തഞ്ചേരി
69 2003 എന്റെ വീട്‌ അപ്പൂന്റേം ഗിരീഷ് പുത്തഞ്ചേരി
70 2003 കസ്തൂരിമാൻ കുരുന്നേ കൈതപ്രം ദാമോദരൻ നമ്പൂതിരി, എ.കെ. ലോഹിതദാസ്
71 2004 വിസ്മയത്തുമ്പത്ത്‌ കൈതപ്രം ദാമോദരൻ നമ്പൂതിരി
72 2004 കേരള ഹൗസ്‌ ഉടൻ വിൽപ്പനക്ക്‌ ഗിരീഷ് പുത്തഞ്ചേരി
73 2004 വജ്രം കുമാരനാശാൻ, വൈലോപ്പിള്ളി, ഷിബു ചക്രവർത്തി
74 2004 സസ്നേഹം സുമിത്ര ഷിബു ചക്രവർത്തി
75 2004 തെക്കേക്കര സൂപ്പർ ഫാസ്റ്റ്‌ ഗിരീഷ് പുത്തഞ്ചേരി
76 2005 ദീപങ്ങൾ സാക്ഷി യൂസഫലി കേച്ചേരി
77 2005 ഉടയോൻ കൈതപ്രം ദാമോദരൻ നമ്പൂതിരി, ഗിരീഷ് പുത്തഞ്ചേരി, ആറുമുഖൻ വെങ്കിടങ്ങ്‌
78 2005 പോലീസ്‌ ജോഫി തരകൻ
79 2005 തസ്കരവീരൻ ഒ.എൻ.വി. കുറുപ്പ്, എം.ഡി. രാജേന്ദ്രൻ
80 2006 ഭാർഗ്ഗവചരിതം മൂന്നാം ഖണ്ഡം ശരത്‌ വയലാർ
81 2006 ഒരുവൻ ശരത് വയലാർ, സന്തോഷ് വർമ്മ
82 2006 മൂന്നാമതൊരാൾ ഷിബു ചക്രവർത്തി
83 2007 ചങ്ങാതിപ്പൂച്ച ഗിരീഷ് പുത്തഞ്ചേരി
84 2007 പ്രണയകാലം റഫീക്ക്‌ അഹമ്മദ്‌
85 2007 എബ്രഹാം ആൻഡ്‌ ലിങ്കൺ ബാലചന്ദ്രൻ ചുള്ളിക്കാട്‌
86 2007 ജൂലായ്‌ 4 ഷിബു ചക്രവർത്തി
87 2007 ഒരേ കടൽ ഗിരീഷ് പുത്തഞ്ചേരി
88 2008 മാജിക്‌ ലാമ്പ്‌ കൈതപ്രം ദാമോദരൻ നമ്പൂതിരി
89 2008 കോളേജ്‌ കുമാരൻ ഷിബു ചക്രവർത്തി
90 2009 മോസ് & ക്യാറ്റ് കൈതപ്രം ദാമോദരൻ നമ്പൂതിരി
91 2009 മുസാഫിർ ക്യാപ്റ്റൻ സുനീർ ഹംസ
92 2009 ഹൈലസ രാജീവ് ആലുങ്കൽ‍, ഷിബു ചക്രവർത്തി
93 2009 ഏഞ്ചൽ ജോൺ എസ്.എൽ. ജയസൂര്യ
94 2010 ബോഡി ഗാർഡ് കൈതപ്രം ദാമോദരൻ നമ്പൂതിരി, അനിൽ പനച്ചൂരാൻ
95 2010 ആഗതൻ കൈതപ്രം ദാമോദരൻ നമ്പൂതിരി
96 2010 പ്രാഞ്ചിയേട്ടൻ ആന്റ് ദ സെയിന്റ് ഷിബു ചക്രവർത്തി
97 2011 ത്രീ കിംഗ്‌സ് ഷിബു ചക്രവർത്തി
98 2011 ബാങ്കോക് സമ്മർ ഷിബു ചക്രവർത്തി
99 2011 ലണ്ടൻ ഡ്രീംസ് കൈതപ്രം ദാമോദരൻ നമ്പൂതിരി
100 2011 കലികാലം ഒ.എൻ.വി. കുറുപ്പ്
101 2012 കർമ്മയോഗി ഷിബു ചക്രവർത്തി
102 2012 തിരുവമ്പാടി തമ്പാൻ മധു വാസുദേവൻ

ഹിന്ദി ചലച്ചിത്രങ്ങൾ[തിരുത്തുക]

  • ഫ്രീക്കി ചക്ര (2003)
  • ആക്രോശ് (2010) - പശ്ചാത്തലസംഗീതം
  • ഖട്ട മീട്ട (2010) - പശ്ചാത്തലസംഗീതം
  • ബം ബം ബോലേ (2010) - പശ്ചാത്തലസംഗീതം

ഇംഗ്ലീഷ് ചലച്ചിത്രങ്ങൾ[തിരുത്തുക]

അവലംബം[തിരുത്തുക]

  1. 1.0 1.1 weblokam.com - Profile
  2. മാതൃഭൂമി ഓൺലൈൻ.07/09/2009 ന്‌ ശേഖരിച്ചത്.
  3. "Eligible for Best Score, Names From Hollywood and Malayalam=http://carpetbagger.blogs.nytimes.com/2011/12/23/eligible-for-best-score-names-from-hollywood-and-malayalam/". 

കൂടുതൽ വിവരങ്ങൾ[തിരുത്തുക]

"http://ml.wikipedia.org/w/index.php?title=ഔസേപ്പച്ചൻ&oldid=1763208" എന്ന താളിൽനിന്നു ശേഖരിച്ചത്