ഒരു യമണ്ടൻ പ്രേമകഥ

ഇംഗ്ലീഷ് വിലാസം

https://ml.wikipedia.org/wiki/Oru_yamandan_premakatha

ഒരു യമണ്ടൻ പ്രേമകഥ
സംവിധാനം	ബി.സി നൗഫൽ
നിർമ്മാണം	ആന്റോ ജോസഫ് സി.ആർ സലിം
രചന	വിഷ്ണു ഉണ്ണികൃഷ്ണൻ ബിബിൻ ജോർജ്ജ്
അഭിനേതാക്കൾ	ദുൽഖർ സൽമാൻ നിഖില വിമൽ സംയുക്ത മേനോൻ സൗബിൻ ഷാഹിർ
സംഗീതം	നാദിർഷ ബിജിബാൽ (പശ്ചാത്തല സംഗീതം)
ഛായാഗ്രഹണം	പി.സുകുമാർ ISC
ചിത്രസംയോജനം	ജോൺകുട്ടി
സ്റ്റുഡിയോ	എ ജെ ഫിലിം കമ്പനി എ ഐ–താരി മൂവീസ്
വിതരണം	ആൻ മെഗാ മീഡിയ
റിലീസിങ് തീയതി	2019 ഏപ്രിൽ 25
രാജ്യം	ഇന്ത്യ
ഭാഷ	മലയാളം
ബജറ്റ്	8 കോടി
സമയദൈർഘ്യം	113 മിനിറ്റ്

വിഷ്ണു ഉണ്ണികൃഷ്ണൻ ,ബിബിൻ ജോർജ് എന്നിവർ തിരക്കഥ രചിച്ച് 2019ൽ പ്രദർശനത്തിനത്തിനെത്തിയ മലയാളചലച്ചിത്രം ആണ് ഒരു യമണ്ടൻ പ്രേമകഥ(English: One Huge Love Story). ബി. സി നൗഫൽ സംവിധാനം ചെയ്ത ഈ ചിത്രം നിർമിച്ചത് ആന്റോ ജോസഫും സി. ആർ സലീമും ആണ്. സംയുക്ത മേനോൻ, നിഖില വിമൽ,എന്നിവർ നായികമാരായി എത്തിയ ഈ ചിത്രത്തിൽ സലിം കുമാർ,സൗബിൻ ഷാഹിർ ,രൺജി പണിക്കർ,അരുൺകുര്യൻ തുടങ്ങിയവർ പ്രധാന വേഷങ്ങൾ കൈകാര്യം ചെയ്തു. നാദിർഷ സംഗീത സംവിധാനം നിർവഹിച്ച ഈ ചിത്രം 2019 ഏപ്രിൽ 25 ന്‌ തീയേറ്ററുകളിൽ പ്രദർശനത്തിന് എത്തി.ഈ ചിത്രത്തിന് പൊതുവെ നല്ല സ്വീകാര്യത ആണ് പ്രേക്ഷകരിൽ നിന്നും ലഭിച്ചത്.

അഭിനേതാക്കൾ

• ദുൽഖർ സൽമാൻ ....ലല്ലു /മോഹൻലാൽ കൊമ്പനായിൽ ജോൺ
• സംയുക്ത മേനോൻ....ജെസ്ന
• നിഖില വിമൽ.....ദിയ ഫ്രാൻസിസ്
• സുരാജ് വെഞ്ഞാറമൂട്...ഫ്രാൻസിസ്/ദിയയുടെ അച്ഛൻ
• ലെന.....അന്നാമ്മ /ദിയയുടെ അമ്മ
• രൺജി പണിക്കർ ജോൺ

കൊമ്പനായിൽ/ലല്ലുവിൻറ്റെ അച്ഛൻ

• അരുൺ കുര്യൻ....പാപ്പി/ലല്ലുവിൻറ്റെ അനിയൻ
• അശോകൻ...ജോണി/ജെസ്നയുടെ അച്ഛൻ
• സലിം കുമാർ... പാഞ്ചിക്കുട്ടൻ
• സൗബിൻ ഷാഹിർ...വിക്കി/വിക്കി പീടിക
• ചെമ്പിൽ അശോകൻ...വിക്കിയുടെ അച്ഛൻ
• സീമ ജി നായർ...വിക്കിയുടെ അമ്മ
• വിഷ്ണു ഉണ്ണികൃഷ്ണൻ...ടെനി സെബാസ്റ്റ്യൻ
• കോട്ടയം പ്രദീപ്....സെബാസ്റ്റ്യൻ/ ടെനിയുടെ അച്ഛൻ
• രശ്മി അനിൽ...ടെനിയുടെ അമ്മ
• ധർമജൻ ബോൾഗാട്ടി... ടിങ്കു
• ദിലീഷ് പോത്തൻ...എസ്. ഐ അഭിലാഷ്
• ബിബിൻ ജോർജ്...ഡേവിസ്
• ഹരിപ്രശാന്ത് എം.ജി ..പാറമട അബ്ബ
• ഹരീഷ് കണാരൻ...ഫ്രെഡറിക്
• സുനിൽ സുഖദ... ഫാദർ നെട്ടൂരാൻ
• മോളി കണ്ണമാലി... വാവത്താത്തി
• ജനാർദനൻ...ഡേവിസിൻറ്റെ മുത്തച്ഛൻ
• നവനീത് സാജു...കുട്ടി ലാലു/ലാലുവിൻറ്റെ ബാല്യകാലം അഭിനയിച്ചു
• പൊന്നമ്മ ബാബു...കോളേജ് പ്രിൻസിപ്പിൽ
• രശ്മി ബോബൻ... ഡോക്ടർ

കഥാസംഗ്രഹം

അഡ്വക്കേറ്റ് കൊമ്പനയിൽ ജോണിന്റെ മൂത്ത മകൻ ആണ് ലല്ലു.സാമ്പത്തികമായി മുൻപന്തിയിൽ നിൽക്കുന്ന ആ കുടുംബത്തിലെ സുഖ സൗകര്യങ്ങളിൽ നിന്നെല്ലാം ഒഴിഞ്ഞ് മാറിയുള്ള ഒരു ജീവിതം ആണ് ലല്ലു നയിക്കുന്നത്. ലല്ലുവിന് ചാവേർ എന്നറിയപ്പെടുന്ന ഒരു സുഹൃത്ത് വലയം ഉണ്ട്.പാഞ്ചി കുട്ടനൊപ്പം (സലിം കുമാർ) പെയിൻറ് ജോലിക്ക് പോയി സുഹൃത്തുക്കൾക്കൊപ്പം അടിച്ചു പൊളിച്ചു ജീവിക്കുന്ന പ്രകൃതം ആണ് ലല്ലുവിന്.നൊൾസ്റ്റാജിയയെ വളരെ അധികം ഇഷ്ടപ്പെടുന്ന ലല്ലുവിന്റെ ഒരു തീരുമാനം ആണ് തന്റെ മനസ്സിന് ഒരു സ്പാർക്ക് ഉണ്ടാക്കുന്ന പെൺകുട്ടിയെ മാത്രമേ അവൻ വിവാഹം കഴിക്കുക ഉള്ളൂ എന്നുള്ളത്.എങ്കിലും ആ നാട്ടിൽ അവനെ ഗാഢമായി പ്രണയിക്കുന്ന ഒരു പെൺകുട്ടി ഉണ്ട് ജസ്‌ന( സംയുക്ത മേനോൻ).എന്നാൽ ലല്ലുവിന് അവളെ ഇഷ്ടമല്ല.

ലല്ലുവിൻറ്റെ അച്ഛൻ അവന്റെ സുഹൃത്തുക്കളെ കൊണ്ട് അവനെ എങ്ങനെ എങ്കിലും കല്യാണം കഴിപ്പിക്കാൻ ശ്രമിക്കുന്നു. താൻ ആഗ്രഹിക്കുന്ന സ്പാർക്ക് ഒരു പെൺകുട്ടികളിലും കണ്ടെത്താതെ പരാജിതൻ ആകുന്ന അവൻ അവസാനം തന്റെ മനസ്സിനെ സ്പാർക്ക് ചെയ്ത ഒരു പെൺകുട്ടിയെ കണ്ടെത്തുന്നു. ആ പെൺകുട്ടിയുടെ പേര് ദിയ ഫ്രാൻസിസ്(നിഖില വിമൽ)എന്നാണ്.ഈ കാര്യം അറിഞ്ഞു സന്തോഷത്തോടെ എത്തുന്ന സുഹൃത്തുക്കൾക്ക് മുൻപിൽ ലല്ലു ഒരു പത്ര വാർത്ത കാട്ടുന്നു.. ദിയ ഫ്രാൻസിസിനെ കാൺമാനില്ല.. ഇവിടെ ഈ ചിത്രത്തിന്റെ ഇടവേള ആണ്.

തുടർന്ന് ദിയയെ കണ്ടെത്താൻ ലല്ലുവും സുഹൃത്തുക്കളും ശ്രമിക്കുന്നു. ദിയയുടെ കൂട്ടുകാരി വഴി അവളെ കുറിച്ച് കൂടുതൽ അറിയുകയും അവളുടെ നല്ല മനസ്സിന്റെ അഴം തിരിച്ചറിയാനും ലല്ലുവിന് കഴിയുന്നു .അതിനിടയിൽ അപ്രതീക്ഷിതമായി ദിയയുടെ മരണ വാർത്ത ലല്ലുവിനെ തേടി എത്തുന്നു. തുടർന്ന് ലല്ലുവും സുഹ്യത്തുക്കളും ചേർന്ന് നടത്തുന്ന അന്വേക്ഷണത്തിൽ നിന്ന് ദിയയുടെ കൊലപാതകത്തിനു പിന്നിൽ ആ നാട്ടിൽ തന്നെയുള്ള മയക്കു മരുന്നിൻറ്റെ അടിമയായ ഡേവിസ്(ബിബിൻ ജോർജ്ജ്) എന്ന ചെറുപ്പക്കാരനാണെന്ന് കണ്ടെത്തുന്നു. ഡേവിസിനേയും കൂട്ടാളികളേയും ലല്ലു സംഘട്ടനത്തിലൂടെ കീഴ്പ്പെടുത്തുന്നു.അങ്ങനെ ദിയയക്ക് നീതി കിട്ടുന്നു.കടൽത്തീരത്ത് വച്ച് ഒരു കുട്ടിയോട് ലല്ലു തൻറ്റെ യഥാർത്ഥ പേര് പറയുന്നിടത്ത് ചിത്രം അവസാനിയ്ക്കുന്നു.

ലൊക്കേഷൻ

കൊച്ചിയിലും പരിസര പ്രദേശങ്ങളിലുമായാണ് ഈ ചിത്രത്തിന്റെ ചിത്രീകരണം നടന്നത്.

റിലീസ്

2019 ഏപ്രിൽ 25 ന് ഈ ചിത്രം പ്രദർശനത്തിന് എത്തി.

ടെലിവിഷൻ സംപ്രേക്ഷണം

ഏഷ്യാനെറ്റാണ് ഈ ചിത്രത്തിന്റെ സാറ്റലൈറ്റ് റൈറ്റ് സ്വന്തമാക്കിയത്. ഈ ചിത്രം 2019 സെപ്റ്റംബർ 10ന് വൈകുന്നേരം 7 മണിക്ക് ഏഷ്യാനെറ്റിൽ സംപ്രേക്ഷണം ചെയ്തു.

സ്വീകരണം

അനുകൂല അഭിപ്രായത്തോടാണ് പ്രേക്ഷകർ ഈ ചിത്രം സ്വീകരിച്ചത്. കുറച്ചുനാളുകളായി അന്യഭാഷകളിൽ മാത്രം അഭിനയിച്ച് കൊണ്ടിരുന്ന ദുൽഖർ സൽമാന്റെ ഈ ചിത്രത്തിനായി ആരാധകരും പ്രേക്ഷകരും വളരെ ആകാംക്ഷയോടെ ആണ് കാത്തിരുന്നത്.കോമഡിയും ,സസ്പെൻസും ,പ്രണയവും എല്ലാം ഇഴ ചേർത്ത് ഒരുക്കിയ ഈ ചിത്രം ദുൽഖറിന്റെ കരിയറിലെ തന്നെ വലിയൊരു വിജയം ആണ്.

ബോക്സ് ഓഫീസ്

ഒന്നര വർഷത്തിന് ശേഷം മലയാളത്തിൽ എത്തിയ ദുൽഖർ സൽമാന്റെ ഈ ചിത്രത്തിന് ഗംഭീര സ്വീകരണം ആണ് പ്രേക്ഷകർ നൽകിയത്. ആദ്യ ദിനം മൂന്നര കോടി രൂപയ്ക്കു മുകളിൽ ആണ് ഈ ചിത്രം കളക്ഷൻ ആയി നേടിയത്.കേരളത്തിന് പുറമെ ഗൾഫിലും വമ്പൻ റിലീസ് ആണ് ഈ ചിത്രത്തിന് ലഭിച്ചത്. ആദ്യ എട്ടു ദിനം കൊണ്ട് നേടിയ ഗ്രോസ് കളക്ഷൻ 18 കോടി രൂപയ്ക്കു മുകളിൽ ആണ്.8 കോടി ബഡ്ജറ്റിനെതിരെ 21 കോടിയാണ് ഈ ചിത്രം ബോക്സ് ഓഫീസിൽ ആകെ നേടിയത്.

സംഗീതം

നാദിർഷയാണ് ഈ ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. ബിജിബാൽ പശ്ചാത്തല സംഗീതം ചെയ്തിരിയ്ക്കുന്നു.

#	ഗാനം	Singer(s)	ദൈർഘ്യം
1.	"വന്ധിപ്പിൻ മാളോരെ"
2.	"മുറ്റത്തെ കൊമ്പിലെ"	ജാസി ഗിഫ്റ്റ്, ബെന്നി ദയാൽ
3.	"കണ്ടോ നിലാകായൽ"	നജീം അർഷാദ്	3:43
4.	"കൊതിയൂറും ബാല്യം"	വിനോദ്