തോമാസ് ട്രാൻസ്ട്രോമർ

തോമാസ് ട്രാൻസ്ട്രോമർ
തോമാസ് ട്രാൻസ്ട്രോമർ
	ട്രാൻസ്ട്രോമർ 2008-ൽ
ജനനം	തോമാസ് ഗോസ്റ്റ ട്രാൻസ്ട്രോമർ; 15 ഏപ്രിൽ 1931 (93 വയസ്സ്); സ്റ്റോക്ക്‌ഹോം, സ്വീഡൻ
തൊഴിൽ	കവി
ദേശീയത	സ്വീഡിഷ്
Period	ഇരുപതാം നൂറ്റാണ്ട്, 21-ആം നൂറ്റാണ്ട്
ശ്രദ്ധേയമായ രചന(കൾ)	വിൻഡോസ് ആന്റ് സ്റ്റോൺസ് (1966), ദ ഗ്രേറ്റ് എൻഗിമ (2004)
അവാർഡുകൾ	സാഹിത്യത്തിനുള്ള നോബൽസമ്മാനം ; 2011 ;
പങ്കാളി	മോണിക്ക ബ്ലാഡ്

ഇംഗ്ലീഷ് വിലാസം

https://ml.wikipedia.org/wiki/Tomas_Transtromer

സ്വീഡിഷ് എഴുത്തുകാരനും, കവിയും, വിവർത്തകനുമാണ് തോമസ് ട്രാൻസ്ട്രോമർ (ജനനം:ഏപ്രിൽ 15 1931^[1]). ഇദ്ദേഹത്തിന്റെ കവിതകൾ അറുപതിലധികം ഭാഷകളിലേക്ക് തർജ്ജമ ചെയ്യപ്പെട്ടിട്ടുണ്ട്^[2]. 2011-ലെ സാഹിത്യത്തിനുള്ള നോബൽ സമ്മാനം നേടിയ ഇദ്ദേഹത്തിന്റെ കവിതകളെക്കുറിച്ച് "തന്റെ സാന്ദ്രവും ഒളിവീശുന്നതുമായ ശൈലിയിലൂടെ നമുക്ക് യാഥാർത്ഥ്യത്തിലേക്ക് പുതിയ വാതായനങ്ങൾ തുറന്നുതന്നു എന്നാണ് നോബൽ സമ്മാന സമിതി അഭിപ്രായപ്പെട്ടത്^[3]. അദ്ദേഹത്തിന്റെ കവിതകളിലെ ധ്യാനാത്മതകതയെയും പ്രകൃതി വർണ്ണനകളെയും പറ്റി നിരൂപകർ നിരവധി തവണ പ്രശംസിച്ചിട്ടുണ്ട്^[2]. മനുഷ്യമനസ്സിന്റെ സമസ്യകളെക്കുറിച്ച് യുക്ത്യാതീതമായ സർറിയലിസ്റ്റിക് രചനകളിലൂടെ വ്യാപകമായ അംഗീകാരം നേടിയ ട്രോൺസ്ട്രോമർ സമീപദശകങ്ങളിലെ ഏറ്റവും സ്വാധീനമുള്ള സ്കാൻഡിനേവ്യൻ കവിയായായാണ് കരുതപ്പെടുന്നത്^[2].

ജീവിതരേഖ

1931-ൽ സ്റ്റോക്‌ഹോമിലാണ് ട്രാൻസ്ട്രോമർ ജനിച്ചത്. സ്കൂൾ അദ്ധ്യാപികയായ ഇദ്ദേഹത്തിന്റെ അമ്മ ഭർത്താവിൽ നിന്നു് വിവാഹമോചനം നേടി കഴിയുകയായിരുന്നു^[3]^[4]. സ്റ്റോക്ക്‌ഹോമിലെ സോദ്ര ലാറ്റിൻ സ്കൂളിൽ നിന്ന് സെക്കന്ററി വിദ്യാഭ്യാസം നേടിയ ഇദ്ദേഹം അക്കാലത്തു തന്നെ കവിതകൾ എഴുതുമായിരുന്നു. അക്കാലത്തെ പ്രസിദ്ധീകരണങ്ങളിൽ പ്രസിദ്ധീകരിക്കുന്നതിനൊപ്പം ആദ്യ കവിതാസമാഹാരമായ 17 ദിക്തർ(17 dikter (Seventeen Poems)) 1954-ൽ പ്രസിദ്ധപ്പെടുത്തി. സ്റ്റോക്ക്‌ഹോം സർവ്വകലാശാലയിൽ വിദ്യാഭ്യാസം തുടർന്ന ഇദ്ദേഹം 1956-ൽ ചരിത്രം, മതം, സാഹിത്യം എന്നിവ ഉപവിഷയങ്ങളായി എടുത്തു സൈക്കോളജിയിൽ ബിരുദം നേടി^[3]. 1960 മുതൽ 1966 വരെയുള്ള കാലഘട്ടത്തിൽ ഒരു സൈക്കോളജിസ്റ്റായും, കവിയായും ജോലി ചെയ്തു^[3].

1950-കളായപ്പോഴേക്കും മറ്റൊരു കവിയായ റോബർട്ട് ബ്ലൈയുമായി ട്രാൻസ്ട്രോമർ ചങ്ങാത്തത്തിലായി. ഇവർ തമ്മിൽ മിക്കപ്പോഴും എഴുത്തുകുത്തുകൾ നടത്താറുണ്ടായിരുന്നു. അതുപോലെ ബ്ലൈ ട്രാൻസ്ട്രോമറുടേ കവിതകൾ ഇംഗ്ലീഷ് ഭാഷയിലേക്ക് വിവർത്തനം ചെയ്യുമായിരുന്നു. 2001-ൽ ബോണിയേഴ്‌സ് എന്ന പ്രസാധകർ ട്രാൻസ്ട്രോമറും ബ്ലൈയും തമ്മിലുള്ള കത്തിടപാടുകൾ എയർ മെയിൽ എന്ന പേരിൽ പ്രസിദ്ധീകരിച്ചു^[3].

1990-ൽ പക്ഷാഘാതം വന്നതിനെത്തുടർന്ന് ഇദ്ദേഹത്തിനു സംസാര ശേഷി നഷ്ടപ്പെട്ടു. എങ്കിലും 2000-ന്റെ ആദ്യ നാളുകളിൽ വരെ ഇദ്ദേഹം കവിതകളെഴുതുമായിരുന്നു. ദ ഗ്രേറ്റ് എൻഗിമ എന്ന ഇദ്ദേഹത്തിന്റെ പ്രസിദ്ധീകരിച്ച അവസാന കവിതാസമാഹാരം പുറത്തു വന്നത് 2004-ലാണ്. അതിനു ശേഷം അദ്ദേഹത്തിന്റേതായി കവിതകളൊന്നും പുറത്തു വന്നിട്ടില്ല^[3].

എഴുത്തിനോടൊപ്പം ട്രാൻസ്ട്രോമർ നല്ലൊരു പിയാനോ വായനക്കാരൻ കൂടിയായിരുന്നു. പക്ഷാഘാതത്തെത്തുടർന്ന് ഭാഗികമായി തളർന്നെങ്കിലും ഒരു കൈ കൊണ്ട് ഇദ്ദേഹത്തിനു് പിയാനോ വായിക്കാൻ സാധിക്കുമായിരുന്നു^[4].

പ്രധാന കൃതികൾ

ഹാഫ് ഫിനിഷ്ഡ് ഹെവൻ
വിൻഡോസ് ആൻഡ് സ്‌റ്റോൺസ്
നൈറ്റ് വിഷൻ, പാത്ത്‌സ്
ബാൽട്ടിക്‌സ്
ഫോർ ദി ലിവിങ്ങ് ആൻഡ് ദി ഡെഡ്
മെമ്മറീസ് ലുക്ക് എറ്റ് മീ - ആത്മകഥ

മലയാളത്തിലേക്കുള്ള തർജ്ജമകൾ

സച്ചിദാനന്ദനും, ബാലചന്ദ്രൻ ചുള്ളിക്കാടും, അയ്യപ്പപ്പണിക്കറും വി .രവികുമാറും ട്രാൻസ്ട്രോമറുടെ കവിതകൾ മലയാളത്തിലേക്ക് തർജ്ജമ ചെയ്തിട്ടുണ്ട്.

അവലംബം

↑ "കവർസ്റ്റോറി". മാധ്യമം ആഴ്ചപ്പതിപ്പ് ലക്കം 714. 2011 ഒക്ടോബർ 31. Retrieved 2013 മാർച്ച് 28. {{cite news}}: Check date values in: |accessdate= and |date= (help)
↑ ^2.0 ^2.1 ^2.2 "Swedish Poet Wins Nobel Prize for Literature - NYTimes.com". The New York Times Company. 2011-10-06. Retrieved 2011-10-06.
↑ ^3.0 ^3.1 ^3.2 ^3.3 ^3.4 ^3.5 "The Nobel Prize in Literature 2011 – Press Release". Nobelprize.org. Retrieved 2011-10-06.
↑ ^4.0 ^4.1 Lea, Richard; Flood (2011-10-06). "Nobel prize for literature goes to Tomas Tranströmer". The Guardian. Retrieved 2011-10-06. {{cite web}}: More than one of |first1= and |first= specified (help)

പുറമെ നിന്നുള്ള കണ്ണികൾ

സാഹിത്യത്തിനുള്ള നോബൽ സമ്മാനം: ജേതാക്കൾ (2001-)

മുഴുവൻ പട്ടിക | ജേതാക്കൾ (1901-1925) | ജേതാക്കൾ (1926-1950) | ജേതാക്കൾ (1951-1975) |ജേതാക്കൾ (1976-2000)

Official Website of Tomas Tranströmer
Biography on Pegasos Archived 2011-05-14 at the Wayback Machine.
Biography and Poems on Poets.org
Biographical profile on Bloodaxe Books website Archived 2011-09-27 at the Wayback Machine.
Griffin Poetry Prize Lifetime Recognition tribute, including audio and video clips Archived 2012-08-14 at the Wayback Machine.
Poems in English translation Archived 2011-07-15 at the Wayback Machine. at Samizdat
Poetry Fix video on Tranströmer Archived 2011-10-10 at the Wayback Machine.

[1] "കവർസ്റ്റോറി". മാധ്യമം ആഴ്ചപ്പതിപ്പ് ലക്കം 714. 2011 ഒക്ടോബർ 31. Retrieved 2013 മാർച്ച് 28. {{cite news}}: Check date values in: |accessdate= and |date= (help)

[nyt-2] 2.0 ^2.1 ^2.2 "Swedish Poet Wins Nobel Prize for Literature - NYTimes.com". The New York Times Company. 2011-10-06. Retrieved 2011-10-06.

[ap_nobel-3] 3.0 ^3.1 ^3.2 ^3.3 ^3.4 ^3.5 "The Nobel Prize in Literature 2011 – Press Release". Nobelprize.org. Retrieved 2011-10-06.

[guardian-4] 4.0 ^4.1 Lea, Richard; Flood (2011-10-06). "Nobel prize for literature goes to Tomas Tranströmer". The Guardian. Retrieved 2011-10-06. {{cite web}}: More than one of |first1= and |first= specified (help)

[1]

[2]

[3]

[4]